【台北機場Oriental Club Lounge貴賓室Review】有牛肉麵、滷肉飯！可能係台北機場暫時最好既免費貴賓室！

之前同過大家分享台北桃園機場係幾咁恐怖-.- 其實只要你有Priority Pass，台北機場仲有另一間叫Oritental Club Lounge 大家都可以入架！不過就喺Terminal 2好鬼遠！真心好鬼遠！我自問身型輕巧，行路都幾快，就咁行過去都差唔多20分鐘，來回就即係差唔多半個鐘-.-” 真係建議大家如果本身係喺Terminal 1上機既，真係時間好多好多好多先好去！又或者。。。你想行埋T2間Hermes你就去啦！哈哈哈哈！

Oriental Club Lounge除咗個size正常啲，唔可以一眼睇得晒外，野食都多好多！起碼熱食都有5種俾你揀！包括牛肉麵、滷肉飯、燙青菜、麻油麵線、養生蔬食麵！

然後自助餐區對我黎講都好吸引！除咗有泡菜鍋外，仲有炸花枝丸、奶油白菜、蒸魚、烘蛋，粟米、蒸包等等！同埋有每日例湯架！不過我去個日係蘿白牛肉湯-.-” 好似我嬷煮啲地獄料理lol

如果要話呢個lounge有咩唔好，我就覺得係酒水唔夠吧！其他野黎講喺台北真係好好了！

各大機場貴賓室免費進入方法

台北機場Oriental Club Lounge 詳情

• 營業時間：每日 05:00 – 23:00
• 地點：台北桃園國際機場, 第 2 航站樓，空側 – 國際離境大堂。4 樓，離境大堂
• 相關規定：最多可逗留 3 小時 – 2 歲以下兒童可免費進入 – 提供免費健身室和按摩椅 – 提供自助餐服務，直至 22:30 – 任何時候均需穿著整齊便服。
• 其他資訊：會議設施須另外收費。

位置喺Terminal 2，即係基本上坐長榮先會去到～但你都可以喺T1行過去既，但真心好遠。。。

台北機場Oriental Club Lounge 環境

環都幾大～分幾個area咁～設拖：

• 殘疾人士設施
• 電視播放
• 電腦上網
• 禁止吸煙
• 飲料與小吃
• 空調設備
• 淋浴設施
• 酒精
• 報紙/雜誌
• 航班資料顯示屏
• 會議設施
• 接受電子卡
• 傳真服務
• Wi-Fi 無線上網

Oriental Club Lounge 自助餐區

台北貴賓室 Oriental Club Lounge 即製熱食區

即製熱食區係最吸引！有牛肉麵、滷肉飯、燙青菜、麻油麵線、養生蔬食麵！

最多人嗌都係牛肉麵同滷肉飯！而且佢仲有辣醬俾你落落去架！