AE白金Charge卡Hilton Diamond及Marriott 白金挑戰challenge詳情 + 一年Hilton Diamond會藉大贈送!

😍經小斯申請信用卡/戶口/稅貸有額外積分/禮券/現金呀:flyformiles.hk/18539

👍理財App推介 (一App睇晒卡數、投資同MPF):Planto (按此下載)

😆 記得要follow埋我Instagram睇我啲靚旅行相呀!

AE白金Charge卡Hilton Diamond及Marriott 白金挑戰challenge詳情

大家都知道AE白金Charge卡送既Hilton 同 Marriott會藉只係金卡會藉,即係話Marriott最多都係俾你遲啲check out,都無早餐送或lounge入!Hilton 就都好啲,就連金卡都有早餐送,不過就無lounge入,同埋upgrade點都唔夠班Diamond同白金卡黎!所以今次就同大家講下Marriott 白金卡同Hilton Diamond挑戰詳情,等大家去到邊住到邊都有早餐同lounge入啦!另外由於我今年都住夠100晚Hilton,佢其中一個福利就係可以gift 一張Diamond卡俾任何人!所以歡迎大家留言話我知你地下年既旅遊計劃,我會揀一個最用得著呢個會藉既人黎送俾佢^^ 希望佢成年住酒店都有早餐食啦hahahah

Marriott 白金挑戰challenge詳情

挑戰白金卡條件:沒有!唔需要係金卡會員,就算係最低級既會員都可以申請

申請方法:直接打+852-800-962-962 向CS申請

挑戰詳情:申請後該月既90日內,要完成16日住宿 (nights 唔係stay),即係例如你係1月2日申請挑戰,咁你既挑戰期就係由2月1日起計90日內要完成

參與酒店:所有Marriott / SPG / Ritz Carlton 集團酒店

房晚計算:同一次入住只可以計算1間房既nights,即係話你一次過喺同一晚book 2間房,都只係會計1個nights;AE FHR訂既房都可以計算nights,但經其他agent網訂就唔計,積分房亦唔計算在內

電郵確認:唔一定會有!Marriott既CS出佐名神級,佢confirm完你個挑戰申請都未必會有電郵send返俾你,所以最好點都逼佢白紙黑紙咁send返個email俾你確認

確認電郵大約就係咁既樣!呢個係我當年做挑戰既電郵黎,想當年只係9個stays喳!

挑戰期間會藉:仍然保持原有會藉,唔會有白金卡禮利

會藉有效期:完成挑戰後既一年!由於宜家個cut off由下年開始改佐做31/12,故此一月完成挑戰既,就會有差唔多2年白金卡用啦

白金禮遇:訂房保證、50%額外訂房積分、下午4點 late check out、迎賓禮、升級套房、lounge行政酒廊、5晚套房券、早餐等等

保級:之後每年入住50晚先可以保住Platinum

Hilton Diamond 挑戰詳情

挑戰Diamond鑽卡條件:必須擁有其他酒店會藉既同等會藉,包括IHG Platinum、Accor Platinum、Bestwestern Diamond、SPG Platinum、Hyatt Globalist 或 Marriott Platinum,咁最簡單就係用返喺上面挑戰到個張Marriott Platinum去挑戰

申請方法:直接去https://statusmatch.hiltonhonors.com/登記,將你其他酒店會藉既會員卡或app既screen cap及酒店會藉既statement upload上去就得!挑戰申請係唔需要你指明你挑戰既係金卡定鑽石卡 (金卡挑黎都晒氣,本身AE白金Charge卡都有送),只要你upload張係其他酒店會藉既白金卡上去,咁就會自動當你申請佐做白金卡挑戰

挑戰詳情:申請後90日內,要完成8個入住 (stay唔係night) 已改成18晚 (nights)

參與酒店:所有Hilton 集團酒店

房晚計算:同一次入住只可以計算1個stay,即係話你喺同一間酒店到book 2晚房,都只係計算做1個stay;AE FHR訂既房都可以計算stay,積分房亦計算在內!但經其他agent網訂就唔計,積分房亦唔計算在內

電郵確認:登記後會有電郵確認!

挑戰期間會藉:個90日期間就算成功與否,都直接有白金福利!即係已經有下午4點 late check out、迎賓禮、升級套房、lounge、早餐等

會藉有效期:直至2020年3月31日!即係有成一年幾俾你用!超抵!

白金禮遇:50%額外訂房積分、下午4點 late check out、升級套房、lounge行政酒廊、早餐等等

保級:之後每年入住60晚先可以保住Diamond

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠架!

同埋梗係要follow 埋我Instagram,睇我啲靚相同IG Story啦!

9 comments

Skip to comment form

    • on 1 月 11, 2020 at 12:36 下午
    • 回覆

    究竟係唔係18nights 或10 stays?

    1. 呢個你要問番cs 以佢地同你講既為准 因為可能有變架

    • Kenneth on 11 月 24, 2019 at 3:11 下午
    • 回覆

    小斯, 你點解咁厲害,1年可住夠100晚Hilton? 另 Marriott 的 challenge , 官網訂香港最平價果種(我見幾百元一晚)是否都count?

    1. 只要係官網book就count啊
      haha hilton黎緊應該住唔到咁多晚啦

  1. 請問Hilton 會藉
    1年會藉由入會日2019年12月
    到2020年11月底
    在1年內住滿60日
    可以自動成為Diamond manner

    麻煩解答

    1. 唔係 係計12月31日呀
      即係2020年12月底前住60日

    • Miss Chan Chan on 11 月 26, 2018 at 10:59 上午
    • 回覆

    作為一個全年都對住好多班麥嘜麥兜既老師,工作壓力真係好大。點解?除左想努力教好班麥嘜麥兜,等佢地畢業時就算說不上出人頭地,都希望佢地搵到自己人生想走既路。其次,麥嘜麥兜係學校犯錯,作為老師當然要同麥炳麥太溝通,希望大家想法一致,教好學生為學生好。只可惜唔多麥炳麥太係願意合作既。岩岩上星期之嘛,有位麥生就唔太接受到自己既麥兜需要更多支援,就鬧左我一個鐘啦。講返正題:工作壓力大,去旅行就係我工作使命以外最大既動力同獎勵。基本上,一有假期我就會衝出香港,所以我明年既外遊既計劃都已經有好幾個架啦。如果有幸可以俾小斯揀中,我一定會好好善用呢個會藉!即使今次無我份,我都多謝小斯分享正野俾我地,仲俾左個機會我係到呻XD

    • Apple on 11 月 22, 2018 at 2:09 下午
    • 回覆

    下年1月有best friend 係沖繩結婚,已經book左hilton的酒店比我地5個姐妹,如果有的upgarde上executive 就正啦!

    另外我6月會去歐洲honeymoon~XD希望有機會啦。

    • Chin Chin on 11 月 20, 2018 at 8:37 上午
    • 回覆

    因為今年工作唔係好順利,真係好需要放個長假,去唔同地方見識下,咁緊係要搵小斯幫下手🤗🤗

發佈留言

暱稱和郵箱必需填寫,您的郵箱只有管理員可見。