fbpx

二人合擊~手把手教你點發揮團隊精神,將里數最大化!

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

125705894_11n

機票有二人同行優惠,其實信用卡兩個人一齊玩變化可以更大!當然首先你要有個伴侶,嘻嘻!又黎到手把手系列,教你點樣二人合擊發揮團隊精神,將里數最大化!

原則一:二人分時段申請同一張信用卡,賺盡迎新優惠及全年promotion
好多時初次接觸小斯既fans都係啲新婚夫婦要擺酒,郁啲都成幾十萬,所以最好就兩公婆一人一張卡咁申請,食盡個迎新!例如:

– 渣打Worldmiles:http://flyformiles.hk/2943
簽$128,000就有46,000里,即係兩公婆一人一張,Total簽$256,000就有92,000里,去到來回芬蘭啦!

– CX AE:http://flyformiles.hk/?p=2288
簽$5,000有7,000里~呢張卡建議兩公婆一人一年咁申請,因為張CX Elite可以任入環亞lounge既,包括香港、新加坡、加拿大等等,最重要係你開附屬卡,附屬卡卡主都可以任入lounge!但呢張卡第二年要收年費既關係,所以最好第一年老公申請,開附屬卡俾老婆;踏入第二年老公cut佐佢,老婆再申請,再開附屬卡俾老公~

– Citibank PM:http://flyformiles.hk/2752
簽$10,000有8,000里~呢張卡除佐要一人一張賺個迎新外,仲可以每人帶多一個人入lounge,如果一家4口就最好用啦!因為原來小朋友係唔可以申請附屬卡既,所以CX AE附屬卡個招就唔work,要用Citibank PM囉!但注意返如果2歲或以下既小朋友係可以免費帶入lounge既!

– 東亞Flyer World 信用卡:http://flyformiles.hk/2679
簽$9,000有6,000里!呢張卡係長keep長用既卡,所以必定係兩公婆一人一張,賺盡個里數

– DBS Eminent Card:flyformiles.hk/3837/
首2個月高達$1,840現金回贈,然後每個月用黎訂機票酒店,但因為有limit,所以最好兩公婆一人一張,一來賺盡個迎新,二來賺盡每個月既回贈

 

原則二:互開附屬卡,一有大額簽賬既promotion個陣就要食盡佢
好多時啲卡都會無神神出啲promotion逼你簽一大筆簽賬然後就可以有相當和味既回贈,例如渣打、東亞、建行等等,咁當然佢下下要求萬萬聲既時候,想簽快啲就唯有兩公婆互開信用卡簽佐佢,例如:

– 渣打Worldmiles:http://flyformiles.hk/2943
7至9月簽$8,000有$300回贈

– 東亞Flyer World 信用卡:http://flyformiles.hk/2679
海外簽賬累積滿$5,000可享4% 現金回贈

– 建行eye card:http://flyformiles.hk/?p=1247
939優惠

原則三:利用HSBC神奇既規矩,互開附屬卡
好多銀行都會視主卡同附屬卡係同一個戶口,所以promotion同積分都係一齊計,但係HSBC好唔同,係獨立咁計既。咁即係有咩用呢?

– 是咁的,大家都知HSBC Visa Signature係最著數個張卡,但成48萬年薪唔係話兩公婆都申請到,但只要是但一個人有,再開張附屬卡俾對方,由於兩張卡係獨立計算既關係,所以變相兩公婆大家都有visa signature!乜野最紅大折日、最紅旅遊獎賞全部都可以2個人2張卡咁參加,食盡佢!

– 然後,大家都知HSBC Premier可以換Avios,但要放成球野落戶口到先有,要兩公婆都有的話咁即係要成2球野?impossible!一樣辦法,有Premier既一方開張Premier俾對方,咁兩公婆都可以換到avios啦!

– 仲有,HSBC仲有一樣神奇既地方,雖然主卡同附屬卡所有野係分開計,但其實主卡可以用到附屬卡既獎賞錢,即係話老公開附屬卡俾老婆,老公可以用到老婆卡裡面既獎賞錢,變相將兩公婆既里數group埋落同一個account到,仲摼返個兌換手續費!

