😍 經小斯申請信用卡/戶口/稅貸有額外積分/禮券/現金呀：flyformiles.hk/20634
😀
😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,500獎賞❗：
flyformiles.hk/60581
😆 記得要follow埋我Instagram睇我啲靚旅行相呀！
😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)
本地簽賬：$1=3分 / $4 = 1里
海外簽賬，不包括內地簽賬(免手續費) ：$1=1分 / $12 = 1里
內地簽賬（免手續費，以人民幣找數）：$RMB1 = 3分 / $RMB4 = 1里
自動轉賬繳交賬單：$1=1分 / $12 = 1里
網上繳費賬單：每交$500有200分
其他網站網上購物：$1=3分 / $4 = 1里
八達通自動增值：$1=1分 / $12 = 1里
分期簽賬：$1=1分 / $12 = 1里
積分有效期：2年
兌換MILES手續費：每5000里要50蚊，最多要500蚊
年薪要求：25萬
迎新優惠：批卡後2個月後內簽夠2800蚊，可獲60000積分，即係5000里
優點：
１。迎新優惠幾吸引，簽夠2800蚊就有5000里
２。適合經常往返內地公幹既人士使用，無論係香港定內地既簽都可獲4蚊1里既優惠
３。內地及海外簽賬免手續費
缺點：
１。4蚊1里只限本地同內地簽賬，自動轉賬、八達通自動增值、分期等等都唔計
２。銀聯卡唔係到到都用得
３。換里數要錢
呢張卡雖然唔係話好著數，因為內地簽賬可以用富邦簽到3蚊1里，不過就係叫做摼返個手續費啦！
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
43 comments
Skip to comment form
我上永隆個網睇依家做緊12蚊1里
我訂制傢私唔屬於佢3倍類別：’（
有咩其他卡 返大陸碌係手績費低而換里數抵？
Author
無咩特別卡 都係當外幣咁樣簽咋＠＠ 手續費係跟發卡行 visa master都係收1.95%
銀聯唔收但都唔係好儲到里數
同埋想問hsbc visa signature如果最紅自主賞購物商戶係一定要佢指定既舖先有2.78，咁不限零售商戶碌卡係咪渣打Asia miles or 東亞flyer world抵？
Asia miles我想等其他渣打cut card半年後先申請食迎新
咁係咪得返東亞flyer world抵🙏🏻？
因為我新居價格買電器個d應該唔會去返百老匯個d大舖
有無卡較推薦
Author
同埋想問hsbc visa signature如果最紅自主賞購物商戶係一定要佢指定既舖先有2.78，咁不限零售商戶碌卡係咪渣打Asia miles or 東亞flyer world抵？
–>係呀 HSBC主要係用係佢list入面既商戶
Asia miles我想等其他渣打cut card半年後先申請食迎新
咁係咪得返東亞flyer world抵🙏🏻？
–> 係 用住東亞先啦
因為我新居價格買電器個d應該唔會去返百老匯個d大舖
有無卡較推薦
–> 咁要睇你年薪有幾多到喎
男朋友岩岩有卡但已過左最紅自主賞申請期
要等2019公佈左先可以簡
Author
咁就等下啦 好快姐～
Hello 小斯
請問如果我內地有簽帳，深圳訂做傢私可能3萬幾，想草里數，但hsbc visa signature碌人仔雖然最紅自主賞有2.78，但手續費好貴，用呢張抵定用hsbc visa signature抵？
Author
你本身hsbc係邊一個類別呀？
Hi小斯，我經常會上內地公幹，想問下銀聯／銀聯雙幣邊張信用卡內地簽抵d??我年薪吾過25萬申請不到部份銀聯雙幣卡….
Author
上商同渣打個張15萬就得啦
小斯你好呀！
問過永隆佢呢個promotion 仲做緊呀！
不過，想問下見你之前話賺完迎新就算唔keep，但係佢$4 = 1里唔係仲抵過東亞Flyer World 咩？
東亞要$5 = 1里？
麻煩晒！
Author
缺點：
１。4蚊1里只限本地同內地簽賬，自動轉賬、八達通自動增值、分期等等都唔計
２。銀聯卡唔係到到都用得
３。換里數要錢
唔該晒！
多謝你提供ge informartion！學識好多野！
迎新優惠：批卡後2個月後內簽夠2800蚊，可獲60000積分，即係5000里 <— 呢個優惠未完架, 而家仲做緊
小斯,
想問下呢張$4一里卡 係咪拎完迎新就算? Keep 唔keep 住用?
