黃刀極光之旅最終回：黃刀鎮日間Local Tour

終於黎到黃刀之旅極光最終回啦！之前就同過大家講過夜晚既極光tour，咁宜家就講下究竟日光日白有咩做啦！黃刀既日間活動包括釣冰魚、揸吉普車、玩狗雪橇、睇冰雕 (一般於3月先有) 等。我自己個陣就去佐釣冰魚同埋揸吉普車。宜家同大家分享一下啦！

釣冰魚

釣冰魚一般係一個差唔多成4粒鐘既tour黎。一開始啲當地人會示範一次點樣釣冰魚，然後釣完就會即場切開去整魚生過你食。之後就會去佢地屋企，佢地就會將頭先釣佐既魚煎黎俾你地，然後喺附近行多陣就走了！當時呢個tour我俾佐125CAD。

 

首先要喺地下到開個窿

然後再用縄扯條魚出黎

最後就釣到條魚出黎啦！

跟住再切開條魚做刺生

 

然後就去佢地屋企，佢地會即場煎佐條魚俾我地食，超好食呀！

再喺附近到行下咁就一日了！

揸吉普車

至於另一個活動就係揸吉普車，想像一下自己一個人揸住架吉普車，係冰上面風馳電掣，係幾咁爽既一件事！哈哈！呢個吉普車2個鐘我當時俾佐165 CAD。

就連個景都勁靚呀！
玩狗雪橇

狗雪橇係當地既傳統，即係你坐係到，然後由一堆狗狗拖住你走。由於同我同行既朋友係愛狗人士，佢覺得太殘忍就無玩到。我就另外問朋友拎佐啲相黎俾大家睇。狗雪橇有兩隻玩法，一隻就係drive your own dog，即係你自己揸一架狗車。價錢就係75 CAD一個鐘。如果係traditional個隻就係65CAD。

 

你睇下我啲朋友玩得幾開心！

睇冰雕

另外喺3月黃刀有一大盛事，就係冰雕展。我一月去既時候啲冰雕已經係到整緊，到時一定會盛大同好靚啊！如果係3月去黃刀既朋友千祈唔好錯過！

北極圈證書

最後，就係集郵必備既證書一張！大家只要到旅遊中心個到，俾3 CAD，就可以拎到呢張證明你去到黃刀鎮既證書架啦！

總結

去黃刀鎮玩絕對係體力既挑戰！大約作息時間如下：

10:00 – 11:00 梳洗及早餐

11:00 – 16:00 日間活動

16:00 – 19:00 休息

19:00 – 20:00 晚餐

22:00 – 3:00 睇極光

3:00 – 10:00 休息

所以你會見到你休息既時間係會拆開晒，試想下3點睇完極光，沖埋涼執埋野起碼4點先訓得，訓6粒鐘又要起身去玩，真係體力少啲都唔惦！ 故此大家去黃刀既，記得要爭取休息時間，唔好好似我咁，成日訓到去仲覆埋問題先，最後晚晚搞到成5點先有得訓呀！

 

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！