May 15

22000里玩盡韓國3地?

琴日同大家介紹佐ANA隻17000里換日本來回機票之後,有好多FANS都COMMENT話係下年新年同復活節, 根本就FULL到換唔到機票, 小編都估唔到一出POST之外大家會換得咁快, 咁去唔到日本, 去邊好呢? 唔緊要, 小編再同大家介紹一隻好抵22000里就可以玩盡首爾,釜山同濟州既換法俾大家。

香港–>首爾 (停留)
首爾–>釜山 (停留)
釜山–>濟州 (停留)
濟州–>首爾 (轉機,可停留24小時,買唔夠既,再出返去首爾買過!)
首爾–>香港

大家都知道ANA係STAR ALLIANCE其中一間航空公司黎, 所以大家係可以用ANA換STAR ALLIANCE裡面既任何機票, 所以我地就可以用ANA MILES去換韓亞航空Asiana Airlines既機票, 而咁換法, 亦只係需要22000里, 仲要唔使分SEASON, 1年12個月, 只要有機位就可以即時出發。

對比起ASIA MILES要3萬里先可以換到韓國, 仲要ONE WORLD係冇韓國內陸機, 用STAR ALLIANCE換絕對係抵好多啊!

May 14

全港至低!17000里換日本來回機票(不同城市出入也可)

今日想同大家ANA呢隻飛行里數計劃。 ANA係STAR ALLIANCE(即係唔係亞洲萬里通)既其中一間航空公司黎既,而作為一間日本既航空公司,佢換去日本既里數當然係全港至低啦。

ANA

 

 

 

 

 

 

 

只需要17000里(low season), 就可以換到由香港去日本既來回機票!當中包括東京、名古屋、関西等等,仲可以不同城市來回,例如東京去,関西返等等。絕對好抵,因為亞洲萬里通換去日本既話,要成30000里啊!只不過咁樣換法就換少佐中間個兩程內陸機,不過宜家PEACH同JETSTAR咁平,自己另外買都好抵啦。

香港–>東京/名古屋/関西
東京/名古屋/関西–>香港

而且STAR ALLIANCE比較少人儲,出機票實易好多!

因為ANA呢隻飛行里數計劃係分SEASON既,所以如果係REGULAR SEASON就要20000,HIGH SEASON就要23000,但無論咩日子去,都平過用亞洲萬里通換啦!

LOW SEASON:
2013: 5/7-6/30, 12/1-12/20
2014: 1/6-2/28, 4/1-4/24, 5/8-6/30, 12/1-12/19
2015: 1/5-2/28

REGULAR SEASON:
2013: 3/1-3/31, 7/1-8/8, 8/19-11/30
2014: 3/1-3/31, 7/1-8/7, 8/19-11/30
2015: 3/1-3/31

HIGH SEASON:
2013: 1/1-1/3, 4/26-5/6, 8/9-8/18, 12/21-12/31
2014: 1/1-1/5, 4/25-5/7, 8/8-8/18, 12/20-12/31
2015: 1/1-1/4

重點推介 LOW SEASON 2014年1/6-2/28同4/1 – 4/24, 嘩!雪祭旺季同櫻花旺季都係17000里就去到日本,仲唔快D FIGHT FOR NEXT YEAR??

 

ANA飛行計劃里數難唔難儲?

答:除佐信用卡比較少之外,其他方面比起ASIA MILES易好多

1. ANA既PARTNER包括佐好多歐洲機, 例如Aegean Airlines, Lufthansa, Etihad Airways, Qatar Airways等等, 而且成日出差既你, 老闆實幫你BOOK Air China啦, 或者衰到叫你返深圳坐Shenzhen Airlines, 如果係新加坡或者澳門人既你, Singapore Airlines同Air Macau都應該成日坐呢吧! 以上所有既機, 全部都可以儲到ANA MILES, 小斯遲D去歐洲GRAD TRIP一程就已經儲佐12000 ANA MILES啦, 嘿嘿! 你話係咪好易儲? 

