fbpx

【東京羽田機場國泰貴賓室】HND Cathay Pacific Lounge!有法式吐司、酸辣湯、咖喱飯同雲吞麵食!

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

前幾日同大家post咗東京羽田機場嘅日本航空頭等貴賓室係點樣樣,喺comment到,估唔到入得頭等貴賓室既大家,都異口同聲咁讚東京羽田個國泰貴賓室係幾好! (你知CX好少有人會讚佢-.-” 所以有時有啲野佢地做好咗我都唔係好敢明顯咁讚)!所以今次同大家再一次睇下東京羽田個CX Lounge喺疫情後有咩改變!

東京羽田機場個Cathay Pacific Lounge係2014年就開慕架啦!即係喺我岩岩讀完書就已經開咗,所以都唔係咩新野黎,而且因為本身個design其實都幾舒服好大咁,所以就算咁多年都無乜點整過都好,個感覺仲係好新好靚既!最緊要係佢少人用啊!

佢位置係位於Terminal 3 國際航班客運大樓 114號閘附近 6 樓!講真行過去有啲遠,去到仲要轉幾個圈先去到6樓,所以大多數人去到已經入咗日航個lounge而唔會入國泰果個!但其實只要你係坐oneworld既business class或以上,即係日航或國泰啦!都已經可以入!估計好多人唔知而國泰喺羽田既機一日又得2-3班左右,所以真係好少人用!

國泰個lounge可以主要分為3個區

  • 第一個係休閒睇飛機區,有大大張sofa櫈俾你發呆!唔少人comment都話舒服過日航Business Lounge即係Sakura lounge好多 (始終佢似餐廳多啲lol)
  • 第二到係酒吧區!可以嗌下cocktail再坐下sofa位咁
  • 第三係餐廳區!你當好似香港既風味坊咁,有好多日本同香港既食物俾你揀返!位置就似茶餐廳設計,但闊既放心

之後野食同野飲同疫情前比較就有少少改變!

野食方面真心多咗好多,包括:燒豬肉包、咖喱飯、焗烤鮮蝦通心粉、法式Toast、擔擔麵、雲吞麵、酸辣湯麵同雞湯麵,仲有啲包,和菓子同漬物等!比疫情前多咗好多!同埋種類上唔輸俾日航頭等lounge的!

咁酒類當然就一定無日航頭等lounge咁豐富!酒精飲品會以威士忌為主,比較common啲既有Jack Daniel’s同Canadian Club~ Sake就係新潟縣既日本酒「久保田」~Cocktail個啲有Gin Tonic、Mojito、Bloody Mary等等!基本上同疫情一樣!但比較可惜係,喺疫情前仲有既兩款signature cocktail,Sweet Haneda同Haneda Jade已經無咗了!但你都可以叫Bartender沖你飲啊!

最後個人就比較推介要食佢個法式Toast,食落去口感似蛋糕就同香港有啲唔同,而蜜糖仲要用真蜂蜜點落去啊!同埋擔擔麵就唔似日本麵,我自己就好食得辣既,同行朋友就反而話覺得有啲辣~anyway大家可以去試下啊!

官方網頁:  https://www.cathaypacific.com/cx/zh_HK/destinations/lounges/tokyo-hnd/cathay-pacific-lounge-haneda.html


東京羽田機場國泰貴賓室HND Cathay Pacific Lounge 位置及開放時間

  • 位置: Terminal 3 國際航班客運大樓 114號閘附近 6 樓(禁區)
  • 開放時間:每日 07:30 至 17:00

 


東京羽田機場國泰貴賓室HND Cathay Pacific Lounge 環境


東京羽田機場國泰貴賓室HND Cathay Pacific Lounge 風味坊

 


東京羽田機場國泰貴賓室HND Cathay Pacific Lounge 「悠然吧」酒水

以前有既cocktail 雖然宜家無咗,但你都可以叫Bartender沖你飲    


東京羽田機場國泰貴賓室HND Cathay Pacific Lounge 享用資格

頭等客艙乘客

離境頭等貴賓室 離境商務貴賓室
國泰航空或國泰港龍航空頭等客艙 乘客 + 一位同行賓客 乘客 + 一位同行賓客
「寰宇一家」航空公司頭等客艙 乘客 + 一位同行賓客 乘客 + 一位同行賓客

頭等貴賓室備註:獲免費升級至頭等客艙的乘客不合資格進入頭等貴賓室,按照合資格的飛行常客計劃級別而進入則除外(舉例:馬可孛羅會鑽石卡會員符合資格進入頭等貴賓室,而不需根據客艙級別)。預訂商務客艙而獲升級至頭等客艙的客戶將符合資格進入商務貴賓室。

 

商務客艙乘客

離境頭等貴賓室 離境商務貴賓室
國泰航空或國泰港龍航空商務客艙 不適用 只供乘客本人享用
「寰宇一家」成員航空公司商務客艙 不適用 只供乘客本人享用

 

國泰會員

離境頭等貴賓室 離境商務貴賓室
鑽石卡會員 乘客 + 兩位同行賓客

只限於乘搭國泰航空、國泰港龍航空、 「寰宇一家」航空公司或代號共享**航班離境的會員旅客
乘客 + 兩位同行賓客

只限於乘搭國泰航空、 「寰宇一家」航空公司或代號共享**航班離境的會員旅客
金卡會員 不適用 乘客 + 一位同行賓客

只限於乘搭國泰航空、 「寰宇一家」航空公司或代號共享**航班離境的會員旅客
銀卡會員 不適用 只供乘客本人享用

只限於乘搭國泰航空 或 代號共享航班離境的會員

 

「寰宇一家」飛行常客計劃會員

離境頭等貴賓室 離境商務貴賓室
綠寶石會員 乘客 + 一位同行賓客

只限於搭乘國泰航空 或 「寰宇一家」航空公司**航班離境的會員旅客
乘客 + 一位同行賓客

只限於搭乘國泰航空 或 「寰宇一家」航空公司**航班離境的會員旅客
藍寶石會員 不適用 乘客 + 一位同行賓客

只限於搭乘國泰航空 或 「寰宇一家」航空公司**航班離境的會員旅客

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

發佈留言

暱稱和郵箱必需填寫,您的郵箱只有管理員可見。