14日玩盡澳洲 Adelaide + Sydney + Gold Coast + Whistsunday + Brisbane (心型礁、白沙灘、樹熊、袋鼠)

之前聖誕大家見我喺澳洲玩得咁開心，就不斷問我行程同點換機票，宜家打晒出黎俾大家睇下我點用14日同換機票玩晒Adelaide、Sydney、Gold Coast、Whistsunday同Brisbane啦！不過我行程係勁趕架！無計啦！我手停口停呀！所以大家參考下好啦！今次既主要目的，當然係揸飛機、玩Skydive、睇Heart Reef同抱樹熊啦！

80,000里 Business行程
Hong Kong->Adelaide (Stopover)
Adelaide->Sydney (Stopover)
Sydney->Gold Coast (Openjaw)
Brisbane->Hong Kong

Day 1 Adelaide (Hahndorf–>Central Market–>Glenelg)

Day 2 Adelaide (Flight Training Adelaide) –>Sydney (Opera House, Sydney Bridge)

Day 3 Sydney (Blue Mountain–>Jenolan Caves)

Day 4 Sydney (Hunter Valley)

Day 5 Sydney (Sydney Harbour Bridge Climb, the Rocks)–>Gold Coast

Day 6 Gold Coast (Skydive)

Day 7 Gold Coast–>Whitsunday

Day 8 Whitsunday (Great Barrier Reef Adventures)

Day 9 Whitsunday (Island Flight & Ocean Reefing)

Day 10 Whitsunday–>Brisbane

Day 11-12 Brisbane (Lone Pine Koala Sanctuary–>South Banks Parklands)

Day 1 Adelaide (Hahndorf–>Central Market–>Glenelg)

神早流流6點幾落機，去佐酒店check in 沖佐個涼之後就去佐Hahndorf 德國村

記得要食豬手同飲黑啤，真係好正！好似真係去佐德國咁，哈哈！

呢條德國村最多賣既野就係番梘、香薰同埋糖，用黎做手信就最岩。

行多陣之後，就返番去市區行Central Market。

呢個market好大，要乜有乜，買啲生果返酒店食就最岩！

然後就去佐Adalaide睇日落最出名既地方Glenelg睇日落啦！

Day 2 Adelaide (Flight Training Adelaide) –>Sydney (Opera House, Sydney Bridge)

第二日當然就係黎到第一個重頭戲揸飛機啦！地點就係大家睇衝上雲宵個到既Flight Training Adelaide啦！

實則國泰啲機師都係呢到train架！

今次我黎到就報佐個Trial Instructional Flight，一共40分鐘，就195AUD。一開始個機師會同你介紹下個location、隻機係點呀咁，其實都係好簡單咁介紹，佢想帶出既重點都係叫你唔好亂惦隻機啲野！KAKAKA 然後就會出去飛，由起飛到降落都係佢揸既，起飛到某一個位之後，佢就會俾你控制下玩下，但其實都係轉下左轉下右咁。但有一下好神奇，佢叫我向左拍兩下就會飛向左邊，叫我向右拍兩下就會飛向右邊，勁似啲魔術表演整鬼你咁hahaha

玩完之後仲有張「揸」飛機既證書，哈！

之後就搭飛機去Sydney 啦！夜晚仲去佐睇Sydney Harbour Bridge 添！

Day 3 Sydney (Blue Mountain–>Jenolan Caves)

黎到Sydney，梗係要睇最出名既Blue Mountain啦！我就報佐Klook呢個一日團 (https://flyformiles.hk/klook.sydney.bluemountain)，首先一大清早就會出發去Blue Mountain，Blue Mountain分別有三種纜車，分別係世界上最斜52度傾斜列車Railway。

然後就係坐上山既Cableway，Cableway中間其實有個位可以望到下面，大家不妨可以衝去中間個位睇下！不過我都覺得喺側邊睇出面啲風景正啲！哈！

然後最後就係坐Skyway，係一架底部係透明玻璃既纜車黎。

然後上到去就會睇到Three Sister！加埋我就岩岩好一枱啦！

跟住去完藍山就會去Jenolan Caves，佢係澳洲最大而且得獎最多既鐘乳石洞黎，不過喺大陸睇得多，我又覺得都係個啲野姐hahahaha

Day 4 Sydney (Hunter Valley)

Sydney 既酒莊咁出名，梗係要去酒莊睇下啦！第6日就報佐Klook呢個Hunter Valley一日遊。呢個一日遊去到Hunter Valley除佐會包一餐之外，仲會包埋俾你試3隻紅酒同3隻白酒，不過其實試多都無所謂hahah 個bartender都唔記得kakakaka

然後就會去Hunter Valley Garden，個花園雖然係好靚，但個日真係太靚，就無心情行了lol

Day 5 Sydney (Sydney Harbour Bridge Climb, the Rocks)–>Gold Coast

去到Sydney既最後一日，就梗係要爬上Sydney Harbour Bridge 啦！最後一日我就報佐Klook 個Sydney Harbour Bridge Climb，爬上去睇悉尼全境～然後夜晚就搭飛機去Gold Coast啦！

Day 6 Gold Coast (Skydive)

其實Gold Coast都真係無咩野做，海灘一個，不過我就試過人生第一次Skydive啦！其實一啲都唔驚，大家記住要試下呀！同埋呢到有個35AUD “FOLDIS35” 既discount code俾大家用，記得唔好蝕俾佢，要用discount code book 呀！(http://www.goldcoastskydive.com.au/book-now/)

Day 7 Gold Coast–>Whitsunday

呢一日主要係由Gold Coast去Brisbane坐飛機去Whitsunday。都無乜野好寫，但可以同大家介紹下我喺Gold Coast住個間酒店 Surfers Paradise Marriott Resort。由於我係Platinum member既關係，所以佢upgrade佐我去望sea既房。

其實我最鍾意佢個人做沙灘，岩晒我呢啲麻煩人，玩完沙玩完水就可以返上房沖身，嘻！

Day 8 Whitsunday (Great Barrier Reef Adventures)

基本上去到Whitsunday 唔報tour就無野做，所以唔係full day個啲就淨係喺airbnb到hea下煮下飯算。咁第一個full day我就報佐個Great Barrier Reef Adventures tour。呢個tour 勁唔建議大家報，佢其實只係帶你出海去一個大既浮台到，然後就由你自己浮潛同潛水。個到潛落去其實係勁唔靚，仲無野睇！哈哈！不過個海就都幾靚既lol

Day 9 Whitsunday (Island Flight & Ocean Reefing)

登登！呢一日就係我成個trip最期待既一日啦！就係去睇個heart reef！朝早就係去坐昇升機睇heart reef。坐完之後晏晝就出海睇個勁靚既白沙灘，真係勁靚呀！

白沙灘～～～真係好靚！

Day 10 Whitsunday–>Brisbane

呢一日又係由Whitsunday 坐飛機返Brisbane，一樣無野好講！哈！

Day 11-12 Brisbane (Lone Pine Koala Sanctuary–>South Banks Parklands)

Brisbane基本上都係無乜野做，主要都係抱抱樹熊。哈哈！咁又介紹下我間房先！Brisbane Marriott Hotel，喺正Story Bridge 隔離，好彩又係有Platinum member，所以600幾蚊就可以upgrade到望bridge房，個景真係好靚，嘻！

跟住梗係要去 Lone Pine Koala Sanctuary抱抱樹熊，大家記得要上網買定飛，會平啲架！https://www.experienceoz.com.au/en/brisbane/lone-pine-koala-sanctuary/general-admission

呢個澳洲14日之旅咁就完佐啦！