fbpx

儲里數系列5 – 最佳信用卡組合

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

首先… 請準備3張信用卡… 包括

1. DBS BLACK CARD
2. CITIBANK PREMIER MILES (首選) / 東亞WORLD MASTER (次選) / 上商Titanium
3. 富邦TITANIUM

本地簽賬:(星期一至五簽帳) 
1. 盡量用DBS BLACK CARD賺盡6蚊1里
2. 如果係BETWEEN 600 – 2000蚊既單一簽帳, 就用富邦張卡, 因為計埋推廣期個抽獎, 最少可以拎多2000分, 即係167里, 等於你用DBS簽多1000蚊
3. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 如果係600蚊以上更可以拎多最少2000分
3. 要注意富邦一個月最多可以拎簽帳額3倍既積分, 同埋一個月最多抽6次獎

海外簽賬(1.95%手續費) :
唔使諗…. 一定係用富邦

(非台日韓) HK $1 = 4 積分 / HK $3 = 1里數
(台灣) HK$1 = 20 積分 / HK $0.6 = 1里數
(日韓) HK$1 = 8積分 / HK $1.5 = 1里數 **登記期內只有兩次機會

網上繳費賬單:
(星期一至五簽帳) 如果真係咁趕逼住要繳費既, 就用上商張卡繳, 8蚊1里
(星期六日每滿HK $300或以上之本地簽賬) 留返所有單係星期六日用富邦找數, 6蚊1里

自動轉賬繳交賬單:記得將所有水電煤電話費用DBS做自動轉帳, 6蚊1里

網上購物:同本地簽帳基本上一樣

(星期一至五簽帳)
1. 盡量用DBS BLACK CARD賺盡6蚊1里
2. 唔收AE先用2.個三張卡, 賺8蚊1里

(星期六日每滿HK $300或以上本地簽賬)
1. 用富邦簽賺雙倍積分
2. 唔夠300就用AE, 唔收AE就用2.隻卡

八達通自動增值:唔使諗… 一定用2.卡, 8蚊1里

分期簽賬:2.卡, 8蚊一里

積分有限期:DBS無限期, CITIBANK & BEA 無限期, 上商2年, 富邦1年,
所以各位FANS記得年尾個陣清陣富邦同上商D積分,
當你每年轉呢兩張卡, 每年大約要用500蚊(當你上商2年轉一次), 所以大家請申請CITIBANK OR BEA

原則:有得碌卡就碌卡,冇得碌卡都要碌八達通

注:以上儲法唔包括其他短期優惠或集中類別簽帳,例如匯豐6倍獎賞錢,REWARDS卡超市及電訊公司5倍積分,DBS白金全港食肆3倍積分,各位FANS最緊要係了解自己既消費模式黎調節一下上述既信用卡組合….

 

如果用以上方法咁儲, 一年去一次旅行, 絕對唔係難事:)
大家努力啊!! FIGHT FOR THE NEXT SUMMER!!!!

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

137 comments

Skip to comment form

    • Question man on 13 10 月, 2018 at 12:42 上午
    • 回覆

    Hi 小斯,

    想問。。
    1) 如果想申請Citi PremierMiles, 但年薪差10% 而TU 係A_grade有冇機會批?
    2) 現有:匯豐(V. S., 雙幣), DBS(V.S., black M.C., compass visa), 中銀i visa, 如果再申請多張卡會唔會影響TU?
    兩月間增加左三張卡,不過原本係現有客戶。

    謝謝賜教!

    1. 1. 你可以試下既 唔批再算~
      2. 唔會啦好少卡姐 只要唔係一個月內申請超過3張都無事

    • Hydei on 22 7 月, 2016 at 8:36 下午
    • 回覆

    小斯你好呀~
    關於網上交保費儲里數我都想知邊張卡好?

    我的信用卡組合:
    DBC black master (已知冇T_T)
    CX AE
    建行EYE
    渣打鄭經理卡

    Thx~

    1. 你得張建行eye有分lol

    • KARA on 10 7 月, 2016 at 4:00 下午
    • 回覆

    如果學生貸款用邊張信用卡比較好?

    1. 東亞Flyer World 信用卡:http://flyformiles.hk/2679

    • Ringo on 4 11 月, 2015 at 11:12 下午
    • 回覆

    想問下有那些卡綱上交保費有績分? 是否一般只可以自動轉賬?

    1. 睇呢個post: https://flyformiles.hk/3843

    • Toromi on 31 10 月, 2015 at 11:59 下午
    • 回覆

    小斯,我想問下我有四張信用卡,匯豐運籌白金卡/ 中銀白金卡/渣打白金卡/渣打WorldMiles, 請問呢四張邊一/幾張交保費有積分儲?

