Park Hyatt Kyoto 京都柏悅酒店入住報告套房 Globalist 早餐體驗

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,000獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

Park Hyatt Kyoto 京都柏悅酒店

Park Hyatt 可能俾人既感覺都係啲老牌酒店同埋比較古色古香，起碼我覺得東京間Park Hyatt係咁 >< 但Park Hyatt Kyoto 京都柏悅酒店，可能係因為2019年先開幕，而且仲喺京都既山坡上，所以新得黎你又唔會覺得佢有啲老，仲好有日本風味添！

先講個地點，Park Hyatt Kyoto就喺京都清水寺附近，變咗你喺間房裡面，都可以欣賞到京都八坂塔古色古香嘅城市景觀！然後喺高台寺、清水寺附近可以租和服著！跟住沿路可影相打卡，跟手喺埋Park Hyatt Kyoto裡面打卡都好正！想買野既，可以碌返條斜路落去買，只係黎既時候如果拉喼上斜就會辛苦啲！但坐的士去京都駅都係千幾yen貨仔，所以呢間酒店個位置真心一流！

再講下間房，今次係用Hyatt Points去換既！因為呢間酒店實在太貴，唔用Points換係住唔到的！另外再加「套房券」再upgrade套房！而今次就可以住到Ninenzaka House套房！其實基本套房裡面個setting都係一樣，只係景觀唔同！Standard Suite係園景，而Ninenzaka House係京都城市景觀，無論係房同廳都係落地大玻璃，所以個景係勁靚又勁打卡！廁所就有浴缸，但就唔係好打卡！但間房當然最重要係佢既design同埋備品～可能係套房既關係，所以備品都係大大舊既Aesop！然後仲有Park Hyatt Kyoto最出名既伏水！勁好飲！飲完再問佢拎都得！唔知係咪因為我係10月去，所以就有巨峰提子食！又係超級正！

講返check in 既體驗先啦！一入門口就會經過一條長長既日式鳥居設計既走廊，再走入去先會去到check in lobby！然後check in時雖然都要搞一大輪，但係職員都會俾welcome drink你！仲有個menu俾你揀返添！我就揀咗啤酒啦！哈哈！然後check in lobby另一個作用，就係如果你訂既係套房的話，每日5pm 至 6pm，都可以喺lobby到飲香檳，側邊仲要有個火爐喺到暖冧冧咁！勁食！

至於餐廳，我就無試佢個兩間餐廳了！因為見啲日本人都話係「普通に美味しい」！即係普通咁美味！同你人地唔靚就話人地cute差唔多意思咁lol 同埋最主要係個價錢實在太貴！所以我就無試了！但就有走入去影張相！因為佢最出名係間餐廳個bar枱位，係直接望到個個塔的！所以係超級美！

跟住就係唔好錯過佢個Gym同Spa！雖然佢個Gym係超級細同少機，但係佢個Spa水療中心係不得了！京都柏悅酒店Park Hyatt Kyoto係有男女溫泉，各有一個熱水池、一個冷水池、乾濕桑拿房同埋兩個淋浴區！可能本身酒店都少房同少人住既關係，所以基本上我去親浸都係無人既～好似自己包咗個湯咁，真係超級正呀！

最後就講個早餐了！如果你係Globalist的話，你係會送兩份西式早餐既！如果你想食日式的話，就要加多幾千yen！不過我就覺得食西式開心啲 >< 日式個份早餐，雖然就好多人都讚佢，但我覺得只係讚佢既排場同埋佢個白飯… 但食完我都係唔飽呀… 嗚！所以大家諗下食唔食日式啦！我個人就覺得麻麻地！都係慳返啲錢吧！

總括而言呢個酒店我覺得係超級正的！無論係地點、服務定係間房都一流！記得要喺附近租套和服再返酒店瘋狂影相，咁就唔會晒咗個咁靚既景！想試既記得要準備定Hyatt既分同埋套房券，咁就可以住豪啲啦！