Oct 20

住Hilton 賺里數(ANA/Asia Miles)

宜家直至今年12月31日住Hilton旗下既酒店,可賺取3倍亞洲萬里通里數!

第一步:係以下網址登記呢個promotion
Asia Miles: http://www.hiltonhhonors.com/processlanding/processlanding/?var=hEBMEJQbC8OMwKNRR/Eo4Ie3VHfmnf60Z6+LNU9eu2w=

ANA:http://www.hiltonhhonors.com/processlanding/processlanding/?var=EuHiJaRo+EUW/OzVHuWp5U9yqHOtT+89s/5BTd7TJG4=

第二步:My account–>Edit Preferences–>Change Earning Style–>點”Points and Fixed Miles” or “Points and Variable Miles”

第三步:係同一句裡面click “Fix miles by travel partner” or “Variable miles by travel partner”,再揀返Cathay Pacific AsiaMiles or ANA (depends on你想儲咩)

完成以上三步,就可以搞惦晒成個登記過程。

 

Points and Fixed/Variable Miles

“Points and Fixed Miles”:不論價錢,入住Waldorf Astoria, Conrad, Hilton, DoubleTree, Embassy Suites, Hilton Garden Inn and Hilton Grand Vacations就可每次賺取500 miles/入住Hampton Inn and Homewood Suites就只可賺取100。(所以呢個叫fixed)

“Points and Variable Miles”:入住全球Hilton酒店(Home2 Suites除外),每1美金可賺取1 miles,所以呢個叫Variable,如果你住間酒店係total貴過500美金既建議揀variable。

3倍里數詳情

1. 入住大中華既酒店,包括香港、澳門同中國既,可以獲得3倍里數,例如你係揀Points and Fixed Miles既,住一次已經可以有1500里了!(500 x 3)

2. 入住大中華區以外既酒店,就可獲2倍里數,例如你係揀Points and Fixed Miles既,住一次可以有1000里!(500 x 2)

另外,如果星期五六日入住大中華區酒店,可每額外獲100里bonus (只限Asia miles

 

Terms既可以參加呢個網址:

Asia Miles: http://www.hiltonhhonors.com/processlanding/processlanding/?var=hEBMEJQbC8OMwKNRR/Eo4Ie3VHfmnf60Z6+LNU9eu2w=

ANA:http://www.hiltonhhonors.com/processlanding/processlanding/?var=EuHiJaRo+EUW/OzVHuWp5U9yqHOtT+89s/5BTd7TJG4=

Oct 15

長榮航空哩程抵扣購票優惠!

之前好多fans都有問,長榮航空d里數有冇得轉返去其他star alliance既airline例如ANA同UA呀,答案係冇架!

不過,咁之前見平而搭佐長榮,儲落佐少少里數咁點算呢?其實長榮航空係有個哩程抵扣購票優惠既,大家可以用少至500里,就可以抵扣大約幾十蚊既機票錢,雖然係少少錢啦,但起碼可以用埋唔小心儲落個D里數嘛:P

下次搭長榮個陣記得將里數儲返落其他star alliance既airline到啦^^

 

香港往台北機票之兌換詳情如下:

艙等 訂位艙等 出發日期(2013年) 最少哩程數 兌換率*
(每1000哩)
經濟艙 Q 06/01-06/20, 09/01-09/10 500 HKD69.8
M, H 05/20-06/30, 09/01-09/15, 12/01-12/20 HKD62.0
Y, B 04/22-12/31 1,000 HKD58.1
商務艙 D 06/01-06/20, 09/01-09/10 HKD69.8
J 05/20-06/30, 09/01-09/15, 12/01-12/20 HKD62.0
C 04/22-12/31 HKD58.1

至於出發到其他地方既,可以訂機票個陣慢慢用里數試下可以抵扣到幾多。

 

注意事項 :