2. ANA張MEMBER CARD如果你係有EDY卡既話, 你就可以O係日本當八達通咁用, 100YEN儲1MILES, 而且樂天等等既網上MARKET都可以用EDY卡, 真係勁易儲

3. 配合埋大新張ANA CREDIT CARD, 8蚊1個MILES, 而迎新優惠仲有5000個MILES, 想去日本絕對EASY JOB

4. ANA飛行計劃仲可以將你家人(包括表個D)加晒落同一個ACCOUNT到, 例如你成家人一齊去旅行, 隨時又多張機票返黎啦!

聽日就教大家點樣用大新張ANA CREDIT CARD 🙂

May 12

儲里數系列5 – 最佳信用卡組合

首先… 請準備3張信用卡… 包括

1. DBS BLACK CARD
2. CITIBANK PREMIER MILES (首選) / 東亞WORLD MASTER (次選) / 上商Titanium
3. 富邦TITANIUM

本地簽賬:(星期一至五簽帳) 
1. 盡量用DBS BLACK CARD賺盡6蚊1里
2. 如果係BETWEEN 600 – 2000蚊既單一簽帳, 就用富邦張卡, 因為計埋推廣期個抽獎, 最少可以拎多2000分, 即係167里, 等於你用DBS簽多1000蚊
3. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 如果係600蚊以上更可以拎多最少2000分
3. 要注意富邦一個月最多可以拎簽帳額3倍既積分, 同埋一個月最多抽6次獎

海外簽賬(1.95%手續費) :
唔使諗…. 一定係用富邦

(非台日韓) HK $1 = 4 積分 / HK $3 = 1里數
(台灣) HK$1 = 20 積分 / HK $0.6 = 1里數
(日韓) HK$1 = 8積分 / HK $1.5 = 1里數 **登記期內只有兩次機會

網上繳費賬單:
(星期一至五簽帳) 如果真係咁趕逼住要繳費既, 就用上商張卡繳, 8蚊1里
(星期六日每滿HK $300或以上之本地簽賬) 留返所有單係星期六日用富邦找數, 6蚊1里

自動轉賬繳交賬單:記得將所有水電煤電話費用DBS做自動轉帳, 6蚊1里

網上購物:同本地簽帳基本上一樣

(星期一至五簽帳)
1. 盡量用DBS BLACK CARD賺盡6蚊1里
2. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 唔夠300就用AE, 唔收AE就用2.隻卡

八達通自動增值:唔使諗… 一定用2.卡, 8蚊1里

分期簽賬:2.卡, 8蚊一里

積分有限期:DBS無限期, CITIBANK & BEA 無限期, 上商2年, 富邦1年,
所以各位FANS記得年尾個陣清陣富邦同上商D積分,
當你每年轉呢兩張卡, 每年大約要用500蚊(當你上商2年轉一次), 所以大家請申請CITIBANK OR BEA

原則:有得碌卡就碌卡,冇得碌卡都要碌八達通

注:以上儲法唔包括其他短期優惠或集中類別簽帳,例如匯豐6倍獎賞錢,REWARDS卡超市及電訊公司5倍積分,DBS白金全港食肆3倍積分,各位FANS最緊要係了解自己既消費模式黎調節一下上述既信用卡組合….

 

如果用以上方法咁儲, 一年去一次旅行, 絕對唔係難事:)
大家努力啊!! FIGHT FOR THE NEXT SUMMER!!!!

May 11

儲里數系列4 – 高薪人士獨享之CITIBANK PREMIER MILES

又到佐萬眾期望既CITIBANK PREMIER MILES CREDIT CARD既介紹啦… 點解小斯要最後先介紹呢張卡? 因為CITIBANK好衰咁係上年將呢張卡由年薪15萬提升到年薪48萬… 將呢張卡變成佐高薪人士獨享既一張卡… 所以我先最後同大家介紹呢張卡…

citibank

 

 

 

 

 

 

 

 

本地簽賬:$1  = 1.5 分 / $8 = 1里 (12積分)

海外簽賬(1.95%手續費) :$1 = 3 分 / $4 = 1里 (12積分)

自動轉賬繳交賬單:$1  = 1.5 分 / $8 = 1里 (12積分)

CITIBANK網上繳費賬單:0

其他網站網上購物:$1  = 1.5 分 / $8 = 1里 (12積分)

八達通自動增值:$1  = 1.5 分 / $8 = 1里 (12積分)

分期簽賬:$1  = 1.5 分 / $8 = 1里 (12積分)

積分有效期:無限期

兌換亞洲萬里通手續費:免費

年薪要求:48萬

迎新優惠:批卡後簽帳滿1萬蚊以上, 即獲8000里

其他優惠:
1. 免費香港國際機場貴賓室/美髮廊服務
2. 報團用呢張上簽帳, 即可獲免費保險
3. 機場快線買一送一(已完)
4. 旅費回贈, 如果用呢張卡去報團, 訂機票或者任何既海外簽帳, 即係以$100本地簽帳 = $1回贈 及 $100海外簽帳 = $2回贈去扣減上述開支

