日yen點唱/碌先最抵？

前排有1蚊機票，然後又有Airasiago既半價酒店，再加埋日yen跌破7呢個鐵三角，相信唔少fans都同小斯一樣，準備去買佐個日本返黎，但係鐵三角未夠既，不如配合埋小斯既日yen攻略，黎個四大天王啦！－Ｖ－

大家都知俾錢既方法，唔係俾現金就係碌卡架啦！所以小斯會分兩方面去講點先係最抵！

– 俾現金（咁即係要唱定錢去啦！）

最抵方法１：去中環百年換

匯率如下：http://bcel1985.blogspot.hk/ （請睇WE SELL 賣出參考價）

好處：咩幣都有, RATE又OK
壞處：排隊排到嘔，所以建議大家朝早打過去留佐錢先，然後再過去拎，咁就唔使排咁耐。

沒有預留貨幣：請在星期一至五下午三時三十分前，星期六上午十一時三十分前交易
已預留之貨幣：
－　不可取消及更改(數目不能加減)
－　必須於致電兩個小時後即日下午2時前到取,
－　一時正後已預留之貨幣，請於四時半後六時前到取   (星期六不適用）

*記得拎收據，因為如果要claim保險係需要張收據黎證明個exchange rate（每次交易首張單據免手續費, 其後每張收取港幣十元正）

*每次交易為港幣十二萬或以上,請出示地址證明及身份証

最抵方法2：先用EBANKING換好錢, 再去銀行拎外幣

好處：匯率靚，可以用到TT Rate（電匯價)，又方便，上個網就可以換，就咁CHECK返邊間銀行有錢拎就可以直接去拎
壞處：要有EBANKING同埋外幣戶口先可以做到，但如果係高級戶口（Preferred banking以上個D），會有點子優惠，個 匯率仲會再靚D；同埋唔係隻隻貨幣都有，因為台幣、泰銖、印尼盾個D冇。而且每日係外幣戶口提取外幣都有上限，如果換大額外幣，就必須分幾日提取，請注意！

匯率如下:
HSBC：https://www.hsbc.com.hk/1/2/chinese/hk/investments/mkt-info/fcy
Hang Seng：http://bank.hangseng.com/1/2/chi/rates/foreign-currency-tt-exchange-rates
中銀：http://services1.aastocks.com/WEB/BCHK/BOCHK/mktinfo.aspx?BCHKLanguage=chi&pagetype=public

小斯只係俾D大銀行大家參考，因為始終大銀行多D分行易拎錢D！

而根據呢個一個網址http://hk.ttrate.com/zh_hk/?c=JPY，可以見到Rate最靚既係：（只係大約，因為每一刻都變緊）包括：
– 富邦
– 創興
– 大新
– 交通
– 恆生

所以淨係大行黎講，用恆生唱就會比較方便同抵，反而匯豐呢D個exchange rate就勁貴！所以我會以恆生ebanking做例子：

1. 入到去ebanking之後，禁外幣/黃金，然後就禁存入我的恆生戶口，然後揀返要換既幣值，例如今次換yen既就揀JPY Saving。然後下面既金額就揀返想換幾多，揀港紙既即係代表想將某個數量既港紙轉做yen；調返轉揀yen既話就係目標換咁多咁多yen，就會自動同你用返相對既港紙去對到你目標想換既yen數量。

2. 禁佐同意之後，去到下一頁睇下金額個到，就會見到當時既exchange rate，因為我打post個陣已經係深宵收佐市，所以睇唔到exchange rate。再按確定，港紙就會扣佐，yen紙就會入佐大家戶口。

然後第二日就先打去某分行到問睇下有冇yen既現鈔先，有既話就可以去果個分行到拎啦！

小知識：電匯價，簡稱 TT 價，T.T. 全名為 Telegraphic Transfer，意思即係電匯，係一間公司通過銀行（匯款行）將款項匯予（收款行）存入收款人帳戶（另一間公司或者自己公司於另一銀行既戶口都可能會），係付款的一種方法，（下刪Ｎ萬字）總知就係比現鈔價平。

結論：我比較過百年同銀行既TT rate，其實兩者個rate都好抵，無話特別邊邊一定高D咁，difference都係在於你用邊間銀行，但事實上落唔大。所以去百年唱同係銀行唱，就視乎邊種方法方便大家啦。