    1. 匯豐運籌白金卡/ 中銀白金卡

    • Gallen on 20 10 月, 2015 at 4:36 下午
    • 回覆

    BEA FLYER信用咭自動轉帳唔收手續費既咩?

    1. 點會收呀XD

    • Jason on 8 3 月, 2015 at 5:52 下午
    • 回覆

    小斯您個blog真有用,激讚!

    有關交保費一問:
    請問每月自動轉賬扣credit card交保費,呢個動作係算”交保費”定”自動轉賬交賬單”呢? 我而家用緊BEA World Flyer, 若以上動作當自動轉賬交賬單, BEA World Flyer 有$5 一里喎,咪抵過用富邦card交保費? 我打過上BEA card centre 問三次,三個職員都答我係當交賬單,有$5一里,佢哋話淨係上BEA 網頁用Internet Banking揀商戶為保險公司交保險先冇里數…佢哋講嘅係咪真呢?我都係信您多d!

    1. yes!佢地講得講,自動轉賬交保費bea flyer world係有分

    • Chris on 5 3 月, 2015 at 9:56 下午
    • 回覆

    dbs black world master可以自動轉帳交水電煤?係嘅話應該點做?我見水電煤個D好似限制左某幾張卡交only

    1. dbs black world master可以自動轉帳交水電煤?
      –>原理上可以,但主要都要睇返你果個商戶係接受用邊一張卡做自動轉賬

    • kk on 10 2 月, 2015 at 11:51 上午
    • 回覆

    小斯你好,我的信用卡組合:
    CX ELITE
    CITI PM
    CITI REWARD
    BOC SOGO
    平時交水電煤保險都是靠BOC,有積分但是沒有里數……現在富邦的terms改了,申請富邦還合適嗎?(迎新的5000里也吸引,但要$500手續費=.=)
    有冇其他建議?謝謝妳!

    1. 申請富邦還合適嗎?
      –>都係佢最抵架啦,其他都無分

    • Vincent on 29 1 月, 2015 at 12:20 上午
    • 回覆

    小斯你好,想問一下海外網上買東西用邊張,如果本地買機票和交學費用邊張?(用1, 3 or hsbc(現有) 好?不想申請2.)

    另外有多一個題外問,skyteam 用那個program 最好?
    thanks!

    1. 海外網上買東西用邊張 如果本地買機票
      –>eye card

      交學費
      –>富邦

      skyteam 用那個program 最好?
      –>skyteam基本上無乜卡儲到,用prestige同premiermiles都係叫夾硬黎儲到

  1. 小斯,你好!

    我想幫細佬用富邦張卡交中華廚藝嘅學費呀,中華廚藝Under VTC。請問有冇人試過成功交到?

    因為細佬張單淨係寫用東亞銀行交,第一期我哋需要交$7100。。所以我驚交唔到又冇得Refund ar…

    唔該曬你小斯^.^

    1. 呀! 我唔清楚!
      建議你打返中華廚藝到問係咪交俾VTC
      因為bill payment個Number錯係唔會過到收既

    • PING on 24 8 月, 2014 at 11:33 上午
    • 回覆

    小斯, 你好
    本人睇完你O既介紹已經火速申請左DBS BLACK MASTER , 富邦, 同上商
    但上商唔批, 咁打去問東亞FLYERWORLD, 又話唔作外界申請, 只屬舊白金卡戶UPGRADE用, -.-
    你之前教準備3張信用卡… 包括
    1. DBS BLACK CARD
    2. CITIBANK PREMIER MILES (首選) / 東亞WORLD MASTER (次選) / 上商Titanium
    3. 富邦TITANIUM
    我完全無2.果3張卡,
    咁我八達通自動增值,星期六日HK $300以下本地簽賬 應該用DBS BLACK MASTER ????
    好無為左八達通自動增值申請交行銀聯雙幣卡??
    本人仲有以下CARD
    1)HANG SENG ENJOY CARD (會CUT)
    2)HSBC Platinum 同CITY SUPER卡
    3)HSBC鑽石雙幣CARD
    4)東亞普通MASTER CARD

    請賜教。。。XD

    1. 1. 點解張上商titanium會唔批????????? 睇你有個D卡年薪都唔低架喎
      2. 總知dbs black master一定要有
      3. 八達通就用交行交聯
      4. 星期六日HK $300以下本地簽賬 應該用DBS BLACK MASTER <-- 係乜都應該用dbs black master @@

        • Small Ping on 25 8 月, 2014 at 11:24 上午
        • 回覆

        我都奇怪why佢唔批,我一向紀錄良好,但我兒時係用上商戶口出糧,其後轉工無再用,無入錢被佢cut左我戶口,話我太耐無用,唔知係咪咁唔批比我

        1. @@ 不如你打去問下呀

            • Small Ping on 26 8 月, 2014 at 9:21 上午

            問左啦 佢答我唔知點解

            • 小斯 on 26 8 月, 2014 at 11:34 上午
              Author

            ><

            • Small Ping on 26 8 月, 2014 at 9:40 上午

            不過算啦 我申請埋交聯了等批,如果都ok
            就咩都係dbc black master 同富邦算,如果交聯唔批,八達通都扣dbs

            • 小斯 on 26 8 月, 2014 at 11:34 上午
              Author

            好啦咁><

    • Derek Poon on 8 1 月, 2014 at 8:57 下午
    • 回覆

    請問東亞白金VISA卡, 是否網上繳費HK$8=1里?

