fbpx

去旅行外幣唱錢攻略!外幣點唱先係最抵?五大方法話你知!究竟咩戶口可以去到外地免手續費咁撳返裡面啲外幣出黎?碌卡仲可直接扣裡面外幣同有高達4%回贈!

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

旅行外幣唱錢攻略

開關啦!所以小斯今日想同大家重溫點樣換外幣係最抵,如果大家有更抵既方法既,歡迎大家同我分享!

首先,換外幣既方法分別有幾種,包括:

  • 香港本地找換店兌換
  • 先用EBANKING換好錢,再去銀行拎外幣
  • 當地櫃員機禁錢 (Circus 或 Plus 或 銀聯),使用有Global wallet 功能既銀行仲可用TT Rate將戶口外幣直接撳出
  • 當地找換店兌換
  • 於本地外幣櫃員機拎外幣

而以上咁多種方法,我自己就prefer用Citi Plus戶口,因為可以趁價靚個陣,唱定啲外幣喺戶口先,然後去到外國先撳出黎都得!因為佢用Circus網絡撳錢就無手續費,而且周街都有!咁樣唔使咁麻煩特登落銀行拎外幣了!碌卡仲可直接扣裡面外幣同有高達4%回贈 !喺9月30日或之前經小斯申請仲有$800:flyformiles.hk/31850

另外去到外地就梗係碌卡賺分啦!因為碌卡的話扣完個手續費仲有分賺添架!例如HSBC Visa Signature 基本都已經有3.6%外幣簽賬回贈!扣完1.95%手續費都仲有賺呀!

而銀聯卡都要帶埋去架!除咗免手續費之外,有時有啲outlet同舖頭係寫明用銀聯卡簽賬係額外有折架!好用既銀聯卡就有2%現金回贈既安信EarnMORE 等等!

旅行外幣唱錢攻略 方法 1:香港本地找換店兌換

牛記匯率:http://www.nkcl.com.hk/change-ch.php

發達鳥匯率:http://www.richbirdhk.com/

堅成匯率:https://www.ksme.hk/index_hk.html

多福匯率:https://www.dfexchange.com/

好處:大部份熱門貨幣都有,匯率都OK,但要留意如果係冷門少少嘅外幣 (例如係俄羅斯盧布,越南盾之類),個匯差可能會大啲,或者甚至無得唱,要多啲比較下!

壞處:好多時排隊排到嘔,所以建議大家朝早打過去留咗錢先,然後再過去拎,咁就唔使排咁耐!

*記得拎收據,因為如果要claim保險係需要張收據黎證明個exchange rate

 


旅行外幣唱錢攻略 方法2:先用銀聯ebanking換好錢,再去銀行拎外幣 (最抵 + 最方便)

好處:匯率靚,可以用到TT Rate(電匯價),又方便,上個網就可以換,就咁CHECK返邊間銀行有錢拎就可以直接去拎

壞處:要有ebanking同埋外幣戶口先可以做到,但如果係高級戶口 (Preferred banking以上個D),會有點子優惠,個匯率仲會再靚D;同埋唔係隻隻貨幣都有,因為台幣、印尼盾個啲就無。而且每日係外幣戶口提取外幣都有上限,如果換大額外幣,就必須分幾日提取,請注意!

另外有一啲銀行仲方便到只要你有外幣喺戶口,就可以直接喺外地撳返你戶口啲外幣出黎!因為Citi戶口就係啦!

以下呢一個網址可以俾大家參考下唔同銀行既rate http://hk.ttrate.com/zh_hk/?c=JPY

以下會用恒生銀行ebanking做例子

入到去ebanking之後,禁外幣/黃金,然後就禁存入我的恆生戶口,然後揀返要換既幣值,例如今次換yen既就揀JPY Saving。然後下面既金額就揀返想換幾多,揀港紙既即係代表想將某個數量既港紙轉做yen;調返轉揀yen既話就係目標換咁多咁多yen,就會自動同你用返相對既港紙去對到你目標想換既yen數量。
TT Rate - 1

禁咗同意之後,去到下一頁睇下金額個到,就會見到當時既exchange rate,因為我打post個陣已經係深宵收佐市,所以睇唔到exchange rate。再按確定,港紙就會扣佐,yen紙就會入咗大家戶口。
TT Rate - 2

然後第二日就先打去某分行到問睇下有冇yen既現鈔先,有既話就可以去果個分行到拎啦!

 

小知識:電匯價,簡稱 TT 價,T.T. 全名為 Telegraphic Transfer,意思即係電匯,係一間公司通過銀行(匯款行)將款項匯予(收款行)存入收款人帳戶(另一間公司或者自己公司於另一銀行既戶口都可能會),係付款的一種方法,(下刪N萬字)總知就係比現鈔價平。

結論:我比較過找換店同銀行既TT rate,其實兩者都係好抵差唔多,無話特別邊邊一定高D咁,difference都係在於你用邊間銀行,但其實實則上落唔大。所以用邊種方法就視乎邊種方法方便大家。

 


旅行外幣唱錢攻略方法3:當地櫃員機禁錢 (Plus 或 Circus 或 銀聯)

好處:見到PLUS或者銀聯就可以禁錢,又唔使去銀行換,而且銀聯rate都係靚既,但當然冇TT rate同找換店rate咁靚

壞處:宜家間間銀行都轉晒晶片卡,仲要冇佐PLUS,去外國禁錢無咁方便,而且有D機仲唔SUPPORT新既晶片卡好麻煩;仲有,小斯建議大家唔好用PLUS個制式黎禁,因為PLUS個手續費好貴 (但宜家Citi Plus 戶口 同 HSBC ONE+戶口就無手續費)

補充:

1. 銀聯卡唔係到到都禁到,有D銀聯ATM機係傻既,我係歐洲試過好多次

2. 禁錢要收手續費,銀聯一般收$25 – $50一次,Plus/Circus會收1.95% (但宜家Citi Plus 戶口 喺全球同 HSBC ONE+戶口就無手續費)

3. 用銀聯卡提款,有一點要留意,就係外地提款機,好時時淨係可以係提款卡既主戶口 (即係卡面號碼既戶口) 提款,並唔支援選擇其他戶口提款,所以去外地前應先轉賬到主戶口,或者以 ebanking 係提款前過數,確保主戶口有足夠結餘提款,正因為呢個原因,用VISA/Master 信用卡並唔適合於外地提款,原因係銀行會當你用信用卡做現金透支,咁你返到香港就又要搞一大餐

結論:去到禁一定係冇上述個兩種方法咁抵,但換來既係方便!

不過如果你係用Citi Plus或HSBC ONE+戶口,咁你就可以用方法二唱定錢再用方法三撳出黎,咁就又抵又方便了!

Citi Plus戶口 HSBC戶口
全球Plus (Visa) 網絡 不適用 不適用
全球銀聯網絡 不適用 不適用
全球Circus (Mastercard) 網絡 不收費 Premier戶口或以上不收費
全球Citi櫃員機 不收費 收費
全球HSBC櫃員機 收費 不收費

 

旅行外幣唱錢攻略方法4:當地找換店兌換

超唔抵!又有手續費,唯一好處係你用剩咗既錢多數係可以以同樣既exchange rate去換返俾佢。

又或者有啲外幣係香港極少找換店/銀行有得唱,又或者個匯率好差。咁嘅情況底下就要拎美金/歐羅去當地唱啦,例如越南/印尼/俄羅斯/土耳其/阿聯酋等等,無其他選擇啦~

 

旅行外幣唱錢方法5:於本地外幣櫃員機ATM拎外幣 (超方便)

宜家喺香港,都有唔少銀行係有外幣櫃員機ATM,等你可以直接由戶口撳啲錢出黎洗!

香港用ATM外幣提款方面,main bank黎講,恒生、匯豐、Citi都已經有外幣自動提款機,插張提款卡落去,本身有外幣既就可以直接撳外幣出黎,無既亦可以即時用港紙轉,非常方便!當然外幣既選擇亦有好多,大家最愛撳既美金係一定有啦~但外幣自動提款機唔係到到有,所以可以各自check下呢3間bank既位置先去撳錢~

Citi:https://bit.ly/2N309mm

HSBC:https://bit.ly/306pJe5

恒生:https://bit.ly/2z0LakC

另外渣打的話喺中環交易廣場都有部Digital Teller,一樣可以撳到外幣,但因為係要同Teller視像對話,所以唔會開24小時。

好處:當然如果地點就腳的話就超方便,又唔使排隊

壞處:匯率無銀行TT rate 有點子優惠同找換店唱咁抵,但係真心唔差得遠,所以如果唱得唔多又只係唱啲熱門外幣,例如YEN/WON/歐羅/英鎊呢啲,直接喺外幣櫃員機撳就算啦!

 

各大國家唱錢最抵方法

大陸:去中銀用TT RATE換,我覺得係最靚既!當然找換店仲平,但你敢唔敢?人仔黎架喎-_-

台灣:去到用銀聯卡禁!好靚又方便!

日本:去銀行用TT RATE or 係找換店唱定先去!撳錢貴好多!

