聯營航班 Codeshare flight
岩岩好多台灣網站都喺到講緊，星宇航空Starlux 同 國泰航空 Cathay Pacific 開始出售聯程航班 Interline！講緊係Starlux開始會幫國泰賣機票，而初步既合作就係由香港出發至中國內地既以下城市：SHA/NKG/CANSIA/BJS/WNZ/FOC/CKG/WUH/HAK/CTU/CGO/SYX/NGB/TAO/XMN
即係話你現時透過一啲OTA (暫時我淨係搵到一啲台灣既OTA)，就可以一條飛一次過開晒由台灣-香港-中國內地既機票！各位一聽到星宇同國泰開始有合作就非常開心，因為K董一路都話自己有意加入寰宇一家Oneworld，咁樣大家遲啲就可以用Asia Miles換到星宇航空既航班！
但我自己就覺得咁諗實在有啲過早，因為宜家佢地既合作只係聯程航班 Interline，並唔係聯營航班 Codeshare flight！兩者既分別都非常大！我就做咗少少功課打咗篇文講下兩者有乜分別！大家不妨睇下！
簡單啲黎講我自己就覺得，國泰宜家有人幫佢賣下飛，俾星宇賣下又無乜所謂！反而又唔係Codeshare，唔需要掛佢個名落去自己班機，而佢既中國內地線亦會多咗客！
不過又咁講，聯營航班 Codeshare flight既協議，其實可以話係建基於聯程航班Interline的制度上，並進一步發展成全球性的航空公司聯盟制度黎！N年前既Oneworld都係咁發展而成！
所以你話星宇有無機會入到Oneworld就都有可能既，人生充滿希望！我地一齊期待下吧！
聯營航班 Codeshare flight 是什麼？
- 聯營航班/代碼共享/共掛航班 (Codeshare flight)，意思係指由2間或以上航空公司共同經營的班機！
- 亦係指2間或以上航空公司之間的一種商業協議，大家共同營運且銷售指定航線的機位
- 名義上喺共同既航班號碼上，但實際上承運載客的航空公司只會有一間，即係承運航空公司。其他共同營運的航空公司就即係銷售航空公司
- 例如由國泰營運飛去日本既航班，多數都會同時掛埋AA/JL/QR等等航空公司既code，即係話承運航空公司係國泰，而AA/JL/QR就係銷售航空公司
聯營航班 Codeshare flight 注意事項
如果訂到聯營航班，例如於國泰航空官網上，訂到一啲唔係國泰營運既航班，最佳例子就係一啲當地既內陸機，例如美國航空等等，就有以下事項要注意
- 行李額問題 (件數/重量額制)
- 轉機問題 (行李需要清關？可以直掛？)
- 貴賓室使用權限
- check in 既期限
- 里數及里程累積問題
- 航班異常的處理 (如延誤、更改、取消等)
- 行李遺失或損壞的補償 等等
用返上面美國航空的例子，由於你乘搭的唔係國泰航空，所以有機會部份規距就需要按照美國航空的規則處理，故此買機票時最好睇清楚你機票的條款及細則
聯程航班 Interline 是什麼
- 同聯營航班 Codeshare flight有啲相似，意思即係由A航空公司代售B航空公司機票
- 目的係等未有飛行接駁航線，但有飛往鄰近城市既航空公司，能夠聯同另一航空公司的接駁機票一同以轉機機票的方式出售俾顧客
- 要出售聯程航班，兩間航空公司必須係有協議，例如今次就係星宇航空負責代售國泰航班前往大陸的航班
- 但注意聯程航班Interline係不同於聯營航班 Codeshare flight，代售機票的航空公司係不會喺代售航班上掛上自己的編號！即係話JX係唔會掛到喺CX既航班上面
- 至於聯程航班Interline的另一好處，就係部份航空公司能夠提供行李直掛及發行聯程登機證boarding pass 的安排，等你喺轉機途中，唔使重新辦理check in寄行李手續，以縮短轉機時間
聯程航班 Interline係聯營航班 Codeshare flight的前身
- 聯營航班 Codeshare flight既協議，其實可以話係建基於聯程航班Interline的制度上，並進一步發展成全球性的航空公司聯盟
- 目前國際上三大航空公司聯盟 – 星空聯盟、天合聯盟及寰宇一家，其實最初都是由原本就有code share合作的航空公司，組成聯盟既核心集團，再逐漸引入新夥伴航空公司，再擴大成今日的規模！
- 所以你話星宇航空將會進入寰宇一家Oneworld其實亦有可能！不過宜家同國泰搞聯程機票 Interline係第一步吧！
聯營航班 Codeshare flight 常見問題
1. 什麼是聯營航班 Codeshare flight？
聯營航班/代碼共享/共掛航班 (Codeshare flight)，意思係指由2間或以上航空公司共同經營的班機！
2. 聯營航班 Codeshare flight同聯程航班 Interline有咩唔同？
注意聯程航班Interline係不同於聯營航班 Codeshare flight，代售機票的航空公司係不會喺代售航班上掛上自己的編號！
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
