由即日起,大家都可以上返國泰網站到買機票 (無論係CX機票或者其他partner既都得),喺最後俾錢既方式個到,以「里數加現金」呢個方法俾錢!即係簡單啲黎講里數係可以正式當錢用了!
同時間,由今日起,靈活賞同隨心賞機位亦都會被取消!變咗淨係有標準賞,咁大家以後換里數就唔使記住咁多野!
再提一提「 里數加現金」功能有咩要點!除咗旺季都會有機位 + 可儲里數 + 可儲club points (視乎fareclass)外,仲有:
1. 使用「里數加現金」付款機票係一張同現金買既機票無分別,所以同里數換既標準賞獎勵機票唔同
2. 「里數加現金」只係提供多一個方法俾大家用里數係機票到,而且用「里數加現金」買的機票既條款同獎勵機票既條款唔同,所以係絕對唔會影響標準賞獎勵機票既供應。大家可以繼續換標準賞。
3. 如選擇以「里數加現金」付款方式預訂機票,2人同行或以上可享更優惠里數。(比以「里數加現金」單獨購買一張機票的平均所需里數優惠)
故此大家都可以入返國泰個網到玩下研究下啦!
快啲登記做Asia Miles會員啦:flyformiles.hk/AsiaMiles.apply
其他Asia Miles相關資料:
Asia Miles 到期日永不過期!由3年改做無限期!無限續期方法
【Asia Miles「里數加現金」付款方式】適用於CX國泰航空網站購買所有機票!即旺季都會有機位 + 可儲里數 + 可儲club points (視乎fareclass)!
由3月30日開始,「里數加現金」付款方式,將會適用於CX國泰航空網站購買所有機票!簡單啲黎講,就係里數可以真真正正咁當錢用黎買機票!唔再需要考慮機位問題,只要CX肯賣個機位出黎,你就可以用里數買到!而且仲有以下好處:
1. 就算係旺季,都可以用里數買到機票,即時confirm!即係話你啲里數點都用到!
2. 就算唔夠里數,都可以補錢買到機票,即係話就算你得5,000里都好,都唔使咁慘睇住佢過期或者是但換啲野
3. 由於你係用里數去購買機票,所以睇返fare class,你張機票係可以用黎儲返里數,而且更可以儲club points,升級你既Marco Polo或oneworld status
4. 亦可以跟返你個fare class去決定你張機票可唔可以免費取消/改期或refund!
除咗係國泰既機票外,其他partner airline,例如日航、英航等都適用於呢個「里數加現金」付款方式,總之你喺CX網站搵到就可以!
同時到咗3月30日,靈活賞同隨心賞機位亦都會被取消!以後用里數換/購買機票就方便得多了!到咗3月30日再同大家研究下呀!
「里數加現金」付款方式 是什麼?
佢係Asia Miles一個靈活付款方式黎,你可以選擇全數以里數,或透過里數加現金組合,靈活兌換生活品味獎勵和購買HK Express機票。

HK Express 現金加里數兌換頁面
以往只適用於兌換 (購買) HK Express及其他非飛行獎勵,但由3月30日起,已延伸到CX國泰網站內既所有機票了!
Asia Miles「里數加現金」可購買機票 示範
喺最後付款個陣,就可以撳返以「里數加現金」付款,就可以使用Asia Miles支付部分或全部航班既機票價格啦(唔包稅項及附加費)!
2人同行或以上可享更優惠里數
一人大阪來回機票示範
例如我呢張HKG/KIX既來回機票,2022年3月6日出發,3月10日回程,全數用里數支付係需要50,000里 + 稅。
二人大阪來回機票示範
但我呢張HKG/KIX既來回機票 (二人同行),2022年3月6日出發,3月10日回程,全數用里數支付只係需要83,898里+ 稅!除返開一人係41,949里+ 稅,比起一人出發係用少啲里數!
Asia Miles「里數加現金」可購買機票 好處
1. 就算係旺季,都可以用里數買到機票,即係話你啲里數點都用到!
由於你宜家係用里數去買機票,所以只要班機係仲有機位,你都可以即時confirm到個機位!唔使再好似以前咁排waitlist 候補機票,再等有無award seat了!而且「里數加現金」只係提供多一個方法俾大家用里數係機票到,而且用「里數加現金」買的機票既條款同獎勵機票既條款唔同,所以係絕對唔會影響標準賞獎勵機票既供應!大家可以繼續換標準賞!
2. 就算唔夠里數,都可以補錢買到機票,即係話就算你得5,000千里都好,都唔使咁慘睇住佢過期或者是但換啲野
今次「里數加現金」購買機票既方式,最少係需要用到5,000里再加現金,即係話只要你有5,000里 (咁少喳!) 你都可以用到呢個方法!
3. 可儲里數,而且更可以儲club points,升級你既Marco Polo或oneworld status
由於你係用里數去購買機票,所以睇返fare class,你張機票係可以用黎儲返里數,而且Marco Polo Club 會員更可以儲club points,升級你既Marco Polo或oneworld status!變咗loop loop loop大法了!
4. 可免費取消/改期或refund
由於你係用里數去購買機票,所以睇返fare class,去決定你張機票可唔可以免費取消/改期或refund!而refund咗既里數有效期可以睇返:flyformiles.hk/18766
😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook,仲要撳埋"see first", 咁先會第一時間睇到我出既最新優惠!
同埋梗係要follow 埋我Instagram,睇我啲靚相同IG Story啦!
10 comments
Skip to comment form
如果我想用里數兑換特選經濟艙.但航班日期沒有啡色和綠色座位標誌.是否不可预訂特選經濟艙?
Author
你直接search 有定無位會顯示既 出面個啡色和綠色座位標誌無意思架
想請教下 用Avios 積分 加現金換機票, 現金部分仲有冇得儲avios積分呢?
Author
無架
請問用”里數加現金”購買機票,2人同行,另外1人,需要加入名單內嗎? 謝謝
Author
應該唔洗 但呢個方法好貴唔抵架
其實會唔會要用更多里數換機票?
Author
一定多左架 因為呢d係買飛 位多過獎勵機票好多
咁如果里數就快到期,用里數加現金訂張可以免費取消的商務機票,原本里數到期後再取消機票咪即係等於里數可以免費延長一年?
Author
可以