【海外簽賬信用卡全分析】匯率/手續費/積分/信用卡積分/折扣全討論！是不是用銀聯信用卡一定最好？

海外簽賬用哪張信用卡這個問題己經是老生常談，一般人都認為用銀聯信用卡一定是最好，因為沒有手續費，可是，這個答案又未免忽略了使用信用卡得到的積分，可以彌補簽賬手續費之餘，還能帶來正收益這個重點！

故此今次就跟大家從信用卡匯率/手續費/信用卡積分/折扣方面，討論一下海外簽賬究竟用哪一張信用卡比較划算！

但當然都知道大家怕麻煩唔想睇，所以不如俾個小總結大家！

• 信用卡有迎新優惠就一定簽咗迎新優惠先，可以睇下小斯呢個post睇下近期有咩抵去值得申請，因為一定可以彌補到簽賬手續費：flyformiles.hk/18539
• 有HSBC Visa Signature又揀咗賞世界既，就一定係用HSBC VS，因為有成高達5.6%回贈：flyformiles.hk/831
• 有恒生Mpower信用卡，海外簽賬都有5%現金回贈，但留意有上限：flyformiles.hk/13273
• 有Global Wallet既，可以用Citi Plus戶口張扣賬卡，免手續費，可以直接扣你戶口既外幣之餘，又可以賺到高達2%現金回贈：flyformiles.hk/31850
• 用到銀聯既，可以用安信EarnMORE，無簽賬手續費，又有2%現金回贈：flyformiles.hk/7843
• 真係咁懶既，直接用渣打SMART卡，無簽賬手續費，都有無上限0.56%現金回贈：flyformiles.hk/34052

海外簽賬信用卡 匯率 (係咪一定用銀聯最抵？)

其實大家碌卡既匯率，並唔係好似平時大家唱錢咁，唔同銀行會有唔同既匯率，反而碌卡係跟你用個張卡既發卡機構，即係Visa/銀聯/MasterCard/JCB/AE呢啲，所以係唔存在某間銀行既匯率係特別食水深呢樣野！

這是根據ttrate.com某天JPY的匯率 (我知宜家係對緊5但我懶，用返舊post例子啦XD)

從此可見，JCB的匯率是最好，銀聯的匯率是最差！兩者差距約1.35%！然後銀聯和Visa/Master相差的匯率也大約差距約0.63%及0.69%。

但由於Visa/Master有1.95%手續費，而JCB也有1%手續費，銀聯則沒有手續費，故此用銀聯信用卡簽賬才一種比較划算的錯覺，但實則匯率和手續費抵消後，大約只是比其他信用卡划算約1.3%，甚至JCB計算手續費後，還比銀聯便宜0.35%！

但因為JCB一般啲卡啲回贈都差到嘔電，所以就算JCB匯率靚，我都唔會叫大家碌JCB，因為我唔止要匯率靚，我係要再賺埋積分！

查看匯率網址參考：

• Visa
• MasterCard
• JCB
• AE美國運通
• 銀聯

 

海外簽賬信用卡 手續費

一般大家都會理解到，你做外幣簽賬，Visa/Master一般會收取1.95%手續費，AE 2%，銀聯0%！

	匯率差	海外簽賬手續費	淨差距
Visa/UnionPay	0.63%	1.95%	-1.32%
MasterCard/UnionPay	0.69%	1.95%	-1.26%
AE/UnionPay (只係假設)	0.69%	2%	-1.31%
UnionPay/UnionPay	0	0	0
JCB/UnionPay	1.35%	1%	0.35%

至於AE，佢個匯率真係好難check得到！仲要有時我發覺，AE碌出黎個匯率連埋手續費都要係勁靚！所以AE我都唔是太識得好討論！咁公平啲，假設將佢同MasterCard/UnionPay既淨差距作出討論吧！

---

信用卡積分

接著就是要討論究竟不同信用卡的簽賬積分或回贈，能否彌補以上差距之餘，能帶來正收益！

*為方便計算，我將里數的價值假設為1里=$0.1 (我假設大啲當你係換日航，以30,000里能換到一張來回日本機票計算，一張來回日本的國泰機票大約賣$3,000，但當然里數的價值不單只這個價值，這個價值只是方便計算之用)

	淨差距	現金回贈/里數回贈	淨回贈
HSBC Visa Signature	-1.32%	9X積分： $2.78/里 = 3.6%14X積分： $1.78/里 = 5.6%	9X積分：2.28% 14X積分：4.28%
AE Explorer卡	-1.31%	$4/里 = 2.5%	1.19%
渣打國泰萬事達卡	-1.26%	$4/里 = 2.5%	1.24%
AE白金卡	-1.31%	$3.75/里 = 2.67%	1.36%
AE白金信用卡	-1.31%	$5/里 = 2%	0.69%
渣打國泰萬事達卡	-1.26%	$4/里 = 2.5%	1.24%
Citi Prestige 信用卡	-1.26%	$4/里 = 2.5%	1.24%
Citi Premiermiles 信用卡	-1.32%	$3/里 = 3.3% (一個月簽賬滿$20,000或以上)或	1.98%
DBS Black World Mastercard	-1.26%	$4/里 = 2.5%	1.24%
WeWa銀聯卡	0	5.6%至9.6% (連同一Shake回賞多倍賞)	5.6%至9.6%
EarnMore銀聯卡	0	2%	2%
信銀國際Motion信用卡	-1.26%	2%	0.74%
Citi Cash Back Visa 信用卡	-1.32%	2%	0.68%
渣打Smart卡 (無簽賬手續費)	0.63%	0.56%	1.19%