歐洲:用TT RATE or 喺找換店唱定先去,宜家好多地方冇得用銀聯禁錢,用PLUS禁好貴!

英國:用TT RATE or 係找換店唱定去,不過去到用LINK或銀聯禁個價都OK

韓國:去到用銀聯卡禁,靚RATE!同找換店差唔係好多!或者去明洞唱

泰國:係百年唱定先去,但fans們說Superich亦唔錯!歡迎分享!
Superich – 曼谷有兩間Superich,有橙色(數間)同一間綠色,大家都在Chitlom Big C後面, 呢兩間都係最抵!而橙色另外個幾間係BTS或大型商場分店既,就RATE無Big C後面個間咁好

馬來西亞:係找換店唱定先去/去到當地找換地唱

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

379 comments

Skip to comment form

    • SS on 16 11 月, 2023 at 1:43 下午
    • 回覆

    小斯,請問宜家去台灣,如果我無HSBC premier,咁香港唱定錢? 定係用匯豐debit card atm? 多謝回覆。

    1. 先唱左先吧 除非你係好大額先去撳啦

    • MM on 3 10 月, 2023 at 12:36 下午
    • 回覆

    小斯,請問宜家去台灣,係唔係仲係用銀聯atm最扺?定係用匯豐debit card atm? 定係香港唱定錢?多謝回覆。

    1. 宜家銀聯50蚊一次 hsbc如果有premier就用premier啊

    • Louis on 17 9 月, 2023 at 3:09 上午
    • 回覆

    小斯~
    請問用安信信用卡( 銀聯)可唔可以去台灣櫃完機禁錢?會唔會當係現金透支收好高息?🙏🏿

    1. 唔好撳呀 唔抵呀

    • Ting on 25 8 月, 2023 at 12:20 上午
    • 回覆

    請問用Interactive Broker買外幣,再入落citibank户口喺返香港㩒,呢個方法有冇咩好處壞處嗎? 謝謝~

    1. 好似係轉唔入去 你可以試下
      得就抵既

    • Kathy Lo on 6 4 月, 2023 at 2:04 上午
    • 回覆

    小斯:請問在歐洲(如維也納等)用Citibank開通咗global wallet的debit card,是不是要用密碼的?

    因為我聽朋友講,嗰邊碌卡要入密碼的,同香港唔同,只需要簽名。如是,是不是用平時atm的password?還是上網的人說入000000就可以?

    還有用當地atm提款,也是用平時的password便可?謝謝!!!

    1. 係要入密碼 除非你直接碌卡 碌就唔洗既
      撳錢係用平時密碼

    • hello on 27 1 月, 2023 at 5:10 下午
    • 回覆

    用CITI GLOBAL WALLET, 英國HEATHROW提款, 點分邊部使唔使錢? 寫住FREE CASH?
    提款銀紙最少係咩面值?

    1. 有既話會提你收charge
      我都唔清楚會唔咩面值喎 要睇部機啊

    • Michael on 18 1 月, 2023 at 4:12 下午
    • 回覆

    想問可唔可以先用銀聯ebanking換好錢, 再響本地外幣櫃員機拎外幣saving d 外幣嫁 (e.g. 恆生)

    咁樣係咪一樣可以用到TT Rate, 又冇任何手續費?

    1. 恒生無得咁玩

    • netaro on 5 6 月, 2020 at 3:56 下午
    • 回覆

    關於 e-banking 換外幣問題:其實留言都有人提過,但見你都冇update過內容
    並唔喺間間銀行都有提供免費【提取】外幣服務,除咗留言所講嘅大新,我有用過東亞都係咁情況。e-banking可以用TT rate兌落外幣戶口,但到分行提款(不論提取多少)都要補返現鈔差價。
    變相唔單止逼你用現鈔價,仲要喺提款當日嘅現鈔價。除非喺高級戶口先可以免除。

    除咗恆生,中銀提取外幣都喺 真。免費

    希望可以喺返正文提返呢樣野

    • Jerry on 20 2 月, 2020 at 1:58 下午
    • 回覆

    請問在香港Citi用外幣自動提款機提取外幣是否免手續費?假設已經在網上兌換外幣。在分行預訂要收港幣$20(上限$20000美元等值)。

    每日提款上限都是$20000美元等值?

    1. 請問在香港Citi用外幣自動提款機提取外幣是否免手續費?
      –>係

      假設已經在網上兌換外幣。在分行預訂要收港幣$20(上限$20000美元等值)。
      每日提款上限都是$20000美元等值?
      –>唔關事,喺外地用櫃員機拎錢係即時用港紙轉外幣,唔係拎你本身啲外幣出黎
      上限係Citi Priority / Citibanking 20,000 HKD,花旗私人客戶業務/ Citigold 40,000HKD

    • Jackson on 9 1 月, 2020 at 1:33 上午
    • 回覆

    去越南, 點樣換越南盾先最抵呀?
    謝謝

    1. 先係香港換美金再去到當地換越南盾

        • Jackson on 9 1 月, 2020 at 1:59 上午
        • 回覆

        好的 謝謝你解答

    • ctw13 on 20 12 月, 2019 at 6:57 下午
    • 回覆

    你好 我個月下個禮拜去英國exchange有啲急 麻煩晒解答🙏🏻
    想問英鎊邊到唱錢好啲?🙏🏻
    個人只有hsbc atm銀聯提款同visa 另外有張恆生plus🙏🏻 另外英國大學附近有間hsbc 其實係咪可以係當地銀行唱錢都okay?
    many thx🙏🏻

    1. 喺香港櫃員機撳定去好啲 宜家英國都唔多銀聯機

        • ctw13 on 21 12 月, 2019 at 6:28 下午
        • 回覆

        想請問如果我係香港設立外幣戶口 放英鎊
        去到英國時拎出來用只需要收手續費? 不用再計算匯率?
        另外想請問多數的超市有 hsbc atm銀聯提款服務嗎?
        感謝你回答🙏🏻

        1. 基本上都無銀聯機架啦 你直接香港換啦 香港拎cash去傍身 平時主要都係碌卡就夠

            • ctw13 on 22 12 月, 2019 at 11:49 下午

            好的 感謝你的回答 謝謝你🙏🏻

            • ctw13 on 26 12 月, 2019 at 3:34 上午

            sorry 想請問建議帶幾多cash較為安全隱陣?
            另外 海外簽賬有什麼手續需要預先辦理?🙏🏻
            感謝你的回答 謝謝🙏🏻

            • 小斯 on 28 12 月, 2019 at 6:13 下午
              Author

            唔好帶咁多啦 英國易俾人偷野
            你去幾耐到?半年左右你帶2000-3000鎊到都夠啦 可以碌個陣就碌
            無咩手續呀 去到就咁碌就可以了

    • Apple on 28 10 月, 2019 at 7:56 下午
    • 回覆

    請問兌換新加坡幣是在香港換還是在當地換抵d?

    1. 我係香港換 銀行換多

        • Apple on 29 10 月, 2019 at 11:30 上午
        • 回覆

        請問邊間銀行較多?
        謝謝

        1. 我之前唱錢都係hsbc 因為佢地有做成本價兌換

    • hello on 26 10 月, 2019 at 1:16 下午
    • 回覆

    去冰島唱錢定碌咭好呀?
    如果碌咭碌邊張好d?
    HSBC VS (5倍唔中海外)/ SCAM / BEA flyer world

    1. 碌卡啦 而家有海外promo你可以用hsbc vs

    • ABC on 26 8 月, 2019 at 4:30 下午
    • 回覆

    請問現在兌換台幣在港兌還是在當地ATM㩒較抵?

    1. 當地atm禁都ok

    • YY on 23 7 月, 2019 at 4:11 上午
    • 回覆

    請問現在兌換新加玻幣在港兌還是在當地ATM㩒較抵?

    1. 香港換左先抵d

    • Chan Wing Kei on 21 6 月, 2019 at 6:00 下午
    • 回覆

    而家已是 2019 年 🙂

    去澳洲銀聯定找換店呀?

    1. 找換店平少少

    • ashley on 7 6 月, 2019 at 10:57 下午
    • 回覆

    而家好多卡都話海外簽帳有多D回贈, 其實兌cash同去到碌卡邊樣又著數D呢?
    請小斯指教一下~~

    1. 換錢而家都係用銀聯係當地提款架啦 除非你去既地方唔support銀聯啦
      有d野唔收卡既咁都係用cash
      大部分時間我都係碌番卡 而家d卡個回贈都夠cover個手續費

    • NY on 11 5 月, 2019 at 9:41 上午
    • 回覆

    用e-banking 買再去分行拎,聽落好方便,但實際銀行只有百元大鈔,如果係歐羅之類歐洲貨幣,喺當地係得物無所用,去找換店時都記得要同店員註明要細鈔呀

    • on 10 8 月, 2018 at 5:42 下午
    • 回覆

    你有無用過花旗? 次次去台灣響 citibank 直接禁台幣出黎, 個率都好靚
    有次去曼谷都係, 仲靚過superrich

    1. 我上次禁台幣個rate差過銀聯wo!

