一生人一次 – 傳說中只要看見極光,就會幸福一輩子!

琴日有FANS問我有關於換去芬蘭睇北極光既野, 就令到小斯去SEARCH下有關資料, 就發現原來傳說中只要看見極光… 就會幸福一輩子… 所以小斯就急不及待要話俾大家知點換去芬蘭!

th

 

 

 

 

 

 

 

 

 

1. 香港HKG–>芬蘭赫爾辛基HEL (轉機)
2. 赫爾辛基HEL–> 羅瓦涅米RVN (自費機票)
3. 羅瓦涅米RVN–>赫爾辛基HEL  (自費機票) 來回1千蚊左右
4. 赫爾辛基HEL–>香港HKG

咁換法… 要用既里數係45000里… 全程坐芬蘭航空, 如果大家想去埋伊瓦婁IVL, 要換機票去既話就要俾多15000里啦… 所以唔建議去換… 寧願自己俾錢搭內陸機仲抵…

咁俾多15000去邊到會抵D呢… 就係走一轉LONDON啦… 俾多15000飛去MANCHESTER… 再OPENJAW埋O係LONDON經芬蘭轉機返香港… 咁呢15000里先用得抵架嘛…

希望大家睇到極光… 幸福一輩子 🙂

亞洲萬里通 – 里數兌換機票教學

成日都有FANS問我地點換機票, 今次同大家提供一下教學啦:)

方法1:
如果係換港龍同國泰既機票(只限好簡單既就咁來回飛),你最遲可於航班啟航3小時前直接登入以下網址預訂:
https://www.cathaypacific.com/cpa/zh_INTL/RedemptionLogin

方法二:
如果你想加D停留或者OPEN JAW, 你就要打熱線2747 3838去訂, 如果你係MACRO POLO CLUB, 請打2747 5500, 鑽石卡既請打2747 3888, 建議大家打MACRO POLO CLUB熱線, 因為亞洲萬里通個條真係十世都冇人聽…

同埋… 小編自己覺得D客服其實自己可能都唔太清楚係點換機票, 建議大家換之前先上黎問一問我地, 唔係客服會打死都話唔可以咁換…

因為熱線真係好難打得通, 建議大家一定要準備好晒航段同埋同FD夾好晒時間, 仲要多幾個時間去換, 因為機位好FULL, 唔一定你想要O個個時間係有機位… 所以一定要準備多幾個時間俾客服CHECK啊

方法三:
不過唔係好建議用,因為真係好慢,係亞洲萬里通個網上面填返“兌換獎勵機票申請表,按你已計劃好既日期、地點、航空公司、航班時間、旅客資料、聯絡資料及信用咭資料填妥表格就可以,通常一個星期內會以email或者電話回覆你… 慢到呢… 所以唔建議用

方法四:
係機場附近返工既朋友,可以選擇直接去機場換。亞洲萬里通既COUNTER就係B區同H區,其實即係都係痴住國泰港龍既,去到可以面對面咁同佢點換機票,相信咁會好過用電話好多… 小編未試過係機場換, 不過我諗機場D STAFF可能會醒D O卦

 

各位加油換機票啊!!!!

6倍最紅自主獎賞 – HSBC信用卡

今日同大家介紹HSBC隻CREDIT CARD…

HSBC

 

 

 

 

 

 

 

本地簽賬:$1=1分 / $16.67 = 1里(最紅獎賞類別:$1=6分 / $2.78 = 1里)

海外簽賬(1.95%手續費) :$1=1分 / $16.67 = 1里(最紅獎賞類別:$1=6分 / $2.78 = 1里)

自動轉賬繳交賬單:$1=1分 / $16.67 = 1里(最紅獎賞類別:$1=6分 / $2.78 = 1里)

網上繳費賬單:$1=1分 / $16.67 = 1里(最紅獎賞類別:$1=6分 / $2.78 = 1里)

其他網站網上購物:$1=1分 / $16.67 = 1里(最紅獎賞類別:$1=6分 / $2.78 = 1里)

