今次喺東京旅行，我選擇住喺位於皇居旁、交通便利嘅 The Peninsula Tokyo 半島酒店！呢間酒店一向以奢華服務、舒適客房同細緻體驗聞名，今次就同大家寫個入住報告！
交通
酒店喺JR有樂町、地鐵日比谷站附近！交通超方便！
大堂
一入去就見到呢個充滿藝術感既大堂，而食早餐都會係側邊既大堂茶座食啊！
房間
間房超大，普通房都已經有衣帽間、廳、乾濕分離嘅廁所！首先講下個衣帽間，真係超大！最緊要係有個梳妝枱啦，有大大塊塊鏡對住嚟扮靚靚！隔離仲有個吹指甲機，真係細心！Bio Programming既風筒作為「造型界愛馬仕」，佢既細胞基因活化技術，除咗超快吹乾頭髮，仲可以緊緻臉皮！再睇下個廁所，係乾濕分離，浴缸係出面，浴鹽、番梘同刷背巾都有！仲可以教光暗，襯番你要既氣氛！出番去間房，有張大梳化，對住個大電視！日本又點少得沖茶用品呢！Mini bar既非酒精飲品都係免費！個酒櫃都好正！景觀方面向皇居好開揚，而另一面就望番銀座一帶城景！半島既開床服務，會係地下舖塊巾再放好對拖鞋！床頭都會放支水同放個杯！張床闊到瞓三個人都得，軟硬度都好舒服！側邊個控制板已經可以熄晒全間房嘅燈同埋閂窗簾，唔使落床！
早餐
起身就落去食早餐啦，主要分日式同埋西式！
日式個煎三文魚好滑，但亦都有燒過嘅香味！小碟嘅牛肉，好有驚喜，牛味好出！豆腐又滑又香豆味！
西式就係半島牛油果多士，首先會有一堆各式各樣嘅麵包！牛角包超鬆軟！而佢嘅牛油果就係切片，然後上面有酸忌廉同埋蕃茄粒，就好似食緊莎莎醬咁！下面嘅蛋沙律都好好食，個包就算放耐咗都依然咁脆！
半島嘅住宿同埋服務都一流！去日本想更加舒適同埋享受，一定要住東京半島酒店啊！
另外同level既酒店大家都可以試下住香港半島酒店、東京虎之門艾迪遜酒店、Park Hyatt Tokyo 等等！
日本東京半島酒店 The Peninsula Tokyo 基本資料
- 交通：
- 成田出發：
- 京成スカイライナー 上野駅経由、JR山手線・京浜東北線 有楽町駅下車
- JR成田エクスプレス線 上野駅経由、山手線・京浜東北線 有楽町駅下車
- エアポートリムジンバス／東京駅方面乗車
- 東関東自動車道／高速湾岸線／首都高速都心環状線霞が関出口もしくは銀座出口より
- 羽田出發：
- 東京モノレール 浜松町経由、JR 山手線・京浜東北線 有楽町駅下車
- エアポートリムジンバス／日比谷エリア方面乗車
- 高速湾岸線／首都高速都心環状線／霞ヶ関出口もしくは銀座出口より
- 成田出發：
- 電郵：[email protected]
- 電話：+81 3 6270 2888
- 地址： 1-8-1 YURAKUCHO CHIYODA-KU, TOKYO 100-0006
- 官方網站： https://www.peninsula.com/zh-cn/tokyo/5-star-luxury-hotel-ginza
😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