HSBC:http://flyformiles.hk/?p=831

原則四:利用family program group埋啲里數
除佐Asia Miles之外,其實Avios同ANA都有family program,只要大家申請佐,就可以將啲分group埋一齊換機票用,咁就唔使一條友儲得咁辛苦!Asia Miles係無架!

大新英國航空白金卡:http://flyformiles.hk/?p=715
大新ANA白金卡:http://flyformiles.hk/?p=176

希望幫到大家啦!題外話,小斯好鍾意睇金庸架XDXDXDXD

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

111 comments

Skip to comment form

    • kingcrim on 10 2 月, 2021 at 12:35 上午
    • 回覆

    小斯 想問 假設本身有2張附屬卡 主卡是「賞家居」,附屬卡是「賞生活」/「賞世界」。

    如果年底最紅自主重新分配,主卡由「賞家居」變成「賞滋味」,其餘附屬卡是否全部變成「賞滋味」?

    因爲見到 註4 您只需以任何一張合資格的滙豐個人信用卡登記一次。您所設定的額外「獎賞錢」倍數將自動適用於您名下所有合資格的個人基本卡及附屬卡。 https://www.hsbc.com.hk/zh-hk/credit-cards/rewards/your-choice)

    1. 佢係話你名下 姐係如果你有自己既主卡 又有人地開俾你既附屬卡 你只會係一樣類別 即賞家居
      下年你改做賞滋味唔影響你開俾人地既附屬卡

    • Jane on 11 10 月, 2020 at 8:40 上午
    • 回覆

    Hello 小斯,
    HSBC VS 迎新要碌嗰$8000,附屬咭嘅卡數計唔計?

    1. 唔計呀

    • jessi on 21 4 月, 2020 at 12:04 下午
    • 回覆

    小斯,如果我有一張dbs一張渣打,有冇的一齊儲係同一同一個AM帳號?

    1. 係呀 儲落同一個am acc到既

    • fung on 14 12 月, 2019 at 8:16 下午
    • 回覆

    小斯您好 想請問如果我屋企人開附屬卡比我 啲獎賞錢可否草落我自己am account

    1. 可以呀

    • Nick on 22 9 月, 2019 at 10:29 下午
    • 回覆

    小斯~ 你好
    我已經有hsbc vs
    我老婆未申請
    1) 請問如果我開張附屬卡畀我老婆
    如果我老婆之後再自己申請張hsbc vs, 佢會唔會冇咗迎新?(佢從來都未開過hsbc services)
    2) 如果我地都申請晒hsbc vs, 再開附屬卡畀大家(即係total 4張卡),咁「最紅自主獎賞」係咪可以揀到4個 category?

    1. 1. 唔會 supp卡唔影響
      2. 唔係 跟人名既 所以都係2個only

    • DES on 27 8 月, 2019 at 12:59 下午
    • 回覆

    想開張HSBC VS附屬卡俾屋企人 但屋企人本身有VS白金
    咁我屋企人張白金 同 附屬VS 最紅自主獎賞個度 係咪分開計?
    同埋HSBC萬寧買coupon賺里數個D活動 係咪都淨係可以玩一次?

    1. 想開張HSBC VS附屬卡俾屋企人 但屋企人本身有VS白金
      咁我屋企人張白金 同 附屬VS 最紅自主獎賞個度 係咪分開計?
      –> 唔係 一齊計 一個人名只會有一個類別 一年total只有10萬額外分 promotion幾多張卡都好都只係可以玩一次

    • Mike on 23 8 月, 2019 at 12:14 上午
    • 回覆

    我想問下我有渣打Asia miles 卡同Hsbc VS卡, 兩張卡簽賬積分可唔可儲係同一個AM account?

    1. 係儲落同一個呀~如果分開先得應該成世都換唔到 哈

    • Patrick on 27 6 月, 2019 at 5:03 下午
    • 回覆

    Hi 小斯,
    咁如果開多張附屬卡, 例如 DBS Black World, 咁係咪可以主卡同附屬卡分別玩Payme 增值, 而D積金就儲落主卡度?

