交租都可以儲里數或現金回贈！渣打信用卡仲有12個月分期做到 – RentSmart 租好啲 App

之前都同大家介紹過用RentSmart 租好啲呢個app交租，就可以用信用卡交租，從此儲到里數或現金回贈！

渣打Visa / Mastercard RentSmart 租好啲優惠：

而家用渣打Visa/Mastercard透過RentSmart 租好啲交租，除咗可以賺到$4/里 (渣打亞洲萬里通萬事達卡)或1.5%現金回贈 (渣打Simply Cash Visa信用卡)外，仲可以獨家俾你做到高達12個月信用卡分期！意思就係渣打會同你交咗一年租俾業主先，你再慢慢分返12個月還返俾渣打添！

RentSmart 租好啲使用介紹：

用個app交租，除左可以用信用卡交租之外，最大好處就係可以做埋高達12個月信用卡分期。

信用卡分期當然會有手續費，以12個月分期為例，RentSmart 租好啲所收嘅6.4%手續費黎計，減番1.5%信用卡現金回贈， 即係話如果你同業主拗到一次過交一年租時減多過4.9%的話 (6.4%手續費 – 1.5%現金回贈)，咁你就有賺啦！至於賺幾多就要睇你牙力啦！

用呢個app交租係唔需要通知業主既，不過留意返你用個app交完租後業主要最遲5個工作日先收到架，所以要預早啲交租，一陣交遲佐俾業主趕走你唔好瀨我呀hahaha

下載 Rentsmart 租好啲 app：https://php.rentsmart.com.hk/

渣打信用卡：渣打亞洲萬里通萬事達卡 ($4/里)、渣打Simply Cash Visa信用卡(1.5%現金回贈)！

有關資料只供參考，優惠受條款及細則約束，詳情請參考 https://www.sc.com/hk/zh/promotions/rentsmart/

借定唔借？還得到先好借！

Rentsmart 租好啲 身份驗證

同玩電子錢包好似，download完Rentsmart 租好啲app後，就要用你既email同電話申請帳號，然後再upload身份證進行身份驗證，upload完後大約需時一個工作日進行驗證，所以都好快就驗證好！

Rentsmart 租好啲 交租服務

當完成身份驗證後，就可以撳「住宅交租」開始用佢既交租服務，步驟如下：

1. 填寫你既租務資料，包括每月租金、租約期同每月交租日

2. 然後就要再輸入你既住宅地址

3. 跟住就要輸入租客資料，就要唔係租客本人都可以既，但留意返要報返你同租客既關係，例如Suger Daddy~haha

4. 接著就係輸入業主或租約指定既收款人資料，包括佢電話同收款既戶口資料

5. 最後影埋你張租約就搞惦！注意返影出黎既租約必須包括業主名字、租客名字、單位地址、租金、租約期同埋最最最重要既厘印，即係打佐印花，唔係Rentsmart 租好啲唔會承認你張租約架！

6. 當租約驗證好後，就可以選擇交租方式，並且選擇付款年期 (1個月、3個月、6個月、12個月)

如你選擇用渣打Visa/Mastercard付款，更可以選擇高達12個月分期。

交完業主會喺五個工作天內收到，之後你就會收到呢張receipt證明你係交佐租啦！

Rentsmart 租好啲 注意事項

1. 身份驗證同租約驗證最快都要一個工作天，所以一定要預早做驗證唔係交唔切租

2. 當租約驗證好後，就可以使用銀聯信用卡交租，交完業主會喺五個工作天內收到，都係個句，預早交，一陣有啲星期六日夾住佐就變佐交遲租了

3. 業主唔一定係一個人黎，一間公司或者慈善機構blablabla都可以，總知跟返租約打再過返數俾佢就得

4. 用呢個app交租唔需要通知業主同業主同意既，只要make sure業主準時或者甚至提早收到租就得啦！

受有關條款及細則約束，詳情請瀏覽「RentSmart租好啲」網頁rentsmart.com.hk

祝各位交租變得方便之餘又可以賺到現金回贈同里數啦 🙂