Category: 旅遊熱點

Jun 11

日本中心點 – 名古屋

今日快運就開設名古屋呢條線,相信好多fans因為唔係開北海道就好失望,不過小斯好開心喎,其實名古屋係進入日本中部玩既一個好好既踏腳石黎架,等喺名古屋留學過半年既小斯話俾大家知點樣可以玩盡名古屋啦!玩: 其實名古屋玩就冇得好玩架喎!不過附近就有好多野玩喎!首推既就係離名古屋大約一個小時到既長島樂園。呢到包括有過山車,水上樂園,麵包超人主題樂園,溫泉同香港人最愛既outlet! 建議可以第一日睇麵包超人主題樂園同行outlet,血拼完就去附近既溫泉酒店住一晚,第二日再去玩過山車同水上樂園。               Outlet               麵包超人主題樂園                 夜晚再浸個溫泉                 第二朝起身就去玩過山車                 再玩埋水   名古屋仲可以去一去一個地方叫做なばなの里,冬天時份就會有燈光show(イルミネーション )睇,夏天就會有花睇。             …

Continue reading

Mar 16

星星の旅 – 小斯帶你尋找都敏俊C

本身小斯對韓國都麻麻地,一來韓國野團購就買到,二來我又比較細粒,韓國D衫我著唔起,但係當我睇完星星之後,我就中晒毒,勁想再去韓國啦*V* 就等小斯帶大家去尋找我地既都教授啦! 1. 仁川大學 (都教授同千頌伊任教的大學)                 地址:仁川廣域市延壽松島洞12-1仁川大學 交通:地鐵仁川1號線仁川大學站1號出口,再行大約30分鐘。   2. 仁川市立博物館(都教授將自己既身份話俾千頌伊既地方,仍係佢地定情信物支髮簪既收藏之處)             地址:仁川廣域市延壽區玉蓮洞 525 交通:地鐵仁川1號線東幕站1號出口,再搭6號巴士係丑峴小學落車 小斯按:唔知支髮簪仲係咪到呢?   3. 景福宮(第一集千頌伊叫助手幫自己買摩卡,為既就係同杯摩卡自拍,再upload去twitter,並話要多謝文益漸將「摩卡」(Mocha)種子帶入韓國,但其實係棉花,俾D fans笑爆既地方)             地址:首爾特別市鍾路區社稷路9巷22 (弼雲洞) 交通:地鐵3號線景福宮站5號出口,徒步約5分鐘   4. 小法國村(都敏俊C主動kiss千頌伊既地方)             地址:京畿道加平郡清平面高城里616-2 交通:搭乘地鐵京春線或『itx청춘青春列車』,至清平地鐵站出站之後,轉乘加平旅遊循環巴士   5. 巨濟島南方海面的海上公園-「長蛇島海上公園」(第1集都教授降落地球既地方同第19集都敏俊帶住千頌伊用瞬間移動去到既o個個島)         …

Continue reading

Mar 06

另類旅行:打工換宿

Working holiday就聽得多,唔收錢去D農場到打工,為既只係換取住宿同一日三餐又聽過未? 有追開小斯post既大家都會記得,小斯曾經係畢業個陣去過日本打工換宿,呢種旅行既方式的確幾特別,一個星期做六日,可以自己揀一日休息,然後去附近玩。 我個陣就特登揀佐美瑛,日日去同我最愛既太陽花影相*V* 今次就想同大家介紹我當然去搵打工換宿既網站Wwoof:http://www.wwoofjapan.com/ Wwoof呢個網站,其實就好似一個agent咁,大家只要俾少少錢join佐佢個membership,佢就會提供一個好大既data base俾大家,然後大家就可以直接去contact d host去俾你打工。 呢個website既好處就係大家有得自己去揀host,所以就可以上網搵下攻略,睇下D人既comment先去揀呢個host。如果係日本既話,一般黎講都 係做農場或者民宿多,工作唔太辛苦,仲朝朝都有好好飲既牛奶飲添^^                           呢個就係當時小斯既生活啦!每朝準備好好味既早餐~然後去除下草,耕下田,收成下,咁就過佐一日架啦^^ Wwoof最大既好處,就係無好似working holiday咁有年齡限制,無論你三歲定八十,都可以apply個account黎打工換宿架~ 除佐日本之外,wwoof仲有好多國家既,例如台灣、澳洲、UK等等,想知道有咩國家既,自己去wwoof個首頁睇啦^^ http://www.wwoof.net/ 記得like我個facebook page呀:https://www.facebook.com/FlyForMiles