    1. 無錯呀

    • WILL on 27 5 月, 2019 at 7:48 下午
    • 回覆

    小斯你好呀.想請問我已經有一張渣打 Asia Miles卡,而家我想申請一張附屬卡比太太,咁我想問佢用附屬卡黎消費,咁儲既里數係自動轉落我主卡既萬里通戶口定我需要幫佢開一個新既萬里通戶口黎比佢儲里數呢?謝謝.麻煩晒你解答

    1. 開supp卡d分都係計落主卡到
      姐係都係儲去你既am account

    • Empty on 9 11 月, 2018 at 11:35 上午
    • 回覆

    想問滙豐vs附屬卡
    1)找卡數可唔可以同主卡分開?
    2)可唔可以有獨立reward+戶口睇自己嘅獎賞錢
    3)如果有三張附屬卡可唔可以兩張跟主卡嘅reward+同找數另一張獨立?

    1. 1. 可以
      2. 唔可以
      3. 可以

    • ZOO on 12 10 月, 2018 at 11:18 上午
    • 回覆

    想問如果我申請大新BA CARD 同DBS BLACK CARD附屬卡比家人, 佢地用來WECHAT同PAYME啲簽帳既積分係咪都會落埋我主卡戶口度?

    1. 係呀

    • Aaron on 19 9 月, 2018 at 12:33 上午
    • 回覆

    請問用DBS Black Card , 開附屬卡比女朋友, 可唔可以用電子銀行一齊刷積分?

    1. 可以

    • JL on 10 11 月, 2017 at 5:03 下午
    • 回覆

    Hi 小斯,

    如果我申請HSBC 銀聯拿舊客迎新, 開個附屬卡給屋企人,我屋企人有我VS的附屬卡,沒主卡, 那他可唔可以拿HSBC 銀聯的迎新? 屬於舊客還是新客?

    thanks, JL

    1. 可以
      新客

    • on 10 9 月, 2017 at 12:56 下午
    • 回覆

    HI 小斯,

    – CX AE:http://flyformiles.hk/?p=2288
    簽$5,000有7,000里~呢張卡建議兩公婆一人一年咁申請,因為張CX Elite可以任入環亞lounge既,包括香港、新加坡、加拿大等等,最重要係你開附屬卡,附屬卡卡主都可以任入lounge!但呢張卡第二年要收年費既關係,所以最好第一年老公申請,開附屬卡俾老婆;踏入第二年老公cut佐佢,老婆再申請,再開附屬卡俾老公~

    依家一人一年咁申請係唔係唔WORK 啦?
    附屬卡主都要過一年冷河 未過一年無迎新+無得wavie年費

    1. work

    • 小妖 on 22 5 月, 2017 at 10:41 上午
    • 回覆

    你好呀,小斯。我有張HSBC VS card ,如果我開張附屬卡俾家人,咁新附屬卡的最紅自主獎賞的5倍積分選擇係咪跟返主卡當時所選擇的種類而定?
    我而家係選左嘗家居的,咁係咪附屬卡都係會選返嘗家居,定係可以轉? 仲有主卡的選擇可以轉嗎?
    麻煩曬了!

    1. 唔係
      附屬卡係跟家人
      如果佢本身無hsbc信用卡,就要重新揀過
      如果有的話,就跟返佢原本揀果個類別

    • mei on 20 5 月, 2017 at 9:00 下午
    • 回覆

    Halo 小斯,

    我想問下如果我同男友分別有信用卡(例如DBS Black)可唔可以將積分換去同一個air miles ac 架?

    Thanks!

    1. 唔可以

    • Ling on 5 3 月, 2017 at 6:11 下午
    • 回覆

    小斯,我最近想申請張附屬卡俾屋企人
    佢唔係用得好多,D分我地想儲落同一個account度,第時換飛時就一個account換兩張飛
    我地應該都係換短途既機票多~

    可以幫佢申請邊張呢?
    咁申請時會唔會要睇佢既入息架?(因為其實佢仲係學生)

    1. 唔check 入息
      話明附屬卡嘛
      附屬你喳嘛
      你咪睇下你有乜野卡咪開俾佢
      最緊要係睇你自己有乜卡可以開俾佢

        • Ling on 7 3 月, 2017 at 9:27 下午
        • 回覆

        我有HSBC VS, CX AE, BEA Flyerworld, SC AM
        呢張我都成日用
        如果係度揀一張去開應該揀邊張?
        又或者會唔會有其他更好既選擇?