八達通自動增值:$1=1分 / $16.67 = 1里

分期簽賬:$1=1分 / $16.67 = 1里(最紅獎賞類別:$1=6分 / $2.78 = 1里)

積分有效期:兩年(匯豐卓越理財信用卡及匯豐運籌理財白金Visa卡三年)

兌換MILES手續費:每年300蚊

年薪要求:白金25萬、普通卡8萬(學生都申請得)

迎新優惠:DEPENDS,除非係銀行邀請你,唔係大多都冇

 

優點:
1。六倍積分,絕對好好賺,雖然唔係樣樣都六倍,但係可以根據自己既消費習慣而選擇,非常方便
2。學生都申請得
3。匯豐卡本身優惠好多。。。好多酒店都有折
4。匯豐岩岩做完佐個低至30蚊=1獎賞錢既優惠,唔知第時仲有冇

缺點:
1。每年要俾300蚊去換MILES
2。每年要打上去WAIVE年費
3。批卡標準浮動,有時過年薪都唔批俾你,有時唔過反而會UPGRADE你
4。八仔自動增值16.67蚊=1里
5。海外簽賬除非揀佐佢做最紅獎賞,唔係完全冇優惠

 

最紅獎賞類別包括:
1。全港餐廳食肆
2。全港戲院、卡啦OK、主題公園、通利、齡場、溜冰場
3。超級市場、個人護理店、家俬鋪、電器鋪
4。百貨公司、零售商戶、旅行社、書店
5。中國簽帳
6。海外簽帳

小斯會推介1同4,因為食肆同超級市場應該係正常上班一族經常簽肆既地方,而食肆DBS白金做緊4蚊1里,超市CITIBANK做緊3蚊1里,建議HSBC卡專係簽食肆OR超市,再配合DBS OR CITIBANK去食埋另一個類別,咁樣里數就會儲得好快了:)

媽媽最愛 – CITIBANK REWARDS信用卡

之前不斷都有FANS問點解小斯唔同大家介紹CITIBANK張REWARDS卡, 問係咪呢張卡唔好儲MILES, 所以先唔介紹, 其實又唔係既, 因為小斯見呢張卡換MILES要手續費先唔同大家介紹, 咁大家係上班一族, 何必要捱貴手續費呢?

不過其實呢張卡都幾好用架, 小斯我都有, 最緊要係學生都申請得!

rewards-master-card

 

 

 

 

 

本地簽賬:$1=1分 / $15 = 1里
於全港超級市場、百貨公司及電訊公司 (包括以自動轉賬繳付之電子賬單#):
$1=5分 / $3 = 1里

海外簽賬(1.95%手續費) :$1=1分 / $15 = 1里

自動轉賬繳交賬單:$1=1分 / $15 = 1里

電訊公司以自動轉賬繳付之電子賬單:$1=5分 / $3 = 1里                     

網上繳費賬單:0

其他網站網上購物:$1=1分 / $15 = 1里

八達通自動增值:$1=1分 / $15 = 1里

分期簽賬:$1=1分 / $15 = 1里

積分有效期:沒限期

兌換MILES手續費:每換5000里收50蚊, 最低收50, 最高收300

年薪要求:
PREMIUM:15萬
TITANIUM:8萬/學生的話唔使入息證明

迎新優惠:已沒有關里數迎新

優點:
1。日日去各大超級市場同百貨公司買野(同埋交電話費,都可獲5倍積分,即係3蚊1里既優惠,最岩晒媽媽用~
2。積分無限期,儲埋一次過換里數咪可以摼返個手續費
3。迎新優惠都幾吸引
4。年薪要求低,學生仲唔去申請?
5。就算唔換里數都好,換戲飛同換COUPON都好抵,計返有成2。17%回贈

缺點:
1。換里數要錢,唔緊要,儲埋一次過先去換囉
2。八達通自動增值服務得15蚊1里
3。海外簽帳毫無優惠
4。只係得超市同百貨公司買野同交電話費先抵

 

不斷都有FANS問我,邊張卡最好邊張卡最好,其實真係好難答你地,因為每個人既消費模式都唔同,例如係媽媽既你,成日去百佳,咁咪用REWARDS卡囉!其實一個最佳既信用卡組合,係每個人都唔同既,小斯既組合唔代表用係大家身上都有用,大家申請信用卡之前,不妨諗下自己平時邊方面洗錢比較多,再諗下自己係想換里數定換錢,拿,換里數又要睇換咩地方架,最後知自己想點啦,就再黎問下我,我再俾D意見大家啦:)

禁呢到申請啦!