Jan 28

2014北海道雪祭

今年新年好多香港人都有去旅行,唔知又有冇fans會去北海道睇雪祭呢?小斯岩岩整理佐D雪祭特集,希望幫到大家^^ 札幌雪祭:2014 年 2月 5 日~2 月 11 日 小樽雪あかりの路:2014 年 2月 7 日~2 月 16 日 旭川雪祭:2014 年 2月 6 日~2 月 11 日 阿寒湖冬華美:2月中~3月中 知床極光嘉年華:2014 年 2月 5 日~3 月 12 日 層雲峽溫泉冰瀑祭:2014 年 1 月 18 日~3 月 30 日 十勝白鳥まつり彩凛華:2014 年 1 月 25 日~3 月 2 日 網走オホーツク流氷まつり:2014 年 2 …

Continue reading

Jan 13

日本第一人氣秘湯 – 秋田鶴の湯温泉

嘩!今日天氣凍佐好多呀!小斯真係勁想即刻飛返日本浸過暖冧冧既溫泉呀! 今日就同大家介紹下小斯上年去東北個陣浸過既其中一個溫泉-秋田鶴の湯温泉。                         位於秋田田沢湖附近,深山乳頭溫泉鄉內秋田鶴の湯温泉,向來有日本第一人氣秘湯之稱,曾奪得全國最佳露天風呂,百多年黎堅守原汁原味既泉體驗,唔加色唔加水,由泉源直接引入去溫泉到,佢乳白色帶有硫磺味道既泉水,就係獨有標記啦!而且,佢仲係男士們最愛既露天混浴大風呂,不過,其實係得婆婆浸架喳,呵呵~                   冬天個陣去景天更加迷人呀,雖然路途超級遙途,但去過既,就會知道佢奪得第一人氣秘湯既原因。                   房間類別 係日本既物價黎講,鶴の湯住宿費唔算貴,因為佢建築物年代久遠,提供既設施仍都略為不足,帶點殘舊,部分房需要共用浴室同洗手間。(http://www.tsurunoyu.com/FONDMENT/t-heya.html) 鶴の湯分為本陣同新本陣,本陣大多都係D平D既住宿,一般8千幾9千YEN已經可以一泊二食,不過房間多數都係需要共用浴室同洗手間。但係住本陣既好處就係可以隨時隨地浸到溫泉,因為如果住新本陣既話,就需要坐shuttle bus去本陣浸。 新本陣因為比較新同靚,所以價值至少都成13000YEN以上,但住新本陣就叫做住好D同食好D,雖然新本陣裡面都有溫泉浸,但當然冇本陣個邊o個個咁正啦! 溫泉(http://www.tsurunoyu.com/FONDMENT/t-onsen.html) 鶴の湯主要有白湯同黑湯,白湯就係一個室內既同一個露天既,黑湯就係室內o個個。小斯浸過覺得無乜分別,但係露天o個個白湯真係好正,好值得一試!                   予約 鶴の湯因為太受歡迎關係,一般黎講唔早返幾個月訂都唔得既,尤其係新本陣。而佢係接受電話予約,識日文既朋友仔可以直接打0187-46-2139予約。如果唔識日文既,就只能夠透過田沢湖觀光協會既網站線上預約啦! (www.tazawako.org) 交通 去到田沢湖JR站之後,再坐去乳頭溫泉鄉既羽後交通巴士,去到アルパこまくさ落車。然後打電話俾溫泉,佢就會有車車大家去鶴の湯架啦! …

