對抗武漢肺炎小知識！合規格口罩定義 + 上網買口罩小經驗及教學 (Amazon、樂天、Mercari)

隨著武漢肺炎肆虐，有唔少人同我講佢上網睇錯教學，唔小心咁買咗啲唔岩規格既口罩返黎😭 仲要好貴添😢 尤其係超立体藍白色包裝個盒其實只係得BFE認證，戴咗等於無戴，仲會令你減低戒心，以為戴咗就係安全😟

所以今個post就希望可以帶啲對抗武漢肺炎小知識俾大家！包括

• 點樣先係合規格口罩 +
• 我呢幾個星期上網訂口罩既經驗同小小既教學俾大家 (包括Amazon、樂天、Mercari)！分享一下點樣去check下賣家真偽同小心有人賣假貨！

至於海外網購用乜卡好，可以選擇用：

5%回贈：恒生MPOWER卡
$2.14/里：建行Eye信用卡
4%回贈 或 $2.5/里：HSBC Red信用卡
$3/里 (每月過$20,000)：Citi Premiermiles 信用卡
$4/里：渣打亞洲萬里通萬事達卡、DBS Black World Mastercard 、CX Elite 信用卡
2%回贈：Citi Cash Back Visa 信用卡
1.2%回贈：AE Blue Cash 信用卡、AE IT Cashback 信用卡

想知透過小斯申請信用卡有咩著數，可以睇下：flyformiles.hk/18539

什麼是合規格口罩？

首先要認識以下幾多名詞：

• PM2.5：指直徑喺2.5微米(μm)以下既懸浮微粒，全世界都多數以PM2.5濃度作為測試空氣污染程度既基準。
• BFE (細菌過濾效率 ／ Bacterial Filtration Efficiency)：口罩能阻隔並過濾平均約3.0微米(μm) 既懸浮物，能有效阻擋花粉、飛沫及細菌等。
• PFE (微粒子過濾效率／ Particle Filtration Efficiency)：口罩能阻隔平均約0.1微米(μm) 既懸浮物，具有能阻擋大部分病毒既能力。
• VFE (病毒過濾效率 ／ Virus Filtration Efficiency)：口罩能阻隔平均約0.1～5微米(μm) 既懸浮物，有效過濾飛沬傳播的病毒，過率最高既標準，數值愈高阻擋能力愈高。

根據美國材料和試驗協會 (ASTM) 既標準，PFE達95%便有效防範流感、沙士等病毒！所以ASTM Level 1既基本上都已經夠用！

防護能力	BFE	PFE	液體穿透阻力(mmHg)	壓力差（mmH2O/cm2)	可燃性
Level 1	≥95%	≥95%	80	<4.0	Class 1
Level 2	≥98%	≥98%	120	<5.0	Class 1
Level 3	≥98%	≥98%	160	<5.0	Class 1

日本口罩黎講，包裝上寫有「ウイルス飛沫 (病毒飛沫) 多數，係多數都至少去到ASTM Level 1架啦！

而喺美國標準上係無提及VFE既！但我個人覺得當然有VFE認證就最好啦！所以我通常會留返有VFE認證既俾屋企人出入醫院或坐公眾交通工具用，而只有PFE認證既就留黎平時落街買野用，只有BFE既一定唔會買，因為根本係防唔到今次呢個新型肺炎架！

---

合規格口罩推介

以下都係我有喺各大網購網到買入既口罩，全部都係有去到VFE測試，即係可以話係最高級既口罩，當中有中国產同日本產，但我個人就唔抗拒買中国產既，反正過到測試就係好口罩！

• 超快適マスク (購入網址：https://www.amazon.co.jp/gp/product/B07VBM91JB/)

日本產，無痛耳帶設計！有分普通size (藍色)、小size (紅色) 同小童 (黃色)。但留意返小童同佢有隻premium版本係中国產既，但都係合VFE認證！但呢隻價錢係最貴！但留意返咁貴都唔係獨立包裝！

• 快適ガード (購入網址：https://www.amazon.co.jp/PM2-5)

中国產，但一樣合VFE認證！價錢平超快適好多！

• 息がしやすいマスク (購入網址：https://www.amazon.co.jp/gp/product/B01MZ46GQ5)

中国產，但一樣合VFE認證！而且價錢好平，好多日本人既comment都係好好

• 抗菌・防臭使い捨てマスク (購入網址：https://www.amazon.co.jp/gp/product/B084GLFMM7)

中国產，呢個牌子完全唔出名，亦無乜comment，但合VFE認證，價錢又好平，所以我都有買黎用

• BMC フィットマスク (購入網址：https://www.amazon.co.jp/PM2-5)

中国產，4層不織布設計，吸水力強，戴眼鏡用的話會無咁易起霧

• 極上空間 4層プレミアムマスク (購入網址：https://www.amazon.co.jp/gp/product/B07YYS86PL/)

中國產，4層不織布設計，價錢平，又獨立包裝

• 超立体マスク (購入網址：https://www.amazon.co.jp/PM2-5)

日本產， 超立體型設計，有VFE認證！但留意返超立体有唔同包裝，例如淺藍色同深藍色盒個隻只係普通BFE花粉口罩黎，千祈唔好買錯

等等

---

上網買口罩網站推介

我主要都係喺以下3個網站買口罩

• Amazon (註冊網址：https://www.amazon.com/ap/register)
• 樂天 (註冊網址：https://grp01.id.rakuten.co.jp/rms/nid/registfwd)
• Mercari (註冊網址：https://www.mercari.com/jp/signup/)

