倫敦唐人街抵食麵包蟹（翠如BB + 小斯誠意推介）

小斯之所以點解咁鍾意去旅行，其實或多或少都係因為為食，想周圍去食野。今次第一次打有關於搵食既post, 希望大家鍾意=v= 如果反應好既，我會繼續打多幾篇教大家搵好野食。

話說小斯係翠如bb既終實fans黎，佢套走過浮華大地我梗係有煲晒啦！咁難得今次我去到倫敦，梗係要試下翠如bb喺第五集介紹既倫敦唐人街抵食夾大件既麵包蟹！

由Leicester Square一出轉左直行少少再轉入去唐人街再靠左行，就可以轉入去Lisle Street, 然後再直行就會見到Young Cheng Restaurant（羊城美食）喺你右手邊。

 

 

 

 

 

 

 

 

 

麵包蟹宜家賣緊13.8，貴佐翠如少少添，不過唔緊要，佢連埋麵底，所以真係好夠飽，你仲可以揀埋要烘麵底或者生麵底。

 

 

 

 

 

 

 

 

 

為佐介紹俾大家知呢間野，我每隻味既蟹都嗌佐一隻，真係食到我抱住個肚走呀！

首先出場既係辣汁！

 

 

 

 

 

 

 

 

 

小斯可能因為鍾意食辣，所以覺得呢個係最好味，再加埋佢辣辣地既生麵，真係好正A__A

 

第二碟出場既係咖喱！

 

 

 

 

 

 

 

 

 

咖喱一上碟個陣非常香，而且好重椰汁味，而且老闆提議我地咖喱味配烘麵，的確好夾！ 可惜隻蟹同啲麵小斯撈極都唔夠味，建議大家可以唔叫呢個。

 

第三碟出場既就係家鄉薑䓤味！

 

 

 

 

 

 

 

 

 

薑䓤味勁香而且啲䓤又好好味！一啲都唔臭，不過因為前個兩隻味比較重口味既關係，食呢碟既時候有時會覺得有少少唔夠味，所以大家記得要食佐呢碟先呀！

 

羊城美食除佐比較平之外，佢隻蟹既size同肉量仍唔野少！
個蟹鉗足足有成隻碟咁大@v@

 

 

 

 

 

 

 

 

 

啲蟹肉多到呢！

 

 

 

 

 

 

 

 

 

 

 

 

最後老闆仲請我地食糖水同生果，紅綠豆沙混溝！好味！

 

 

 

 

 

 

 

 

 

呢餐絕對係小斯今次歐洲之旅最滿意既一餐之一，希望大家鍾意我今次既推介啦：）

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！