fbpx

【阿提哈德航空Etihad Airways頭等艙體驗First Class Apartment】A380上層頭等公寓!沖涼 + Lounge空中酒吧 + 雙連雙人床!

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

 

阿提哈德航空Etihad Airways頭等艙體驗First Class Apartment

宜家都好少航空公司有頭等艙坐,除咗阿聯酋航空 Emirates A380 頭等艙 First Class 可以沖涼之外,我覺得另一間必坐既First Class,就係中東三寶Etihad 阿提哈德航空既 First Class Apartment!(宜家可以用HSBC EveryMile去儲Etihad里數黎換!迎新有36,000里!快手申請!)

🔥 小斯申請連結: https://grp.hsbc/JOFFFMP (記得一定要用小斯呢條指定連結申請呀)

👉 登記額外高達$600「獎賞錢」: https://grp.hsbc/JOFFFMR
(一定要喺6月21日至7月5日經小斯申請連結申請,再喺指定網址用小斯優惠碼「SIUC1800」或「SIUC1600」登記埋先有額外獎賞)

❤️ 優惠詳情: flyformiles.hk/62471

中東三寶Etihad 阿提哈德航空既 First Class Apartment,叫得Apartment既意思,就係A380上層頭等公寓!最出名就係佢可以喺飛機上面沖涼 + Lounge空中酒吧 + 雙連雙人床!所謂既雙連雙人床,又無Qatar Qsuite 咁樣正到真係打通兩張床,佢係喺個頭位個到可以同隔離打通,咁變咗你訓前同可以同honey黎個good night kiss咁~


阿提哈德航空Etihad Airways頭等艙體驗First Class Apartment 座位

Etihad 既座位,唔似Emirates First Class咁,床同個位都係同一個,Etihad 本身已經係一個Apartment,裡面已經有張長Sofa + 一個座位,你坐就坐個位,然後sofa就可以變床咁,所以變咗你食野個陣,人地就可以坐喺sofa同你對著食,開心好多!

另外由於有張長sofa,所以佢既收納空間都好多,單單sofa底都夠你放隻細喼,什麼harry carry都夠放晒喺裡面!唔使放上overhead cabin,你唔明我呢啲小矮人係拎得幾辛苦-.-”


阿提哈德航空Etihad Airways頭等艙體驗First Class Apartment 雙連雙人床

至於變床方面,呢樣就真係Etihad最威之處,佢唔單止學似其他First Class咁俾成大張床你訓,仲要係雙連既!我平時都唔會自己一個坐飛機,所以雙連對我黎講好重要架hahaha 個頭位個到你係可以望住隔離訓,真心威威!訓前黎個good night kiss都仲得~~好冧<3

 


Etihad Airways頭等艙 過夜包、睡衣、耳機

過夜包都無乜特別啦!Amenity Kits係用一個Skincare brand, Omorovicza!我當住搭個陣,就好奇怪點解過夜包裡面啲野係紙包既,仲要細細支咁!比起Emirates真心差好遠!不過睇返資料Eithad已經喺2018年年尾時改咗用ACQUA DI PARMA,所以已經好好多!同埋都有睡衣、拖衣同抗燥耳機!件睡衣幾好著既~有時冬天我仲會拎黎喺屋企著啊!

 


阿提哈德航空頭等艙 Lounge空中酒吧

Etihad 個Lounge空中酒吧就真係無得同Emirates果個比!Emirates果個真係叫乜酒都有咁!好有氣氛!呢到就雖然坐既位多啲,而可以圍圈圈坐~但所以酒吧我自己就覺得係一個酒櫃仔吧!真係好少選擇>< 但坐得係舒服既!

 


Etihad Airways頭等艙 廁所及浴所

廁所方面我覺得大過Emirates好多!而且配色同配品都好First Class Level,起碼真係睇得出係一個First Class既廁所,然後亦都有5分鐘熱水沖涼時間!比較返浴室部份雖然會比起Emirates細少少~但都係好舒服既一個廁所來!我沖涼都沖得好開心~


阿提哈德航空頭等艙 飛機餐及酒

膳食方面我覺得阿提哈德真的要再加努力,成為中東三寶既airline之中,真係完全比下去>< 本身First Class 個menu都已經係A la Carte Menu,但可以揀既野少之有少,而酒更加係,睇個menu我以為自己坐緊Business添!佢香檳只係用Shop Charles Heidsieck Brut Millésime 2006!其實有時Qatar Business Class都係serve呢支,所以真係未到First Class 既level。然後野食方面,main我地嗌咗一份Sea-bass同雞胸,個味道都幾鹹下>< 而早餐個到,選擇真係少之有少,好似酒店早餐咁,都係水果蛋麵包咁!唯一似返first class d就係你可以揀個蛋係點整!我就嗌咗pancake既,但係個pancake。。。麥當勞好食啲我覺得/__\ 唔知係口味唔啱定的,我覺得Etihad真係喺膳食上要加油啊!

 

 

 

 

 


Etihad Airways First Class Lounge 及 First Class Check in

之前喺返佢地既基地Abu Dhabi 上機,所以First Class係會有一個專屬既area去check in,然後俾你直入lounge到休息!呢個experience係幾順利同幾舒服!而Etihad Airways First Class Lounge ,應該叫Lounge and Spa,佢除咗有跑步機外,仲會提供免費既15分鐘按摩服務,然後仲有唔同area俾你坐同訓覺!喺到hea到等上機係舒服既!不過就厭佢個浴室真係太細,同Business Lounge既浴室無乜分別,以中東呢啲咁有錢既airline黎講真係有啲弱~

另外佢First Class Lounge都有A la Carte Area既,份menu都幾大份都幾多選擇,不過口味問題真係唔啱食,啲野好鹹-_-” 可能係我唔識欣賞啦sad 同埋香檳都只係用Charles Heidsieck,感覺唔係First Class Lounge既level了 ><

阿提哈德航空Etihad Airways頭等艙體驗First Class Apartment

 

總結

總結一下!Etihad Apartment First Class 我覺得硬件上係正既!訓得舒服過Emirates好多!又可以同你既伴侶互動!但喺飛機餐同酒方面真係差咁啲!而且服務我都覺得係冰冰的!但我諗解釋到既,因為喺Etihad 既世界,佢地真正既First Class 係1A位果個 First Class Residence!所以所有人都一定係search咗果個位既人先!就連我行過想偷望一下,佢地都會叫我唔好!就知道Residence果個位係幾咁尊貴了!故此你唔係機上面最大果個乘客,我覺得佢地對我冰冰都正常啊!哈哈!

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

發佈留言

暱稱和郵箱必需填寫,您的郵箱只有管理員可見。