青春18旅遊通票係一款超值既優惠車票。有佐佢，您就可以無限次免費乘坐由南到北 -九州到北海道，縱貫成個日本既JR線普通列車(含普通及快速，僅限普通車廂自由座席)。
本通票雖然唔能夠用於新幹線同特快列車（即係特急個D），但對於渴望慢節奏旅遊既遊客黎講，絕對係物超所值！
本通票包含5張價值2,300日圓既1日通票，您既可以選擇1人5日遊，仍都可以選擇5人1日遊，使用方法靈活自由。本票仲可用於乘坐開往宮島JR西日本宮島渡輪添！
所以，使用既策略就係計好晒每日要搭既車，如果個日total既車費係高過2300YEN既話，就用青春十八。最抵既青春十八應該係去D遠程既地方，例如由鹿児島返番去福岡，如果正常咁搭JR都要成萬YEN，但係如果用呢張飛既話，就可以2300YEN返到去福岡啦！ 小斯前年去日本讀書個陣，就係用青春十八，玩晒成個九州咁制，勁平，玩7日市內交通費都係萬幾YEN搞惦，玩齊晒博多、別府、熊本、鹿児島、宮崎、長崎，真係好抵呀！
以下係14年青春18既資料：
票券名稱：青春１８きっぷ（春季版）
發售期間：２０１４年２月２０日～２０１４年３月３１日
利用期間：春季版：２０１４年３月１日～２０１４年４月１０日
價格：￥11500，有5格，可分天使用，不用連續使用，或是多人共用（小孩同價，任何人都能購買）。
發售地點：全国ＪＲ主要車站綠色窗口（みどりの窓口）、びゅうプラザ、提携販売センター和主要的旅行會社，這個票券JR的自動販賣機也有賣，選擇自動販賣機的おトクなきっぷ選項，根據指示選擇即可購買。
小斯建議大家係大黑屋到買，大黑屋其實周到日本都有架啦，點解要係大黑屋到買呢，因為要知道青春十八最麻煩既話就係要計下你要用幾多格，用剩佐既話其實係好蝕。如果你係大黑屋買既話，佢會俾一張紙你，話你知用剩佐既格仔係指定日期內賣返俾佢係幾多錢；又或者，你可以直接單買你需要既格數。
使用範圍：可以搭乘JR全線的普通及快速列車（包含新快速、通勤快速、特別快速）普通車廂自由席，還有JR西日本宮島フェリー的船舶，及一項＂ＢＲＴ（バス高速輸送システム）即係指代替鐵道線既替代巴士，目前只有気仙沼線及大船渡線。
例外：可以搭乘的特急列車自由席，只有以下區段，因為呢個區段冇普通列車，
1、津軽海峡線「蟹田～木古内間」相互発着
2、石勝線「新得～新夕張間」相互発着
3、奥羽本線「青森～新青森」間
4、宮崎空港線の「宮崎～宮崎空港」間
※ 新幹線、特急及急行列車，憑青春18票券都不能搭乘。
※ 「中央ライナー」「青梅ライナー」快速「マリンライナー」的綠色車箱（グリーン車）指定席は不能搭。
特典：持青春十八的當日在Jr Hotel Group加盟的旅館住宿有優待。’
其實用青春十八玩晒成個九州，東北或者係北海道都係一件好抵既事，但係小斯首推用青春十八黎玩九州，因為東北同北海道會有另一隻窮遊pass更加抵玩，我遲D仍都會介紹俾大家^^
但係青春十八絕對真係只適合青春既人使用，因為真係要坐足一日車，大家查下由博多去鹿児島要幾耐，就知道我講咩架啦XD
想知青春十八可以搭咩車就係呢個網址到查：http://www.jorudan.co.jp/norikae/seishun18.html
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