 

三間既購買方法都係大同小異

1. 註冊賬戶
2. 喺尋搜欄到打「Mask」或「マスク」3. 搵岩商品，宜家由於太多人買口罩，所以好多時都係炒價黎，但不妨俾啲心機，有啲都跌啲平野或正價貨出黎；同埋小心有假野或唔可信商戶！
4. 加入購買籃
5. 輸入送貨地址 (例如酒店地址、便利店地址或轉運站地址)
6. 付款 (但注意通常會有JPY或HKD選擇，可以自行選擇JPY或HKD)

選擇正確的商品，預防買到假野

上網賣野最驚就係買咗假野，想睇下佢係咪假野，都可以從以下方法去估下既！

1. 留意賣家名字及資料

喺Amazon 到，貨品欄下面有全數出品個制，撳完之後就可以睇到呢一個商品全部人出貨既賣家。

之後就係要撳入去睇賣家既資料同評價！如果係評價高分既，當然佢賣既野自然都多數係真！至於係完全無評分既，咁你就要小心啦！

再撳入去賣家資料，睇下賣家既名、電話、地址，如果係真係日本人名、日本電話同完整既日本地址，咁多數呢個賣家係真既！但如果只係拼音名字，外國電話，甚至係屋企地址做賣家既公司地址，咁你就要小心！

總知如果出貨既係amazon.co.jp，即係本身Amazon出貨既就最穩陣！

2. 留意商品名字同圖片是否符合

我就試過見過名字上係寫賣超快適既口罩，然後圖片係快適ガード，咁呢樣就要小心了！

配送地址及配送日期

如果去開日本旅行既，就可以選擇送去酒店代為接收，或選擇喺附近既便利店交收，但係如果真係想運到黎香港既，就要睇返呢件商品有無寫「海外配送 (詳細) -配送対象」，有就可以了！

配送日期的話一般有3個選擇

• 「通常配送」 ：一般配送，你係唔知你會幾時收到，總知佢話幾時就幾時，咁你買之前佢會寫既
• 「お急ぎ便」 ： 快速配送，即係急件，通常係隔日就會送到，幾時送到佢都係會有寫既
• 「お届け日時指定便」 ：指定日期時間寄出

配送方面主要留意返佢既收費同日子，因為萬一送唔切黎你又走咗就大鑊！

但如果唔會去日本的話，就需要運去集運/轉運倉啦！

付款

去到最後付款個頁，一般你係可以選擇以HKD或JPY俾，用HKD俾的話，就會用到Amazon自己定的匯率，Amazon有時的匯率其實都唔差既，所以可以自己比較返)

至於用港幣既好處，就係可以避咗個1.95%外幣手續費，但要小心會唔會本身Amazon個匯率已經貴過1.95%！另外用港幣俾Amazon大部份既信用卡都會有1% DCC收費，所以大家要小心，詳情可以睇返呢個外幣簽賬/DCC 信用卡手續費收費表。

至於海外網購用乜卡好，可以選擇用：

5%回贈：恒生MPOWER卡
$2.14/里：建行Eye信用卡
4%回贈 或 $2.5/里：HSBC Red信用卡
$3/里 (每月過$20,000)：Citi Premiermiles 信用卡
$4/里：渣打亞洲萬里通萬事達卡、DBS Black World Mastercard 、CX Elite 信用卡
2%回贈：Citi Cash Back Visa 信用卡
1.2%回贈：AE Blue Cash 信用卡、AE IT Cashback 信用卡

想知透過小斯申請信用卡有咩著數，可以睇下：flyformiles.hk/18539

---

Amazon 訂購 評價

Amazon係我訂得最多口罩既地方，一來佢多貨多賣家，二來又易用，check賣家資料比較方便，無咁易買到假野，三間比較黎講Amazon較易搵到大量既口罩，售後服務亦幾好！

但Amazon賣既多數係盒裝，一買就要買1盒，唔適合小家庭！而且通常價錢平啲既都要幾盒幾盒咁買，變咗你要買好大量先惦！

 

樂天 訂購 評價

樂天個畫面認真麻麻，複雜得黎排位唔係好好，而且啲資同賣家多數都好雜，我自己都唔係話喺到搵到好多平口罩，反而係晒好多時間去做research究竟呢隻係咩口罩同呢個賣家係乜東東黎！

 

Mercari 訂購 評價

メルカリ因為係專for日本人做買賣既關係，所以炒價亦比較少，所以會容易買到正常價錢既口罩。

但因為佢係for日本人既關係，所以佢不單註冊賬號要用日本電話，然後每次登入都要收SMS，仲要日本IP先落得單，難怪喺Mercari既炒價唔太利害！

唯一破解既辦法就係俾少少錢啲代購網，等佢幫你買，大約每張單係400yen左右，我自己就用buyee.jp/mercari/

但留意返Mercari既口罩散賣比較多，喺buyee既畫面亦比較簡漏，所以好容易會睇錯單位買錯貨，甚至係如果用手機睇的話，你要自己撳入去適品說明先睇到個單位，所以要小心！

 

祝大家口罩常滿啦！

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！