星宇航空呢間「精品航空」，如果大家有留意，佢就係由前長榮董事長K董，俾大房趕咗出黎後，自己成立既一間airline！佢最傳奇既地方就係，一個董事長兼創辦人，係同時有埋機師牌呢下真係威！之前東京成田單野佢更加係特登飛去東京成田同大家道歉！仲親自執返隻A350返台灣！呢個董事長既誠意同行動力，真係令我真係佩服同敬佩！
呀！講返星宇航空先！因為一直都超級想試佢隻A350既關係，但佢飛LA長線呢啲地方又太貴，所以我之前就搵次由台北飛返澳門！Business其實都只係$3,000港紙，個人覺得其實都幾抵坐架！
先講下佢喺台北機場個lounge先！一共有兩個，一個位於一航，另一個位於二航！
官網詳情： https://www.starlux-airlines.com/zh-TW/check-in-fly/travel-information/galactic-lounge
星宇航空第一航廈貴賓室
位置、使用資格及詳情資料
- 位置：台北桃園機場T1 (國泰航空貴賓室旁)
- 使用資格：
- 星宇航空頭等/商務艙乘客
- COSMILE Insighter (及同行兩位乘客)、Explorer (及同行一位乘客) 會員
- 營業時間：每日05:00-23:30
星宇航空貴賓室進入資格
- 乘坐星宇航空商務艙或頭等艙
- 星宇航空EXPLORER 或 INSIGHTER 會員
環境
第一航廈個lounge 真係我諗我搭飛機咁耐見過既Airline lounge最細既一間！Plaza Premium都大佢勁多！勁多星粉都唔太滿意個lounge！佢細到既程度係你用iPhone開廣角2張相就可以影完！仲要裡面無廁所，你急尿同急屎都要出去出面去真係差咗少少-.-‘
拿！但雖然個lounge係細到咁，但我自己又覺得啲野食都OK！佢早餐同其他時間都有唔同menu！主要有3樣野俾你嗌，包括阜杭豆漿、擔擔麵、日式拉麵等～而野飲方面都唔係啲hea既汽水就算，有好多支茶式冷泡茶俾你拎走黎飲@@ 超級好喝的說><
自助餐區其實我自己又覺得都唔少野食！包括珍珠丸子、咖沙海鮮湯、蕃茄雞肉意大利麵、咖喱魚蛋、魚同洋某佐超司醬！
另外甜品雪糕都有4種味 (我唔係好識呢個牌子同埋我戒緊口所以無食，但大家都話呢隻幾好食的)，仲有玉子燒乳酪蛋糕同蘭姆酒焦糖布丁！同埋蜷尾家雪糕又係必食！
所以雖然呢個lounge真係我人生中見過最新既lounge，但我覺得喺食物方面其實真係有心去做，同埋職員都好主動問你想要啲乜野！聽聞星宇航空點解起到咁細，除咗係無位俾到佢之外，係話想第時T3開好後，就集中資源喺T3個邊起間大既，所以宜家呢個先用住先，故此可能呢幾年大家坐星宇航空就會將就下了！
STARLUX Airlines Lounge 食物區域
STARLUX Airlines 貴賓室 飲品
STARLUX Airlines 貴賓室 甜品
單點餐牌
星宇航空貴賓室 第二航廈貴賓室
位置、使用資格及詳情資料
- 位置：台北桃園機場T2三樓出境層D7登機門旁
- 使用資格：
- 星宇航空頭等/商務艙乘客
- COSMILE Insighter (及同行兩位乘客)、Explorer (及同行一位乘客) 會員
- 營業時間：每日05:00-23:30
星宇航空喺2024年2月喺台北機場T2加設多咗一個貴賓室，並將宿霧、峴港、洛杉磯、舊金山、新加坡、曼谷、清邁統一改於桃園機場T2提供服務！
全新嘅Galactic Lounge設有兩層，室內空間總佔地220坪，入口位於三樓出境層D7登機門旁，同T1現有的貴賓室對比，除咗大好多之外，T2貴賓室更加入頭等艙區域。
星宇航空再度攜手「本事設計」，以時空列車的穿越之旅為概念，串連起旅客與飛行之間的旅程，頭等艙延續舒適如家的飛行體驗，共17席專屬空間座席，包含吧台、沙發區，整體設計以沈穩的勃根地紅色調，搭配實木及金屬材質展現出沈穩風範。商務艙空間則以莫蘭迪色系為主調，採用大量線條與弧形設計展現出開闊舒適的氛圍，116席座位分別設置寬敞沙發區及開放式座位區，貴賓室全區皆提供置物櫃、淋浴間、男女洗手間，同時提供免費 Wi-Fi 無線上網服務及充電插座。
食物方面熱盤、沙拉、cut cake、酒、應有盡有！三起司熱狗超值得一試！還有剥皮辣椒雞湯！飲料櫃特別推介要喝冷泡茶！以QR Code給你點餐！四神湯超級好喝！擔擔麵都好吃！兩款burger 都好juicy！最後不要忘記一定要吃蜷尾家雪糕！有三款口味給你選！我就最喜歡這個貴妃烏龍味啊！
浴室洗手液是用Jo Malone，沐浴露是用泰國的Thann！
😀 😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
