【阿聯酋航空 Emirates A380 頭等艙 First Class】空中浴室初體驗！飛機上面都有得沖涼！DOM香檳！仲有空中酒吧！

宜家都好少航空公司有頭等艙坐，之前就坐過阿聯酋航空 Emirates A380 頭等艙 First Class (宜家可以用HSBC EveryMile去儲Emirates里數黎換！迎新有36,000里！快手申請！)

🔥 小斯申請連結： https://grp.hsbc/JOFFFMP (記得一定要用小斯呢條指定連結申請呀)

👉 登記額外高達$600「獎賞錢」： https://grp.hsbc/JOFFFMR
(一定要喺6月21日至7月5日經小斯申請連結申請，再喺指定網址用小斯優惠碼「SIUC1800」或「SIUC1600」登記埋先有額外獎賞)

❤️ 優惠詳情： flyformiles.hk/62471

佢最癲既地方就係，喺唔知幾多萬呎高空上面，你都係可以有熱水沖涼！而且機上面仲有一個空中酒吧！俾你狂飲酒！當年我坐係2018年，所以咁啱係世界盃，你仲要係可以喺機上面睇世界盃，一堆人喺個空中酒吧到一齊睇波係真係幾癲！同埋佢香檳係用DOM，當時我都唔記得飲咗幾多杯了haha

另外之前大家可能都有睇過有內地人喺小紅書分享，佢坐Emirates既first class，就差唔多拎咗成個位既野走lol 其實就因為Emirates呢個頭等艙，本身個位真係已經擺咗好多野喺到，包括有一大個麻皮袋，裡面有一裡睡衣同一個大既Bvlgari過夜包，仲有一盒仔Byredo既護膚品，跟住你個位係有一大堆汽水、Sparkling water、一大堆零食，同埋有本簿仔，再加埋Voya既沖涼同洗頭水，其實真係for你拎走既！不過咁多野果個女仔一個人都拎得走晒真心好勁！哈哈

而飛機餐方面，當然係Din On Demand 同A La Carte咁！即係你想叫乜就叫乜！不過中東既airline就當然無得同日本個啲比，所以味道我都唔會期望咁多 (你知ANA個啲唔知點解喺飛機上面都可以整到啲牛勁好味架嘛)！不過魚子醬呀個啲都會有既！但我睇返啲相都無乜印象自己食過乜，同行友人更加唔記得-.-” 不過我記得就唔難食既！下次先再分享間我真心覺得啲野難食既頭等艙hahah 總之無期望就無失望！

最後，如果你話硬件上來說，Emirates呢隻A380 First Class雖然都用咗好多年，但佢用上金碧輝煌既顏色令到個位好似keep到好新咁！但始終佢1-2-1咁排，我又唔覺得個位特別大特別坐得舒服！反而我都係覺得Qatar Qsuite 雙人床正好多！有得沖涼都係啲gimmick野黎！你睇佢新個隻777頭等都無咗沖涼就知其實都唔多人沖 (得個5分鐘其實真係男仔都係岩岩好)，所以都係佢個空中酒吧最正！鍾意飲酒既，emirates頭等真係超級唔錯！

*當時啲相影到好黑，唔好意思  ><

Emirates A380 頭等艙 接送服務

如果你係坐Emirates A380，佢係會由接送服務啊！即係你喺香港出發，就會有專車由你屋企車你去機場！

到咗杜拜後又會有車車你去酒店～

阿聯酋航空 Emirates A380 頭等艙 First Class 位置

阿聯酋航空A380 頭等艙 Menu

話明係First Class，當然係以「Dine On Demand」形式去serve，即係成份menu就喺到，你想幾時食，食啲乜，要幾多份Appetisers，要幾多份Main都得！而且最勁梗係個Drink Menu！係有「香檳王」(Dom Perignon)啊！不過野食方便呢！我只能說中東airline就算係頭等你都唔好有咁大期望！但酒水一定夠餵飽你！

阿聯酋航空頭等艙 飛機餐

阿聯酋航空A380 頭等艙 機上浴室

會有5分鐘熱水俾大家沖涼～～會倒數，用晒就無！哈！但你可以停水再開水咁，善用呢5分鐘！同埋有風筒都好勁！

Emirates A380機上wifi

會有unlimited wifi俾大家用返～

Emirates A380 頭等艙 機上酒吧

機上有一個酒吧，仲可以喺上面睇世界盃！哈哈！你就咁order 酒就會有得飲，基本上乜都有，哈！

阿聯酋航空A380 頭等艙 Amenity (睡衣、過夜包、護膚用品、耳機)

Emirates既頭等艙係會俾一大袋野你！好似買完衫咁，一大個袋裡面有晒睡衣、過夜包、護膚用品等等！

我上次坐既過夜包係Bvlgari既～～