【星宇航空桃園機場貴賓室初體驗】有阜杭豆漿、冷泡茶、擔擔麵、日式拉麵等～

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,000獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

啱先東京成田星宇航空單野，搞到有一堆乘客要喺東京成田機場過夜-_-‘ 雖然有一半係天氣問題，但其實都係星宇航空有少少人為決策上既問題，結果賭錯咗，所以變咗就要乘客埋單 🙁 本身我自己就好鍾意呢個airline，所以都希望星宇航空能夠吸取今次經驗，未來做得更好啊！

星宇航空呢間「精品航空」，如果大家有留意，佢就係由前長榮董事長K董，俾大房趕咗出黎後，自己成立既一間airline！佢最傳奇既地方就係，一個董事長兼創辦人，係同時有埋機師牌呢下真係威！啱先東京成田單野佢更加係特登飛去東京成田同大家道歉！仲親自執返隻A350返台灣！呢個董事長既誠意同行動力，真係令我真係佩服同敬佩！

呀！講返星宇航空先！因為一直都超級想試佢隻A350既關係，但佢飛LA長線呢啲地方又太貴，所以我就搵次由台北飛返澳門！Business其實都只係$3,000港紙，個人覺得其實都幾抵坐架！

先講下佢喺台北機場個lounge先！拿！講明，佢個lounge 真係我諗我搭飛機咁耐見過既Airline lounge最細既一間！真係Plaza Premium都大佢勁多！真係勁多星粉都唔太滿意個lounge！佢細到既程度係你用iPhone開廣角2張相就可以影完！仲要裡面無廁所，你急尿同急屎都要出去出面去真係差咗少少-.-‘

拿！但雖然個lounge係細到咁，但我自己又覺得啲野食都OK！佢早餐同其他時間都有唔同menu！主要有3樣野俾你嗌，包括阜杭豆漿、擔擔麵、日式拉麵等～而野飲方面都唔係啲hea既汽水就算，有好多支茶式冷泡茶俾你拎走黎飲@@ 超級好喝的說><

自助餐區其實我自己又覺得都唔少野食！包括珍珠丸子、咖沙海鮮湯、蕃茄雞肉意大利麵、咖喱魚蛋、魚同洋某佐超司醬！

另外甜品雪糕都有4種味 (我唔係好識呢個牌子同埋我戒緊口所以無食，但大家都話呢隻幾好食的)，仲有玉子燒乳酪蛋糕同蘭姆酒焦糖布丁！

所以雖然呢個lounge真係我人生中見過最新既lounge，但我覺得喺食物方面其實真係有心去做，同埋職員都好主動問你想要啲乜野！聽聞星宇航空點解起到咁細，除咗係無位俾到佢之外，係話想第時T3開好後，就集中資源喺T3個邊起間大既，所以宜家呢個先用住先，故此可能呢幾年大家坐星宇航空就會將就下了！

今次講住間lounge先！佢個貴賓室的確唔係好正！但真係你坐過星宇航空後，你就真心會feel到呢間「精品航空」係幾有心做同有幾正！尤其係服務方面@__@ 熟我既人普偏都知道我都好少comment人地服務，因為我都好少要求啲乜野@@ 但星宇staff既主動性同服務真係令我超級impressive！係短短既一個小時都好似係坐咗一程長途機咁！個份熱誠你係真心feel到的！但始終星宇都係叫做初成立，無論係地勤check in定係危機處理方面，真係仲有好大進步空間，希望呢間咁有心做既airline要繼續進步啊！K董加油啊！

我會盡快整理好返啲飛機相再同大家share啊！我仲好掛住星宇啲cocktail呀 >< 飲到我都唔記得自己要減肥了！喊出黎！哈哈！

官網詳情： https://www.starlux-airlines.com/zh-TW/check-in-fly/travel-information/galactic-lounge