 

22000里玩盡韓國3地?

琴日同大家介紹佐ANA隻17000里換日本來回機票之後,有好多FANS都COMMENT話係下年新年同復活節, 根本就FULL到換唔到機票, 小編都估唔到一出POST之外大家會換得咁快, 咁去唔到日本, 去邊好呢? 唔緊要, 小編再同大家介紹一隻好抵22000里就可以玩盡首爾,釜山同濟州既換法俾大家。

香港–>首爾 (停留)
首爾–>釜山 (停留)
釜山–>濟州 (停留)
濟州–>首爾 (轉機,可停留24小時,買唔夠既,再出返去首爾買過!)
首爾–>香港

大家都知道ANA係STAR ALLIANCE其中一間航空公司黎, 所以大家係可以用ANA換STAR ALLIANCE裡面既任何機票, 所以我地就可以用ANA MILES去換韓亞航空Asiana Airlines既機票, 而咁換法, 亦只係需要22000里, 仲要唔使分SEASON, 1年12個月, 只要有機位就可以即時出發。

對比起ASIA MILES要3萬里先可以換到韓國, 仲要ONE WORLD係冇韓國內陸機, 用STAR ALLIANCE換絕對係抵好多啊!

全港至低!17000里換日本來回機票(不同城市出入也可)

今日想同大家ANA呢隻飛行里數計劃。 ANA係STAR ALLIANCE(即係唔係亞洲萬里通)既其中一間航空公司黎既,而作為一間日本既航空公司,佢換去日本既里數當然係全港至低啦。

ANA

 

 

 

 

 

 

 

只需要17000里(low season), 就可以換到由香港去日本既來回機票!當中包括東京、名古屋、関西等等,仲可以不同城市來回,例如東京去,関西返等等。絕對好抵,因為亞洲萬里通換去日本既話,要成30000里啊!只不過咁樣換法就換少佐中間個兩程內陸機,不過宜家PEACH同JETSTAR咁平,自己另外買都好抵啦。

香港–>東京/名古屋/関西
東京/名古屋/関西–>香港

而且STAR ALLIANCE比較少人儲,出機票實易好多!

因為ANA呢隻飛行里數計劃係分SEASON既,所以如果係REGULAR SEASON就要20000,HIGH SEASON就要23000,但無論咩日子去,都平過用亞洲萬里通換啦!

LOW SEASON:
2013: 5/7-6/30, 12/1-12/20
2014: 1/6-2/28, 4/1-4/24, 5/8-6/30, 12/1-12/19
2015: 1/5-2/28

REGULAR SEASON:
2013: 3/1-3/31, 7/1-8/8, 8/19-11/30
2014: 3/1-3/31, 7/1-8/7, 8/19-11/30
2015: 3/1-3/31

HIGH SEASON:
2013: 1/1-1/3, 4/26-5/6, 8/9-8/18, 12/21-12/31
2014: 1/1-1/5, 4/25-5/7, 8/8-8/18, 12/20-12/31
2015: 1/1-1/4

重點推介 LOW SEASON 2014年1/6-2/28同4/1 – 4/24, 嘩!雪祭旺季同櫻花旺季都係17000里就去到日本,仲唔快D FIGHT FOR NEXT YEAR??

 

ANA飛行計劃里數難唔難儲?