        1. - DBS Black World Master:http://flyformiles.hk/3009 本地簽$5,000有5,500里 <--開呢張賺迎新

        2. 仲有開HSBC既HSBC 白金 / 金卡 /銀聯:http://flyformiles.hk/831
          有迎新

    • MartiN on 31 7 月, 2016 at 3:01 下午
    • 回覆

    小斯,你好!想請教下CX AE信用卡問題:
    第一年老公申請,開附屬卡俾老婆;踏入第二年老公cut了主卡及附屬卡,老婆再申請主卡,再開附屬卡俾老公!
    但官網見:“迎新優惠及首年年費豁免不適用於現時或過去申請日期起12個月內曾為美國運通國泰航空尊尚信用卡或美國運通國泰航空信用卡之會員!”
    咁老婆第二年申請主卡及附屬卡是否仍可享迎新優惠及首年年費豁免?
    Thanks ^_^

    1. 附屬卡唔關事 所以你個方法係work的

    • RL on 17 5 月, 2016 at 7:03 下午
    • 回覆

    想請問如果男友開信用卡,可以填我既Asia miles account 黎儲分嗎?會唔會check 名?(e.g. Asia miles acc 同信用卡個名要一樣)

    1. 唔!得!

    • CN on 23 2 月, 2016 at 10:27 上午
    • 回覆

    1) 唔同bank的信用卡s積分 係咪都可以 入落一個 AM acc????
    2) HSBC VS 的主卡 同 附屬卡 都可以 入落一個 AM acc???

    Thanks

    1. 1. 可以
      2. 可以,但只限主卡acc

    • xylon on 18 10 月, 2015 at 3:55 下午
    • 回覆

    小斯呀,你知唔知如果我有張 hsbc premier master card,如果冇左 premier 個 status,佢係咪唔會 cut 我張 premier master card 直至張卡夠期?

    定會即 cut?

    1. 人地話會

    • EricX on 22 9 月, 2015 at 7:58 上午
    • 回覆

    Hi 小斯, 妳話asia mile 冇 family program group 埋 d 分黎用, 咁有乜方法可以將我女友d miles 轉俾我? 要錢嗎?

    謝!

    1. 無辦法,可以俾錢轉,但會勁貴

    • Sum on 18 9 月, 2015 at 5:00 下午
    • 回覆

    小斯, 如果我老公已經有VS (食野), 而我自己本身又諗住申請張VS (家居).
    1. 其實會唔會叫老公出張附屬卡俾我仲好?因為D分可以一齊計
    2. 附屬卡年費係咪平過主卡?
    THANKS!!!

    1. 1. 會
      2. 應該係,但實數我唔記得,因為一打去就waive到架啦

    • yan on 10 9 月, 2015 at 10:55 下午
    • 回覆

    hi~小斯~我已申請hsbc vs卡,處於批核狀態,宜家先見到尼個post,想幫先生申請張副卡。hsbc card center今日有留言俾我(miss左個電話),話聽日幾點會打來,請我留意接聽。我想問,我係宜家就提出申請副卡,還是等我張主卡順利批左再提出好D?申請副卡需要提交咩文件?副卡年費係由主卡人負責嗎?(if waive唔到)多謝你!^_^
    ps,hsbc vs 好似無迎新優惠?=_=

    1. 批佐先申請啦
      如果你先生有匯豐戶口,打個電話就申請到架啦,唔使補文件
      附屬卡年費charge返落附屬卡到
      vs無迎新

    • Jasmine on 23 8 月, 2015 at 9:41 下午
    • 回覆

    小斯, 呢個渣打優惠, 係每個月簽8000, 定係3個月加埋? 我試過去渣打網頁都揾唔到嘅….謝謝

    “– 渣打Worldmiles:http://flyformiles.hk/2943
    7至9月簽$8,000有$300回贈”

    1. 3個月加埋

        • Jasmine on 25 8 月, 2015 at 10:04 下午
        • 回覆

        thanks ! ^^

    • KiKi on 15 8 月, 2015 at 5:01 下午
    • 回覆

    想問老公個HSBC credit card可否登記老婆個AM acct去儲miles?定係一定要老公登記AM acct and then set 老婆as nominee?