    • travel on 6 5 月, 2018 at 6:14 下午
    • 回覆

    新加坡用ATM當地行會收SGD3-5 ,知唔知邊間唔收?

    1. 係睇atm機架
      咁岩你個架機收佐
      機場本身好多都唔收呀

    • Travel on 10 1 月, 2018 at 4:12 下午
    • 回覆

    請問去北歐,兌換瑞典克朗及丹麥克朗點兌換好呢?謝謝。

    1. 唔使換
      直接去碌卡

    • Jan on 9 11 月, 2017 at 8:17 下午
    • 回覆

    小斯你好~想請問去吉隆坡喺邊唱錢最平呢?到埗後會直接去Port Dickson,所以應該唔經市區。。。
    Thx

    1. 直接用銀聯㩒吧!

    • sebastian on 26 10 月, 2017 at 4:56 下午
    • 回覆

    請問越南盾係換定先, 定喺嗰邊換好D? 定係ATM化算?

    1. atm好啲~~

    • someone on 24 7 月, 2017 at 6:10 下午
    • 回覆

    如果去越南,果度好多HSBC, 可以用HSBC ATM 卡直接拿錢。不用帶咁多錢。果面出奇地好多HSBC。同香港有得揮…因為7年前去,已經唔係好記得有冇手續費,有都係15元-20元。

    • Karl on 24 4 月, 2017 at 7:22 下午
    • 回覆

    TT rate 兌完去分行攞現鈔要額外俾錢補番個 spread,變相其實你唔係用 TT rate 。。。。。。
    其他銀行唔知,大新係咁

    1. 你誤會佐呀-_-”
      你係用ebanking將港幣兌完外幣就放落你外幣戶口
      咁你再去銀行拎出黎
      點會要俾spread
      你俾spread個樣係另一樣野黎

        • Chu on 30 7 月, 2019 at 10:48 下午
        • 回覆

        呢個真係有。

        中信銀行打電話去問,話想將戶口入面嘅外幣提取現鈔,佢話要補返電匯價同現鈔價嘅價差啊!

        之後我就去唔收費嘅滙豐啦~

    • may on 13 4 月, 2017 at 3:54 下午
    • 回覆

    仲想知道在加拿大用信用卡的話, 邊間信用卡最抵? tks

    1. 揀佐海外做類別既既hsbc visa signature

    • may on 13 4 月, 2017 at 3:46 下午
    • 回覆

    請問加幣最抵係邊度唱? thanks

    1. 百年或者銀行用用tt rate 唱

    • KC on 1 12 月, 2016 at 8:13 上午
    • 回覆

    請問知唔知渣打個rate邊度睇到
    佢地公司網好似冇

    1. 唔係睇銀行
      係睇卡種
      即係visa master ae 銀聯 jcb

    • Jan on 30 9 月, 2016 at 11:33 上午
    • 回覆

    你好~將會去新加坡再轉船去巴淡島(印尼),請問喺香港抑或當地唱玻紙&印尼盾抵D?thanks!

    1. 香港唱定

        • Jan on 30 9 月, 2016 at 2:39 下午
        • 回覆

        咁請問香港邊度唱依兩種貨幣抵?
        thanks~

        1. 百年/堅成/發達鳥都可以

    • Chole on 22 8 月, 2016 at 6:52 下午
    • 回覆

    請問去澳洲邊度唱錢抵D?
    定係去到先ATM?

    1. 喺香港啲找換店到唱定會好啲

    • PushApp on 2 8 月, 2016 at 7:30 下午
    • 回覆

    呢到有各找換店/銀行最新匯率, 方便大家比較:https://goo.gl/DF67q1

    1. 正!多謝!

    • sunshineynwa on 22 6 月, 2016 at 1:56 下午
    • 回覆

    May I know why it’s not good to get RMB from those money changer store? Even not good for BCLE(berlin) or NGAU KEE? Any risk regarding that? Thanks a lot!

    1. 你最好搵啲有商譽啲既找換店啦!你知人仔咁多假既lol

    • Bi on 5 6 月, 2016 at 1:46 下午
    • 回覆

    澳洲同紐西蘭既話咩方法最抵>_<?

    1. 百年唱吧

    • man chung on 13 5 月, 2016 at 12:05 下午
    • 回覆

    馬來西亞 去百年唱抵之外

    香港邊張提款咭可以在馬來西亞用得的? 
    係咪開左個境外提款就ok 了?
    如何 在 馬來西亞用的?

      • man chung on 13 5 月, 2016 at 12:10 下午
      • 回覆

      馬來西亞 係百年唱 抵既
      但香港銀聯提款咭可以去到當地用銀聯機禁錢嗎?

    1. 銀聯提款卡
      香港開通去到搵銀聯機禁

  1. 小斯 我想問唱won我係香港用中銀tt唱抵定去到韓國先唱好

    1. 韓國明洞唱

      1. 咁機場係貴嘛?係咪係香港tt左小量再去明洞唱?


        1. 機場係搶錢!

    • on 21 4 月, 2016 at 1:27 下午
    • 回覆

    請問如果想兌美金 應該點樣最抵呢?

    1. 銀行tt rate

    • yan on 20 4 月, 2016 at 5:59 下午
    • 回覆

    係百年換星加坡幣/ATM㩒定去到當地換抵D?

    1. 差唔多

    • Wan on 11 4 月, 2016 at 5:17 下午
    • 回覆

    四月尾去新加坡~
    請問依架兌係香港兌會好過當地禁ATM?
    因為香港百年對我黎講太遠~
    銀行我又兌唔到,無外幣戶口同埋去到銀行都關左門~

    1. 去到禁算啦

    • Sasa on 24 3 月, 2016 at 8:31 下午
    • 回覆

    你好!
    曾多次在外國機場購物用香港信用咭比錢,需選擇比邊種貨幣,港紙or當地貨幣呢?試過買6000台幣比台幣, 點知貴咗足足100蚊港紙。Why?

    1. 梗係俾台幣 唔會俾港紙
      港紙先係貴

    • 大明 on 7 3 月, 2016 at 9:37 下午
    • 回覆

    本身有東亞同匯豐戶口
    2間銀行係咪都可以經e-banking 用tt rate 唱咗再去分行拎現鈔?
    有無手續費或者要補差價?

    1. 可 無

    • lcy on 29 2 月, 2016 at 12:05 下午
    • 回覆

    想問如換美金,點換最好呀?

    1. 銀行

    • Silly on 27 2 月, 2016 at 1:11 下午
    • 回覆

    Hello 小斯

    1) 當開通咗海外提款服務後,緃使有外幣戶口都唔可以在目的地用ATM提返出嚟?亦或係可以拎但要收手續費?
    2) 其實海外提款服務,只係用港幣的現有存款去兌當日的匯率㩒返外幣出來?
    3) 而要提取外幣戶口的錢,只可以去返本地銀行排隊拎返?

    Thanks.

    1. 1. no 係當係即時用港紙兌換外幣
      有手續費
      2. 係
      3. 係

    • Tanielle on 20 1 月, 2016 at 2:51 下午
    • 回覆

    HELLO 小斯,, 我想問如果如果我係 e-banking 兌左英鎊,, 去到英國禁 ATM 會係扣港幣戶口定可以揀返英鎊戶口架?如果有得揀邊個會抵 D?Thanks!

    1. 扣港紙

    • Jan on 9 1 月, 2016 at 1:51 上午
    • 回覆

    我想問一下依家想兌換新加坡元 在香港兌定新加坡兌抵啲? 在中銀開外幣戶口會唔會好麻煩 係咪要係櫃台整?預約在櫃台攞洗唔洗俾手續費?

    1. 梗係香港啦!
      開外幣戶口好L煩!
      所以你最好去返你有個間銀行到換

    • AliceLing on 1 12 月, 2015 at 6:47 下午
    • 回覆

    唔該晒?

    • AliceLing on 30 11 月, 2015 at 5:23 下午
    • 回覆

    小斯你好,我想問如果我係恒生ebanking兌左日元,下一步要call 分行/熱線電話留日元? 然後第日先可以提取到日元?有冇限提取幾多日元?
    如果我張提款卡有銀聯,我去到日本後用銀聯提款日元,提走既係唔係我之前兌左既日元,會唔會再扣手續費?

    1. 直接落分行得架啦

      我去到日本後用銀聯提款日元,提走既係唔係我之前兌左既日元,會唔會再扣手續費?
      –>提走既係唔係我之前兌左既日元<--提唔走既,所以係會有手續費

    • SOUL on 19 11 月, 2015 at 5:28 下午
    • 回覆

    我有張恆生銀聯提款卡,假如戶口夠錢
    係咪可以好似信用卡咁係舖頭碌?
    使唔使簽名或者入密碼?

    1. 可以

      1. 要入密碼,你當佢係eps咁就得

          • SOUL on 23 11 月, 2015 at 5:41 下午
          • 回覆

          唔該晒

    • Queenie on 17 11 月, 2015 at 7:24 下午
    • 回覆

    想問下咁係咪每間銀行用銀聯提款咭都係同一個exchange rate, 只係手續費唔同?

