德國漢莎航空、瑞士航空、奧地利航空已經正式成為亞洲萬里通合作夥伴！可以換埋佢地啦！

話說德國漢莎航空、瑞士航空、奧地利航空已經正式成為亞洲萬里通合作夥伴，代表住大家可以用Asia Miles換到以下的航班或坐以下航班個陣，可以儲到Asia Miles：

德國漢莎航空：法蘭克福<->柏林、布魯塞爾、布達佩斯、德累斯頓、漢諾威、漢堡、慕尼黑、紐倫堡、奧斯陸及斯圖加特

瑞士航空：蘇黎世<->柏林、布魯塞爾、佛羅倫斯、日內瓦、漢堡、斯圖加特及威尼斯

奧地利航空：維也納<->法蘭克福、蘇黎世及杜塞爾多夫

即係話宜家換去歐洲，唔再淨係可以坐國泰去到歐洲轉BA/Iberia/AB/Finnair等內陸機，宜家仲可以坐埋上述3間airline。而法蘭克福、蘇黎世及杜塞爾多夫國泰都有直航去，將維也納夾喺中間的話，就可以一條routing 去晒4個地方啦！

 

但由於淨係換到由法蘭克福、蘇黎世同維也納出發去其他地方既內陸機，再加上亞洲萬里通獎賞換領規則淨係限最多2間航空公司，仲要一間係包埋國泰/港龍，即係話咁換的話，你一係就走回頭路喺返法蘭克福或蘇黎世走，一係就openjaw佐佢喺其他地方走。例如你可以咁玩：

香港->法蘭克福 (Stopover，國泰)
法蘭克福->維也納 (Stopover，奧地利航空)
維也納->杜塞爾多夫 (Openjaw，奧地利航空)
法蘭克福/倫敦/羅馬/米蘭/曼徹斯特/巴黎/蘇黎世/巴塞羅那/阿姆斯特丹->香港 (國泰)

坦白講，雖然多佐3間Airline加入，但始終唔係oneworld航空公司既關係，喺砌條routing上其實仲係好難砌，因為淨係可以國泰搭多另外一間airline。所以今次既加入，只係對於目標base喺維也納既fans會比較有用，因為始終法蘭克福、蘇黎世及杜塞爾多夫國泰都有直航去，搵維也納夾喺中間的話，就會好易砌到條靚routing啦！

 

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook，仲要撳埋"see first"， 咁先會第一時間睇到我出既最新優惠！

同埋梗係要follow 埋我Instagram，睇我啲靚相同IG Story啦！