      • Derek Poon on 8 1 月, 2014 at 8:58 下午
      • 回覆

      那在迎新期後, 應該KEEP東亞白金VISA / 上商TITANIUM MASTER?

      1. keep東亞啦 東亞有5年期呀

    1. 係呀

      • Derek Poon on 8 1 月, 2014 at 11:07 下午
      • 回覆

      seems that 交差餉 / 地租 會計算信用卡積分 (富邦 / 東亞 / 上商), 是否正確?

    • 江南 on 18 11 月, 2013 at 7:32 下午
    • 回覆

    小斯小斯!

    請問可不可以介紹渣打American Express card?
    $5一里wor…

    1. 今晚準備介紹 等多一等先 我打去問清楚D先

    • Terry on 22 10 月, 2013 at 11:18 下午
    • 回覆

    其實八達通係可以到$6 一里.
    我用交行銀聯雙幣卡($12一里),>$300就雙倍.
    所以我設定每次增值$500就會double積分,即係$6一里

    1. http://flyformiles.hk/?p=638
      呢到有介紹^^

    • mk on 17 10 月, 2013 at 4:01 下午
    • 回覆

    sorry.
    你要 update 下,而家citibabk prestige master card 係6蚊1 asia miles.
    唔好再叫人用 premire card la

    1. http://flyformiles.hk/?p=528
      已在8月21日更新

    • vicky on 3 8 月, 2013 at 11:53 下午
    • 回覆

    1) 請問我手上得DBS black card, 係咪唔可以用係polyu網上交學數呀?
    應該申請邊張卡for網上交學費,比較好呢?

    2)富邦張卡收幾錢手續費兌飛行里數? 海外簽賬對兌率&手續費又高唔高呢?
    因為我經常去日本工幹時,都會買自己野嘛
    想知邊張卡會好d

    謝謝

    • Yin on 30 7 月, 2013 at 11:44 上午
    • 回覆

    我都想問關於交學費ge問題
    假設我交$20000 星期六日一次過交咪有$5000無分?
    咁應該點做?分開兩次交??
    咁如果想幫人交埋應該點?
    假設幫多個同學交埋咁total $40000到
    咁交一次學費咪要入$40000 cash 落個戶口到? 定係可以入 cheque??

    1. 對! 分兩次交! 你交學費通常都有一個period架嘛。。。
      所以可以分兩次交!

      入Cash落張卡到又得,開cheque當找卡數入落張卡到又得

        • Yin on 31 7 月, 2013 at 6:44 下午
        • 回覆

        但係polyu ge 繳費指引大概話:必須一次過繳交款項 否則電腦系統未能處理
        唔知小斯ge 大學 ge繳費指引有冇呢句野
        有呢句野係咪姐係唔得?
        好confuse 驚唔得
        唔好意思 問咁多野

        1. 我間大學都有呀
          不過小斯冇理佢照分開兩次交
          不過我中過一次伏就係原來交學費最少每次交5000蚊
          之後我剩返啲錢要轉帳去交。。。
          蝕佐/__\
          所以你要問清楚你學校先啊

    • Fai on 30 7 月, 2013 at 11:14 上午
    • 回覆

    小斯唔該曬!d資料好齊!
    不過原來上商張卡交政府賬單冇分儲… (小弟交學生資助還款)
    應該開邊張賺到最多分呢?一期都幾千蚊架…

    1. 以我所知冇政府賬單可以儲分架
      你學生資助還款個到係屬於邊個類別架?

    • ulul on 29 7 月, 2013 at 1:40 上午
    • 回覆

    上面講到 fubon張卡,
    3. 要注意富邦一個月最多可以拎簽帳額3倍既積分,
    即係點計自己會唔會爆?

    另外,如果用黎上網交學費,會唔會爆分?
    新申請張卡可唔可以計落迎新優惠 3個月簽$2800?仲可唔可以 over$600抽獎?

