香港HKG->名古屋NGO
東京NRT->札幌CTS
札幌CTS->東京NRT->香港HKG
呢張無敵東京SHOPPING加靚爆薰衣草北海道之旅既機票，相信大家一見到都會心動。大家不妨估下呢張機票幾錢？暑假去喎！宜家日本機票升到咁貴，連PEACH都要3千幾4千，宜家仲要去埋北海道，4至5千走唔郁啦！錯！答案係851蚊！
用飛行里數去換機票去旅行，只需要俾返機場稅同燃料附加費，就可以避開晒所有喺長假期另外徵收既附加費，開開心心去旅行。絕對適合一Ｄ工作時間穩定，可以預先知道假期既朋友仔。邊個話老師既人工係包埋長假期既附加費？飛行里數絕對可以解決呢個問題！
作為第一個POST，我想同大家介紹下一個香港人最常儲既飛行里數計劃 – 亞洲萬里通(ASIAMILES)。只要乘搭亞洲萬里通計劃下既航空公司，就可以獲取里數，換取免費機票。
航空公司包括：愛爾蘭航空、柏林航空、中國國際航空、新西蘭航空、阿拉斯加航空、美國航空、英國航空、國泰航空、中國東方航空、港龍航空、芬蘭航空、海灣航空、西班牙國家航空、日本航空、印度捷特航空、LAN、馬來西亞航空、澳洲航空、皇家汶萊航空、皇家約旦航空、S7航空
點解香港人大多都係儲ASIAMILES?
1. 大部份既信用卡都可以將積分轉做ASIAMILES，即係話你每洗緊既一蚊都會為你帶黎免費機票
2. 計劃包括國泰航空，要知道由香港出發既航班有一半以上都係CATHAY PACIFIC既，換言之，ASIAMILES絕對可以天天出發
3. 可以用盡STOPOVER同OPEN JAW，玩多幾個地方
下個POST我將會同大家分享點樣可以將你既里數換到一張用最低價錢但係能夠去最多地方既一張機票！如果大家都有換機票既經驗，歡迎一齊分享一下呀!! ^V^
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
30 comments
Skip to comment form
你好，我是新新手用理數，我有40459分在2020年6月過期，想請問可以用於2020暑假嗎？去哪個地方機會大一些？日本有可能？
Author
可以啊 你係要6月前用左d分姐 唔係6月前出發
姐係你最遲其實可以換2021月5月既機票呀
你要逐日check 但而家因為d人都係到改期現有飛 呢半年可能都無咩位架啦
暑假有無得換飛？要幾耐之前換？而家睇已經無晒！！！
Author
有
睇下你去邊姐 @@
oh , 原來講左 , 可以del 我個comment 喇thank you!
Author
哈哈… 唔緊要… 有咩唔明記得要再問啊
好似遲左少少…哈哈
我想問換機票連唔連d附加費用 (tax gor d)
定就咁換張機票乜都唔駛俾? thank you!
Author
要呀… 要俾稅
可唔可以寫一篇兌換機票0既流程呀?因為新手識得儲miles 但未必識換機票, thanks in advance~
Author
可以呀… 不過因為太簡單… 所以未寫住…
你係換邊間機票?
不如你講我知我直接答你:)
Thanks~
其實我都唔係太清楚成個兌換機票0既流程, 例如大概幾耐前兌?打電話定上網?點confirm機票?改日期要點………sorry, 好多問題=P
Author
如果換普通來回機票, 就咁係返我地個BLOG上面條LINK到換就OK…
如果想中間加D STOPOVER同OVER JAW, 就要打電話換…
幾耐之前換呢… 其實只要有機位, 出發前三個鐘都仲可以換… 上網又得打電話又得…
你換完佢就會同你即時CONFIRM機票…
改日期要打電話去改…
唔明再問呀
Asia miles 出的機票不是不可以改日期的嗎？
Author
可以改呀
如果我想去英國,點樣會儲好D…亞洲萬里通換GE 港龍 國泰會唔會要GE 里數多D…
Author
如果係LONDON既話… ASIA MILES會係最平…
因為只需60000就換到…
換港龍國泰唔會多D既… 因為都係ONE WORLD既:)
因依架先知可以用信用卡換飛行里數,
但可以詳細講d點計個程機票要用幾多里數同點換嗎??
同埋係咪d里數可以換你所講既咁多間既航空公司??
係咪暫時有d DBS, 富邦, SCB三間銀行信用卡可以賺里數?
希望真係可以用到飛行里數平飛去玩啦 😉
Author
詳細講d點計個程機票要用幾多里數同點換嗎??