  1. 購買者必須是同行的旅客(第一位購買旅客必須是登入的無限萬哩遊會員本人)。
    小斯按:即係唔可以用黎幫朋友仔買架,除非一齊去啦~
  2. 若同一訂位代號之旅客有多人為無限萬哩遊會員,則以登入本專區之購買者的卡別來認定購買者可適用的優惠價格(例:購買者為銀卡無限萬哩遊會員,則同一訂位 代號之購票旅客皆可適用銀卡之優惠折扣價購票)。
    小斯按:所以買機票個陣最好搵個級數最高既朋友仔黎買
  3. 若同一訂位代號之旅客為多人使用哩程抵扣購票,本系統將以登入本專區之購買者的卡別來認定購買者可適用的優惠哩程抵扣票價,而且需 一併扣除訂位代號中之其他同行者哩程(例:同一訂位代號共有四人,則系統將扣除登入本專區之購買者其無限萬哩遊會員帳號下之四人的總哩程數),故請於購票前事先查詢哩程數或進行哩程轉讓事宜以利交易之進行。
    小斯按:即係話唔使好似港航咁要分開一張一張票咁出,可以一次過出晒朋友仔既票,但係要注意咁出既話就扣你4倍里數架啦~
  4. 於本網路購票系統使用Miles & Cash交易,其以哩程所折抵的金額,將平均分配於每一位旅客的票價日後若需退票,將以此金額作為退款的依據。
    小斯按:即係話退票係冇得退返D Miles既。
  5. 使用哩程抵扣的網路購票,機票一經使用,若要進行退票恕不歸還抵扣的哩程
  6. 適用於搭乘長榮航空或立榮航空國際線單程、同一啟程地/目的地之來回行程(不含中途停留及不同點進出之行程),部分航點及促銷票價不適用。

詳情:http://www.evaair.com/zh-hk/hongkong/evaair-miles-and-cash.html

教學:http://www.evaair.com/zh-tw/book-and-manage-your-trip/book-a-flight/hot-efare/

Oct 11

聯合航空MileagePlus飛行里程計劃兌換機票教學

換機票網址:https://www.united.com/web/en-US/apps/booking/flight/searchAward.aspx

 

原則

原則一:最多只可以換三程機,即係有三個destination,而去每個destination既轉機次數大致不限,咁你去一個地方都唔會特登轉幾次機先到啦,係咪?

 

原則二:1個Stopover同2個Openjaw

 

原則三:換2送1原則,搭完一個來回程之後就可以送多一程機俾你,即係話係兩次旅行黎。例如香港去A地方再返黎A地方再飛去B地方咁。但係唔可以香港去A地方再香港去B地方再B地方去A地方。

香港–>A
A–>香港
香港–>B OK

但係:

香港–>A
香港–>B
B–>香港 唔得

所以結論係可以2+1但唔可以1+2。

 

原則四:唔可以走回頭路。例如我2個程來回完日本之後,1個程係唔可以返番日本。

例如:
香港–>大阪
大阪–>香港
香港–>東京

 

實例:

一.普通來回程(同asia miles一樣)

A–>B
B–>A

例子 :
香港–>大阪
大阪–>香港

基本來回

 

 

 

 

 

 

 

二.普通來回程,中間有openjaw(同asia miles一樣)

A–>B
B–>C
D–>A

例子:
香港–>大阪
大阪–>東京
名古屋–>香港

基本來回(openjaw1)

 

 

 

 

 

 

 

 

 

 

 

或者

A–>B
C–>D
D–>A

例子:
香港–>大阪
名古屋–>東京
東京–>香港

基本來回(openjaw2)

 

 

 

 

 

 

 

 

 

 

 

三.普通來回程(中間一個stopover)

A–>B
B–>C
C–>A

例子:
香港–>大阪
大阪–>東京
東京–>香港

基本來回(stopover)

 

 

 

 

 

 

 

 

 

四.必學,一個行程,兩個旅行大法

A–>B
C–>A
A–>D

例子:
香港–>大阪
名古屋–>香港
香港–>新加坡

兩個旅行大法2

 

 

 

 

 

 

 

 

 

 

 

呢個方法咁換有乜好呢,第三程個到,其實係最遲可以係你換既日期起計十二個月內出發,即係話,例如我今日換機票,十月飛完日本來換啦,就可以下年最遲十月尾再飛埋新加坡,免費賺多次旅行!到時自己去scoot個D幾舊水出返張機票返香港就得啦=P

 

 

Oct 04

兌換亞洲萬里通里數 送額外10-20%里數獎賞

mega_bonus_TCr

 

 

 

 

如果大家張富邦,上銀,匯豐等等既信用卡差唔多到期既話,又或者想去旅行,要用分換里數既話,大家有福了!由宜家到11月30號,只要大家用信用卡積分兌換亞洲萬里通里數,就可以獲得10-20%額外里數獎賞,最多20000里!