優點:
1. $8 = 1里, 用唔到AE既時候用佢最岩
2. 換里數同積分無有效期, 幾時換都得啦… 又唔使計黎計去
3. 八仔自動增值最抵, $8 = 1里, 連DBS AE都係得$12 = 1里
4. 旅費回贈絕對抵! 變相1%/2%回贈
5. 免費享用香港國際機場貴賓室… 搭飛機唔使下下等到傻咁可以入去飲下奶茶睇下雜誌啦~
6. 積分轉換過程只需四個工作天… 絕對能夠極速出機票
7. 張卡好靚,haha

缺點:
1. 亦係解決唔到既缺點… 年薪要求48萬=______=” 不過如果係CITIBANK前年既舊客戶既話… 佢地會幫所有原本係白金卡既卡戶升級晒做PREMIER MILES… 所以小斯都見到有好多30歲到既上班一族好多都有呢張卡… 大家有呢張卡既… 請好好利用*V* (小斯心諗:很想要吧)
2. 網上繳費0積分
3. $8=1里,唔係話最抵!不過小斯就覺得佢個旅費回贈係幾抵既

其實CITIBANK仲有一張卡仲正既… 不過要成60萬年薪… 如果FANS有興趣既話…. 可以留言話我地知… 我地會揀個日子同大家介紹:)

呢幾日已經同大家介紹過幾張卡啦… 係聽日… 小斯就會同大家做一個SUMMARY…
請密切期待啊!!!

禁呢到申請啦!

May 10

儲里數系列3 – DBS BLACK CARD

雖然好多FANS都知道用DBS BLACK CARD儲里數係最快既, 但係真正既用法好似大家都仲未太清楚咁… 所以唔好厭小斯好長氣咁介紹多次…
DBS

 

 

 

 

 

 

 

 

本地簽賬:$125  = DBS$1 / $6 = 1里

海外簽賬(1,95%手續費) :$84 = DBS$1 / $4 =1里

自動轉賬:$125 = DBS$1 / $6 = 1里

DBS網上繳費賬單:0

其他網站網上購物:$125  = DBS$1 / $6 = 1里

八達通自動增值:$250  = DBS$1 / $12 = 1里

分期簽賬:$250  = DBS$1 / $12 = 1里

積分有效期:無限期

兌換亞洲萬里通手續費:免費

年薪要求:24萬

迎新優惠:
2016年5月31日前申請,於新卡發出後首2個月內累積本地零售簽賬滿指定金額,可尊享額外$3=1里數兌換比率優惠。

目標簽賬金額 基本獎賞 額外獎賞(額外獎賞上限)
現有客戶 HK$3,000 或以上 2X DBS$ 2X DBS$ (DBS$24)
新客戶 HK$10,000 或以上 2X DBS$ 2X DBS$ (DBS$80)

現有客戶,計返即係簽$3,000,有基本獎賞500里 (3,000/6) + 額外獎賞500里 (=DBS$24),total 1,000里。

新客戶,計返即係簽$10,000,有基本獎賞1,667里 (10,000/6) + 額外獎賞1,666里 (=DBS$80),total 3,333里。

「本地零售簽賬」為所有已誌賬之本地零售交易。為免產生疑問,以下類別之交易將不屬於本地零售簽賬:信用卡免息分期貸款、非港幣交易、現金透支及有關手續費/行政費、八達通之申請費/手續費及自動增值金額、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、「結餘轉戶」、「現金轉戶」、「輕鬆分期付款」計劃、於香港以外的銷售點(就網上交易而言,指商戶 的登記所在地)所進行的港幣交易、繳付保險費用、繳付稅項、透過「星展iBanking網上理財」/銀通櫃員機之「繳費易」服務/24小時客戶服務熱線或其他不時由本行提供之繳費方法繳付的任何繳費賬項、已被取消之簽賬、正在進行索償、退貨及/或退款等之簽賬或本行不時決定之任何其他類別之簽賬。

 

優點:
1. 積分無效期,想幾時去旅行都得
2. 兌換ASIA MILES手續費全免
3. 6蚊1里

缺點:
1. 唔係間間都收AE卡
2. 雖然海外簽帳係4蚊1里,但係AE個RATE同手續費超貴,千祈唔好用AE係外國消費
3. 網上繳費冇分
4. 分期同八達通自動增值服務係12蚊1里

詳情及申請網址:
Black AE – http://www.dbs.com.hk/Black.AE
Black Master – http://www.dbs.com.hk/Black.Master (宜家透過小斯申請Black master,新客可獲額外1,000里,而舊客亦可獲額外500里架!)