    1. 可以咁講

    • Chloebbcc on 17 11 月, 2015 at 2:02 下午
    • 回覆

    小斯,

    我去韓國係citibank atm 用中銀既卡禁錢, 點解個rate 咁差既 T^T

    1. 因為佢唔係銀聯

    • Sum on 26 8 月, 2015 at 2:13 下午
    • 回覆

    想問明洞唱韓won同百年唱係咪明洞平d? 個RATE差得遠嗎?

    1. 差唔多,睇運架喳,無絕對答案

    • 積臣 on 11 8 月, 2015 at 12:05 下午
    • 回覆

    Hi 小斯, 想問下有100萬人民幣現金在大陸銀行, 想轉過黎香港銀行換成港幣, 點樣做最好?
    (有HSBC公司户口可以用)

    1. 唔識,我呢到唔係財經版黎

    • Tim on 9 8 月, 2015 at 3:34 下午
    • 回覆

    想問換印尼盾最低係去百年HKD換美金再去當地唱嗎?

    1. 幾樣都差唔多,最方便係去到用銀聯禁
      拎美金去當地唱就要睇你係邊到唱了,個價都幾海鮮

    • Peter Lau on 29 7 月, 2015 at 12:01 下午
    • 回覆

    小斯,我見東亞唱澳元個TT rate幾乎全港銀行最平。唔知係E-banking唱左之後去櫃檯拎cash駛唔駛手續費?我睇過收費表唔見有寫…

    1. 唔使

        • Ada on 28 11 月, 2018 at 5:23 下午
        • 回覆

        知唔知道係咪改左制?
        我今日問東亞, 如果E-banking 換定日元, 跟住去分行拎日元有無手續費, 佢話0.25%呀…>_<

        1. 日元你用銀聯去當地禁啦 而家好少人專登去唱架啦

    • Kenn on 29 7 月, 2015 at 12:50 上午
    • 回覆

    Hello.小斯,請問如果去越南可帶港幣直接在越南唱嗎?

    1. 個陣我去唔見有

    • 我要cut戶口 on 25 7 月, 2015 at 6:31 下午
    • 回覆

    啱啱去咗dbs唱yen,佢網上show TT 平過匯豐恒生TT好多,去到聽到6428,諗住唔會差好多,照唱,唱完計番原來唱hkd8000貴咗成舊水,仲以為匯豐恒生好貴,下次唔好怕麻煩,價唔靚唔唱住
    Dbs食水咁深,我cut硬佢戶口!!!

    1. ?你係咪唱佐現金價?
      TT rate要上網唱喎

    • Rachel on 19 6 月, 2015 at 9:59 下午
    • 回覆

    想問新加坡atm用銀聯禁,個rate相差大嗎?之前有過用恆生atm開外幣提款的經驗 喺台灣禁過,新加坡step係咪一樣?十分感謝

    1. rate ok 的

    • dicki on 17 6 月, 2015 at 11:25 上午
    • 回覆

    想問丹麥法郎 瑞典克朗 同挪威幣 恆生ebanking 有無得禁架?會各去幾日又吾係好多錢 應該點唱好?請指教


    1. 直接去到用銀聯禁啦

    • WaiHung on 10 6 月, 2015 at 4:33 下午
    • 回覆

    小斯你好,9月去土耳其exchange一年,中間有三個禮拜去歐洲旅行,請問點換最好?

    1. 禁算啦! 你exchange一年變數咁大

        • WaiHung on 10 6 月, 2015 at 11:45 下午
        • 回覆

        但銀聯ATM當地銀行收好高手續費 🙁

        1. 銀聯10幾蚊喳嘛

    • happy on 10 6 月, 2015 at 6:47 上午
    • 回覆

    如果我恆生eps,個到有得禁?。?

    • happy on 9 6 月, 2015 at 6:39 上午
    • 回覆

    求救一下,過幾日就去越南,點兌先最好最抵T____T

    1. 過百年或者去到禁

    2. 同埋唱定美金去,有時用美金會仲抵

    • Charis on 2 6 月, 2015 at 10:41 上午
    • 回覆

    Hi 小斯
    6月尾會去BALI, 請問點換先最抵?
    如當地換帶港幣還是美金?
    BTW: 我半夜12點幾先到達BALI 機場

    1. 去到禁算啦

    • Vincent on 31 5 月, 2015 at 12:12 下午
    • 回覆

    打擾小斯,我以家係台灣,岩岩用中銀張銀聯提款卡拎錢,跟住都check到幾錢既,但去到最後佢就show話拎唔到錢。係咪我未開海外提款?但我澳門又襟到!今日星期日又無銀行開,去百貨公司咪好唔抵?

    1. 要開海外提款先禁到錢架喎,同埋你係咪張卡入面無錢呀?

    • Vince on 31 5 月, 2015 at 12:01 下午
    • 回覆

    小斯想問下您
    我以家係台灣,諗住用小中銀銀聯提款卡襟錢,
    我都係個機度check到有錢,
    但去到最後就話拎唔到錢
    係咪我未開海外提款?
    但我試過決門都得。

    1. 係咪我未開海外提款?
      –>你未開就梗係禁唔到錢啦!

      咩叫決門

    • Maggie on 27 5 月, 2015 at 7:08 上午
    • 回覆

    換台幣
    最平其實係拎港幣去台灣的銀行換
    有很多都不會收手續費的

    怕麻煩可以直接用銀聯提款
    台灣有好多間銀行
    每間的匯率都唔同
    可以上yahoo睇下
    千萬不要去「台灣銀行」的櫃員機就可以
    愈細間的銀行愈抵

    個人多年經驗,提款比百年抵好多
    當百年換3.9台幣時
    台灣大部分都換緊4.1以上
    又唔使排隊

    小小經驗分享

    • Shirley on 26 5 月, 2015 at 6:27 下午
    • 回覆

    我想問我係無外幤戶口,直接慢去HSBC 排隊換係咪唔得嫁?ps:無恆生戶口

    1. no! 咁咪用唔到tt價會蝕囉

    • NW on 26 5 月, 2015 at 6:02 下午
    • 回覆

    Hi – 去挪威和瑞典,一般來說百年定TT rate 好 d? Thanks!

    1. 去到禁算啦

    • didi on 18 5 月, 2015 at 2:50 上午
    • 回覆

    另外想問係唔係可以向百年行request 要幾多係coins, 幾多係paper? THANKS : )))

    1. 呢樣唔清楚

    • didi on 18 5 月, 2015 at 2:48 上午
    • 回覆

    Hello, 請問百年行有冇得HKD換HUF (Hungarian Forint)? many thanks!

    1. 以我所知無

        • didi on 19 5 月, 2015 at 11:38 上午
        • 回覆

        thxxx

    • leeszeyee on 5 5 月, 2015 at 7:25 下午
    • 回覆

    你好!將會去新加坡三個月,想問問係咪攞銀聯提款卡去拎錢最抵?手續費會唔會好多?匯率好嗎?

    1. 恆生15蚊1次

    2. 匯率ok

    • nam on 23 4 月, 2015 at 9:25 上午
    • 回覆

    想問跟你個教學去恆生ebanking換收5收手續費嫁?
    如果遲啲先拎,計換個日匯率??
    thx

    1. 唔收~幾時拎無關係既,係睇你唱個日

    • Shan on 17 4 月, 2015 at 12:00 上午
    • 回覆

    小斯你好`

    我黎緊會去韓國9個月, 去到會開韓國戶口嘅.

    HSBC每日海外提款 最多只可以拎HKD20000. 你覺得我分幾次拎抵D, 定匯款去韓國戶口抵D??

    1. 我exchange個陣都係去到禁算啦!因為你都無得估佢升定跌架啦!唔使唱定去咁危險啦!
      匯過去就唔會架啦!
      因為匯過去手續費係貴到喊

        • Shan on 17 4 月, 2015 at 4:17 上午
        • 回覆

        唔該哂小斯嘅回答^^

    • YY on 8 4 月, 2015 at 1:32 下午
    • 回覆

    請問:
    (1)濟州&釜山多唔多銀聯ATM?
    (2)點樣Check銀聯個rate? 上網check到嗎?
    (3)宜家兌韓寰係咪都係銀聯ATM禁最抵?

    1. 已答

    • YY on 8 4 月, 2015 at 11:26 上午
    • 回覆

    請問
    (1)濟州同釜山難唔難搵銀聯ATM?
    (2)點樣可以睇到銀聯咩RATE? 上網可以Check嗎?
    (3)宜家去韓國, 係咪都係用銀聯ATM最抵? (見個post上年寫)
    (4)牛記多人排隊嗎?

    thx

    1. 1. ok la,但唔算去到周街都有果個level
      2. http://en.unionpay.com/front_ExchangeRate.html for reference only
      3. 係
      4. 無百年咁多

    • Ryan on 23 3 月, 2015 at 10:10 下午
    • 回覆

    我覺得美金用建設銀行唔錯,可以用atm card 喺當地Bank of America 㩒,好方便

    • Ki on 11 3 月, 2015 at 11:36 上午
    • 回覆

    我打算會去英國一年, 有恆生同中銀ACCOUNT, 想換3000磅過去, 點換平D? 怕在英國用唔到ATM拎錢…
    Thx a lot:)

    1. 3000磅咁多拎atm卡去㩒好啲,你知宜家美金咁強d英磅應該係只會跌唔會升

    • Mandy on 10 3 月, 2015 at 3:41 上午
    • 回覆

    Hello我想問我用ebanking買左外匯
    如果我個禮拜後先去銀行拎錢
    咁計既rate係我買個日既rate定拎錢個日既rate?
    同埋hangseng係咪免手續費?