 

條款及細則

一。登記及推廣日期由2013年9月30日至11月30日(首尾兩天包括在內)。會員必須在推廣期間於網上登記,並到「亞洲萬里通」非航空夥伴機構作出認可交易,方可賺取額外里數。

登記網址:http://www.asiamiles.com/am/zh/about/news/detail?refID=39ff790730951410VgnVCM62000007d21c39RCRD

累積認可里數     額外里數
5000 – 19999         500
20000 – 49999      3000
50000 – 99999      9000
100000                 20000

*係計累積,所以唔係一次性既活動黎,係睇你係呢個period裡面儲到幾多里數黎送你額外里數

 

二。適用於本推廣活動之認可里數:

1. 金融及保險類別:

a) 直接憑美國運通國泰航空信用卡、國泰航空 RBC® Visa‡ 白金卡及交通銀行亞洲萬里通信用卡簽賬賺取之基本里數(額外里數除外)、
b) 從指定信用卡積分轉換而來的里數,指定信用卡名單如下:https://www.asiamiles.com/am/zh/earn/finance?

*只要顯示於「亞洲萬里通」或馬可孛羅會月結單上之交易日期在推廣期以內即可。即係話唔係計你申請換個日,係計你換到個日,所以唔好11月先走去換呀!

2. 酒店類別
3. 電訊類別
4. 汽車及運輸類別
5. 零售類別
6. 餐膳及宴會類別
7. 旅遊及消閒類別
8. 專業服務類別

以上八個類別透過一般消費及推廣活動賺取之里數,只要其交易日期在推廣期以內即可。

三。不適用於本推廣活動之里數:

1. 金融類別:透過美國運通卡會員積分計劃Compass Rewards轉換而來的里數憑美國運通國泰航空公司卡簽賬賺取之里數及透過其他銀行產品及信用卡迎新優惠賺取的里數

其實重點就係,所有額外得來既里數都唔可以計落累積認可里數到,例如美國運通卡會員積分計劃,Compass Rewards呢D就係一D銀行額外既里數計劃黎;而且,用任何既銀行產品或者信用卡額外得到既里數,例如迎新優惠,又或者係個D簽夠幾多錢就送你里數既,一論唔計算在內。其實個原則就係唔係用分換里數或者用本身會直接係月底自動轉里數既credit card簽帳賺里數,而係透過銀行一D推廣活動而獲得既里數既話(注意係里數,如果銀行活動係送分既話就不在此限),就唔可以計算落認可里數內。

2. 由 「亞洲萬里通」美食家推廣活動於2013年9月1日至10月31日期間送出之額外里數
3. 由「亞洲萬里通」iShop
4. 及所有夥伴機構之幸運抽獎活動送出之額外里數及透過points.com轉換而來的里數

每位會員只可登記並參與本推廣活動一次,並只可獲得其中一個累積認可里數組別之額外里數,而最高可獲額外20,000「亞洲萬里通」里數。公司「亞洲萬里通」會員不可參與本推廣活動。

 

四。額外里數將於2014年1月31日前存入會員之「亞洲萬里通」賬戶。

換句話講,即係只要用信用卡喺11月30日之前(計換到個日,唔係申請換個日),兌換到10萬里既話,就可獲得額外2萬里啦!所以不論係張信用卡就黎到期,例如上商、富邦、東亞、渣打、HSBC等等,又或者係一D無限期既信用卡,甚至係用唔同信用卡兌換,只要加埋既認可里數達到5000以上,都可以獲得額外里數獎賞!

宜家好快D簽多D,一次過11月個陣換晒佢啦:P

Oct 01

洲際酒店集團白金卡入手攻略

之前就同大家介紹過點樣可以獲取雅高集團既白金卡,反應非常熱烈,相信好多位fans都已經申請成功啦!之但係原來我地係可以憑住呢一張免費得來既雅高集團白金卡黎Status Match with其他酒店集團計劃,繼而拎埋其他酒店既白金卡架!

Status match!