–>每個計劃底下換唔同地方既里數都唔同… 所以要一次過講有D難啊:)
主要宜家想介紹返比較多人儲既亞洲萬里通… 熱門國家例如台灣15000里, 泰國20000里, 日本/韓國30000里, 歐洲60000里
如果你有咩目標地方想換既… 你POST上黎我再話你知想換邊到應該用邊到計劃最抵:)
係咪d里數可以換你所講既咁多間既航空公司??
亞洲萬里通主要係換返港龍 國泰, 但換其他都可以既, 但有D限制, 遲D會詳細解說
(其實港龍國泰已經去邊到都去到了:P)
DBS, 富邦, SCB三間銀行信用卡可以賺里數?
其實市面上有N咁多種卡都可以賺里數… 我只係SORT佐我認為最抵玩個3張卡出黎… 其實SCB呢張未係最抵玩…
如果你係有經濟能力既… 建議用CITIBANK張PREMIER MILES黎REPLACE SCB張卡…
不過因為呢張卡俾CITIBANK推到變佐神卡… 所以我未介紹住…
同埋聽日會想大家冷靜下… 介紹返DBS張BLACK CARD先…
因為大家可能都會將DBS張BLACK CARD用錯地方:P
一齊儲里數啊!! 小斯只係窮苦學生一名都換佐幾次機票去旅行, 只要你KEEP住留意我地既分享, 你儲得一定仲快過我啊:)
如果我想下年先去韓國/歐洲,而我到依架都無一張credit card係可以儲里數既…咁應該申請邊張好d?
其實我既目標係一年去一次旅行!!!!!
Author
唔好意思… 咁遲先覆你…
如果係去韓國同歐洲既話… 都係建議返儲ASIA MILES…
雖然去韓國STAR ALLIANCE係會平D… 但係ASIA MILES始終多PROMOTE好多…
會易D儲…
建議申請返DBS BLACK CARD(平日簽帳), CITIBANK PM (用唔到AE個陣簽同埋八仔增值), 富邦TITANIUM (網上繳費同海外簽帳用)
香港HKG->名古屋NGO
東京NRT->札幌CTS
札幌CTS->東京NRT->香港HKG
以上機票係咪 30000 就夠換呢？ 請問點樣做，我唔係好明點樣可以包埋 東京NRT->札幌CTS 呢一程
Author
無錯！ 我七月班機就正正同你一模一樣XD
好易計架喳，兩個停留一個open jaw
你宜家咪停名古屋同札幌囉
之後東京就你open jaw出黎既：）
可能我表達唔清楚
我quote 呢幾程機，係我在你篇文章copy 落黎的
我就係唔清楚點樣用30000 哩出呢幾程機票
可否講一講呢？ thank you！
Author
asia miles既規則係兩個停留加一個open jaw加兩個轉機
咁宜家名古屋去東京返就係open jaw
然後名古屋停留一次
札幌停一次
最後由札幌去東京轉機返香港就用轉機一次 🙂
咁宜家名古屋去東京返就係open jaw <—– 明白
然後名古屋停留一次 <—— 明白
札幌停一次 <—– 明白
最後由札幌去東京轉機返香港就用轉機一次 <—— 明白
咁東京去札幌果程呢？
希望你唔好介意我問咁多，因為真係唔熟，無諗過可以換到咁多程機。現在諗番起以前只係換名古屋來會機票真係蝕左
Author
其實我琴日O係街 所以答得冇咁仔細… 我再答你一次…
俾個例子你:
18/7 香港去名古屋 (OPEN JAW) 因為之後唔再O係名古屋出發
(名古屋去東京自費) <--點係最平可以再問我:) 30/7 東京去札幌 (停留) 16/8 札幌返東京 (只能逗留O係東京最多24小時, 因為係轉機) 17/8 東京返香港 所以你見到其實換機票只能換到係兩個停留 + 一個OPEN JAW + 2個轉機 (而OPEN JAW個程係包埋O個個停留既) 所以如果你想玩盡三個地方, 你一定要有一程係自費 其實你之前換名古屋來回都唔係太蝕呀 一來飛名古屋既機淨係得D大航班先開... 二來平極都要4千蚊... 所以換名古屋先係抵:P 唔明再留COMMENT問我呀:)
我想聖誕節換去香港去大阪既機票（今年或下年），有咩辦法可以一定成功？
我已打上hotline 留位，但要到12月17日就會話我知有定無，都唔知點等。
Author
唔建議用ASIAMILES換大阪既機票既啊…
因為PEACH既機票實在太平了…
咁樣淨係換去大阪既會好晒…
如果你係就咁換香港関西來回既話…
建議直接上國泰個網換…
因為你可以直接睇到D位的 🙂
唔明再問啊!
我只購買了70,000 miles (HK$16500) (Star Allance) 後換了張SQ – Business Class , HKG- Male – Perth- HKG 的商務位來回機票啦
!
Author
係呀… 有陣時STAR ALLIANCE會係好抵呀:)
遲D我都會介紹一下星空聯盟既玩法~