如果剩係本地簽賬方面睇, 你覺得永隆銀聯卡$4元一里著數(有手續費), or 係東亞Fly world master $5一里著數D(無手續費)?
我想申請呢張卡拎迎新, 又覺得$4一里幾抵(但有手續費).. 唔知keep 唔keep住用, 比d意見 ,,, THX
我本身已有(Fly world master)
Author
拎完迎新算，唔keep
本地梗係東亞啦！同埋本地銀聯唔會有手續費架喎
我意思兌換MILES手續費~
Author
ic
我自己去旅行通常去得唔遠，主攻台灣。台灣最平機票一千蚊上下，因此我計每一里實值0.066，小斯計好似值0.07幾。
因此，當4蚊一里即係簽20000蚊有5000里。
而每5000里手續費要50蚊，每里價值0.06666，50蚊就等於750里。
即是5000里裡面有750里是用50蚊買的，淨返只有4250里。
20000卡數除返4250里，即是參考值是每簽4.7先有一里。
比起東亞Flyer World唔會平好多。
因為哩張永隆淨係普通本地簽賬先抵，如果哩方面簽得多，就有望限時內儲到5000里兌現。否則儲唔夠5000，得不償失。暫時4蚊一里只做到年底。
我本身就將啲超級市場、電話費之類分咗去中銀I Card，平時買嘢買得少，恐怕儲唔夠。
所以睇黎呢張卡都係迎新最吸引, 簽夠$2800好停手, 計返$2800+$50 / 5000里 (60000分/$12一里, 最低$50換5000里)= $0.57/里, 換完里數到期就CUT XD
個迎新而家又做返，4蚊1里做到今年年底，搞到我都唔知申唔申請好……
okok,明白了，thank you very much~
Author
^^
還是用DBS black world呢？積分永久又好似好過富邦～
Author
dbs black world master係必用既, 而富邦只係用黎繳費架姐
大陸用你介紹嘅富邦會唔會好過呢張呢？
Author
咦 係喎 用返富邦啦
呢張個3倍積分做完啦
而富邦仲可以抽獎添
點樣可以安全d呢？有無咩辦法呀？問過信用卡set唔到密碼。有時都好驚俾人複製咗張卡嘅資料～
Author
首先啦, 香港既銀聯信用卡的確係set唔到密碼既, 但係大陸個D全部都係要密碼, 所以第一樣野你唔好話佢知呢張卡香港卡先, 然後一定要求佢俾部機你打密碼, 但因為你冇set密碼架嘛, 咁你求奇打0000或者是但打都可以過到數架啦
而且, 你碌卡個陣一定要望實你張卡, 唔係俾你張卡離開你視線範圍, 咁就應該無事架啦!
小斯你好，
好高興可以睇到你提供嘅資訊，學識好多嘢。
我想問下我本人現時只在香港同國內消費，請問用咩信用卡組合最好呢？
消費主要為購物同休閒娛樂。
多謝曬～
Author
返大陸就用永隆呢張
係香港就用返d正常卡
例如DBS BLACK MASTER個d啦
不過係大陸碌卡小心d呀 ><
3倍積分現在没有了
Author
係呀 宜家14年啦XD
以我現時的情況, 應該申請此卡?
Author
其實係唔使張張卡都申請 你了解返你自己既消費習慣先啦
3X積分好似係做到2013年12月31日？
請問你知唔知道尼個優惠係唔係成日都做嫁？
如果真係張DBS Black Card可以唔用了！
Author
係呀 promotion黎架喳
所以真係for d返大陸既公幹人士架喳
Dbs black card好好用架
咪唔要佢xd
邊啲地方可以簽銀聯 ?
Author
你指香港嗎？
大多都係大啲既食肆或者賣啲貴啲既野
例如金鋪都會有！
本地簽賬：$1=3分 / $4 = 1里 is cuz of the 三倍積分回贈? otherwise $4 = 1里 would sound more attractive than DBS Black Card?
Author
Yes! It’s because of the 3X bonus points
我下個月去SEOUL，應該簽銀聯/VISA/MASTER好?
EXCHANGE RATE黎講係咪VISA最好?
不過銀聯唔收手續費係咪抵D?
有無邊張推介呀?
Author
rate係master最抵呀！
如果去韓國既話
梗係要用富邦啦！ 有八倍積分喎！