【星宇航空STARLUX Airlines A350飛行體驗Review】台北-澳門！短短1小時多機程都可試足4杯cocktail！

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,000獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

終於得閒啲整理返之前坐星宇航空STARLUX Airlines既相～之前見佢幾平，單程台北去澳門既A350商務艙都只係$2,000幾未到$3,000港紙，所以就衝咗去坐XD 不過宜家睇返話台北去澳門呢段航線已經無咗手沖cocktail了>< 好彩真係早咗試啊@__@

講返重點先，就係個座位啦！星宇A350商務艙係以有門既反魚骨設計，所以私隱度同舒適度都好滿意！唯一挑剔係加咗門之後，坐落去真係有啲窄啲既感覺，同埋睇返數字，其實係窄過其他A350的！但佢真係勝在硬件上好好，stoarge位又多 (但小心啲唔知啲野放咗去邊)，亦有無線充電同type C頭！真係唔記得帶USB都叉到部電話！而星宇A350商務艙張座椅，除咗有按摩功能外，仲有起飛、斜躺、全平躺同零重⼒ (Zero G) 4種模式，其中Zero G就值得講一講，佢係運用咗NASA太空艙既放鬆原理，等你並非完全躺平，而係上半身稍微抬起，等頭部高於心臟，下半身利用腿部、臀部、背部既聯合驅動，等你對腳抬高、座部下沉，使軀幹與雙腿保持大約120°既仰角，心臟同膝頭位於同一水平面，等身體各個部分所受到既壓力均勻分散喺椅面上，等你有喺太空既感覺！所用呢個mode黎食野或者用ipad，其實係會比起就咁訓喺到更舒服！最後同個mon，除咗係24吋超大高清螢幕外，個接觸式都好快！所以好好用好好玩！哈！

至於餐飲方面，唔好睇少只係呢短短一個鐘，無論係Econ定係Business，個餐都非常豐富！Business個餐係有晒主食、生果、甜品、湯添呀！而當然要講下佢個cocktail啦！佢一共有4杯cocktail，包括係湛藍宇宙2.0、星空莫西多、紅海凱撒、銀河碧螺春！藍色個杯湛藍宇宙2.0就係佢既signature啦！鍾意飲茶既要試下佢杯銀河碧螺春，但佢酒精味唔夠勁，我覺得可以叫空姐沖個陣叫佢落多啲酒，至於星空莫西多 (mojito) 同紅海凱撒 (bloody mary) 就睇你鍾唔鍾意！紅海凱撒我自己就好鍾意，因為夠晒辣！

哈哈！一個鐘既機程就係醉住同飽住咁過，非常滿足啊！希望遲啲有機會可以試到佢既長途機，咁就可以真正試到STARLUX既服務啦！