Status match係指利用其他酒店常客計劃既精英會員身份(白金卡、金卡),向其他酒店提出直接成為白金卡會員既申請,可以通過電子郵件同電話申請兩種途徑完成,需要提供既資料有,用黎match既會員卡號同埋常客計劃會員級別、卡號,積分等等

當前已知可以通過match成為洲際IHG Rewards Cub白金卡的有:

SPG Starwood Preferred Guest 白金卡
萬豪禮賞 Marriott Rewards白金卡、金卡
希爾頓榮譽會 Hilton Hhonors 鑽石卡、金卡
Best Western Rewards 鑽石卡
Hyatt Gold Passport 鑽石卡

如果你有上述酒店常客計劃指定會員級別既卡的話,send email 到呢到向洲際提出直接成為白金卡會員就得 : [email protected]

我只係得Accor白金卡點算?

好多fans可能會問,我好少住酒店同玩呢D酒店計劃,我淨係得Accor張白金卡咁點match呀? 唔使怕,小斯教大家一個方法。

因為本身Accor白金卡可以match到Best western 鑽石卡或者Club carlson既金卡,只要大家首先send email去Best western request佐張鑽石卡先,然後就可以用Best western張鑽石卡去match返落IHG Rewards Cub既白金卡到啦!IHG Rewards Club有乜咁抵玩?睇返我地D舊post啦:http://flyformiles.hk/?p=658

Best Western Status Match Form: http://www.bestwestern.com/rewards/offers/statusmatch-form.pdf

做乜咁遲先教我地申請架?小斯.\__/.

咁正既野,點解小斯要遲遲等到十月先同大家講呢,就係因為如果大家等到今日開始先申請既話,match到既白金卡係可以有1年零3個月到既有限期架,即係可以用到成2014年既12月31日!之前match到既,一般都係得一年架喳!即係話,一match到大家就可以享用到成1年有多既upgrade服務啦:P

有時候窮遊都可以窮遊得好華麗既~只要你識儲里數同玩酒店計劃,隨時仲平過啲Backpackers呀^^

Oct 01

最抵玩的酒店會員制度介紹 : 洲際酒店集團 IHG Rewards Club

上次我地介紹過SPG,反應熱烈!今次介紹全球最大酒店集團 – 洲際酒店集團 IHG Rewards Club

相比於SPG 黎講,這個制度的優點有3個:

1. 集團酒店覆蓋率高 (由高檔Intercontinental 到中檔 Crowne plaza ,接著經濟型酒店Holiday inn express)

2. 容易儲分換免費房間 (*呢個是這篇文章的重點)

3. 有point break 呢個制度,可以5000分換一晚免房

缺點是: 酒店質素參差,有些酒店已經很舊,很少能夠享有房間升級,延遲退房一般只能到兩點

洲際酒店集團(Intercontinental Hotels Group 簡稱IHG )總部在英國,成立於1777年,是目前全球最大及網絡分布最廣的酒店管理集團,集團旗下的酒店品牌有:

洲際酒店 (Intercontinental)
皇冠假日酒店 (Crowne Plaza)
英迪格 (Hotel Indigo)
假日酒店 (Holiday Inn)
智選假日(Express by Holiday Inn)

洲際酒店集團 IHG Rewards Club是洲際集團的常客計劃。,會員等級分為俱樂部會員(Club)、金卡會員(G)、白金卡會員(P)三個等級。

會員註冊在這裡:https://www.ihg.com/rewardsclub/us/en/join/register

今次不介紹club 會員及金卡會員,皆因這兩個級別的會員都是沒有待遇及優惠的,只有一項,就是送免費迎賓飲品及免費網絡。而白金卡會員的待遇相比其他集團也很寒酸的,客房只能升一級,大部分情況下由普通房不能升上行政房及套房,原因是由普通房至行政房中間,還分了幾個等級。

如何達到白金卡

IHG Club的白金卡要求非常嚴格,需要每年住50晚或以上或者儲分數達到60000分才能獲得白金卡。小編幸運地擁有這個白金卡,不過當然無可能住了50晚以上啦! 小編的白金卡是這樣得來的…

Status match!  (已完)

Status match是指利用其他酒店常客計劃的精英會員身份(白金卡、金卡),向Priority Club提出直接成為白金卡會員的申請,可以通過電子郵件和電話申請兩種途徑完成,需要提供的資料有,PCR會員卡號及其他常客計劃會員級別、卡號,積分。

當前已知可以通過match成為PCR白金卡的有:

SPG Starwood Preferred Guest 白金卡
萬豪禮賞 Marriott Rewards白金卡、金卡
希爾頓榮譽會 Hilton Hhonors 鑽石卡、金卡 (小編是用這張金卡match白金卡返黎的)
Best Western 鑽石卡

send email 到這裡就得 : [email protected]

儲分換免費房

一般來講,普遍會員每消費一美元可以儲十分,以一晚澳門holiday inn 來說,$100 usd 可以儲到1000分。白金卡會員可以再多儲50%!

