好消息！4月1日起日本航空將由原本330日前可兌換機票提早成360日！就連內陸機都可以！

好消息！4月1日起日本航空將由原本330日前可兌換機票提早成360日！

嘩嘩嘩！好消息呀！日本航空宣佈，由4月1日香港時間朝早9:00起，將原本330日前可兌換機票提早成360日！即係話早咗成個月就可以拎到個機位啦！以後換去東京日本既機票或者甚至係換假單程就可以快手一步，里想達到啦！因為日航係連旺季都會放4個俾Econ / PEY / Business 同2個位First 位出黎架！

仲記唔記得我聖誕倫敦日航First 假單程呢？諗起都覺得正呀！總知就係香港時間4月1日朝早9點鐘，就可以換到2020年3月26日前出發既機票啦！同埋只要你程內陸機係痴埋程國際線一齊換既，就唔止可以2個月前先換到，360日前都換到啦！不過上網就check唔到內陸機啲位，正常查里數機位方法都唔work，所以就要打去問了！

覺得假單程、混艙個啲好複雜？直接用我呢個里數計算機計就得啦！唔需要理解任何野！當然都歡迎你撳入黎我個post睇下日航有乜假單程抵玩啦！來回歐/美/澳經濟57,000里、商務100,000里、頭等145,000里喳！

歐洲假單程例子：

倫敦/巴黎/法蘭克福 (坐日本航空)：

香港-倫敦/巴黎/法蘭克福  (國泰航空)
倫敦/巴黎/法蘭克福-東京 (日本航空)
大阪/名古屋/福岡/東京-香港 (國泰航空)

頭兩程加埋係經濟47,000里、商務90,000里、頭等135,000里 (只限倫敦及巴黎)，後面個程就係10,000里經濟，所以總共57,000里經濟、商務100,000里、頭等145,000里 (只限倫敦及巴黎)啦！日航頭等呀！我都勁想坐呀！

美國假單程例子

美國三藩市/洛杉磯/紐約/芝加哥/波士頓/溫哥華 (坐日本航空)：

香港-三藩市/洛杉磯/紐約/芝加哥/波士頓/溫哥華 (國泰航空)
三藩市/洛杉磯/紐約/芝加哥/波士頓/溫哥華-東京 (日本航空)
東京-香港 (國泰航空)

頭兩程加埋係經濟47,000里、商務90,000里、頭等135,000里 (只限三藩市/紐約/芝加哥/洛杉磯)，後面個程就係10,000里經濟，所以總共57,000里經濟、商務100,000里、頭等145,000里 (只限三藩市/紐約/芝加哥/洛杉磯) 啦！美國東岸都係100,000 Business 就去到，抵到癲啦嘛！