第2比較抵方法：去到當地禁

好處：見到PLUS/Circus/銀聯就可以禁錢，又唔使去銀行換，而且銀聯RATE都係靚既，但當然冇TT rate同百年rate咁靚
壞處：宜家間間銀行都轉晒晶片卡，仲要冇佐PLUS/Circus，去外國禁錢無咁方便，而且有D機仲唔SUPPORT新既晶片卡好麻煩；仲有，小斯建議大家唔好用PLUS個制式黎禁，因為PLUS個手續費好貴

補充：
1. 銀聯卡唔係到到都禁到，有D銀聯ATM機係傻既，我係歐洲試過好多次
2. 禁錢要收手續費，銀聯一般收$15 – $25一次，Plus/Circus會收1.95%
3. 係海外用Citibank ATM Card用Citibank ATM機禁錢可以免手續費，同埋rate都唔錯，都係個句，但冇TT rate咁抵
4. 用銀聯卡提款，有一點要留意，就係外地提款機，好時時淨係可以係提款卡既主戶口 (即係卡面號碼既戶口) 提款，並唔支援選擇其他戶口提款，所以去外地前應先轉賬到主戶口，或者以 ebanking 係提款前過數，確保主戶口有足夠結餘提款，正因為呢個原因，用VISA/Master 信用卡並唔適合於外地提款，原因係銀行會當你用信用卡做現金透支，咁你返到香港就又要搞一大餐

結論：去到禁一定係冇上述個兩種方法咁抵，但換來既係方便

超唔抵方法：去當地／機場找換店換
超唔抵！又有手續費，唯一好處係你用剩佐既錢多數係可以以同樣既exchange rate去換返俾佢。

– 俾卡（咁即係要帶定張抵D既卡啦！）

日本海外簽賬
(1.19蚊1里 / 5.6%回贈) *HSBC Visa Signature（最紅星期五 + 最紅自主獎賞）要中6X類別
(1.52蚊1里 / 4.4%回贈) *HSBC金卡/白金/Advance/Premier（最紅星期五 + 最紅自主獎賞）要中6X類別
(1.5蚊1里 / 4%回贈)  *富邦Titanium/Platinum（需要登記，一年2次)
(1.85蚊1里 / 3.6%回贈) *HSBC Visa Signature（最紅自主獎賞）要中6X類別
(2.14蚊1里 / 2.8%回贈) 海外Visa Paywave：*建行Eye Card（賞即飛3倍 + Eye card 5倍）
(2.14蚊1里 / 2.8%回贈)  網上海外簽賬：*建行Eye Card（賞即飛3倍 + Eye card 5倍）
(2.78蚊1里 / 2.4%回贈)  *HSBC金卡/白金/Advance/Premier（最紅自主獎賞）要中6X類別
(3蚊1里 / 2%回贈) *Eye card（以Visa payWave功能所作之交易）

大家要知道，如果碌外幣既話，會有一個1.85 – 1.95%既手續費既，所以個原則就係話，要cover到個手續費先係好卡！咁其實計返條數，起碼都要回到3蚊1里既卡先cover到個2個%，如果碌完要嘔凸返個手續費出黎，係咪寧願唔碌先？所以小斯只會推介大家用以下幾多卡去日本：
1. HSBC Visa Signature (放晒6倍落海外)
2. HSBC金卡/白金/Advance/Premier (放晒6倍落海外)
3. 富邦Titanium/Platinum
4. 建行Eye Card (淨係有Visa payWave / 上網book內陸機或者酒店先用)

另外，因為日本D百貨公司成日都會有D銀聯卡既promotion，大約係5%左右，所以帶定多銀聯去都要既！
其中銀聯卡小斯就介紹大家用交行銀聯個張：
1. 銀聯卡碌外幣冇1.85 – 1.95%既手續費
2. 可能會有額外折扣
3. 交行呢張單一簽賬過300蚊，就會有2倍分，計返有6蚊1里 or 0.08%回贈
4. 雖然個回贈少得可憐，但係你用得銀聯卡就係本身為佐佢個discount先用，並唔係真係為碌卡D分既

結論：因為credit card既回贈比較多，所以如果有上述既卡既，有得用credit card就用credit card，冇得用credit card個陣先用現金，咁先係最抵既方法^^

－－－－－－－－－－－－－－－－－－－我是分隔線－－－－－－－－－－－－－－－－－－－－－－

like佐我facebook未呢?
https://www.facebook.com/FlyForMiles
like完都仲要記得set返get notification先可以收到我既即時資訊架^^