皇家摩洛哥航空正式於2020年3月成為寰宇一家 (oneworld) 既新Partner！

皇家摩洛哥航空 (Royal Air Maroc) 會於2020年3月正式成為寰宇一家 (oneworld) 既新Partner！皇家摩洛哥航空 base 喺摩洛哥既卡薩布蘭卡Casablanca，航點主要係去歐洲或東西非咁，亦有啲由摩洛哥去美加既航點，不過點都唔會歐洲 ＋美加咁玩啩，就算佢加入oneworld都作用不大！雖然宏觀黎講Royal Air Maroc 既加入可以幫One World開托東西非市場，但本身其實都可以坐Iberia 喺Madraid 轉機去Casablanca，除非你真係咁多假同咁多錢去歐洲 ＋美加 + 東西非咁玩，唔係都真係無乜用，或者用黎換下內陸機，深度遊下非洲～即係Avios又係出動既時候啦！

但另一個悲慘既消息係LATAM將於2020年10月正式退出寰宇一家 (oneworld)，但聽講仲會同英國航空同美國航空合作，即係仲可以搭LATAM儲英航或美航，不過就唔可以儲到定級里數，要注意返啦！

皇家摩洛哥航空 (Royal Air Maroc) 航線圖

============================舊聞====================

根據美國一位超級出名既blogger－One Mile At A Time 既報導 (其實原來我見過Lucky，佢就係上次同我一齊坐SQ First 果個鬼佬@@ 個陣都醒唔起，早知同佢影張相hahaha 寰宇一家 (Oneworld) 將會喺黎緊12月5日公佈有新航空公司加入！估計會係中國南方航空 或 皇家摩洛哥航空 或 阿拉斯加航空！但聽聞最大機會皇家摩洛哥航空，不過我自己就最想係南航啦！雖然坐就唔想坐佢，就有佐南航出假單程就方面得多啦！即刻同大家睇下呢三間啲航點！

中國南方航空 (China Southern Airlines)

南航主要base 廣州，除佐有唔少去內地冷門地方既航班外，廣州出發既航班亦有好多歐洲、美國、澳洲等地方，包括：倫敦、阿姆斯特丹、巴黎、法蘭克福、羅馬、、莫斯科、多倫多、溫哥華、洛杉磯、三藩市、紐約、墨西哥城、基督城、阿德萊德、布里斯班、凱恩斯、墨爾本、珀斯、悉尼等等，所以用黎做假單程真心開心！

阿拉斯加航空 (Alaska Airlines)

阿拉斯加航空主要base 喺美國幾個port，包括西雅圖、三蕃市等等，但只係營就運美國國內線同美國飛去墨西哥既航班，同埋由於阿拉斯加本身同oneworld既關係都好密切，所以佢加入oneworld其實都係作用不有。