一晚免費房由10000分起,至最高級50000分,曼谷的holiday inn 15000分,曼谷的crowne plaza是25000分的。

如何快速儲分

以一美元儲十分的速度,有排儲啦! 差唔多要住十晚先可以有一晚送!但係儲分重點係呢度,IHG呢個制度有好多儲分的code 讓會員登記的,有anniversary bonus、welcome back bonus、new member bonus 等等,這些code 都是住一次會送額外分的,一次過可以註冊多個code,以住一晚來說,註冊幾個code 的話一晚就可以儲到6000至8000分! 即是平均住2至3晚就可以送一晚免費房!

code list 係呢度:http://www.priorityclubinsider.com/all-current-points-offers/

Point break

Point break 是指IHG推出的計劃,每一季度出一次,每一期PB將放出全球數十家酒店的名額,會員可以用5000分/晚的超低價兌換免房。PB的更新時間沒有定時頻率,因為名額每期有限,所以最好經常關注point break 的連接,經常有一些Intercontinental 酒店可以用5000分兌換! 例如上一排試過有出過5000 的vietnam 同fiji 的Intercontinental resort!

http://www.ihg.com/hotels/us/en/global/redeem-rewards/pointbreaks

Sep 15

開學系列:點交學費好?

相信大家開學無耐,應該開始收到學費單架啦,因為學校做野勁慢,唯一最快既就係收你學費。知慳識儉既小斯梗係會用信用卡交學費黎賺下里數或者cash dollar啦!但係用邊張卡交學費好?宜家話俾大家知!

選擇1,仍係最佳選擇,富邦信用卡
用富邦卡星期六日上ebanking交學費,即可賺雙倍分,計返即係6蚊1里,或者1%回贈。要注意既係,呢張卡每個月儲分既limit係credit既3倍,同埋富邦比較沽寒,一般都批幾少credit出黎,所以大家要計住碌呀!

選擇2,恆生信用卡/恆生大學卡
2.1 恆生信用卡:用恆生信用卡上網交學費或者任何關於教育既野(要注意,咩叫上網交係指上返你學校個網交,ebanking係唔包既),即係會計同埋精算等等要考個D考試費都計架,就可以獲得3倍cash dollar,計返即係1.2%回贈,如果你係enjoy card,即係1.5%回贈。

2.2 大學聯營卡(我已知有中大,浸大,城大同恆管):「 大 學 聯 營 信 用 卡 3x Cash Dollars 自 我 增 值 獎 賞 計 劃 」,用呢張信用卡上網或者ebanking交學費(注意,呢張卡就受ebanking),就可以獲得3倍cash dollar,計返即係1.2%回贈。但係學費唔係話個個course都得,一定要係持續進修基金claim到既course先得,網址如下:http://www.sfaa.gov.hk/cef/cnlist.htm。小斯check過,所有本身有政府贊助既degree課程都唔包,但多數asso或者文憑course都會包既。

以上兩張卡係碌之前都要先打電話去登記:2998 6000

如果唔係係持續進修基金個list裡面又或者唔可以去返學校個網交既,就會只有0.4%回贈。

選擇3,東亞白金信用卡or上海商業銀行
用ebanking交都可以有8蚊1里或者0.4%回贈。

選擇4,渣打信用卡
用ebanking交都可以有0.5%回贈,但只能夠換百佳禮卷。

選擇5,大新信用卡
用ebanking繳費有1%回贈。

大致選擇係咁多,所以總結就係,點都申請返張富邦卡黎看門口啦!