    1. 唔可以
      後者,yes

    • Yannes Chan on 12 8 月, 2015 at 5:09 下午
    • 回覆

    小斯,新手見到呢個post 表示好有啟發性!

    換asia miles 係咪一個acct 可以換自己加其他人嘅機票﹖

    如果係,好似一對couple 一個am acct 可以啦,d 分累積集中好多﹗

    1. 換asia miles 係咪一個acct 可以換自己加其他人嘅機票﹖
      --》可以

      如果係,好似一對couple 一個am acct 可以啦,d 分累積集中好多﹗
      –>但變佐迎新唔可以賺兩份嘛

    • Jason on 23 7 月, 2015 at 11:28 上午
    • 回覆

    HSBC 信用卡問題:
    1. 附屬卡可唔可以用 e-banking 繳費? 附屬卡簽賬額/e-banking 繳費係咪都計落主卡迎新簽賬要求度?
    2. 係咪主卡可以用自己及/或附屬卡獎賞錢換里數(入主卡里數戶口)? 而附屬卡只可用自己獎賞錢換里數(入自己里數戶口)?
    3. 如果夫婦各有主卡, 而婦有夫的附屬卡, 夫可否合併婦的主卡獎賞錢換里數?
    4. 如果婦本身已有主卡, 而夫新開了附屬卡給她, 那麼婦附屬卡的最紅自主倍數是跟她原本的主卡, 還是可以另外再分配?
    5. 續問題4, 婦附屬卡的額外獎賞上限是跟她自己的卡計, 還是撥入夫的戶口計?

    1. 1. 可以,白金或以上會有分,計
      2. 係
      3. 只能合拼個張卡
      4. 跟佢自己
      5. 計佢自己

        • Jason on 8 1 月, 2016 at 2:37 下午
        • 回覆

        小斯, 附屬卡簽賬係唔計落主卡迎新簽賬要求度架喎!!!

    • Scullyman on 20 7 月, 2015 at 5:39 下午
    • 回覆

    如果想group Asia miles 入同一個account 要唔要手續費?如果要知唔知收幾$? thxxx

    1. 要!但係好貴,貴到你唔會group

    • Chan on 17 7 月, 2015 at 12:24 下午
    • 回覆

    如果我只有 Premier 附屬卡, 同埋其他信用卡主卡, 係咪可以用其他信用卡儲返黎既獎賞錢, 換英航里數?

    1. can

    • John on 15 7 月, 2015 at 5:34 下午
    • 回覆

    你好, 想請教下我本身有CX AE卡同渣打信用卡, 黎緊1,2個月內會簽10萬, 希望盡賺里數, 請問我應該申請邊張卡好?

    1. 呢張啦!– 東亞Flyer World 信用卡:http://flyformiles.hk/2679
      簽$9,000有6,000里!呢張卡係長keep長用既卡,所以必定係兩公婆一人一張,賺盡個里數

      或者叫老公都申請

    • John on 15 7 月, 2015 at 1:47 下午
    • 回覆

    你好,想請教下我本身有CX AE卡同埋渣打信用卡,但黎緊1,2個月會簽10萬,希望盡量賺取里數,想問下你意見仲可以申請邊張卡,感激萬分!!

    1. 已答

    • hing on 15 7 月, 2015 at 11:18 上午
    • 回覆

    小斯, 你好

    我本身有一張白金, 我男友有張VS, 由於我同佢都係6X揀左食野, 如果要賺盡我係咪應該CUT左張白金, 跟出我男友出張附屬比我, 我6X揀另外一個類別咁呀?

    係咪如果我KEEP住張白金我就冇得轉類別?

    同埋我想問下附屬卡有冇迎新呢?

    THANKS

      • hing on 15 7 月, 2015 at 11:31 上午
      • 回覆

      我仲想問HSBC附屬卡係咪一定要出比直系親屬? 男/女朋友得唔得?