Continue reading

Sep 11

港龍航空:「尋最中國」

配合返今期國泰Fanfares既中國大陸主打,小斯想同大家分享一下我一個奇怪既興趣。 有時候我無錢但有時間或者返學返到傻佐,做pro做到癲佐個陣,都會開港龍航空個「尋最中國」,睇下港龍有飛中國邊到,就睇下個到有乜好玩。因為佢個到有好多package,可以用黎參加一下大陸有乜咁好玩!拿!我唔係叫大家坐港龍呀,係睇佢個圖喳,因為小斯不嬲都係春秋航空既忠實Fans黎XD                   http://destination.dragonair.com/china/     其實大陸好好玩架!小斯岩岩就玩完廈門福州返黎,又平又靚又正!*V* 唔知又有冇Fans同小斯一樣最鍾意窮遊大陸既呢?

Aug 24

走在紅葉最前線 – 日本全國賞楓名所預測表

                          之前就同大家介紹佐咁多好平好平好平好平好平去日本既機票啦! 而秋天去日本, 最吸引既地方, 就梗係去睇紅葉啦! 身為一個”日本人”既小斯, 就梗係要帶大家走在紅葉最前線啦。雖然日本當局就未正式公佈最準確既紅葉資訊, 但係小斯都俾D資料大家參考一下啦~ 日本全國賞楓名所(預測表) 北海道 定山溪(定山溪溫泉) 10月中旬 支笏湖(支笏湖溫泉) 10月上旬~10月中旬 登別(地獄谷) 10月上旬~10月中旬 大沼(大沼公園、月見橋、大沼湖畔) 10月下旬 層雲峽(大函、小函、銀河、銀河瀑布) 10月中旬 大雪山(黑岳) 9月中旬~9月下旬 十勝岳(白銀莊周圍) 9月中旬 知床五湖 10月上旬~10月中旬 阿寒 9月下旬~10月上旬 東北地區 八甲田山(山頂附近) 9月下旬~10月上旬 中野紅葉山 10月下旬 奧入瀨溪流 10月下旬 十和田湖 10月中旬~10月下旬 白神山地 10月中旬~10月下旬 嚴美溪 10月下旬 八幡平(半山腰附近) 10月上旬~中旬 …

Continue reading

Aug 11

名古屋簡介

說話今日Ana就出佐隻激平機票去名古屋啦,名古屋對香港人黎講睇落就好似好悶咁啦,不過其實唔係架!等喺名古屋留學過半年既小斯話俾大家知點樣可以玩盡名古屋啦! 玩: 其實名古屋玩就冇得好玩架喎!不過附近就有好多野玩喎!首推既就係離名古屋大約一個小時到既長島樂園。呢到包括有過山車,水上樂園,麵包超人主題樂園,溫泉同香港人最愛既outlet!! 建議可以第一日睇麵包超人主題樂園同行outlet, 血拼完就去附近既溫泉酒店住一晚,第二日再去玩過山車同水上樂園 睇: 名古屋睇既野可以去名古屋城,水族館, 大須觀音,原則上一日都掃得晒 食: 食既絕對有好多,小斯黎名古屋之前都諗住會餓死啦,點知原來名古屋有十大名物,真係食幾日都食唔晒,小斯首推雞翼,饅魚飯同味噌豬扒!雞翼真係超級好食!小斯個陣差唔多個個星期朝聖咁去食咁制!其餘既名物可以參考:http://nagoya.xtone.jp/ 買: 唔係東京先有野買既,名古屋一樣都有,而且好集中晒喺名古屋駅同榮到,一般既大牌子大鋪頭都可以喺呢兩個站搵到,有做sales, 所以買大牌子野既唔需要擔心冇得買。而且佢都有地下街,地下街有無限既藥妝店,其實原則上到到都有,女士必行呀! 想買啲日本風味啲既野既,就應該去大須個陣。呢個站啲嘢普遍都比較平,尤其係藥妝店,女士們請進攻! 不過小斯住佐半年都未搵到間好似上野間二木の菓子啲零食咁齊同咁平既鋪頭,fans如果知有既,麻請報料! 中轉站 黎名古屋轉去其他地方玩都幾方便,尤其係去日本中部玩,如果大家十月到去既,小斯首推中部既立山黑部,成座山一片都係紅葉,真係超靚! 而名古屋去関西都好方便,坐Jr 2個半鐘到京都,坐新幹線就只需半個鐘!去東京既,坐新幹線兩個幾鐘,或者想平啲既,可以坐只係2400yen既夜行巴去,六粒鐘即到,仲可以摼返晚酒店錢,因為佢六七點到到既關係,放低行李之後仲可以即刻衝去築地食魚生飯!正呀! Fans!! 唔需要擔心名古屋冇野買,平機票呢啲嘢,真係買佐先講呀!