答:除佐信用卡比較少之外,其他方面比起ASIA MILES易好多

1. ANA既PARTNER包括佐好多歐洲機, 例如Aegean Airlines, Lufthansa, Etihad Airways, Qatar Airways等等, 而且成日出差既你, 老闆實幫你BOOK Air China啦, 或者衰到叫你返深圳坐Shenzhen Airlines, 如果係新加坡或者澳門人既你, Singapore Airlines同Air Macau都應該成日坐呢吧! 以上所有既機, 全部都可以儲到ANA MILES, 小斯遲D去歐洲GRAD TRIP一程就已經儲佐12000 ANA MILES啦, 嘿嘿! 你話係咪好易儲? 

2. ANA張MEMBER CARD如果你係有EDY卡既話, 你就可以O係日本當八達通咁用, 100YEN儲1MILES, 而且樂天等等既網上MARKET都可以用EDY卡, 真係勁易儲

3. 配合埋大新張ANA CREDIT CARD, 8蚊1個MILES, 而迎新優惠仲有5000個MILES, 想去日本絕對EASY JOB

4. ANA飛行計劃仲可以將你家人(包括表個D)加晒落同一個ACCOUNT到, 例如你成家人一齊去旅行, 隨時又多張機票返黎啦!

聽日就教大家點樣用大新張ANA CREDIT CARD 🙂

儲里數系列5 – 最佳信用卡組合

首先… 請準備3張信用卡… 包括

1. DBS BLACK CARD
2. CITIBANK PREMIER MILES (首選) / 東亞WORLD MASTER (次選) / 上商Titanium
3. 富邦TITANIUM

本地簽賬:(星期一至五簽帳) 
1. 盡量用DBS BLACK CARD賺盡6蚊1里
2. 如果係BETWEEN 600 – 2000蚊既單一簽帳, 就用富邦張卡, 因為計埋推廣期個抽獎, 最少可以拎多2000分, 即係167里, 等於你用DBS簽多1000蚊
3. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 如果係600蚊以上更可以拎多最少2000分
3. 要注意富邦一個月最多可以拎簽帳額3倍既積分, 同埋一個月最多抽6次獎

海外簽賬(1.95%手續費) :
唔使諗…. 一定係用富邦

(非台日韓) HK $1 = 4 積分 / HK $3 = 1里數
(台灣) HK$1 = 20 積分 / HK $0.6 = 1里數
(日韓) HK$1 = 8積分 / HK $1.5 = 1里數 **登記期內只有兩次機會

網上繳費賬單:
(星期一至五簽帳) 如果真係咁趕逼住要繳費既, 就用上商張卡繳, 8蚊1里
(星期六日每滿HK $300或以上之本地簽賬) 留返所有單係星期六日用富邦找數, 6蚊1里

自動轉賬繳交賬單:記得將所有水電煤電話費用DBS做自動轉帳, 6蚊1里

網上購物:同本地簽帳基本上一樣

(星期一至五簽帳)
1. 盡量用DBS BLACK CARD賺盡6蚊1里
2. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 唔夠300就用AE, 唔收AE就用2.隻卡

八達通自動增值:唔使諗… 一定用2.卡, 8蚊1里

分期簽賬:2.卡, 8蚊一里

積分有限期:DBS無限期, CITIBANK & BEA 無限期, 上商2年, 富邦1年,
所以各位FANS記得年尾個陣清陣富邦同上商D積分,
當你每年轉呢兩張卡, 每年大約要用500蚊(當你上商2年轉一次), 所以大家請申請CITIBANK OR BEA

原則:有得碌卡就碌卡,冇得碌卡都要碌八達通

注:以上儲法唔包括其他短期優惠或集中類別簽帳,例如匯豐6倍獎賞錢,REWARDS卡超市及電訊公司5倍積分,DBS白金全港食肆3倍積分,各位FANS最緊要係了解自己既消費模式黎調節一下上述既信用卡組合….

 

如果用以上方法咁儲, 一年去一次旅行, 絕對唔係難事:)
大家努力啊!! FIGHT FOR THE NEXT SUMMER!!!!

