【日本退稅】2026年11月1日起將實施「機場退稅」！實施方法、流程、最新規定整合！

喊出黎！2026年11月1日起！日本將實施「機場退稅」原則！有啲似歐洲退稅！唔可以即時退稅！要先俾稅後價，再於機場退稅！

即係話，由2026年11日1日開始，會由現時喺店舖直接免稅，改為購物時先繳稅，直到機場離境再辦理退稅！麻煩勁多！所以到時應該要再預多啲時間出境了！

呢個post會同大家整合實施方法、流程、最新規定！但詳情要再等日本遲啲公佈！

為咗賺多啲，建議大家要用張抵既海外簽賬信用卡，不論係回贈/里數定手續費都可以慳多啲呀！

日本退稅 現行方法

喺2026年11月1日之前，日本退稅都係實施以下方法：

購物時直接以免稅價結帳

結帳時，店員會直接掃描護照，將資料交俾日本海關，遊客就可以直接以免稅價結帳！然後喺出境日本時，再於海關部機掃描護照一下即可！但結論將免稅品帶喺身，因為有機會抽查！

或

退稅櫃枱退回現金/信用卡/支付寶/微信支付

各大百貨公司及OUTLET通常以稅後價錢計算帳單，旅客需帶同商品及護照，前往商店既退稅櫃枱辦理退稅手續。店員會計算退稅金額，並直接退回現金/信用卡/支付寶/微信支付

但要留意，大部份商店/百貨公司都會收取退稅手續費 (通常為商品免稅售價的1.1%)，所以大家係退唔足的！

日本退稅 適用人士

• 入境日本不超過六個月的外國人，包括香港人、BNO等
• 海外居住的日本人，暫時返日本，並且停留期間未滿6個月
• 持有合資格護照
• 在註冊為免稅店(tax-free shop)，並帶有免稅標誌的商店，稅前購物滿5,000日元，便可退稅

日本退稅新方法實施背景

• 日本將於2026年下半年度修改旅客免稅制度，以防外國旅客於日本國內轉賣免稅商品圖利
• 根據當地傳媒報道，日本海關曾於2022年隨機抽查57名消費金額超過1億日圓的外國旅客，發現當中僅有1人遵守規定將免稅品帶出境，在向違反規定的56人要求補繳10%消費稅後，仍只得1人有補繳，造成滯納稅額累計超過18.5億日圓

日本退稅新方法 – 「機場退稅」

實施時間

機場退稅新制將從2026年11月1日開始實施。

流程

• 旅客於適用免稅條件的商店購物結帳時，需先出示護照、並以「稅後價錢」結帳
• 旅客既購買商品內容會喺結帳時，經由商店上傳到「日本國稅廳免稅販售管理系統」及稅關確認，而商店亦會收取「結果已登錄」的資訊
• 如旅客於90天內將商品帶出日本，就可於出境日本時，於機場稅關確認商品後，就可以辦理退稅

潛在問題：商品需在機場稅關確認後才能拿回退稅金，旅客需要預留更多時間前往機場辦理商品查核及辦理退稅手續，另外，如果旅客回國後或退稅時，先發現商店退稅錯誤，就難以即時處理希望佢會好似韓國咁，例如歐洲啲舖頭都成日整錯野，所以結帳時一定要即時仔細檢查賬單詳情！

日本退稅新方法 – 其他更改事項

取消商品分類與包裝

現時退稅制度會有分開「一般品」(如服飾) 及「消耗品」(如藥妝、電池) ，喺新制度推出後將會全面取消！

取消每日50萬日圓免稅上限

現時退稅制度設有消耗品每日50萬日圓的免稅上限，亦將全面取消！

取消免稅品專用包裝袋

免稅品專用包裝袋亦會取消！

取消特定商品免稅

一啲涉及非法用途的商品 (如金條)，會列入排除清單，不適用任何免稅優惠。

「另行配送」或將廢除

從非免稅店購買商品後，再委託店家將商品郵寄去海外的作法，未來預計不獲保留！

保留「直送制度」

由免稅店直接寄送貨品到海外的方式，會喺新制度下持續運行

日本退稅 常見問題

1. 新方法將於何時實施？

2026年11月1日

2. 新方法流程如何？

由2026年11日1日開始，會由現時喺店舖直接免稅，改為購物時先繳稅，直到機場離境再辦理退稅！

3. 新方法仲有咩更改？

取消商品分類與包裝、取消每日50萬日圓免稅上限、取消免稅品專用包裝袋、取消特定商品免稅等等