      1. 3唔識7都得添

          • hing on 15 7 月, 2015 at 4:43 下午
          • 回覆

          小斯, 可唔可以覆埋我上面D問題呀?

            • 小斯 on 15 7 月, 2015 at 6:03 下午
              Author

            慢慢~小斯要返工架lol

    1. 跟出我男友出張附屬比我, 我6X揀另外一個類別咁呀?
      –>yes

      係咪如果我KEEP住張白金我就冇得轉類別?
      –>無

      同埋我想問下附屬卡有冇迎新呢?
      –>無

    • TB on 15 7 月, 2015 at 4:06 上午
    • 回覆

    哇正喎, 啱啱先申請左HSBC白金, 想問下咁樣有無理解錯, 我張主卡6X放晒落食野, 再開張附屬卡6X放晒海外簽帳, 用佢黎上日本網網購, 咁野我碌呢兩個類別都有6X?

      • Karson on 15 7 月, 2015 at 8:56 上午
      • 回覆

      小斯, 我同我 gf 都有hsbc credit card, 我揀食反, 佢揀家居, 想請問下以下甘諗岩唔岩?

      我開附屬卡比佢, 佢可以幫我食反(佢同其他人食時)儲里數
      佢又開返附屬卡比我, 我就幫佢家居野儲里數

      不過唔知本身兩個都有card, 會唔會申請唔到附屬卡比對方?

        • Karson on 15 7 月, 2015 at 8:58 上午
        • 回覆

        sorry, 想留言禁錯左係其他人到reply …
        不過我記得我主卡同附屬卡唔可以同一項目

      1. 可以

        • Pana8888 on 17 7 月, 2015 at 11:18 上午
        • 回覆

        係咪即係話, 如果我有HSBC 主卡選5x食市. 我老婆出附屬卡比我, 個自選5x 都跟我主卡 ? 個limit 都跟主卡呢 ?
        再複雜少少, 兩公婆都有Visa Signature, 咁 3x 個 120K limit 係咪share with 我主卡, 同老婆比我個附屬卡呢 ?

        1. 如果我有HSBC 主卡選5x食市. 我老婆出附屬卡比我, 個自選5x 都跟我主卡 ? 個limit 都跟主卡呢 ?
          –>係,跟你主卡

          兩公婆都有Visa Signature, 咁 3x 個 120K limit 係咪share with 我主卡, 同老婆比我個附屬卡呢 ?
          –>係

    1. 你都可以咁講,即係你操控你張附屬卡囉XD

    • may on 15 7 月, 2015 at 12:24 上午
    • 回覆

    – 仲有,HSBC仲有一樣神奇既地方,雖然主卡同附屬卡所有野係分開計,但其實主卡可以用到附屬卡既獎賞錢,即係話老公開附屬卡俾老婆,老公可以用到老婆卡裡面既獎賞錢,變相將兩公婆既里數group埋落同一個account到,仲摼返個兌換手續費!

    如果我申請附屬卡比老公,而佢本身自己又有一張匯豐其他信用卡,咁另外嗰張卡嗰2千幾獎賞錢可以轉埋去我個asia miles嗎? 定只係附屬卡裡面啲獎賞錢? 唔該小斯

    1. only附屬卡裡面

    • Soooo on 14 7 月, 2015 at 11:55 下午
    • 回覆

    嘩小斯,真係一日唔死一日都有新野學!
    話說我本身有hsbc白金(唔夠人工申請VS),放晒落賞家居,而男友有VS,放晒落食肆。
    照你咁講,即係如果我男友出張附屬咭俾我,我張附屬咭都係under賞家居,對嗎?
    需要再登記嗎?
    然後到要換里數時,我俾一次$300就可以換晒我自己張白金&附屬咭入面既分,對不對?

    1. 我張附屬咭都係under賞家居,對嗎?
      –>無錯!唔需要再登記
      然後到要換里數時,我俾一次$300就可以換晒我自己張白金&附屬咭入面既分,對不對?
      –>無錯!