    1. 上網交學費梗係有分儲! 小斯超級推介大家用信用卡上網交學貴,因為學費一年閒閒都幾萬,再加上呢張卡星期六日繳費既話有雙倍分,唔計里數就咁交起碼都可以換到幾百蚊簽帳額。

      迎新優惠計! 但係唔參加得抽獎,參加得抽獎既簽帳係要有底單有個授權編號先可以參加既。

      另外,limit點計呢!首先係計你個credit card period啦,例如我當你截數日係每個月16號,而你credit有1萬既,即係話你16/7 – 15/8最多可以儲3萬分,即係最多簽3萬蚊就好停手(冇計雙倍同海外4倍分)

      如果星期六日簽帳佐或者有海外簽帳,咁就要將個分x2同x4返,以學費為例,交15000蚊已經有3萬分既關係,所以最多交15000就好停手

      而海外簽帳變相就係最多簽7500蚊就會有3萬分!(日韓另外個4倍同台灣另外個16倍不在此限)

      唔明再問呀!

      呢張卡超實用的:)

        • ulul on 29 7 月, 2013 at 2:12 下午
        • 回覆

        16/7 – 15/8最多可以儲3萬分,即係最多簽3萬蚊??? 點解?!!!!

        好複雜呀! 唔明!
        咁係咪即係話個個人張card 有既credit都唔同, 每個月要自己計住?

        咁當我剩係星期六日用, 應該點計?
        點解係 x2再 x4計到 max可以簽幾多錢???

        學費起碼2萬蚊…冇理由分開交掛?
        即係一個月內只可以交一次學費, 係咪??

        1. 不如你話我知你有幾多credit同交幾多學費
          我再用你做例子解俾你聽呀

    • winnie on 29 7 月, 2013 at 12:11 上午
    • 回覆

    你好
    我睇到有張 美國運通國泰航空尊尚信用卡
    話$5 = 1 miles
    唔知抵唔抵?
    遲下會唔會介紹?

    http://www.americanexpress.com/hk/cn/campaigns/flyfaster/welcome/elite.shtml?sourcecode=ADF143FB80&cpid=100090204

    1. Ae d卡呀嘛
      其實同dbs差唔多
      不過佢免年費好麻煩
      我遲多少少出個post教大家用呀!

    • Mi on 26 7 月, 2013 at 8:44 上午
    • 回覆

    小編你好, 想請問多少少有關保費基金果D, 因為無富邦卡, 應該點交呢? 本身有D做緊銀行自動轉帳, 有D係年繳交Cash… 我都知咁樣好豬兜架喇… 不過想轉又見有D CARD係無分儲, 驚轉錯.

    如果轉信用卡自動轉帳用Citibank得嗎? 因為下下要去保險公司交都幾煩, 車錢都係返度….

    謝謝你呀~~

    1. 如果CITIBANK個邊做到呢個繳費既自動轉帳係OK架!
      但詳情都要問返CITIBANK個邊

    • yan on 25 7 月, 2013 at 12:17 下午
    • 回覆

    想問DBS black card可吾可以要來交學費earn里數架?
    thank you

    1. 可以但唔抵


      1. 唔好意思
        係應該唔得 佢前年已經改佐terms><

    • J on 17 7 月, 2013 at 6:04 下午
    • 回覆

    如果想出張銀聯有咩推介?

    1. 永隆個張

    • TB on 30 5 月, 2013 at 1:48 上午
    • 回覆

    你好,我現在有BEA的白金VISA,想問純以本地消費來說,它跟富邦的分別在哪裡?

    另外,如果在外國網站購物,例如(1)日本Amazon買CD、(2)Android Google Play購買外國App等,計算積分時是當海外消費還是網上購物?我睇信用卡單係用外弊結算的。

    我的信用卡組合:
    DBS AE
    DBS VISA
    HSB JAL MASTER
    BEA聯營白金VISA(不常用)
    建行聯營雙幣(不常用)

    1. BEA既白金VISA就係本地消費8蚊為1里, 但係佢繳費都係8蚊為1里既….
      而富邦就係12蚊為1里, 但係如果星期六日單一簽賬有300蚊以上, 就會有雙倍積分, 變成6蚊1里, 繳費都一樣, 所以建議繳費留返O係星期六日一次過用晒富邦做…

      而咩叫做海外消費, 就係只要係個條數係用外幣結算既話, 就算係海外消費, 而海外消費BEA係冇雙倍分, 而富邦有4倍分(即係3倍1里), YEN同圜更有8倍分, 台幣20倍分

        • TB on 31 5 月, 2013 at 2:13 上午
        • 回覆

        thx 回覆,想問埋要做八達通自動增值的話,用邊張卡係最好?

        1. 八仔增值既8蚊1里已經係最多了… 上銀,CITIBANK同BEA個張都OK

        • spirit on 23 6 月, 2013 at 2:16 下午
        • 回覆

        咁係咪啫係我上 books.com.tw 用新台幣買台灣書返香港簽富邦都可以有 20 倍?