      • Mandy on 10 3 月, 2015 at 3:43 上午
      • 回覆

      一個禮拜後*

    1. 跟換個日個價

    • richard on 9 3 月, 2015 at 11:54 下午
    • 回覆

    就去新加坡 , 應該去百年換?? 如果當地用 渣打credit card 買大數目野 有無so , 或都係atm 拿出來好d ??

    1. 新加坡去到㩒錢算啦

    • karic on 6 3 月, 2015 at 10:45 上午
    • 回覆

    我想問TT 點樣用?
    同埋去到外國點拎錢?

    1. 去到外國無得拎錢既,tt rate 既意思係如果你本身係ebanking到將啲港紙換做外幣既話,咁就可以用到tt rate即係銀行個rate去唱,咁就會抵啲咁解

    • Lazy on 25 2 月, 2015 at 12:38 上午
    • 回覆

    小斯,想請問去峇里島點唱最好啊?我今個禮拜飛喇

    1. 去到用銀聯禁就可以

        • Lazy on 25 2 月, 2015 at 1:16 上午
        • 回覆

        峇厘嘅銀聯機多嗎? 我睇啲旅遊書話喺峇厘嘅找換店唱比較抵

        1. 多!唔覺,銀聯抵啲同方便啲

    • Chiccat on 12 2 月, 2015 at 11:00 上午
    • 回覆

    如果無銀聯提款卡,又唔想去百年排隊,仲有咩好選擇?我有匯豐同Citibank 戶口,所有都有匯豐plus 同Citibank ATM 卡。

    1. 係銀行用ebanking唱完之後再落銀行拎,方便快捷簡單

        • Chiccat on 13 2 月, 2015 at 1:36 上午
        • 回覆

        Ebanking 無TWD 揀呀-_-

          • Chiccat on 13 2 月, 2015 at 11:33 上午
          • 回覆

          報告:匯豐無TWD T/T 價,只是cash 貨;Citibank 無做TWD

    • Sing on 4 2 月, 2015 at 1:41 下午
    • 回覆

    小弟以往經驗係,直接去分行櫃枱用現金買入(果次係英磅同歐羅), 職員會跟手開埋個外幣戶口,然後同你講買左幾多,如果分行即時有的話會問你係咪要埋,如果唔夠俾你,會幫你查邊間分行有再通知你去拿或叫你另一個日子再去拿。

    1. 咁樣其實係職員好人同你用佐TT 價做

    • Mr.Lam on 21 1 月, 2015 at 11:02 下午
    • 回覆

    (上文提到每次係台灣HSBC ATM提款上限為2萬台幣)
    想問如果我係台灣HSBC ATM禁 台幣50000既話, 如HK HSBC海外提款設定為最高上限為2萬 咁可唔可以嫁? 咁係咪可以一日內要禁幾次先有?

    Thanks 小斯

    1. 可以,台灣5萬都未過2萬港紙limit,不過你就要分幾錢禁,以我所知台灣啲atm唔可以一次過禁咁多既

    • LOUIS on 15 1 月, 2015 at 7:15 下午
    • 回覆

    halo我想問我有citibank acc, 佢話外地用提款機,只要有plus logo, 就唔收charge, 咁我去台灣應該用銀聯比15蚊charge拎錢好定用plus免手續費,但我唔知plus個rate係點?

    小斯你可以解答我嗎?
    thanks

    1. 用銀聯啦!
      佢話唔收但我次次計返條數出黎都勁貴,我都唔知點解!
      如果你禁得少錢既我唔介意你幫我測試下咩事架XD

    • JANICE on 14 1 月, 2015 at 3:49 下午
    • 回覆

    我想問去義大利用銀聯禁錢方唔方便?上網見好多人都話禁唔到錢。

    1. 意大利都ok既,但係你唔好真係無晒錢先去㩒囉!因為可能你行2日先會見到個atm機一次

    • athena on 9 1 月, 2015 at 10:02 上午
    • 回覆

    小斯, 台幣用銀聯ATM 當地禁個RATE 仲靚呀,
    計埋$20手續費, 我上星期個rate 係4.055! (百年:3.95)

    1. i know ar,
      thx for your information

    • Karic on 23 12 月, 2014 at 6:04 下午
    • 回覆

    係個邊既銀行/找換店 比起 TT邊個抵? 例: 台幣

    1. 百年

        • athena on 9 1 月, 2015 at 12:26 下午
        • 回覆

        小斯, 台幣用銀聯ATM 當地禁個RATE 仲靚呀,
        計埋$20手續費, 我上星期個rate 係4.055! (百年:3.95)

        1. i know

        2. 台灣:去到用銀聯卡禁!好靚又方便!
          <--我都有打XD

    • Mei on 7 12 月, 2014 at 10:48 上午
    • 回覆

    (日元問題)假如我有5萬日元喺恒生外幣戶口,咁可唔可以去到日本先用提款咭拎返嗰5萬日元用,而唔選擇以當時匯率提取呢?因為我就快出發,未必趕到去分行拎埋淨餘5萬

    1. 唔得

    • K on 7 12 月, 2014 at 2:26 上午
    • 回覆

    我黎緊下年1月會去法國巴黎exchange 5個月,
    想問下點樣兌錢同帶錢過去較好?
    我打算兌 5-6萬 港元左右, 但帶咁多現金過去又怕危險…
    麻煩晒你!!!

    1. 帶銀聯提款卡去到禁
      或者如果你有hsbc credit card既
      就將個最紅自主獎賞放晒落海外簽賬到
      咁去到狂碌就好抵啦

        • K on 11 12 月, 2014 at 2:23 下午
        • 回覆

        咁hsbc credit card 個到D卡數係咪可以直接係法國既atm 到用返hsbc 戶口找數?

        1. 梗係唔得啦-_-

    • YY on 9 11 月, 2014 at 4:32 下午
    • 回覆

    小斯, 我月尾去台灣, 想問我有FUBON, 又可以用恆生ATM, 咁應該幾時用FUBON簽, 幾時俾CASH?
    應該點計??

    THANKS!!!

    1. 頭5000蚊都用fubon
      5000以上先俾返cash

    • Wing on 8 11 月, 2014 at 12:25 上午
    • 回覆

    你好! 我諗住用恒生ebanking黎兌日圓,跟你上面指示入到”外幣/黃金”個欄,但係已登記戶口個行無”JPY Saving”既選擇,想問係我未開戶口定係我個戶口係兌唔到外幣? thx!

    1. 你未開呀

    • Apple on 29 10 月, 2014 at 2:09 下午
    • 回覆

    小斯,
    請問換澳幣點先最平呢?
    謝謝!

    1. 去銀行用TT RATE換

    • Mandy on 22 10 月, 2014 at 10:05 上午
    • 回覆

    我想問呢恆生ebanking兌日元再去分行換現鈔係咪唔駛手續費嫁?

    1. 唔使呀

    • Soooo on 18 10 月, 2014 at 7:34 下午
    • 回覆

    小斯,去台灣唱錢以下邊種方法最扺?
    1. 用渣打當地atm㩒
    2. 用citibank當地atm㩒
    3. 百年兌換
    謝謝!

    1. 2. 用citibank去當地citibank atm 禁
      咁就冇手續費啦

      如果搵唔到citibank atm就用渣打去當地atm用銀聯禁

    • Dazzling on 17 10 月, 2014 at 12:20 下午
    • 回覆

    小斯,我黎緊去韓國跟團,研究緊點唱$$,其實帶少啲won,再用fubon card 賺8x 積分會唔會最抵?

    1. 會呀 8X分係4%回贈喎

        • Dazzling on 17 10 月, 2014 at 10:31 下午
        • 回覆

        Thx ar!!

    • Mikael on 13 10 月, 2014 at 9:52 上午
    • 回覆

    小斯,請問一下有冇比較過邊間銀行唱YEN個RATE通常比較靚呀?

    1. 有時都要睇你有冇個間銀行既acct既
      D細銀行例如大眾創興個D咪最平囉 hahaha

    • Big Eyes on 23 9 月, 2014 at 4:52 下午
    • 回覆

    唔好意思,想問下去台灣用匯豐銀聯去ATM㩒錢,是否按現金提款就會出台幣?
    一之前要在ebanking先買入台幣嗎?