儲里數系列4 – 高薪人士獨享之CITIBANK PREMIER MILES

又到佐萬眾期望既CITIBANK PREMIER MILES CREDIT CARD既介紹啦… 點解小斯要最後先介紹呢張卡? 因為CITIBANK好衰咁係上年將呢張卡由年薪15萬提升到年薪48萬… 將呢張卡變成佐高薪人士獨享既一張卡… 所以我先最後同大家介紹呢張卡…

citibank

 

 

 

 

 

 

 

 

本地簽賬:$1  = 1.5 分 / $8 = 1里 (12積分)

海外簽賬(1.95%手續費) :$1 = 3 分 / $4 = 1里 (12積分)

自動轉賬繳交賬單:$1  = 1.5 分 / $8 = 1里 (12積分)

CITIBANK網上繳費賬單:0

其他網站網上購物:$1  = 1.5 分 / $8 = 1里 (12積分)

八達通自動增值:$1  = 1.5 分 / $8 = 1里 (12積分)

分期簽賬:$1  = 1.5 分 / $8 = 1里 (12積分)

積分有效期:無限期

兌換亞洲萬里通手續費:免費

年薪要求:48萬

迎新優惠:批卡後簽帳滿1萬蚊以上, 即獲8000里

其他優惠:
1. 免費香港國際機場貴賓室/美髮廊服務
2. 報團用呢張上簽帳, 即可獲免費保險
3. 機場快線買一送一(已完)
4. 旅費回贈, 如果用呢張卡去報團, 訂機票或者任何既海外簽帳, 即係以$100本地簽帳 = $1回贈 及 $100海外簽帳 = $2回贈去扣減上述開支

優點:
1. $8 = 1里, 用唔到AE既時候用佢最岩
2. 換里數同積分無有效期, 幾時換都得啦… 又唔使計黎計去
3. 八仔自動增值最抵, $8 = 1里, 連DBS AE都係得$12 = 1里
4. 旅費回贈絕對抵! 變相1%/2%回贈
5. 免費享用香港國際機場貴賓室… 搭飛機唔使下下等到傻咁可以入去飲下奶茶睇下雜誌啦~
6. 積分轉換過程只需四個工作天… 絕對能夠極速出機票
7. 張卡好靚,haha

缺點:
1. 亦係解決唔到既缺點… 年薪要求48萬=______=” 不過如果係CITIBANK前年既舊客戶既話… 佢地會幫所有原本係白金卡既卡戶升級晒做PREMIER MILES… 所以小斯都見到有好多30歲到既上班一族好多都有呢張卡… 大家有呢張卡既… 請好好利用*V* (小斯心諗:很想要吧)
2. 網上繳費0積分
3. $8=1里,唔係話最抵!不過小斯就覺得佢個旅費回贈係幾抵既

其實CITIBANK仲有一張卡仲正既… 不過要成60萬年薪… 如果FANS有興趣既話…. 可以留言話我地知… 我地會揀個日子同大家介紹:)

呢幾日已經同大家介紹過幾張卡啦… 係聽日… 小斯就會同大家做一個SUMMARY…
請密切期待啊!!!

禁呢到申請啦!

儲里數必備 – 富邦Titanium/白金MASTER卡

之前見有FANS想我介紹一下有咩信用卡好儲里數, 今日就想同大家介紹一間比較冷門既富邦Titanium/白金MASTER卡。

fubon

 

 

 

 

 

 

 

 

本地簽賬:(星期一至五簽帳) $1 = 1 積分 / HK$12 = 1 里數
(星期六日每滿HK $300或以上之本地簽賬) $1 = 2積分 / HK$6 = 1 里數

海外簽賬(1.85%手續費) :(非台日韓) HK $1 = 4 積分 / HK $3 = 1里數
(台灣) HK$1 = 20 積分 / HK $0.6 = 1里數
(日韓) HK$1 = 8積分 / HK $1.5 = 1里數 **登記期內只有兩次機會