May 08

儲里數必備 – 富邦Titanium/白金MASTER卡

之前見有FANS想我介紹一下有咩信用卡好儲里數, 今日就想同大家介紹一間比較冷門既富邦Titanium/白金MASTER卡。

fubon

 

 

 

 

 

 

 

 

本地簽賬:(星期一至五簽帳) $1 = 1 積分 / HK$12 = 1 里數
(星期六日每滿HK $300或以上之本地簽賬) $1 = 2積分 / HK$6 = 1 里數

海外簽賬(1.85%手續費) :(非台日韓) HK $1 = 4 積分 / HK $3 = 1里數
(台灣) HK$1 = 20 積分 / HK $0.6 = 1里數
(日韓) HK$1 = 8積分 / HK $1.5 = 1里數 **登記期內只有兩次機會

網上繳費賬單:(星期一至五簽帳) $1 = 1 積分 / HK$12 = 1 里數
(星期六日每滿HK $300或以上之本地簽賬) $1 = 2積分 / HK$6 = 1 里數

自動轉賬繳交賬單:$1 = 1 積分 / HK$12 = 1 里數

網上購物:(星期一至五簽帳) $1 = 1 積分 / HK$12 = 1 里數
(星期六日單一HK $300或以上之本地簽賬) $1 = 2積分 / HK$6 = 1 里數

八達通自動增值:$1 = 1 積分 / HK$12 = 1 里數

分期簽賬:$1 = 1 積分 / HK$12 = 1 里數

積分有限期:一年

兌換亞洲萬里通手續費:每1000里為單位, 不論換幾多, 總知收$250換一次

推廣:每簽滿$600既單一簽帳, 不論係星期幾簽都好, 都可以打電話登記抽獎, 最少額外獲2000積分(約167里), 最高更可獲30000積分(2500里)

迎新優惠:  1. 上網申請即獲10000積分(約834里)
2. 於首三月簽帳滿$2800, 更可獲50000積分(約4167里)
3. 每成功出一張附屬卡, 每張可獲15000積分(1250里)

優點:

1. 呢張卡最大既優點就係網上繳費可獲6蚊1里。市面上既信用卡好少做到話網上繳費有積分, 就算有都好, 最多都係8蚊1里, 但FUBON呢張卡最大既優點就係, 只要你將所有平時可以用PPS交既單, 全部都留返O係星期六日用FUBON張張網上繳費既話, 已經可獲6蚊1里既優惠

2. 佢宜家簽緊既簽帳即有賞即好抵, 只要你簽夠600蚊, 即刻至少賺多167里, 變相如果你星期六日簽, 仲抵過用DBS BLACK CARD簽

3. 因為佢係MASTER CARD既關係, 所以大多數商戶都會收, 用唔到DBS AE既時候, 用佢就岩晒 (記得要星期六日先好用)

4. 海外簽帳至低$3 = 1里, 仲抵過DBS BLACK CARD!! 如果FANS夠細心既, 仍會知道AE卡個手續費最高同埋個RATE係最差既, MASTER CARD就係繼銀聯之後個RATE最靚既卡

5. 換里數又得, 換錢又得, FUBON呢張卡可用20000積分換取100蚊免簽帳額, 比起市面上既卡簽少至少5000蚊就可以換到100蚊洗

6. 無論你換幾多里都好, 佢係咪都係收你250蚊手續費

缺點:

1. 有效期只有1年, 所以大家記得O係年尾既時候用晒佢… 唔係D分就會同大家講88

2. 一個月最多只能夠賺取CREDIT既三倍積分, 真係容乜易就爆積分呀=0=

3. 非星期六日既簽帳係12蚊為一里, 大家記得唔好用錯卡黎簽帳呀…

 

大家可以會問啦… 咁星期一至五要簽帳, 佢又唔收AE個陣, 我又冇咁高人工, 冇CITIBANK張PREMIUM MILES個陣, 應該用邊張黎簽呀? 小斯將會聽日再開估! FANS亦都可以估下邊個係最抵啊!! 🙂

 

May 07

賺盡30000里! – 七月瘋狂SHOPPING賞花之旅(日本篇)

七月就到了!大家會諗起D咩? 就係大減價啦!如果大家現時有三萬里既話,不妨可以諗下換去日本(雖然宜家先換可能有少少遲,大家要知道香港人有幾愛日本先得架^V^),不過小斯我前幾日都仲出到票,相信肯就下日子就會有位既J

香港HKG–>関西空港KIX
関西空港KIX–>札幌CTS (自費)
函館空港HKD–>東京HND
東京HND–>香港HKG

首先換去関西到玩幾日,関西值得玩既包括:
大阪(環球影城、大阪城等等),其實小斯覺得大阪幾悶,哈哈!