        1. 無錯! 只要結算貨幣係台幣就可以賺取20倍積分架啦〜

    • cc on 27 5 月, 2013 at 5:37 下午
    • 回覆

    我的信用卡組合:
    DBS Black AE
    CIti premier miles
    HSBC visa
    Citi rewards CUP

    之前一直只簽DBS同Premier miles 2張, 貪佢哋D分無限期又唔洗手續費, 但係依家先知online payment係無分
    以我現有CARD組合, 你認為我重需要申請FUBON嗎?…., 因為我主要得保險費無得做AUTOPAY, 如果為咗咁而申請張fubon, 每年儲到的分又唔多, 要俾手續費好似有D唔抵
    HSBC有無得做到ONLINE交保費6倍?

    1. Hsbc無呀 你應該係差張富邦喳

        • cc on 28 5 月, 2013 at 1:42 下午
        • 回覆

        中銀又如何呢?我聽講中銀ONLINE PAYMENT都可以儲積分?而且換AM唔洗手續費?

        1. http://flyformiles.hk/star-alliance-%E4%BF%A1%E7%94%A8%E5%8D%A1%E4%B8%AD%E9%8A%80/

          睇下呢個… 換AM都唔使

            • cc on 29 5 月, 2013 at 10:39 上午

            新航卡D分都可以儲AM?

            • 小斯 on 29 5 月, 2013 at 3:22 下午
              Author

            新航係STAR ALLIANCE 唔係AM

    • Ivan Wong on 27 5 月, 2013 at 1:50 上午
    • 回覆

    我用緊BEA張 Polyu platinum card, 請問同富邦platinum and 上商platinum比較, 邊張會好d.
    其實我都有DBS AE card, DBS platinum card. 仲有啱啱申請左張Citibank reward card, 因為迎新優惠幾吸引. 我買野唔算好多, 可能食飯仲會簽多d.
    另外我用開pps找card數, 保險, 基金. 咁如果想賺埋網上繳費賬單既miles, 實際上要點搞?

    1. 保險同基金就以後都用返網上銀行去找 (用富邦PLATINUM)
      你本身有BEA張PLATINUM CARD就唔使申請上商個張架啦…
      因為作用一樣…

    • winnie on 24 5 月, 2013 at 5:15 下午
    • 回覆

    係呢….
    東亞world master 依家得返supremegold world master….
    即係話…年薪唔夠咪得返一張?!上商Titanium

    1. 係呀! 唔夠年薪就只能用上銀啦!
      或者用bea普通既白金卡 不過換里數就貴上銀10蚊。

    • pp on 23 5 月, 2013 at 2:35 下午
    • 回覆

    小斯你好! 我下個月會去歐洲旅行, 原本一心諗住用dbs black card 賺里數, 好在上網做一做功課先知原來$4/mile 唔係最抵之餘, ae 個rate 係最差~ 睇完你既介紹, 我尋日已經即刻遞form申請fubon titianium~ 但我想問, 我平時其實係用hsbc platinum 交所有保費的, 請問如果想用fubon 張咭黎交以便拎佢個迎新, 請問要點做呢? 原來直接去保險公司交架? given 我係axa~

    另外, 我因為已經有citibank card, 所以再申請citibank premium 都唔會有200000分迎新~ 而東亞world master, 我岩岩睇佢地webpage, 唔知係咪轉左policy, 而家係每次最少要換5000 miles (即係40000分), 仲要收$60 手續費~ 雖然佢買ua ticket 同ucc 有買一送一, 但係以儲mile 為首既情況, (2) 咭係咪應該申請上商果張呀? 我見你寫話迎新係簽$3000有3000 miles, $5000 就有5000 miles~ 但上商個website入唔到…. (2) 咭暫時仲有冇更好選擇?

    仲有, 我見octopus近排出返用自動增值會送$100/$150 超市coupon, 我未申請過自動增值, 咁係咪應該申請左是但一張(2) 咭再用果張黎做 aavc?

    最後想問, 我張hsbc platinum 果6倍獎賞係選左食肆類別, 咁我係咪無論咩情況下, 食肆簽賬就點都用hsbc, 平日非食肆簽賬就用dbs black card (唔收ae 就用 (2) 咭), 如滿$600 就用fubon, 六日非食肆簽賬, 而又滿$300 以上就用 fubon, 其他就用 (2) 咭咁?

    唔好意思, 咁多問題~ Thanks in advance!!

    1. 唔好意思… 今日要考試所以咁遲先覆你:)

      用FUBON張張交保費… 你就係上網交就得架啦… 都可以賺埋迎新架… 但記得要星期六日先有雙倍積分呀…
      唔使落保險公司交呀

      你本身有CITIBANK張卡就唔會有迎新架啦

      WORLD MASTER個到你睇到既手續費係BEA普通既白金卡先要手續費呀… WORLD既唔使呀…
      所以如果你係WORLD個隻既… 就唔使申請上商啦…

      OCTOPUS個到正確

      HSBC個到都好正確!!! 🙂

      唔明再問啊!

