記得要轉用支付寶交港燈電費！因為用渣打AM卡有$4/里！東亞Flyerworld $5/里！新用戶仲可享額外$50回贈 // 另新增煤氣同電費既自動轉賬表格

呀！！！今日除佐我要剥智慧齒呢個壞消息之外，連啲信用卡都有壞消息 ，嗚！東亞銀行Flyerworld信用卡由5月1日起網上、電話、自動櫃員機同流動電話繳費都無晒$8/里啦！連現金回贈都無！東亞張Flyerworld不嬲都係以網上繳費有分為賣點，估唔到佢連呢樣野都cut埋！嗚嗚嗚！雖然係咁，但係煤氣費同電費其實都係可以用Autopay去交既，我都列埋有啲咩可以信用卡做自動轉賬交會有分。不過水費同Grant Loan個啲真係無辦法啦！真係唯有用建行 (港航卡$6/里)、HSBC ($25/里) 或Citic (0.55%回贈) 等等去交，少少分都唔好蝕俾佢啦！

條款及細則：hkbea.com/pdf/tc/noa_201802_cc.pdf

由2018年5月1日起生效以東亞銀行信用行進行下列簽賬交易類別，所獲發獎分或現金回贈將被修改：

1. 透過電子網絡銀行服務包括互聯網、電話、自動櫃員機及流動電話渠道進行之所有繳款，將不獲獎分或現金回贈。

2. 以下列卡類別進行政府部門及八達通自動增值服務之信用卡簽賬交易^ 類別，所獲發獎分或現金回贈於每曆月將設有上限。

東亞銀行顯卓理財World Mastercard、東亞銀行World Mastercard、東亞銀行Flyer World Mastercard、東亞銀行Visa Signature卡、東亞銀行Mastercard白金卡、東亞銀行Visa白金卡、東亞銀行銀聯雙幣白金信用卡、東亞銀行Visa金卡、東亞銀行Visa普通卡、東亞銀行聯營卡：10,000獎分

東亞銀行i-Titanium卡、東亞銀行JCB卡：HK$40現金回贈

每個主卡賬戶及任何相關附屬卡賬戶將會被視為1個合資格賬戶。

小斯按：本身東亞Flyerworld八達通自動轉賬得$8/里，同埋10,000分上限既意思係一個月自動轉賬10,000蚊，你都幾難一個月自動轉賬10,000蚊啦嘛～所以直接用渣打Asia Miles Mastercard $6/里算啦～

 

煤氣、電費自動轉賬有分既信用卡

由於東亞銀行Flyerworld 5月開始網上繳費無分，所以大家既費用就要諗下究竟可唔可以用第二啲方式交，例如親手交或做自動轉賬交。但每一樣費用接受你繳費既方式都唔同，都話接受既信用卡都唔一樣。以下我就列佐煤氣同電費究竟接受啲咩信用卡去做自動轉賬交，而又可以儲到分既：

	煤氣	電費
		中電	港燈
Citibank Rewards ($15/里) 、PM ($8/里)、Prestige ($6/里)	Autopay （先填悉表格，再上載去Citibank)	Autopay (先填悉表格，再上載去Citibank)	Alipay (望下段)
大新ANA / United ($8/里)、大新BA ($6/里)、大新ONE+ (1%回贈)	x	Autopay (先填悉表格，再交俾大新)	x
東亞銀行Flyerworld ($5/里)	x	Autopay (先填悉表格，再交俾中電)	Alipay (望下段)
DBS Black Card ($6/里)、DBS Compass Visa ($10/里)、DBS Eminent Card (1%回贈)	x	x	Autopay (先填悉表格，再交去客戶中心) / Alipay (望下段)
建行eye card ($3/里)	x	x	Alipay (望下段)
渣打Asia Miles Mastercard $4/里	x	x	Alipay (望下段)

 

善用支付寶 Alipay 去交港燈電費

另外港燈仲有另外一個選擇，由於Alipay (支付寶) 係可以喺佢個App裡面，用信用卡繳交港燈既電費，所以只要將某部份既信用卡連落Alipay (支付寶)，就可以儲到分！其中一張推介既，就係渣打Asia Miles Mastercard，因為用佢黎透過Alipay (支付寶) 交港燈電費，係有$4/里添架！

另外，只要​你於2018年1月8日至3月31日，下載AlipayHK 並登記成為新用戶，即可獲贈由AlipayHK提供、合共港幣$50的「港燈客戶尊享迎新優惠獎賞」。該獎賞包括五張港幣$10禮券，分五期於客戶繳交電費時自動扣減。

支付寶 Alipay 繳港燈電費教學：https://hkelectric.com/pay-by-alipay 

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！