    1. 唔好意思,想問下去台灣用匯豐銀聯去ATM㩒錢,是否按現金提款就會出台幣?
      –>係

      一之前要在ebanking先買入台幣嗎?
      –>不用

    • Angus on 20 9 月, 2014 at 12:38 下午
    • 回覆

    想請教一下: 用完EBANKING TT換錢, 再去銀行拿現鈔, 係咪要俾番差價? 可唔可以大概話俾我知係點計? 我用永隆, 多謝先!

    1. 我未試過要呀 不過我未試過用永隆 你需要去問下啊

        • alibabar on 18 11 月, 2014 at 12:19 上午
        • 回覆

        係呀,永隆每一万yen 收差價HK$3

        1. 所謂既差價你應該係指緊第二樣野喎@@
          正路你ebanking換錢係唔會收差價@@
          你係咪要我教既方法去唱?

    • tang on 6 9 月, 2014 at 12:57 上午
    • 回覆

    Hi. 請問ebanking 買外幣係得買入定賣出個價?

    1. 銀行賣出價

    • ar k on 3 9 月, 2014 at 9:22 下午
    • 回覆

    你好小斯!
    我唔肯定自己有無外幣戶口,但跟你個指示又做到,係咪姐係代表有呢?(我都係用恆生)
    同埋今日整完,遲d先去拎錢得唔得?知唔知最遲幾時要拎?
    麻煩晒^^

      • ar k on 3 9 月, 2014 at 11:06 下午
      • 回覆

      唔好意思 我d白痴問題已經打左銀行問左晒了。
      但我問佢洗唔洗手續費,佢話用ebanking兌換時唔洗,但落分行拎錢既時候有機會要,請問你平時點拎先唔洗架?

      1. 拎多過某一個數就要手續費~~~~ 

    1. 冇最遲架 佢一直都會係你個戶口到^^

    • Ching on 28 8 月, 2014 at 9:33 下午
    • 回覆

    請問用恒生T/T換外幣係咪要先開一個外幣戶口? 如果係既點開呢? Thanks!!

    1. 有冇支票戶口? 只要係用佢既統合戶口, 你就咁禁就應該見到堆外幣戶口架啦
      除佐人民幣先要另外開姐

    • Judy on 28 8 月, 2014 at 1:51 下午
    • 回覆

    用HSBC ebanking換咗d錢放喺外幣戶口,可用外幣提款機㩒美金,歐元,日圓同人仔,一張卡每日可提約港幣5萬。唱得多又有多過一張卡,就可以避咗手續費,又唔使分幾日去排隊攞咁煩。但係得大紙攞!同埋得3間有外幣ATM !

    1. 外幣提款機???
      邊間有XDXDXDXD

        • Judy on 2 9 月, 2014 at 11:55 下午
        • 回覆

        無記錯係總行, 交易廣場同奧海城!

          • Jojo on 26 4 月, 2016 at 3:28 下午
          • 回覆

          hi~ 想問 “HSBC ebanking換咗d錢放喺外幣戶口”, judy你所講既 “外幣戶口” 係咪姐係 “綜合理財戶口” 定係 “明智理財戶口”??? 我最近想開個外幣戶口唱d yen~ 睇緊d網上資料~ 發現有好多名稱, 好混亂呀 @@ PLEASE HELP~!

    • puiyi on 28 8 月, 2014 at 1:30 下午
    • 回覆

    韓國係首爾站唱比明洞最靚既rate仲好少少:)

    1. really?? XDXD

        • puiyi on 29 8 月, 2014 at 12:38 下午
        • 回覆

        岩岩月中去左韓國 唱錢當日明洞rate 132.2,首爾站133.4,再過幾日銀聯atm提款得129 再加手續費:<

        1. 係呀 銀聯會有少少貴-_-

    • jj on 28 8 月, 2014 at 8:57 上午
    • 回覆

    小斯,如果去Thai 5日,你建議兑多少bht用?如果想簽卡儲miles, 又抵吾抵呢?定多數用現金, 所以兑定多d?因為日,韓,台就一定簽卡。

    1. 呀 我上次買佐好多野 我諗我5日都洗佐成4千銀 hahahah

      如果想簽卡儲miles, 又抵吾抵呢?定多數用現金, 所以兑定多d?因為日,韓,台就一定簽卡。
      計返回到2%既卡就抵過俾現金啦

    • Jason on 28 8 月, 2014 at 12:18 上午
    • 回覆

    我想問小斯恆生於外幣戶口提取外幣現金會否被徵收 “代匯水佣金”? 以大新為例, 我用 ebanking 買入 100,000 yen, 提取 100,000 yen 時除了要向銀行預約之外, 銀行亦會徵收 “代匯水佣金”, yen 的比率是每 10,000 yen 收 HK$8, 每次最低 $50, 即 100,000 yen 要收 HK$80, 這個收費是彌補銀行電匯及現鈔之間的差價而收取的, 換言之, 其實我仍然是用較貴的現炒價兌換, 而非較平的電匯價. 不知恆生或其他銀行做法是否一樣?

    1. 我用開恆生換既,又冇呢個問題喎!!!

    • Jason on 28 8 月, 2014 at 12:10 上午
    • 回覆

    唱台幣一定係當地用銀聯 ATM 提款最抵, 百年都無得揮! (小斯要改一改果段喇 :P)

    以現時匯率為例:
    百年 = 0.26667
    銀聯 = 0.2593

    TWD20,000 (當地 ATM 大多數每次提款上限是二萬元):
    銀聯 = 0.2593×20,000+15 = HK$5,201
    百年 = 0.26667×20,000 = $5,333.4 (+2.55%)

    絕大部份銀行每次收 HK$15 為外地銀聯提款手續費, 而HSBC每次是收 $25 的. 所以如果有其他銀行提款卡應優先考慮使用, 沒有才選擇HSBC (即使 HSBC 也比百年平啊!)

    韓寰也有相似的悄況.

    但用銀聯卡提款, 有一點要留意, 就是外地提款機, 很多時只可以從提款卡的主戶口 (即卡面號碼的戶口) 提款, 並不支援選擇其他戶口提款, 所以到外地前應先轉賬到主戶口, 或以 ebanking 於提款前過數, 確保主戶口有足夠結餘提款. 正因此原因, 有銀聯提款功能的 VISA/Master 信用卡並不適合於外地提款, 原因是銀行會當你用信用卡做現金透支啊!

    最後當然要提醒大家於離港前先開通卡的海外提款功能. 😀

    1. @V@ 好詳細 謝謝你

        • KK on 28 8 月, 2014 at 3:29 下午
        • 回覆

        咁即係用恒生ATM銀聯咭啦! 係咪可以打電話去咭中心, 要求可以海外提款呢?
        台灣, 見恒生機先提, 還是不論咩機見銀聯都提得?
        因未試過海外提款, 靠多問題, 打攪各位了, 謝謝!

        1. 係咪可以打電話去咭中心, 要求可以海外提款呢?
          –>係呀, 或者去ATM機或者上ebanking做都得

          台灣, 見恒生機先提, 還是不論咩機見銀聯都提得?
          –>銀聯就得架啦~

    • on 27 8 月, 2014 at 11:38 下午
    • 回覆

    Citibank is good for usd only
    Coz all currency except usd will be exchanged to usd then to local currency
    So they Will charge 2times!
    don’t use citibank to draw!
    union pay is always the best

    1. 所謂既0手續費只是假象

        • KK on 28 8 月, 2014 at 3:23 下午
        • 回覆

        謝謝亭及小斯既意見!
        咁台灣用恒生ATM呢? 又點睇法..? 謝謝!

          • KK on 28 8 月, 2014 at 3:26 下午
          • 回覆

          見到下列JASON已寫得好詳細了! 謝!!

        1. 答佐你了XD

    • 多多 on 27 8 月, 2014 at 10:44 下午
    • 回覆

    泰國曼谷機場開左間superrich了,個rate同水門只係爭少少!

    1. 咁又真係好方便啵

    • kristy on 27 8 月, 2014 at 10:35 下午
    • 回覆

    1. 我既經驗係去中國的話,一定係上環d找換店平過晒所有銀行TT
    2. 恒生e-banking個換外幣時間係每日0800-2359

    1. 1. 找換店你驚唔驚? 我自己有D驚>< 2. 因為我打post個陣已經係深宵收佐市,所以睇唔到exchange rate 我有講到

    • Colin on 26 8 月, 2014 at 11:40 下午
    • 回覆

    citibank atm 我試過去澳洲提款匯率超級貴,7.4x vs 用銀聯卡ATM 7.2x 除非真係要好少現金,如果唔係用銀聯卡加手續費都係低D
    試過美國際情況都差不多

    1. Citibank我都覺得好奇怪
      因為佢聲稱話冇手續費
      但係我成日禁都勁貴-_-

        • tim on 30 8 月, 2014 at 1:55 上午
        • 回覆

        問過citiphone, 佢地話ATM禁會計citibank自己既cash rate(not T/T), which is 唔抵的.

        1. -_- 即係玩晒啦!!

