理財管理App推介！信用卡/銀行戶口/MPF都適用 – Planto

Planto

近排上網見到呢個app都幾啱大家用！因為可以連結晒香港大部份發卡銀行既卡同MPF戶口，等大家可以一次過睇到晒：

1. 卡數到期日
2. 積分結餘
3. 簽賬類別分類
4. MPF結餘及賺蝕
5. 投資賺蝕 (股票及樓)

下載連結：flyformiles.hk/planto

MPF

下載及登入Planto app後：

1. 在賬戶中，點選右上角+符號
2. 選擇強積金及你所使用的受託人
3. 輸入強積金網上戶口的登入賬戶及密碼，再按連結 （如擁有多個戶口，重覆以上步驟）

4. 賬戶頁面顯示你的強積金賬戶的結餘總額，點擊MPF欄（紅框）查看各計劃的累算權益
5. 點擊計劃名稱，查看計劃內的累算權益、盈虧，以及各投資組合的百分比

Planto 介面

於Planto 你可以一個App就睇到晒你唔同戶口既錢、MPF戶口、投資戶口、信用卡戶口、貸款戶口、按揭戶口 (未開放功能)、物業、保單及信用卡積分。

信用卡還款提示

進入「信用卡」就可以睇到你唔同信用卡既還款日期，咁就唔驚找漏卡數啦！

Planto 簽賬類別

Planto 會根據你既銀行戶口，同你分析你既簽賬類別，等你更能了解你既消費習慣

信用卡積分

於信用卡積分裡，亦會show晒你咁多張卡既分同埋到期日出黎，等你唔使唔記得用咗啲分，就連Asia Miles 戶口都睇到架！

Planto 支援機構

Amex、Tap & Go、八達通、Asia Miles、HSBC、恒生、CITI、DBS、渣打、東亞、中銀、ICBC、大新、建行、安信等等

即係我有介紹既銀大部份都有呀！

安全性

Planto與香港任何銀行都沒有關連或夥伴協議。用戶嘅理財數據係通過 screen scraping 方式收集——用戶輸入銀行登入認證（包括一次性密碼及雙重認證等），並同意系統從銀行嘅平台收集交易記錄。呢種方法為全球多個平台採用，整合數以千計銀行數據，服務數以百萬計顧客。Planto唔會儲存用戶嘅敏感個人資料，只會取得於應用程式顯示及私隱政策提及嘅數據。Planto採用自家研發嘅屏幕抓取技術，確保做到最安全，你嘅資料絕對唔會於未經你同意下向第三方披露。

所有敏感個人資料，必先經過加密處理，並且只會儲存於你嘅手機裏。Planto伺服器或雲端唔會儲存任何敏感個人資料，只有用戶本人先有權限存取相關資料。

要登入Planto，你必須通過生物認證及/或輸入pin碼以驗證身份，因此只有你才能掌控自己嘅Planto賬戶。

所有財務記錄一律經過AES-256技術加密，並安全儲存於雲端伺服器上。任何人均無法於數據傳輸過程中攔截資料。

而註冊Planto 亦只需要電郵就可以，毋須提供任何個人資料。