Sep 11

港龍航空:「尋最中國」

配合返今期國泰Fanfares既中國大陸主打,小斯想同大家分享一下我一個奇怪既興趣。

有時候我無錢但有時間或者返學返到傻佐,做pro做到癲佐個陣,都會開港龍航空個「尋最中國」,睇下港龍有飛中國邊到,就睇下個到有乜好玩。因為佢個到有好多package,可以用黎參加一下大陸有乜咁好玩!拿!我唔係叫大家坐港龍呀,係睇佢個圖喳,因為小斯不嬲都係春秋航空既忠實Fans黎XD

China

 

 

 

 

 

 

 

 

 
http://destination.dragonair.com/china/

 

 

其實大陸好好玩架!小斯岩岩就玩完廈門福州返黎,又平又靚又正!*V*

唔知又有冇Fans同小斯一樣最鍾意窮遊大陸既呢?

Sep 09

新概念:賺現金回贈買平機票,無懼積分有限期

今次打呢個post既目的,係主要想話俾大家知,其實我地儲里數之餘,有時候如果積分到期又或者唔想俾手續費去換里數既話,係可以選擇換現金回贈黎買平機票,咁最後都係可以免費去到旅行既。不過換里數定換現金好,其實就好睇個人消費能力同想去邊到啦~

Cash Dollar

 

 

 

 

 

 

 

 

 

 

值得推介既卡有富邦、匯豐、Citibank PM同DBS Black Card,呢四張卡其他無論係儲里數好定儲現金回贈都好,都係非常抵。Citibank PM岩D高收入人士用,簽1萬就有100蚊旅費扣減其實真係OK抵既!而富邦、匯豐同DBS Black Card更加門檻好抵,學生哥都可以申請,到年尾儲唔到機票既,咪換現金回贈囉,都夠錢買張Peach返黎架!學生哥既,可以用富邦黎交學費同海外簽賬,匯豐用黎碌食肆,DBS用黎睇戲等等,計落一年儲返千幾蚊現金回贈真係無難度。匯豐宜家仲做緊簽夠500蚊以上,就有多額外$20獎賞錢,真係抵到喊呀,而且換惠康禮卷仲有7折,所以大家唔好成日同小斯講話想要張無限期既卡啦,有限期既,咪變佢做錢囉^^

而於另外其他我highlight佐既卡,都係屬於食飯卡黎,例如DBS白金同東亞銀聯,至於岩唔岩用就好睇大家既消費習慣啦!

記住冇一張卡係萬能既,除非你係百萬富翁,咁個張卡真係一卡走天涯,可惜百萬富翁就唔使好似小斯咁左計右計咁儲里數啦XD 所以大家一定要了解自己既消費習慣同目標,去揀一系列適合自己既卡。如果揀唔到既可以留言問我^^

遲D我會教下大家點儲UA miles,不過可能儲UA miles既就只適用於D高消費人士或者老闆們啦!但係UA咁咁多個計劃之中最抵既!所以有本錢既一定要儲呀!就係呢到做定預告引下大家先啦:P

Sep 04

搭日本任何內陸機,達美另外醒你500里!

暑假就岩岩過佐啦,唔知大家係咪都同小斯一樣,去佐日本shop過靚ping好開心呢?話說小斯喺北海道打工換宿個陣撞到好多香港人,佢地不約而同都同小斯講係先到佐日本先再轉內陸機黎北海道既。原來咁多香港人都咁醒識轉內陸機,咁小斯就要同大家介紹一個達美航空既bonus miles啦!

只要乘搭過日本既內陸機,唔理任何公司,廉航都得,搭完兩個月內填返份form,再fax或者寄返俾達美,就可以換到extra既500 miles per one flight啦!而推介做到下年三年,最多換10程機。因為呢個program係達美個邊獨立做既,所以就算你搭Ana或者JAL已經儲佐佢地既miles都好,達美都會俾500 bonus miles你。

但記住,如果係check in個陣即場出個啲機票,例如係賠俾你個啲係冇得申請架!

儲達美有乜好?達美d miles無限期既,咪由佢擺係到,終有一日會換到去日本或者美國既!

搭佐日本內陸機既fans們,快啲claim返500 miles啦!

Form, Fax number同address係呢到:http://zt.delta.com/content/www/en_US/skymiles/earn-miles/earn-miles-with-partners/airlines/japan-500-bonus-miles-campaign.html

注意:呢個優惠因為係要係有日本地址既會員先可以參加既關係,大家最好先將地址改做日本先啊!