日本環球影城
USJ
 

 

 

 

 

 

 

 

京都(清水寺、金閣寺、銀閣寺、嵯峨野等等),小斯覺得京都好值得玩,係清水寺記得要借和服靚,配合埋充滿日式既寺院拍攝,簡正一流!之後金閣寺仍好GRAND,嵯峨野既小火車仍非常正!

和服初體驗之清水寺

清水寺

 

 

 

 

 

 

 

 

神戸既有馬溫泉,超級有名既金湯銀湯溫泉,絕對要試一下,小斯上年五月既時候就去過一間叫兆楽既溫泉旅館,非常正!只需大約13000日元左右,就可以享受露天溫泉,而且仲有正宗既懷石料理,有和牛同河豚食,一泊兩食,完全係五星級既享受:P

銀湯

銀湯

 

 

 

 

 

 

 

 

 

 

 

 

和牛!!!小斯見到個下真係嗌佐出黎!

和牛

 

 

 

 

 

 

 

 

 

奈良一日遊,奈良大約半日至一日就可以,因為主要係去奈良公園到玩鹿,同俾佢地追住黎咬,哈哈!!!

奈良D鹿為食到連我支雪條都唔放過!!哈哈!

OLYMPUS DIGITAL CAMERA

 

 

 

 

 

 

 

 

 

 

 

 

然後夜晚去神戸港睇夜景。

 

関西大約已經可以玩成一個星期。

 

然後去札幌。

 

北海道夏天推介既地方包括:

札幌(食食食食食同食!小斯特別推介一間日本食蟹好出名既餐廳,叫かに本家,即係大家成日見到好大隻蟹係到個間,真係好新鮮好好味!然後北海道既玉米仍好出名!牛乳,サッポロビール(札幌啤酒),哈密瓜,ROYCE仍好出名!)

 

富良野同美瑛(主要梗係要去睇太陽花同薰衣草啦!)

花田<3<3

OLYMPUS DIGITAL CAMERA

 

 

 

 

 

 

 

 

 

個太陽花仲大過我個頭呀!

OLYMPUS DIGITAL CAMERA

 

 

 

 

 

 

 

 

登別(溫泉同地獄谷,地獄谷幾有趣,但登別溫泉我覺得同神戸既就冇得比啦,哈哈!)

 

函館夜景等等

 

北海道呢到大約又可以玩返5-6日左右。

 

然後最後再搭返JAL落返東京,落東京做乜?梗係掃貨啦!七月大減價,仲要宜家YEN 78折喳喎! 名牌子既野小斯就買唔起就介紹唔到俾大家啦,我就最鍾意食日本零食

既,所以就同大家介紹一間賣零食超大,超齊既鋪頭。係上野個條街,一路正行,見到BIG CAMERA之後轉右再一直行,就會見到一間超大間既二木の菓子,小斯每次去日本都會買返1-2萬YEN零食返香港,因為實在太平太抵啦,759都鬥佢唔過,哈哈!!

IMG_8749

 

 

 

 

 

 

 

 

 

 

咁樣玩一玩,張機票加埋先大約一千蚊,宜家一張大阪來回既PEACH,未加行李都要成3千港紙啦!咁樣換機票法真係摼佐好多!又可以玩多個袋啦大家!哈哈

小提示:

1. ASIAMILES因為太多人換既關係,建議大家準備好晒幾個日期先去打去換機票,因為個HOTLINE真係好FULL,大家係MARCO POLO CLUB會好少少,會快D!不過小斯都試過等成一個鐘先有人聽,真係人都癲!建議大家可以禁英文或者普通話CHANNEL,會快少少有人聽。

2. 其實我地仲有兩次轉機既機會未用, 如果大家換唔到東京返香港既飛機, 其實可以先O係関西自費去佐東京玩先, 然後先換去北海道既飛機, 最後由北海道去中部機場轉機返香港, 因為中部機場相對上比較少人換, 會容易D搶到返香港既機票:)

