【台北大安伊普索凱悅尚選酒店入住報告】Episode Daan Taipei JdV by Hyatt 101客房 + 早餐 + 黑膠碟Lobby + Gym

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,500獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

之前去台北坐星宇航空首航時，就順便試埋台北呢間新酒店 – 台北大安伊普索凱悅尚選酒店 EPISODE Daan Taipei, JdV by Hyatt！2024年5月先可以試業架！

位置

呢間酒店位於東區，距離忠孝復興只係3分鐘！附近就係SOGO，所以幾方便的！

酒店設計

如果你係80-90後的話，你應該會好鍾意呢間酒店！因為佢係用華語流行歌曲做主題！佢lobby係有晒佢老闆私人珍藏既黑膠碟！播既歌都係以90年代既華語流行歌曲為主！有啲似佢地台灣既流行音樂中心！有時仲要有 DJ/Jazz 現場 Live 演出添！

而且lobby提供全日免費零食同飲品！普通客人都可以每日有一杯咖啡！而每日5點仲有免費既Happy Hour，啤酒同烈酒都可以無限飲！而Globalist另外仲有紅白酒同小食去揀返！

房間

房間雖然就唔太大，但要有既野都應有盡有！因為係Gloablist 既關係，所以被upgrade做101客房，叫做望到101個頂頂～其實設計普通房一樣的，大家當自己book最基本個隻房型就係呢一隻就得！mask/ 眼罩/浴鹽等等都有！房仔細細但因為佢同個廁所個設計好一體化既關係，所以你用落都唔覺得細！部電視都係55吋既！同埋特別想講佢個UNIX風筒好好用！我都係第一次用呢個牌子！另外佢每間房裡面都有一部仿黑膠碟機，俾大家用黎影下相都唔錯既！

另外上網都見到有人係被upgrade做有露台既房！呢間房仲正頭係有浴缸添！某一唔好處係個廁所同間房真係完全間開咁，所以個空間感會細好多，但我比較鍾意浸浴，如果俾我揀我會鍾意有浴缸多啲～

早餐

如果你揀咗係包早餐既房，或者你係Globalist就會有早餐的！咁你每朝就可以喺佢樓下個間牛排餐廳食早餐！佢唔係buffet嚟，係set menu，主要食burger、American Breakfast 同捲餅！超級美式！

設施

呢間酒店比較弱既地方就係設施，酒店係無泳池、三溫暖同spa等等！而gym都只係細細個咁！不過咁細bench都有2張，同埋都有啞鈴同史密夫機，所以其實都夠用

總結

呢間酒店絕對唔係豪華既酒店！無大大既房，非常華麗既lobby，無泳池無spa，但佢既賣點就係個vibe！你會見到大約3點後，其實係有好多後生仔係會喺lobby到傾計飲野，我都唔知佢地係咪房客黎@__@ 但又真係好多人，再加埋會播埋華語歌，啲偽文青就最啱！佢既位置咁方便，所以都建議不妨快閃台北個陣可以試下呀！

【凱悅酒店集團】World of Hyatt 凱悅天地玩法及詳解！最新優惠！