    • joe on 26 8 月, 2014 at 1:43 下午
    • 回覆

    以銀行計其實渣打個rate係好靚
    我試過同日換YEN佢個價仲好過百年

    • KK on 26 8 月, 2014 at 11:49 上午
    • 回覆

    台灣:去到用銀聯卡禁!好靚又方便!同百年差唔係好多

    HI 小斯, 我未試過係外地提款架, 因為成日都覺得會有首續費, 同埋我最驚就係按左透支, 咁就大大獲了,
    我本身用CITIBANK ATM CARD, 咁點提法先萬無一失呢? 真係免首續費? 真係按NT1000就咁簡單? 唔會賴野?

      • joe on 26 8 月, 2014 at 1:53 下午
      • 回覆

      citibank張atm係行plus+
      我記得個rate會係超唔靚

    1. 用提款卡instead of credit card禁錢就一定唔會當佐你係透支

      我本身用CITIBANK ATM CARD, 咁點提法先萬無一失呢? 真係免首續費? 真係按NT1000就咁簡單? 唔會賴野?
      –>用返佢部機就免,按NT1000就出1000台幣囉

        • KK on 27 8 月, 2014 at 11:00 上午
        • 回覆

        謝謝各位提點, 我真係見旅行, 實見到CITIBANK的提款機, 梗有一部係附近既….
        係呀, CITIBANK PLUS, 咁…….綜合各方意見, 好似唔好用CITIBANK提款, 好似好D喎, 係咪呢.?
        咁台灣, 點算好..?

        1. 佢個rate堅係好麻麻

    • stringstring on 26 8 月, 2014 at 11:35 上午
    • 回覆

    我見 ttrate.com 個網頁有個 visa 現鈔銀行賣出價,請問是甚麼?

      • joe on 26 8 月, 2014 at 2:00 下午
      • 回覆

      依家返單去visa個rate

      但實際上你簽卡個rate係決定商戶返單時個visa rate
      而唔係你簽果刻個rate

    • hihasky on 26 8 月, 2014 at 10:25 上午
    • 回覆

    恆生如有 prefered / prestige, 要揀返佢做支帳先攞到優惠匯率, 雖然量不多只係差好少

    1. 恆生如有 prefered / prestige, 要揀返佢做支帳先攞到優惠匯率
      –>唔明唔明???

        • jesse on 26 8 月, 2014 at 11:43 下午
        • 回覆

        點位置支帳?

      • lorraine on 27 8 月, 2014 at 11:49 下午
      • 回覆

      恆生即使有prefered banking ,每天在外幣戶口提取外幣都有上限,如果換大額外幣,必須分幾天提取,請注意!

      1. YES! THX

    • Lau on 25 8 月, 2014 at 2:35 下午
    • 回覆

    汶萊又點呢?? 當地唱波子抵唔抵?

    1. 當地唱?????????????????????????
      去到用銀聯禁會好D

        • Lau on 25 8 月, 2014 at 3:03 下午
        • 回覆

        點解咁驚訝? 當地唱好貴??

        1. 所有地方都係當地唱就貴架

            • Grace on 26 8 月, 2014 at 5:34 下午

            Thailand, Malaysia should be cheaper when exchange locally

            • 小斯 on 27 8 月, 2014 at 12:43 上午
              Author

            For Thailand, is it Superrich?

    • jenny on 7 8 月, 2014 at 12:58 上午
    • 回覆

    去瑞士同法國點兌抵d?

    1. 去百年或者去到換

    • nel on 4 8 月, 2014 at 4:41 下午
    • 回覆

    銀行就算提外幣好多要手續費,得不償失。

    有的不用,譬如hsbc,但係個rate就得淡笑

    1. 唔係好明@@
      HSBC冇手續費???

    • jesse on 2 8 月, 2014 at 12:44 下午
    • 回覆

    日本,真系银行TT最抵?當地ATM銀聯呢?citibank atm card免手续费wor

    1. 唔會! citibank禁錢出黎係計現金價
      同tt價會有一段距離

    • Keith on 29 7 月, 2014 at 10:11 上午
    • 回覆

    咁美國呢?

    • Lau on 27 7 月, 2014 at 12:40 上午
    • 回覆

    小斯, 我黎緊會去沙巴, 我聽人講係去到當地的找換店唱平過係香港唱, 係咪真架? 定係係百年唱好D?
    如果係當地平D, 我第一日係夜晚去到機場, 係咪應該係百年唱定D呢? 定係機場唱?

    1. 唔好係機場唱!! 搶錢架!!!
      係百年唱或者去到當地用銀聯機禁出黎都抵既
      會同當地D比較平既找換店唱差唔多

        • RRRRR on 29 7 月, 2014 at 3:10 下午
        • 回覆

        沙巴係百年換定啦.我之前去過,當地好似唔多找換店,
        BTW, 我個時用恆生enjoy卡比過錢,個rate都唔錯~

          • Lau on 7 8 月, 2014 at 11:37 下午
          • 回覆

          THANKSSSSS

    • 小茶 on 28 6 月, 2014 at 4:03 下午
    • 回覆

    想問問 兌新加坡紙 點先最抵又唔複雜??

    1. 直接去到新加坡用銀聯卡禁

        • RRRRR on 25 7 月, 2014 at 10:16 上午
        • 回覆

        請問洗唔洗唱定D坡紙過去架, 定係去到機場即刻有得禁?? 另外我發現自己有張提款卡寫住銀通無銀聯有無分別呢?? 唔該哂

        1. 去到禁就得架啦
          點解會得銀通冇銀聯?
          邊一間銀行?

            • RRRRR on 28 7 月, 2014 at 9:49 上午

            Citibank T^T BTW, 好彩其他BANK有,

    • miu on 23 6 月, 2014 at 4:48 下午
    • 回覆

    請問首爾跟正東津果邊D 銀聯atm 多吾多 ? 係咪就甘插張hsbc 提款卡就ok ? thx

    1. @@?
      korea多
      正東津你指青島?
      大陸一定係用銀聯架啵 hahaha

    2. 要開海外提款功能

    • on 19 6 月, 2014 at 12:56 下午
    • 回覆

    hello小斯 爬左好耐文而家第一次留言
    多謝你整理咁多資訊比我地啊^_^

    我有個問題想問,我黎緊會去mexico,個邊就比較少銀聯,PLUS卡我又冇
    如果係百年唱定美金會換O唔OK呢?香港就應該冇得直接對mexican peso

    1. 美金一定要係香港唱定呀
      美金個exchange rate定既
      邊到都OK

    • kalas on 16 6 月, 2014 at 6:24 下午
    • 回覆

    請問用銀聯卡去韓國禁錢 要唔要手續費?
    咁部ATM係有英文睇既?
    同埋係咪仲抵過去兌錢?

    1. 要! 抵過去百年換添

        • kalas on 17 6 月, 2014 at 10:21 上午
        • 回覆

        即係計埋手續費仲抵過去百年換???

        1. 係呀 我都唔明點解

            • kalas on 17 6 月, 2014 at 6:12 下午

            THANKS

    • 哈哈 on 7 6 月, 2014 at 3:47 下午
    • 回覆

    我會去台灣新加坡馬來西亞, compare過好似銀聯已係最抵….唔知有無錯?(只係SGD個rate差百年少少)

    我用hsbc提款卡,有銀聯,係咪開左個境外提款就ok 了? 手續費貴唔貴嫁?
    使唔使唱定少少過去一開波有得用住先? 定airport即唱即用就得了?

    1. 完全拎銀聯卡去到禁已經夠

      除佐台灣 新加坡同馬來西亞都係去百年唱定去會再抵多D

      係咪開左個境外提款就ok 了? 係
      手續費貴唔貴嫁? 唔貴 一次15蚊

    • Nicole on 12 11 月, 2013 at 10:40 下午
    • 回覆

    How about Thailand?

    1. 我岩岩研究完Thailand, 發覺去到用銀聯atm卡禁仲抵〜

        • YC on 26 8 月, 2014 at 4:47 下午
        • 回覆

        銀聯咭禁未試過, 近期大約BANK RATE幾多??

        1. 銀聯咭禁係大約貴TT RATE少少左右

    • puppy on 14 7 月, 2013 at 12:42 上午
    • 回覆

    hi 小斯,請問去vietnam,我帶USD同vietnam 幣的比例應該係點?
    or should i bring USD only and exchange for vietnam 幣 at 當地機場得ok?
    thanks 先。

      • Iris on 8 8 月, 2014 at 11:38 上午
      • 回覆

      我果陣去胡志明市就响百年兌咗小小越南盾傍身, 另外再帶美金去到兌越南盾, 美金細張好用過 100~

    • ELISE on 12 7 月, 2013 at 4:22 下午
    • 回覆

    澳門點唱好?

      • Alvin on 19 9 月, 2013 at 11:47 上午
      • 回覆

      澳門用港幣就可以了。未試過唔收。不過可能會找返澳門散銀比你。

      1. 對! 澳門人見你俾港紙不知幾開心〜

    • ELISE on 12 7 月, 2013 at 4:22 下午
    • 回覆

    去澳門點唱好?

    • K on 11 7 月, 2013 at 2:26 下午
    • 回覆

    請問去捷克應該點換好?? 我見網上D人話用歐羅係當地找換店兌克朗個RATE得1:21.X …….