        • chriswong on 15 7 月, 2015 at 3:54 上午
        • 回覆

        但如果我地兩個都有 HSBC Premier,反而開唔到附屬 card 畀對方? =_=

        1. 可以呀~~

    • Edward on 14 7 月, 2015 at 11:50 下午
    • 回覆

    小斯, 你好

    我昨天打去CCB 信用咭熱線, EYE Card 暫時沒得申請, 去分行都沒申請表攞

    唔知道幾時有得申請番

    1. 唔知呀我都,話佢宜家轉緊offer喎

    • Joanna on 14 7 月, 2015 at 11:24 下午
    • 回覆

    AM可以一個family咁計嗎?

    1. 不能

    • Gary W. on 14 7 月, 2015 at 10:35 下午
    • 回覆

    小斯,咁想請問,HSBC的附屬卡係咪一定同主卡嘅6x最紅日日賞登記同一樣?可唔可以主卡6x食肆,附屬卡6x海外簽賬?

    1. HSBC的附屬卡係咪一定同主卡嘅6x最紅日日賞登記同一樣?
      –>唔係!跟附屬卡卡主

        • CN on 23 2 月, 2016 at 10:16 上午
        • 回覆

        即係 可以 主卡6x食肆,附屬卡6x海外簽賬?

        主卡附屬卡不同類別??

        1. 可以

    • Cyrus on 14 7 月, 2015 at 9:38 下午
    • 回覆

    原則一即係A申請第一年, B申請第二年,A再申請第三年咁落去?
    定係第三年要一齊過冷河,變相無卡用?因為拎附屬卡都算公司客戶,要cut完隔一年先有迎新?

    1. 原則一即係A申請第一年, B申請第二年,A再申請第三年咁落去?
      -->係

      定係第三年要一齊過冷河,變相無卡用?
      –>你第二年個陣阿A咪過緊冷河囉

      因為拎附屬卡都算公司客戶,要cut完隔一年先有迎新?
      –>no!唔算

        • Cyrus on 15 7 月, 2015 at 12:22 下午
        • 回覆

        係咪所有bank既credit都係咁? 用完一年附屬卡可以即cut再申請新卡拎迎新?
        如果係咁, 咁應該將你”必賺迎新信用卡攻略 “list入面既卡全部都樣咁申請wo, 可以拎埋個附屬卡迎新lol

        1. 附屬卡係無迎新架

            • Cyrus on 17 7 月, 2015 at 9:22 上午

            通常咪申請附屬卡信1000里果D呢…………..計到盡一盡sosad

            • 小斯 on 17 7 月, 2015 at 7:56 下午
              Author

            hahahahahaha 都得既

        • cici on 15 7 月, 2015 at 4:12 下午
        • 回覆

        小斯 係咁玩到期CUT CARD, 會否比人bad list ga??

        1. 唔會既~你又唔係唔還卡數XD

    • jessie on 14 7 月, 2015 at 6:56 下午
    • 回覆

    – 仲有,HSBC仲有一樣神奇既地方,雖然主卡同附屬卡所有野係分開計,但其實主卡可以用到附屬卡既獎賞錢,即係話老公開附屬卡俾老婆,老公可以用到老婆卡裡面既獎賞錢,變相將兩公婆既里數group埋落同一個account到,仲摼返個兌換手續費!

    我半年問過hsbc,對方說主卡可以用到附屬卡既獎賞錢,但惟獨換里數就不可以,究竟係條例改了,還是CS誤導了我,結果我要自己開了張VS來儲分

    1. 可以架!不如你又打去問多次啦

        • Newbie on 14 7 月, 2015 at 10:24 下午
        • 回覆

        可以是指主卡可以用附屬卡獎賞錢換里數還是只可用來換其他嘢?

        1. 可以用黎換里數

        • jessie on 17 7 月, 2015 at 3:43 下午
        • 回覆

        thanks!

        • jessie on 17 7 月, 2015 at 4:02 下午
        • 回覆

        我剛打去問了,真係今年年頭才改的,激死呀!但我一月申請VS時都仲係主卡唔用得附屬卡的RC來換里數,申請VS又無優惠!!等我CUT了張VS,叫老公申請張VS副屬卡和 Premier副屬卡比我換Avios!!小斯,多謝你的指點!!

        1. 🙂 唔使客氣呀!

發佈留言

暱稱和郵箱必需填寫,您的郵箱只有管理員可見。