2026年1月20日更新！國泰客戶體驗設計總經理Guillaume Vivet喺訪問中話國泰新A321neo將有大更新！
作為飛機迷嘅你，一定都有留意到萬眾矚目嘅國泰航空A321neo客機即將於2023年8月4日開始正式投入營運！雖然仲未有得飛住，不過相信大家對於入面嘅客艙配置都好好奇！
同之前一樣，飛Regional嘅Business，都唔會expect有有 flat bed！因為你頂盡都係飛4-5個鐘左右，都會躺平訓嘅需要 (雖然我有haha)
全機 IFE 轉用 4K Screen，而且係支援Bluetooth 連接耳機，變咗唔使擔心個窿唔啱插嘅問題，直接連接無線耳機就可以！
官網連結：
https://news.cathaypacific.com/全球最愜意的短途旅程國泰航空空中巴士a321neo正待你體驗
https://www.cathaypacific.com/cx/zh_HK/flying-with-us/aircraft-and-fleet/airbus-a321neo.html
渣打國泰萬事達卡：https://flyformiles.hk/41446
國泰新A321neo大更新
座位間距（Legroom）增加
國泰將會對區域航線使用嘅 Airbus A321neo 機隊重新配置，減少經濟艙座位數量，咁就可以增加每排座位之間嘅距離（座椅間距）— 增加腿部空間！
洗手間變大
現時 A321neo 嘅洗手間較窄，國泰計劃搬動洗手間位置並加大空間，改善乘客如廁體驗！
改善餐飲服務流程
經濟艙重整後，佈局將更方便機組提供餐飲服務！聽聞galley會大咗！
機上娛樂系統（IFE）更新
重新設計嘅座椅會配備更大同更高質素嘅螢幕，畫質提升（目前 A321neo 已用到 4K 系統）！
設計風格統一
新經濟艙座椅同客艙內裝將採用同最新國泰設計一致嘅色系（擺脫舊有 Cathay Dragon 風格）！即係由紅色變綠色！
國泰新A321neo 幾時有得坐？
2026年下半年將開始改裝
國泰A321neo飛機 客機航點
國泰最新公佈全新A321neo飛機客機 設計，目前已經接收4架全新客機，預計年底前會再引進2架，而首航航班先為香港飛上海浦東，之後會陸續飛往杭州、廣州、南京、青島、高雄及台北等航點！
國泰A321neo飛機 客機設計
國泰A321neo客艙同以往客機一樣，分成商務及經濟兩艙，當中商務艙有12席及經濟艙190席，總共有202席！先介紹一下商務艙，座位以2比2配置，總共有3排。在設計上，採用香檳及灰色系包裹式斜傾座椅，座位間有伸縮隔板，配置15.6吋4K個人螢幕！
到大家最關注嘅經濟艙，紅灰色系嘅座位以3比3配置，配備舒適枕墊同新嘅可調節頭枕，亦都可以往後大角度調校！加上，全面配置11.6吋4K個人螢幕，舒適度大大提高！根據國泰發放嘅資訊，所有座位都有USB-A或USB-C口，系統支援乘客嘅藍芽耳機連線，而機上亦有高速Wi-Fi。大家可以喺旅途中訓教之外，又可以睇戲或者上網都得！
國泰A321neo飛機客機 機艙設計
機艙方面，相信大部分人喺搭飛機時，最怕就係放行李時同人迫。今次國泰新客艙嘅儲物空間比以往的更寬敞，容量比之前大增60%，可以輕鬆容納8件隨身行李！而且，機艙內亦加設一個額外洗手間，共4間洗手間，減省乘客嘅輪候時間！
睇完國泰最新公佈新客機資訊，不論座位、機艙、儲物空間及座椅配置等，都比以往客機更大及多元化！雖然旅行對於大家都係遙遙無期嘅事，但都可以睇住國泰全新A321neo飛機客機望梅止渴下先！
座位表
實測
呢個係business位
呢個係business位
呢個係econ位
呢個係econ位 可以隊高部電話
😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