    1. 係呀! 去到禁錢會好啲!

    • MM on 11 7 月, 2013 at 2:21 下午
    • 回覆

    今年三月去韓國用銀聯禁atm,點知得3.6幾咋,係明洞個到唱反而有4蚊….激死!

    1. 係呀 同埋禁錢又要手續費
      禁得少就好唔抵
      所以去superrich到唱啦

        • ELISE on 12 7 月, 2013 at 4:21 下午
        • 回覆

        上個禮拜係韓國,係銀聯個RATE係超靚,靚過係明洞大使館換

        1. 銀聯真係一時時架

    • 小弟 on 10 7 月, 2013 at 1:42 下午
    • 回覆

    請問臺灣出入境有無限制帶幾多現金?

    1. 幫你睇過 最多帶6萬台幣呀
      不過台幣去到先禁啦
      會抵好多:)

        • PTGuy on 22 7 月, 2014 at 10:31 下午
        • 回覆

        小斯…我想問呢…
        去台灣ATM襟台幣係咪是但用香港求其一間銀行的銀聯都係靚rate?

        1. rate就一樣既 只不過手續費有少少唔同囉
          例如恆生收15蚊HSBC收25蚊咁

            • issac on 26 8 月, 2014 at 9:26 上午

            請問去台灣ATM襟台幣渣打銀行手續費是多少?

            • 小斯 on 26 8 月, 2014 at 11:35 上午
              Author

            $15

    • shanis on 9 7 月, 2013 at 11:26 下午
    • 回覆

    如果我張恆生提款卡重係舊款無晶片嘅卡,又有銀聯LOGO,咁最好嘅兌換方法係咪當地ATM禁?
    但係呢幾日EURO又跌得好勁喎!都唔知點樣最抵>_<我係下星期去歐洲!

    1. 唔係呀… 如果歐黎講…
      小斯覺得都係O係香港用EBANKING用TT RATE換佐D歐落你個戶口到先…
      然後再去銀行拎現金咁係最抵

    • s on 9 7 月, 2013 at 3:22 下午
    • 回覆

    銀行話張card無印 PLUS 但都可以用PLUS

    1. 你係邊間銀行呀?
      因為以我所知宜家香港啲銀行轉晒做晶片卡
      新個堆卡已經冇晒plus字啦 得返銀聯
      宜家淨係得dbs citibank同渣打(好似係?唔太肯定)仲有plus喳
      如果真係仲用到plus記得要話我知><

        • S on 24 7 月, 2013 at 3:15 上午
        • 回覆

        我用恆生. 我之前去旅行有可能要去外國gum錢, 但card無PLUS, 所以去問銀行可唔可以要PLUS instead of 銀聯, 佢就話冇印都用得PLUS. 無試過, 唔知真唔真. (銀行收費表都有印PLUS的手續費. … 貴過銀聯好多).

        p.s. 我張卡未有晶片,但因為新片,所以都係銀聯, 無印PLUS

        另外想問大新ANA , Mileage Plus , 同BA credit card 係唔係Mileage Plus 個program 好D? Thanks. 😀

        1. 係呀, 銀行無呃你呀, 如果你個張係舊卡未有晶片既話, 係仲可以用到PLUS架!
          但一旦換佐新卡, 用佐晶片卡之後, 就用唔到PLUS禁錢架啦!
          不過用PLUS禁錢好貴! 免得過都吾好用啦!

          另外, 大新ANA, MILEAGE PLUS同BA CREDIT CARD呢, 我自己就覺得不如儲UA啦,
          因為ANA同BA都係以短線為主, 而短線既PROMOTE又有咁多, 冇長假換唔到張好多航程既機票又唔抵喎!
          所以都係換唔使燃料附加費既UA係最抵既~

            • 江南 on 16 11 月, 2013 at 11:32 上午

            請問UA喺什麽銀行?

            • 小斯 on 16 11 月, 2013 at 11:07 下午
              Author

            你係咪指united airline?
            佢係大新銀行

    • sugar on 9 7 月, 2013 at 12:20 下午
    • 回覆

    韓國架話去到中國領事館個匯率都唔錯~~
    係明洞附近…

      • Grace on 26 8 月, 2014 at 5:30 下午
      • 回覆

      Yes, 明洞, but forgot the name….there are several exchange shops @ 明洞 …..

      1. ic

    • c on 8 7 月, 2013 at 11:53 下午
    • 回覆

    馬來西亞點對最好

    1. 去百年:)

        • Lam Lam on 28 8 月, 2014 at 9:57 上午
        • 回覆

        我次次都是在油麻地消防局對面嗰間”天信找換店”換馬幣,個RATE同百年差不多。

        1. IC~~~

      • 江南 on 16 11 月, 2013 at 11:29 上午
      • 回覆

      馬來西亞新加坡應該喺當地找還店唱喺最抵!

      1. 嘩!! FANS有冇咩找換店好推介?

          • Grace on 26 8 月, 2014 at 5:29 下午
          • 回覆

          Yes la, Malaysia has foreign exchange control, should be cheaper at Malaysia

            • 小斯 on 27 8 月, 2014 at 12:43 上午
              Author

            Malaysia has foreign exchange control????
            i wanna know more~~

    • Maggie on 8 7 月, 2013 at 9:20 下午
    • 回覆

    即係我張中銀提款咭等於銀聯咭?

    1. 你張中銀卡後面有個銀聯logo架嘛
      咁就可以禁到錢架啦:)

      但記得唔好拎佐信用卡去禁呀! 咪先會當你透支:)

    • vincent on 8 7 月, 2013 at 7:10 下午
    • 回覆

    小斯。你指用銀聯張禁係用普通銀行提款卡?

    1. 普通提款卡呀

    • Tony on 8 7 月, 2013 at 7:00 下午
    • 回覆

    新手一問, TT Rate係指?

    1. 用Ebanking唱既話就係TT rate啦

    • Jon on 8 7 月, 2013 at 6:50 下午
    • 回覆

    補充少許,E banking 買外幣未必拎到出黎。我上次用中銀買SGD200, 職員話無得拎出黎。CNY, JPY, USD 果d 就可以拎

    1. 要去返d有波子既銀行唱啊

        • ELISE on 12 7 月, 2013 at 4:19 下午
        • 回覆

        有波子是什麼意思?

        1. 唔明@@

      • ELISE on 12 7 月, 2013 at 4:24 下午
      • 回覆

      係E-BANKING換左,係咪去換前都要預先通知銀行?
      THX

      1. 唔使 但去之前問定銀行有冇錢俾你拎
        唔係就白行啦

      • ELISE on 12 7 月, 2013 at 4:24 下午
      • 回覆

      E-BANKING兌換左,係咪去換前都要預先通知銀行?
      THX

        • 小萍 on 29 7 月, 2014 at 5:05 下午
        • 回覆

        預早通知銀行,可以揀方便自己既分行攞錢,同埋訂定你要既外幣數量,筆錢就會hold咗比你。

        1. ha 唔該晒幫我答埋問題 哈

        • Yvonne on 22 1 月, 2018 at 9:02 下午
        • 回覆

        我係恆生ebanking買咗,想用電話先訂,再去攞。佢地銀行話要親自去訂,有就比你,無嘅話,要訂,所以要先後去兩次。

    • 迪迪仔 on 8 7 月, 2013 at 6:28 下午
    • 回覆

    上環牛記, rate都幾好! 拍得住百年

    1. 多謝提供:)

    • victor on 8 7 月, 2013 at 6:08 下午
    • 回覆

    泰國點對最好

    1. 我覺得盤谷銀行唔錯

    2. BANGKOK個邊有間叫SUPER RICH既野
      個到都幾抵下:)
      LOCATION係呢到:http://www.superrich1965.com/location.php

        • YC on 26 8 月, 2014 at 4:43 下午
        • 回覆

        曼谷有兩間SUPERICH, 有橙色(數間), 及一間綠色, 大家都在CHITLOM BIG C後面, 當然綠色間應該係最抵, 橙色跟綠色一樣RATE.
        點都比香港百年唱扺, 而橙色果間BTS或大型商場有分店, 但RATE無BIG C後面間咁好.

          • YC on 26 8 月, 2014 at 4:45 下午
          • 回覆

          BIG C後面橙色跟綠色有時一間RATE, 但通常都係綠色輕輕好少少.

          至於BTS / 商場內的SUPERICH, 或是林真香, 或芭堤雅炳嫂, 都同百年差唔遠, 可以輕輕好少少.

            • Grace on 26 8 月, 2014 at 5:28 下午

            Yes, Thai Balt must be exchanged @ Superich @ BKK

            • 小斯 on 27 8 月, 2014 at 12:45 上午
              Author

            hahaha 但係都係唱定去安心D ><

        1. 謝謝你既報料

      • Tailik on 5 11 月, 2015 at 12:34 上午
      • 回覆

      可以試下有個APP叫做易換錢 smartrate, 細額可以格價之外, 大額可以等鋪仔報比你 , 好似暫時得Android版本

發佈留言

暱稱和郵箱必需填寫,您的郵箱只有管理員可見。