網上繳費賬單:(星期一至五簽帳) $1 = 1 積分 / HK$12 = 1 里數
(星期六日每滿HK $300或以上之本地簽賬) $1 = 2積分 / HK$6 = 1 里數

自動轉賬繳交賬單:$1 = 1 積分 / HK$12 = 1 里數

網上購物:(星期一至五簽帳) $1 = 1 積分 / HK$12 = 1 里數
(星期六日單一HK $300或以上之本地簽賬) $1 = 2積分 / HK$6 = 1 里數

八達通自動增值:$1 = 1 積分 / HK$12 = 1 里數

分期簽賬:$1 = 1 積分 / HK$12 = 1 里數

積分有限期:一年

兌換亞洲萬里通手續費:每1000里為單位, 不論換幾多, 總知收$250換一次

推廣:每簽滿$600既單一簽帳, 不論係星期幾簽都好, 都可以打電話登記抽獎, 最少額外獲2000積分(約167里), 最高更可獲30000積分(2500里)

迎新優惠:  1. 上網申請即獲10000積分(約834里)
2. 於首三月簽帳滿$2800, 更可獲50000積分(約4167里)
3. 每成功出一張附屬卡, 每張可獲15000積分(1250里)

優點:

1. 呢張卡最大既優點就係網上繳費可獲6蚊1里。市面上既信用卡好少做到話網上繳費有積分, 就算有都好, 最多都係8蚊1里, 但FUBON呢張卡最大既優點就係, 只要你將所有平時可以用PPS交既單, 全部都留返O係星期六日用FUBON張張網上繳費既話, 已經可獲6蚊1里既優惠

2. 佢宜家簽緊既簽帳即有賞即好抵, 只要你簽夠600蚊, 即刻至少賺多167里, 變相如果你星期六日簽, 仲抵過用DBS BLACK CARD簽

3. 因為佢係MASTER CARD既關係, 所以大多數商戶都會收, 用唔到DBS AE既時候, 用佢就岩晒 (記得要星期六日先好用)

4. 海外簽帳至低$3 = 1里, 仲抵過DBS BLACK CARD!! 如果FANS夠細心既, 仍會知道AE卡個手續費最高同埋個RATE係最差既, MASTER CARD就係繼銀聯之後個RATE最靚既卡

5. 換里數又得, 換錢又得, FUBON呢張卡可用20000積分換取100蚊免簽帳額, 比起市面上既卡簽少至少5000蚊就可以換到100蚊洗

6. 無論你換幾多里都好, 佢係咪都係收你250蚊手續費

缺點:

1. 有效期只有1年, 所以大家記得O係年尾既時候用晒佢… 唔係D分就會同大家講88

2. 一個月最多只能夠賺取CREDIT既三倍積分, 真係容乜易就爆積分呀=0=

3. 非星期六日既簽帳係12蚊為一里, 大家記得唔好用錯卡黎簽帳呀…

 

大家可以會問啦… 咁星期一至五要簽帳, 佢又唔收AE個陣, 我又冇咁高人工, 冇CITIBANK張PREMIUM MILES個陣, 應該用邊張黎簽呀? 小斯將會聽日再開估! FANS亦都可以估下邊個係最抵啊!! 🙂

 

賺盡30000里! – 七月瘋狂SHOPPING賞花之旅(日本篇)

七月就到了!大家會諗起D咩? 就係大減價啦!如果大家現時有三萬里既話,不妨可以諗下換去日本(雖然宜家先換可能有少少遲,大家要知道香港人有幾愛日本先得架^V^),不過小斯我前幾日都仲出到票,相信肯就下日子就會有位既J

香港HKG–>関西空港KIX
関西空港KIX–>札幌CTS (自費)
函館空港HKD–>東京HND
東京HND–>香港HKG

首先換去関西到玩幾日,関西值得玩既包括:
大阪(環球影城、大阪城等等),其實小斯覺得大阪幾悶,哈哈!