        • pp on 24 5 月, 2013 at 6:54 下午
        • 回覆

        小斯,唔好意思仲有少少問題~

        有關(2)咭, 我未申請東亞架, 但再睇返東亞world 的確係免手續費, 同積分冇限期~ 但好似都係一定要每次最少換5000 miles, 即係40000分。以佢冇咩特別方法賺bonus marks既情況下 (應該只有海外簽賬係double 分, 但海外首選係fubon 嗎~), 即係基本上係要$1蚊1分咁儲~

        而上商, 見hongkongcard 到寫 titanium果張, 迎新係3000蚊 = 3000 miles, 雖然手續費係$10 = 1000 miles (min $100), 但用佢黎賺左個迎新係咪抵過用東亞慢慢簽呀? 但前提係我我依然入唔到上商個website check, so 證實唔到個迎新仲有冇….. 東亞要簽到3000 mile = 要簽$24000 先得, 當大家都係$8/mile 時, 咁上商係咪叫賺多3000 miles? (因為迎新有3000, 而簽左既$24000 又可以換miles, 只係要比手續費)

        雖然東亞張咭既其他優惠係多d (上商果d 優惠基本上用唔著), 但唔計呢d, 純粹以最省錢既方法去換miles 計, 上商是否比東亞好? 我唔知我咁樣諗有冇錯呢….

        1. 如果你咁計既話都ok ge!
          的確上銀個迎新優惠係好吸引
          簽5000蚊就有5000里!
          但係東亞就送埋啲唔實用既野!

          不過小斯就覺得始終東亞張卡唔使錢換里數真係好吸引
          而且優惠又多 佢仲成日推埋啲現金回贈優惠

          小斯就建議。。。如果你年薪夠。。。
          你首先食佐上銀個迎新優惠先。。。
          食完先開始用東亞。。。
          其實好多卡都係食完佢迎新就可以扔佢埋一二面架啦
          呢啲卡小斯遲啲會介紹:)

          上銀個迎新優惠詳情:
          http://www.shacombank.com.hk/bankscb/pdf/b5_plk_welcome_20130304.pdf

          小斯上到啊! 你試下上去呢個網址睇下!

            • pp on 27 5 月, 2013 at 3:26 下午

            我打左去bea問,佢話world呢張只係for 現有白金咭客戶upgrade 上去又或者有supremegold account 既人申請~ 所以申請唔到呀~

            上商, 我試左幾部電腦都係入唔到佢website, 但打左去問, cfm左迎新係3000 蚊有3000 miles, 仲要如果文件齊就可以6個工作天批咭, 成功簽滿$3000後, 15個工作天內就會直接入里數去account~ 估唔到咁快手~ 以我既情況, (2) 咭就只有上商可選了~

            謝謝你既詳細回覆呀小斯~ 期待你介紹更多既唔同credit card 既利弊~

            • 小斯 on 27 5 月, 2013 at 4:06 下午
              Author

            唔使客氣^^ 保良局個張5000里迎新優惠添啊… 你有冇問過呀?

            • pp on 27 5 月, 2013 at 6:01 下午

            我冇問到呀, 但plk 果張唔係只接受plk staff 或者by invitation 咩?

            • 小斯 on 27 5 月, 2013 at 7:50 下午
              Author

            兩個月前我見佢話只限plk人士申請
            但宜家句野冇佐呀
            你可以試下申請保良局呀
            小斯都係用緊保良局 哈:)

    • qwerty on 23 5 月, 2013 at 2:48 上午
    • 回覆

    請問網上交保險費應該用咩卡?我有CITIBANK PREMIER MILES/ HSBC / CX AE/ DBS VISA

    1. CITIBANK PREMIER: 0分
      HSBC: 15分=1蚊
      CX AE: 0分
      DBS VISA: 12分=1蚊

      所以網上繳費既話… 你真係冇張卡有著數咁制啊… 真係建議你申請張富邦黎繳費:)

    • sofi on 20 5 月, 2013 at 1:54 上午
    • 回覆

    Hello 想請問三張卡草既里數係咪可以一齊用?
    另外dbs black card洗唔洗年費架?
    Many thanks~

    1. 可以呀… 你將三張卡既里數都轉晒落同一個亞洲萬里通就可以一齊用架啦…
      BLACK CARD唔使年費架… 佢話有年費第二年都會自己WAIVE佐你..
      小編都未俾佢收過:)

        • sofi on 20 5 月, 2013 at 2:17 上午
        • 回覆

        Thanks for your reply~
        我係新手黎架~咁想問草左落亞洲萬里通之後有冇有限期架?

