韓亞航空 Asiana Airlines A380體驗【HKG – ICN】

鍾意坐飛機既，我諗最開心就係坐到A380～因為貪佢夠大又有兩層😍 上層又多個箱仔擺野～上一次坐韓亞去首爾，我就連中兩元！第一下就係佢改佐機型做A380，本身係747黎喳！然後上機前仲要俾人嘟我upgrade 埋🤑 俾人up既感覺仲開心過自己換hahahaha 第一次坐韓亞既A380真係勁興奮，佢business class 係1-2-1既設計，又有個箱俾你擺野，flat bed 就唔使講啦！佢仲好得意係要綁兩條安全帶@@ (可能我大鄉里啦haha) 去首爾得3個幾鐘就無過夜包，不過都有拖鞋俾架！然後廁所又勁大 (雖然無SQ同中東三寶個啲咁大啦！) 出面仲有sofa位俾你坐！韓國既空姐服務都好好，雖然我真係分唔到佢地邊個打邊個，好似個個都同眼同鼻同醫生咁haha 但佢地真係好瘦好高，真係羨慕～但Menu方面韓國既航空公司真係麻麻地，因為大家都知韓國野通常都唔係咩貴野黎，坐得Business Class 又食返Bibimbap同韓式粥又好似好蝕咁，但因為我鍾意食，所以我都係揀佐個韓式粥，然後飲下酒，就一路昏睡到首爾了！