Jul 17

羅馬的幸福噴泉--傳說中的許願池

相信有追開小斯POST既讀者都會知道,小斯最鍾意既就係羅馬許願池,因為呢到可算係阿BELL同阿SAM結識同成為對方最重要既朋友既地方,小斯去呢到簡正係去一次喊一次,但究竟羅馬許願池又有咩傳說值得大家一去既呢?                 許願池其實係叫做幸福噴泉。幸福噴泉有一個傳說。傳說只要背對住幸福噴泉,用右手往左肩方向將一個銀仔扔入噴泉的池裡面,許下既願望就會實現,但第一個銀仔許下既願望必須係重返羅馬,第二個銀仔既願望先會實現,所以幸福噴泉先叫做許願池。 而仲有另一個傳說,就係用同樣動作拋三次銀仔,第一個銀仔就代表搵到戀人,第二個銀仔就係會大家真心相愛,第三個銀仔就會蜜運成功,婚後並一起重返羅馬。                     記得個方法係用右手扔去左邊膊頭呀!即係好似呢張相咁,嗱!唔係我黎架!哈哈!   小斯就已經重返佐羅馬啦!唔知我第二個願意幾時成真呢*V*

Jul 02

倫敦唐人街抵食麵包蟹(翠如BB + 小斯誠意推介)

小斯之所以點解咁鍾意去旅行,其實或多或少都係因為為食,想周圍去食野。今次第一次打有關於搵食既post, 希望大家鍾意=v= 如果反應好既,我會繼續打多幾篇教大家搵好野食。 話說小斯係翠如bb既終實fans黎,佢套走過浮華大地我梗係有煲晒啦!咁難得今次我去到倫敦,梗係要試下翠如bb喺第五集介紹既倫敦唐人街抵食夾大件既麵包蟹! 由Leicester Square一出轉左直行少少再轉入去唐人街再靠左行,就可以轉入去Lisle Street, 然後再直行就會見到Young Cheng Restaurant(羊城美食)喺你右手邊。                   麵包蟹宜家賣緊13.8,貴佐翠如少少添,不過唔緊要,佢連埋麵底,所以真係好夠飽,你仲可以揀埋要烘麵底或者生麵底。                   為佐介紹俾大家知呢間野,我每隻味既蟹都嗌佐一隻,真係食到我抱住個肚走呀! 首先出場既係辣汁!                   小斯可能因為鍾意食辣,所以覺得呢個係最好味,再加埋佢辣辣地既生麵,真係好正A__A   第二碟出場既係咖喱!                   咖喱一上碟個陣非常香,而且好重椰汁味,而且老闆提議我地咖喱味配烘麵,的確好夾! 可惜隻蟹同啲麵小斯撈極都唔夠味,建議大家可以唔叫呢個。   …

Continue reading