        1. 有呀… 3年架喳得

    • bob on 18 5 月, 2013 at 7:48 下午
    • 回覆

    唔好意思,好低能一問,幾張卡分別草分,之後可以加埋黎換ga?

    1. 邊幾張?

    • Elise on 18 5 月, 2013 at 1:46 上午
    • 回覆

    請問你介紹既CARD入面,係咪全部都WAIVE到年費?

    1. YES… 除佐ANA個張

    • po on 17 5 月, 2013 at 8:22 下午
    • 回覆

    富邦交學費可儲分??

    1. 可以!
      記得星期六日先交
      6蚊為1里 @V@

    • Tracy on 17 5 月, 2013 at 3:38 下午
    • 回覆

    但係年費個到又點? 因為有得儲里數既卡年費都幾貴咁喎?有冇得免嫁?

    1. 全部都有得免架… 我都未俾佢地收過年費^^
      如果冇得免個D我會特別話俾大家知:)
      例如ANA個張一定要每年簽過5萬先有得免

        • Tracy on 18 5 月, 2013 at 12:21 上午
        • 回覆

        幾張都簽滿5萬都唔易喎…./_\每個月都要簽4千幾蚊
        果然貧富懸殊……

        1. 對於上班一族黎講其實好易架喳…
          你諗下大學學費一年都4萬啦…
          如果你消費得低既…
          你就揀D D分係冇限期既卡既申請…
          咁咪可以慢慢儲囉:)

          小斯都儲到… 你實得既:)

    • caca on 16 5 月, 2013 at 10:53 下午
    • 回覆

    我想問下點解申請BEA好過上商既?(除左積分有限期。。。)
    BEA兌換Mile好似仲貴過上商,對嗎??

    1. BEA張WORLD MASTER卡唔使手續費…
      所以先建議用BEA姐…
      如果唔係WORLD既… 就用返上商啦

    • BB on 15 5 月, 2013 at 5:35 下午
    • 回覆

    hihi,
    點解你話”2. 唔收AE先用2.個三張卡, 賺8蚊1里”
    我上富邦睇, 佢張Titanium卡都係VISA/MASTER

    1. 因為富邦你唔係星期六日簽既話… 係冇雙倍分… 計返即係12蚊=1里啊

    • vincent on 14 5 月, 2013 at 8:25 上午
    • 回覆

    小斯。如果申請唔到citi 果兩張。甘最佳組合係咪可以申請富邦×東亞×DBS BLACK CARD AR ?

    • qwerty on 13 5 月, 2013 at 11:50 下午
    • 回覆

    請問如果海外簽賬可以有咁多分,我去星馬旅行應唔應該全程唔用CASH只簽卡?
    另外,我只有CITIBANK PREMIER MILES同CX AE,睇完你個POST我係咪要申請多張富邦TITANIUM?因為有有張DBS VISA所以申請AE無迎新禮物

    1. FANS你好!! 其實海外簽帳應唔應該用CREDIT CARD就睇返本身你覺得個1.95%既手續費貴唔貴…
      即係你洗100蚊就貴佐2蚊左右…. 而如果星馬簽富邦既話… CASH DOLLAR既比例就係簽50蚊就有1蚊…
      變相條數等於一樣無賺過… 但係如果你有簽帳係大過600蚊既話… 就會賺佐佢個抽獎囉…
      咁你就衡量返抵唔抵… 因為星馬MASTER RATE同CASH RATE係差幾遠我唔太清楚…
      但係我自己就覺得應該唔差得遠… 可能MASTER個RATE仲靚D添…

      至於應唔應該申請富邦TITANIUM… 絕對係要!! 因為CITIBANK PREMIER MILES就係差在網上繳費儲分呢個功能…
      同埋海外簽帳亦唔夠富邦賺得多… 所以富邦就可以補返CITIBANK張卡既缺點…

      BTW… 點解用DBS VISA唔用BLACK CARD?

        • qwerty on 14 5 月, 2013 at 10:39 下午
        • 回覆

        DBS VISA我之前用開,問過再申請DBS AE無著數,除非一年內無DBS任何卡

        1. 係呀… 只係俾新客戶架喳

    • master on 13 5 月, 2013 at 4:16 下午
    • 回覆

    請問普通東亞卡(唔係world master)係咪唔夠上商同富邦卡抵? thanks!

