儲廉航積分賺取5%購票回贈!買$4,000機票有$200回 – HK Express Reward-U 獎賞計劃

呢排大家都好激烈咁討論用東亞卡轉HK Express Reward-U 積分係抵唔抵,抵唔抵之前都講過,所以唔再同大家再解釋多次啦,因為根本係個人取向問題,總知就一定抵過換現金。今次就主力想同大家講下HK Express Reward-U 呢個program係點玩法。首先呢個program大家唔好用一個里數計劃既心態去睇佢,你當佢係百佳易賞錢咁玩會好啲,即係由原本乜都無,變到有少少分俾你儲,而儲呢樣野又唔會影響到你儲其他野,係一個你唔儲就蝕既一個計劃。呢個獎賞計劃玩法非常簡單,就係話你喺HK Express到買野 (唔計稅同燃油),每用$1就有10分,40,000分就可以當$200咁用,計返即係簽$4,000有$200,計%黎講其實都有5%!係唔錯既!但當然仲有啲更進階既玩法,就係組隊咁玩,將總共5個人啲分加埋佢再一齊用,$200都唔放過!

 

合資格會員

reward-U飛賞公開予年滿2歲或以上人士參加。

賺取積分

預訂機票時,購買既餐點、託運行李、座位甚至係額外購買既嬰兒機票,都可以儲到積分。於有效既交易中每消費港幣1元,就能賺取10 reward-U積分。注意張機票同Reward-U帳號一定要同名,係唔可以幫人買再儲落自己到既。

兌換獎賞

於HK Express訂購機票個陣,只需喺付款頁面到登入Reward-U,再選擇以Reward-U積分付款,就可以以40,000分作$200咁用,計返大約係5%。當錢咁用好處係可以用黎買乜都好,即係幫人買機票買邊到日韓台星馬泰都得。

所以每次有sale搶機票個陣,記得要用Reward-U積分俾錢啦!唔好蝕佐佢。

積分有效期

3年

 

心水清既都應該會計到,HK Express啲機票下下都係幾十蚊,即係當你坐一個來回都係賺得2,000分左右!一個人儲就會辛苦啲既,但係佢有個組隊計劃就幫到大家!

 

組隊計劃

reward-U 允許會員組成一組多達五人既飛賞組,其中一個組員為組長。組長可決定是否接受特定會員既要求將其分配為組長、監督由組員賺取積分記錄、從組員兌換積分及從 reward-U 飛賞組刪除組員。

每個成員只能在同一時間屬於一個reward-U 飛賞組。

每一個會員每 12 個月只能內給作一次組員申請要求,因此,如果佢地離開一個 reward-U 飛賞組,就無法再加入另一組。

=>簡單啲黎講,即係話你可以group埋5個人既分,亦即係話,每個人儲到8,000分,即係買過800蚊既機票就可以加埋夠40,000分去換到$200用。然後最神奇既係,你作為組長的話,其實你可以用完果個組員啲分之後,再一腳踢佢出組,然後再加第二個入去,咁就可以無限咁用group埋5個人啲分呢個方法去儲夠40,000啦!

 

總結

呢個Reward-U 計劃一直都被人講到好差咁,不過我自己又唔係咁諗。雖然佢啲分好難儲,咁係因為佢啲機票真係太平姐!但係有得儲好過無得儲,同玩信用卡一樣,你係咪都係要買個張機票架啦,咁做乜有分唔儲呢?再加上其實佢計返條數有5%回俾你,加埋組隊咁玩,要儲夠40,000去當$200咁用其實唔難。但就差在你願唔願意為呢啲少少既錢去玩埋呢個計劃啦!反正我儲了!YEAH!

 

Reward-U 官網:https://www.reward-u.com/zh-hant

條款及細則:http://www.reward-u.com/sites/all/themes/theme1016/templates/pdf/reward-U_TNC_tc.pdf

 

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠架!

同埋梗係要follow 埋我Instagram,睇我啲靚相同IG Story啦!

Leave a Reply

Your email address will not be published.