之前去台北就試住咗喺善導寺捷運站既「台北時代寓所」！為既就係可以瘋狂食阜杭豆漿！因為阜杭豆漿喺正隔離架喳！有晒Absolute advantage 去排隊買嚟食！哈！我知你話可以嗌ubereat，但自己買係好食啲架！
呢間「台北時代寓所」係Hilton 希爾頓全球酒店集團旗，喺2020年底開業，所以都幾新架！仲要係亞太地區第一間Tapestry Collection by HiltonTM品牌精選酒店！行路１分鐘就到善導寺捷運站！喺正臺北人氣早餐店「阜杭豆漿」隔離！同華山1914文化創意產業園區同興波啡咖等都好近！
今次係以Diamond身份入住！呢間酒店既福利好特別既，除咗有啲小食送俾你、late check out個啲外，佢個so call早餐唔係就咁送俾你，係每日送504台幣俾你喺佢隔離間Starbucks到買野食！所以我住兩晚就有1,008台幣俾你食… 係超級夠食仲可以食好多餐！你唔用嚟食早餐都得，食tea 食乜都得既！總之就係要洗晒啲錢佢！
講下間房先！台北嚟講都唔算細既，佢仲要廁所同沖涼完全分開，咁樣大家朝早刷洗都方便！仲要有一個有景既浴缸，不過建議大家落簾啦！真係俾人睇晒的lol 另外又有張貴妃椅喺窗邊俾你訓喺到睇風景，個景都開揚架！所以間房算舒服嘅！
呢間酒店雖然無泳池，但都有gym同洗衣房，堅係可以長住！
另外重點梗係喺正阜杭豆漿隔離！可以每朝神咁早起身就去買！完全係一個優勢！
最後就係講下點book抵啦！除咗可以直接用錢book之外，用積分有時都抵既！或者用AE白金卡個$1,100 credit都得！甚至係用AE白金卡啲AE積分轉做Hilton分再book都得！總之就要同現金價比較啊！
Hilton Honors希爾頓酒店常客會員計劃玩法詳解及優惠
台北時代寓所 房間
台北時代寓所 Diamond Member福利
台北時代寓所 早餐credit
台北時代寓所 Spa及Gym
阜杭豆漿
😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
