日本請問怎麼走?

成日教大家點用3萬里係日本到左轉右轉咁玩晒成個日本啦，但中間免不了都要自費搭下車既，究竟日本內陸有D咩交通可以俾大家城市過城市架呢? 宜家話你知!

1. 鐵路（JR、新幹線、近鐵等等)
JR等於我地既火車，全日本既地方基乎都可以坐JR去到，JR既時間大家可以用日本yahoo去查：http://transit.loco.yahoo.co.jp/　

將裡面既所有tick tick tick走佢，就可以查到最普通唔使加錢既JR既時間同車費，如果想快D既，就可以搭特急，記得只有特急先要加錢，D咩快速、急行個D只係skip佐D站，變佐快少少only，所以唔使加錢。

如果想勁快既，就可以坐新幹線，即係日本既子彈火車，大陸既高鐵，好快，例如名古屋去京都只係需要5個字左右，但係超貴！而且唔係日本個個地方都有新幹線搭，例如北海道已經冇。新幹線timetable仍都可以即時係yahoo到查到，http://transit.loco.yahoo.co.jp/，入到去淨係tick第一格新幹線就OK！

至於近鐵，就係日本主要用黎穿梭関西、中部同三重縣既交通黎，慢過JR但勝在平！
http://eki.kintetsu.co.jp/norikae/N1

 

2. 高速巴士，包括夜行巴
巴士絕對係數一數二最平既，尤其係夜行巴，2000幾YEN已經可以由名古屋去到東京，因為係夜晚坐既關係，仲摼埋D travelling time，絕對岩晒D爛玩人士！雖然內陸機宜家愈黎愈平，但計埋機場來回既錢同時間，夜行巴絕對仲有價值！夜行巴或者中午巴都可以係下面兩個website購買：

高速バス：https://www.kousokubus.net/PC/index.aspx
楽天：http://travel.rakuten.co.jp/

 

3. 內陸機（Peach同Jetstar）
日本既廉航主要有Peach同Jetstar，航點主要包括大阪、名古屋、福岡、沖縄、東京、札幌等等。

Jetstar：http://www.jetstar.com/jp/ja/home
Peach：http://www.flypeach.com/hk/home.aspx

 

至於去邊到應該搭咩交通，小斯就應該當然去沖縄北海道福岡呢D咁遠既地方就搭平平既內陸機啦，至於大阪名古屋東京來回既，京都去名古屋建議搭JR，2千幾YEN；大阪去名古屋建議搭巴士，3千YEN，雖然價錢同搭JR差唔多，但勝在唔使轉黎轉去；京都同大阪同名古屋去東京就梗係搭夜行巴，摼時間之餘又平，2-5千YEN幾內搞惦！

過埋新年之後，等小斯再講多D日本內陸交通既野俾大家知啦^^ 祝大家新年快樂，逗多D利是去旅行啦^^

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！