由以上的表格可見，雖然大部份既卡都需要俾

海外簽賬最划算的信用卡：

• 儲里數的話是HSBC Visa Signature (高達$1.78/里或5.6%回贈
• 現金回贈的話是EarnMore銀聯卡 有2%

但HSBC Visa Signature 需要48萬年薪，如年薪不夠的話，則可考慮使用Citi Premiermiles 信用卡 ($3/里) / DBS Black World Mastercard ($4/里) / 渣打國泰萬事達卡 ($4/里)。

至於現金回贈的話則不是一個大問題，因為EarnMORE銀聯卡年薪要求只是15萬，而且學生都能夠申請！只是有時候並不是所有地方都接受銀聯，所以也要一張HSBC Visa Signature  (4.28%) 或信銀國際Motion信用卡 (0.74%) / 渣打Smart卡 (1.19%) 作備用。

另外亦可以考慮使用Global Wallet，趁住靚rate既時候，就唱定啲yen放喺到，用Citi Plus戶口張扣賬卡，免手續費，可以直接扣你戶口既外幣之餘，又可以賺到高達2%現金回贈：flyformiles.hk/31850

 

---

折扣優惠 (好多時銀聯都有)

另外值得一提的是，現在很多日韓或東南亞的商戶，特別是大商場，使用銀聯卡付款都會有額外折扣，大約是5-8%，在這個情況底下，就不用考慮任何現金或里數回贈，直接用銀聯卡付款便可。

有時候更不用以銀聯卡付款，出示香港的八達通或台灣的悠遊卡都可獲額外折扣，那這樣就能獲得折扣之餘，又可用HSBC Visa Signature付款，賺取更多里數了！

---

外幣簽賬手續費 小知識

海外簽賬手續費 (於海外註冊商戶作外幣簽賬) – Foreign Currency Conversion (FCC)

呢個手續費好易理解，就係你於海外註冊商戶作外幣簽賬，Visa/Master一般會收取1.95%手續費，AE 2%，銀聯0%！

呢個手續費亦即係我地一開始講既外幣簽賬手續費，所以無乜野好討論

動態貨幣轉換簽賬手續費 (於海外註冊商戶作港幣簽賬) – Dynamic Currency Conversion (DCC)

• 首先先蝕3-5%匯率差

當大家喺外國消費個陣，有時候碌卡佢會俾你選擇揀以港幣結算，年輕的你以為慳佐個外幣手續費？你錯了！首先果個港幣結算既價錢，其實係唔會跟返你平時睇到Visa/Master個rate，一般係會以原本外幣個價on top 加3-5%，即係話你揀咗用外幣俾錢的話，你先要蝕3-5%匯率差！

• 銀行方面會就DCC交易再收取1%手續費，學術上叫跨境港幣交易費 Cross-Border Fee (CBF)

某一啲銀行會就你既DCC交易再on top收取1%手續費 (跨境港幣交易費 Cross-Border Fee (CBF)，所以即係話你前後已經至少蝕咗4%

另外就算唔收你手續費都好，都會唔俾積分你！變咗你碌卡黎無分賺都唔知做乜！

所以去外幣碌卡一定係碌外幣唔好碌港紙！

但網上消費就好難免，因為你從來唔知道佢個註冊地址係邊到，所以除佐外幣簽賬/DCC 信用卡手續費收費表外，小斯之前亦整佐個商戶註冊地址列表，故此大家上網碌卡前，最好望望呢兩個表，揀返張抵既卡啦！

又話者你驚既唔知個商戶係咩註冊地，但又一定要碌港紙既，就可以用AE或銀聯，因為AE同銀聯係唔會就動態貨幣轉換簽賬收取跨境港幣交易費 Cross-Border Fee (CBF)！

動態貨幣轉換簽賬消委會展示圖

歐洲經濟區簽賬費用 European Economic Area Transaction Fee (有手續費/低回贈/直頭無分)

• 歐洲經濟區 EEA國家列表：歐洲經濟區包括以下國家、島嶼或領域：奧地利、比利時、保加利亞、克羅地亞、捷克、塞浦路斯、丹麥、愛沙尼亞、芬蘭、法國、德國、希臘、匈牙利、冰島、愛爾蘭、義大利、拉脫維亞、列支敦士登、立陶宛、盧森堡、馬爾他、荷蘭、挪威、波蘭、葡萄牙、羅馬尼亞、斯洛伐克、斯洛文尼亞、西班牙、瑞典、英國、加那利群島、休達、梅利利亞、亞速爾群島、馬德拉島、奧蘭群島、揚馬延、吉巴拉特、法屬圭亞那、瓜德羅普島、馬提尼克島、留尼汪、聖馬丁（法國部分）和馬約特島。
• 由於歐盟於2020年，規定信用卡發卡機構只能收取商戶0.3%手續費 (以前係1.15%)，所以信用卡發卡機構唯有將費用轉架喺信用卡公司/銀行身上！故此信用卡公司/銀行就歐洲經濟區既碌卡簽賬，就要向消費者收取手續費，或俾一個低啲既回贈，甚至於係無分
• 現時DBS/東亞信用卡就呢方面既回贈都係無分；至於Citi就會得1%現金回贈

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！