實不相暪,小斯係一個日本迷,每年去日本去到好似返鄉下咁,希望今次呢篇攻略夠詳細,如果大家仲有D咩想問既或者想報料既,歡迎大家留COMMENT啊:)

May 06

賺盡15000里 – 台灣篇(台南台東台中台北瘋狂遊)

其實15000里可以話係一個起步點黎,因為換到既機票唔算太多,所以作為第一個POST,我想教大家換住隻最簡單既台灣先。

香港HKG–>台中RMQ/高雄KHH
台北TPE–>香港HKG

先去高雄玩1日,再落墾丁玩返2-3日,感受一下日治時期既台灣,再轉返上高雄,再由高雄坐火車去台東坐船去綠島,玩2日到,轉返出去台東。

然後再上花蓮大約玩返4-5日,如有精力,建議玩完花蓮後轉返入去台中個邊,去廬山浸下溫泉,去清境睇下綿羊,同去阿里山睇日出,三個地方加埋大約可以玩到4日。最後去返台中行下全台灣最大既逢甲夜市之後,就可以搭返高鐵上台北,價錢大約係百幾蚊港紙。

再係台北玩返4-5日到,其中仲可以即日來回宜蘭,最後係台北返香港。全程歷時大概係20幾日到。

呢隻當然係最瘋狂既玩法啦,如果大家覺得CHUR,可以自行調節一下地點同時間,例如CUT佐台中,直接上台北等等。因為ASIAMILES係好彈性既:)

大家可以會問啦,台灣宜家港航都係做緊千幾蚊姐,做乜要換台灣咁浪費呢?因為大家要留意,港航既平機票最多都係停留14日,如果大家想環島遊既話,根本冇可能做到。超過14日既機票我CHECK過都大約要3千蚊連稅左右,而且OPEN JAW既機票優惠仍好少,如果大家咁換既話,又唔使行回頭路,又大約就可以摼佐成2千蚊了^V^

 

台灣既最南點

台灣最南點

 

 

 

 

 

 

 

 

 

 

 

 

台灣既綠島

綠島

 

 

 

 

 

 

 

 

 

廬山溫泉,我都浸過,好正=V= 仲有D魚仔會大家食腳皮^^

廬山溫泉

 

 

 

 

 

 

 

 

 

 

歡迎各位提供更多瘋狂而又摼錢既玩法啊:P

May 05

免費機票遊世界 無懼暑假附加費

香港HKG->名古屋NGO
東京NRT->札幌CTS
札幌CTS->東京NRT->香港HKG

呢張無敵東京SHOPPING加靚爆薰衣草北海道之旅既機票,相信大家一見到都會心動。大家不妨估下呢張機票幾錢?暑假去喎!宜家日本機票升到咁貴,連PEACH都要3千幾4千,宜家仲要去埋北海道,4至5千走唔郁啦!錯!答案係851蚊!

用飛行里數去換機票去旅行,只需要俾返機場稅同燃料附加費,就可以避開晒所有喺長假期另外徵收既附加費,開開心心去旅行。絕對適合一D工作時間穩定,可以預先知道假期既朋友仔。邊個話老師既人工係包埋長假期既附加費?飛行里數絕對可以解決呢個問題!

作為第一個POST,我想同大家介紹下一個香港人最常儲既飛行里數計劃 – 亞洲萬里通(ASIAMILES)。只要乘搭亞洲萬里通計劃下既航空公司,就可以獲取里數,換取免費機票。

航空公司包括:愛爾蘭航空、柏林航空、中國國際航空、新西蘭航空、阿拉斯加航空、美國航空、英國航空、國泰航空、中國東方航空、港龍航空、芬蘭航空、海灣航空、西班牙國家航空、日本航空、印度捷特航空、LAN、馬來西亞航空、澳洲航空、皇家汶萊航空、皇家約旦航空、S7航空

點解香港人大多都係儲ASIAMILES?

1. 大部份既信用卡都可以將積分轉做ASIAMILES,即係話你每洗緊既一蚊都會為你帶黎免費機票

2. 計劃包括國泰航空,要知道由香港出發既航班有一半以上都係CATHAY PACIFIC既,換言之,ASIAMILES絕對可以天天出發

3. 可以用盡STOPOVER同OPEN JAW,玩多幾個地方

下個POST我將會同大家分享點樣可以將你既里數換到一張用最低價錢但係能夠去最多地方既一張機票!如果大家都有換機票既經驗,歡迎一齊分享一下呀!! ^V^