日本環球影城
USJ
 

 

 

 

 

 

 

 

京都(清水寺、金閣寺、銀閣寺、嵯峨野等等),小斯覺得京都好值得玩,係清水寺記得要借和服靚,配合埋充滿日式既寺院拍攝,簡正一流!之後金閣寺仍好GRAND,嵯峨野既小火車仍非常正!

和服初體驗之清水寺

清水寺

 

 

 

 

 

 

 

 

神戸既有馬溫泉,超級有名既金湯銀湯溫泉,絕對要試一下,小斯上年五月既時候就去過一間叫兆楽既溫泉旅館,非常正!只需大約13000日元左右,就可以享受露天溫泉,而且仲有正宗既懷石料理,有和牛同河豚食,一泊兩食,完全係五星級既享受:P

銀湯

銀湯

 

 

 

 

 

 

 

 

 

 

 

 

和牛!!!小斯見到個下真係嗌佐出黎!

和牛

 

 

 

 

 

 

 

 

 

奈良一日遊,奈良大約半日至一日就可以,因為主要係去奈良公園到玩鹿,同俾佢地追住黎咬,哈哈!!!

奈良D鹿為食到連我支雪條都唔放過!!哈哈!

OLYMPUS DIGITAL CAMERA

 

 

 

 

 

 

 

 

 

 

 

 

然後夜晚去神戸港睇夜景。

 

関西大約已經可以玩成一個星期。

 

然後去札幌。

 

北海道夏天推介既地方包括:

札幌(食食食食食同食!小斯特別推介一間日本食蟹好出名既餐廳,叫かに本家,即係大家成日見到好大隻蟹係到個間,真係好新鮮好好味!然後北海道既玉米仍好出名!牛乳,サッポロビール(札幌啤酒),哈密瓜,ROYCE仍好出名!)

 

富良野同美瑛(主要梗係要去睇太陽花同薰衣草啦!)

花田<3<3

OLYMPUS DIGITAL CAMERA

 

 

 

 

 

 

 

 

 

個太陽花仲大過我個頭呀!

OLYMPUS DIGITAL CAMERA

 

 

 

 

 

 

 

 

登別(溫泉同地獄谷,地獄谷幾有趣,但登別溫泉我覺得同神戸既就冇得比啦,哈哈!)

 

函館夜景等等

 

北海道呢到大約又可以玩返5-6日左右。

 

然後最後再搭返JAL落返東京,落東京做乜?梗係掃貨啦!七月大減價,仲要宜家YEN 78折喳喎! 名牌子既野小斯就買唔起就介紹唔到俾大家啦,我就最鍾意食日本零食

既,所以就同大家介紹一間賣零食超大,超齊既鋪頭。係上野個條街,一路正行,見到BIG CAMERA之後轉右再一直行,就會見到一間超大間既二木の菓子,小斯每次去日本都會買返1-2萬YEN零食返香港,因為實在太平太抵啦,759都鬥佢唔過,哈哈!!

IMG_8749

 

 

 

 

 

 

 

 

 

 

咁樣玩一玩,張機票加埋先大約一千蚊,宜家一張大阪來回既PEACH,未加行李都要成3千港紙啦!咁樣換機票法真係摼佐好多!又可以玩多個袋啦大家!哈哈

小提示:

1. ASIAMILES因為太多人換既關係,建議大家準備好晒幾個日期先去打去換機票,因為個HOTLINE真係好FULL,大家係MARCO POLO CLUB會好少少,會快D!不過小斯都試過等成一個鐘先有人聽,真係人都癲!建議大家可以禁英文或者普通話CHANNEL,會快少少有人聽。

2. 其實我地仲有兩次轉機既機會未用, 如果大家換唔到東京返香港既飛機, 其實可以先O係関西自費去佐東京玩先, 然後先換去北海道既飛機, 最後由北海道去中部機場轉機返香港, 因為中部機場相對上比較少人換, 會容易D搶到返香港既機票:)

實不相暪,小斯係一個日本迷,每年去日本去到好似返鄉下咁,希望今次呢篇攻略夠詳細,如果大家仲有D咩想問既或者想報料既,歡迎大家留COMMENT啊:)