國泰客機全新機艙三部曲
國泰未來3年都會持續都會推出全新既機艙產品！打頭炮既就係全新波音777-300ER既全新商務艙 Aria Suite 爾雅同全新特選經濟艙座位！而2025年將會加入國泰機隊既全新波音777-9客機，Halo Suites環薈頭等艙既設計圖疑似流出啊！最後係2026年，現有空中巴士A330會有全新可以平臥既商務艙推出！無論係飛機迷都乘客都可以有全新既飛行體驗啦！
國泰航空全新商務艙 2024年推出全新商務艙 Aria Suite 爾雅同全新特選經濟艙座位！
國泰早前公布將於2024年喺波音777-300ER客機中推出全新商務艙 Aria Suite 爾雅！
喺國泰公布嘅影片可見，新商務艙將會加入趟門設計提高私隱度！另外更配備無線充電！
設計方面Aria Suite亦有破格改變，顏色唔再使用國泰標誌性嘅綠色，改為黑、香檳色配上木紋飾面置物檯及曲線邊緣，感覺另人聯想起星宇航空及阿提哈德嘅新波音787商務艙座位設計
今年大家就可以一睹佢嘅真面目啦！
國泰全新商務艙 Aria Suite 爾雅
高私隱度趟門設計
配備無線充電，檯面更加可以拉開放置小物
顔色一反傳統，唔用標誌性綠色，改為黑及香檳色
國泰全新特選經濟艙座位PEY設計
改用灰同香檳色！
當然椅背同腳墊當然都有得教
Mon既面積大左！
亦都加左放樽既架！
坐新野係開心D
國泰2025年全新波音777-9客機Halo Suites環薈頭等艙疑似流出
網上流傳咗啲國泰航空 Cathay Pacific 最新頭等艙設計！設計圖未必係真，但係國泰又真係註冊咗個名為環薈 (Halo Suites) 新頭等艙商標，預計會喺新訂購既波音777-9客機上推出！睇黎都真真地咁！好期待呀衰鬼！！
國泰新頭等艙 777-9客機推出全新Halo Suites環薈頭等艙
國泰近日全新頭等艙註冊商標 – Halo Suites 環薈，預計將於新訂購既波音777-9客機上推出！
客機原定交付日為2020年，但因為疫情種種因素，最快都要2025年先可以交付。有望於新購入嘅波音777-9客機上推出，但最快面世日可能就要等到2025年後啦～～
國泰新註冊頭等艙商標 – Halo Suites 環薈
有外媒估計，國泰早喺2019年曾經為一種新頭等艙註冊專利，註冊時間非常接近原本波音777-9新客機嘅交付日，所以Halo Suites 好有機會使用新專利設計。
按專利設計圖顯示，新頭等艙將有有4個坐位，會以「1-2-1」排列！
另外設有雙人套房，房內有私人浴室設備！排得住中東三寶！更加有為家庭客人配備雙層床。(圖片來源：美國專利商標局)
專利設計由Butterfly Flexible Seating Solutions 設計，網站亦都有上載類似設計概念圖片，大家可以幻想住新頭等艙嘅設計。(圖片來源： Butterfly Flexible Seating Solutions)
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
