Apr 03
支付寶過錢俾朋友即賺$1.8至$88！仲可以賺夠100次 + 老麥食$25減$10優惠！ 支付寶Alipay又出招俾大家用佢！5月31日前喺支付寶過錢俾朋友 (P2P友情大激賞)，過$0.1都得，就送你一張$1.8至$88既coupon，可以喺支付寶唔同商戶到使用，包括7仔、OK、sasa、老麥、吉野家等等。如果你係轉俾一個從來無用過支付寶，即係未收過錢又未俾過錢人，但又有支付寶account，咁就有一張$18至$88既coupon，我諗應該好難搵到呢個處男或者處女了～ (當我都唔係haha) 呢個優惠每日可以上限拎50次，5月31 日前最多拎100次！所以就打開支付寶個電話簿，然後搵夠100個朋友瘋狂咁過$0.1俾佢地啦！驚朋友唔知咩事，就喺remark到mark埋「跟住小斯呢個post flyformiles.hk/9457 做去賺$1.8至$88 coupon 啦」如果唔夠朋友，不妨喺到留言搵網友互過啦～祝大家抽多啲$88 coupon啦！ 同場仲有個老麥食$25減$10優惠，食夠三次仲有多一張$15 coupon送架！
Feb 25
Payme + WeChat Pay 微信支付 + 支付寶 HK + 八達通自動增值O!Pay 玩法大詳解 及 各大信用卡里數/回贈表 市面上宜家出現咁多手機儲值支付工具，除佐方便佐大家俾錢之外，其實從中亦可以用信用卡增值錢包或轉賬，變相0成本就可以儲積分賺里數或現金回贈！其中四大手機儲值支付工具，包括Payme、WeChat Pay 微信支付、支付寶 HK、八達通自動增值 (O! ePay 好易畀)，就係俾大家每月儲分的四大利器，只要大家勤力啲咁玩，儲2至3個月相信都可以儲到張機票架啦！呢個post就會講俾大家究竟點用Payme、WeChat Pay、支付寶 HK、八達通自動增值 (O! ePay) 透過信用卡儲積分！
Feb 12
呀！！！今日除佐我要剥智慧齒呢個壞消息之外，連啲信用卡都有壞消息 ，嗚！東亞銀行Flyerworld信用卡由5月1日起網上、電話、自動櫃員機同流動電話繳費都無晒$8/里啦！連現金回贈都無！東亞張Flyerworld不嬲都係以網上繳費有分為賣點，估唔到佢連呢樣野都cut埋！嗚嗚嗚！雖然係咁，但係煤氣費同電費其實都係可以用Autopay去交既，我都列埋有啲咩可以信用卡做自動轉賬交會有分。不過水費同Grant Loan個啲真係無辦法啦！真係唯有用建行 (港航卡$6/里)、HSBC ($25/里) 或Citic (0.55%回贈) 等等去交，少少分都唔好蝕俾佢啦！ 條款及細則：hkbea.com/pdf/tc/noa_201802_cc.pdf
Jan 25
支付寶HK (Alipay) 信用卡儲分教學 及 信用卡里數/回贈表 支付寶HK同Payme玩法唔同，儲分唔係透過充值，而係透過轉賬俾朋友，繼而扣信用卡去儲分！所以就要每個月搵個朋友同你互相合作啦！而我建議大家用黎玩Alipay既卡就係DBS Black World Master ($6/里) 同Citi Cash Back Visa 信用卡 (1%回贈) 啦！