    1. 你指係係白金定唔係白金?
      因為東亞卡只有WORLD MASTER同白金先可以換里數

    • Angela on 13 5 月, 2013 at 2:57 下午
    • 回覆

    Hello! 首先謝謝你詳盡既分享 =]
    想問呢, 富邦張卡係咪可以係網上繳費所有賬單? 包括DBS BLACK CARD既月結呢??
    而使用網上繳費賬單係咪首先要入左錢去富邦張卡到先可以繳費其他賬單呢?? thanks~

    1. 係可以交晒所有賬單, 但係卡數同銀行數等等不單要另外俾手續費, 而且仲冇分儲…
      網上繳費原則同碌卡一樣, 係扣你CREDIT, 唔係好似EPS咁要有錢先可以交到其他單,
      只係你爆佐CREDIT唔夠個陣先要入錢落去交…
      好似小斯咁得個1萬CREDIT我平時就要入定好多錢落去…
      唔係根本學費都唔夠交

        • Angela on 13 5 月, 2013 at 4:15 下午
        • 回覆

        富邦卡就除交卡數及銀行數以外都唔洗收手續費同可以儲積分??
        另外,DBS BLACK CARD 可唔可以網上交學費及其他費用呢?? 要另加手續費嗎?
        Thanks~~

    • joan on 13 5 月, 2013 at 11:16 上午
    • 回覆

    我岩岩打左去DBS 問過, customer services 話用ae card 交水, 電單係無得儲分喎.. 係咩一回事?

    1. 要用自動轉帳交啊

        • carla on 18 5 月, 2013 at 4:14 上午
        • 回覆

        水電媒都可以用DBS自動轉賬?因為幾年前我試過想將所有單都用DBS做AUTOPAY, 但結果好似唔少都係只可以做銀行戶口AUTOPAY, 做CREDIT CARD都係VISA多,所以想CONFIRM吓依家係咪真係全部都做得DBS BLACK CARD AUTOPAY。如果可以,係咪可以去DBS分行一次過填FORM安排?
        另外,你提過保費不能自動轉賬可以去銀行交,即係可以拎住張單行入DBS分行用BLACK CARD交錢?

        1. 做唔做到自動轉賬真係好視乎你張單呀
          呢啲嘢你要打去問嘛

          另外,保險個到係指落返你保險公司交
          唔好意思 講得唔太清楚

            • carla on 18 5 月, 2013 at 11:41 下午

            唔該哂你就真,我會打去問問自動轉賬問題。

            • 小斯 on 19 5 月, 2013 at 12:15 上午
              Author

            好丫:P

    • hello on 12 5 月, 2013 at 10:02 下午
    • 回覆

    DBS BLACK CARD 八達通自動增值無MILES架咩????

    1. 有… 但係冇佐DOUBLE分… 所以係12蚊1里

    • puppy on 12 5 月, 2013 at 5:46 下午
    • 回覆

    我現在只有citibank premiermiles, 但係e張card 好像網上繳費冇miles.
    聽你講富邦 and 上商 change points to miles 要比錢,我又吾想比,請問,dbs or bea 有冇得賺miles ga? if yes, 邊張好d? 吾該。

    1. 當然係DBS BLACK CARD LA!!
      一來BLACK CARD唔使收手續費… WHICH IS你最大CONCERN…
      二來佢6蚊1里…
      只不過佢係AE卡… 比較麻煩…
      如果你唔多網上繳費既… 咁就唔使用富邦啦…
      因為水電煤電話費可以用晒DBS自動轉帳… 賺6蚊1里…
      而保費等等你唔好偷懶直接去銀行或者保險公司碌卡交都OK GE 🙂

    • vincent on 12 5 月, 2013 at 4:14 下午
    • 回覆

    同埋我想問DBS 唔係簽賬$250=DBS $1,點計$6蚊=1里?

    1. D係呀 $250=DBS $1
      但係本身AE BLACK CARD所有簽帳都有雙倍積分(除佐繳費同八仔之餘個D)…
      所以計返就係$125=DBS$1 / $6=1里

    • vincent on 12 5 月, 2013 at 3:49 下午
    • 回覆

    同埋匯豐都可以用到asia miles ??

    1. 可以呀… 15蚊換1里…
      但係佢宜家個最紅獎賞6倍積分都幾抵架

        • vincent on 12 5 月, 2013 at 7:14 下午
        • 回覆

        甘我之前簽帳左果d 獎賞錢係唔係都可以換番做里數?

        1. YES!!! 俾300蚊一年

    • vincent on 12 5 月, 2013 at 3:48 下午
    • 回覆

    點解無講過東亞果張既?

    1. 邊張?? VISA定WORLD MASTER?

        • vincent on 12 5 月, 2013 at 7:12 下午
        • 回覆

        東亞果張world master ar

        1. 因為個張WORLD MASTER唔係太多人有… 所以我冇特登開POST介紹呀

            • vincent on 13 5 月, 2013 at 8:41 上午

            如果係既。甘係咪應該申請東亞好過上銀呢?

發佈留言

暱稱和郵箱必需填寫,您的郵箱只有管理員可見。