ANA全日空航空 - 海龜機頭等艙體驗夏威夷檀香山

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,500獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

ANA全日空航空 – 海龜機頭等艙體驗

A380！海龜機！ANA！呢三樣加埋嘅組合，相信航空迷一定心心眼！2019年個陣我喺夏威夷檀香山坐咗ANA A380隻海龜機返東京嘅首航！仲要俾我換到一張Business Class同一張First Class，真係超癲！不過我懶一直未同大家share到。。。隔咗4年我終於的起心肝了…

「FLYING HONU」ANA海龜機有3種唔同既海龜彩繪，ANA就同呢3架海龜彩繪機各自改咗個勁具夏威夷意義既名：

ANA藍 (夏威夷的天空)：Lani
翡翠綠 (夏威夷的海洋)：Kai
夕陽橙 (夏威夷的夕陽)：Lā

而我今次坐嘅就係藍色嘅ANA藍！

A380機型頭等艙

ANA全日空嘅A380機型頭等艙，一樣同舊款頭等艙一樣以1-2-1設計，雖然無咗個種locker式好似office咁嘅設計，但新款都係以深色做底色，所以都仲係好有種office位嘅感覺@@ 但好似嘅地方就係有到門可以閂埋！而且空間感非常大！個mon亦好闊好清！ANA隻777 The Room其實都係一樣咁嘅設計，所以坐落係幾舒服的！

個位無論係左右兩邊都有好多存物空間！仲有一個獨有嘅梳妝櫃仔，一打開有塊大大塊鏡，啱啱大家用嚟補妝！而ANA隻777 The Room都有呢個設計！腳底亦有位置放個細喼！所以係空間感係絕對夠！然後亦有鋪床的服務！唯一缺點係當時我坐嘅時候，佢張床墊係幾薄嘅！唔知宜家有無改到！因為ANA隻777 The Room張床墊都幾厚幾有承托力，我估相信宜家會改咗了！

A380機型廁所

A380廁所當然非常大！而日式航空公司嘅廁所亦都有自動洗pat pat 功能！ANA隻777 The Room一樣有！不過喺飛機到我就唔太怪用@__@

過夜包

我當時拎嘅過夜包係一個Samsonite喼仔型黎！裡面有The Ginza嘅一堆個人護理用品！睡衣亦係ANA自家品牌！

餐飲

有多到不得了嘅酒！但我唔太識酒，就淨係飲咗KRUG，朋友就叫咗支純米大吟釀田酒！跟住我地叫咗一份洋食 (西餐) 同一份和食 (日式餐)！特別係洋食嘅野食係由四季酒店 (Four Seasons) 所提供！

無論係點洋食定和食，都會先上一個魚子醬俾你！

先講和食
- 會有一堆雜崩冷嘅和食，其實成堆我都唔太知係乜嚟，不過一直都覺得唔知點解上機食啲凍冰冰嘅野就好唔舒服！
- 然後會來一碗日式嘅魚湯俾你，飲完熱辣辣好舒服！
- 跟住再有一碟魚生！呢個幾新鮮幾正！
- 到咗個main了，會同一堆煮物、小鉢同燒三文魚一齊上！再配個日本米白飯同Miso Soup！幾正！
- 最後甜品係一個寒天果凍！
洋食方面，
- 會先來一個沙律
- 再來一個西湯
- 主菜嗌咗個龍蝦
- 最後甜品係一個芒果布甸！

你問我嗌和定洋好，我就覺得嗌洋好啲！尤其係要叫牛！因為ANA無論我係坐佢普通business定係The Room Business都好，佢個牛都整得離奇地出色！講返個和食先，你話唔好食又唔得，不過覺得頭等食呢啲又好似無乜驚豔嘅感覺！因為佢又未去到懷石料理個level！反而洋食個感覺高級好多！信我！揀洋食！

跟住就到輕食，呢個都係重點嚟！因為係有「一風堂」拉麵同魚生飯！另外仲有日式咖啡飯，但我就無叫了！喺飛機到食到魚生飯堅開心！哈哈！

紀念品

坐呢班機仲有一樣要做嘅野，就係要買紀念品！因為有啲海龜紀念品係淨係坐呢班機先可以買！當時我坐首航時，隻藍龜係個個人必搶必買的！宜家當然就好易買到啦！我都儲齊晒一set 藍綠橙龜了！我覺得堅係靚！哈！

點儲ANA里數？

換ANA最直接就係用返ANA miles去換啦！時間都可以任改架！所以係勁正啊！直接用返大新ANA World萬事達卡儲ANA miles就得啦！同埋8月9日至8月19日或之前經小斯申請，並於2024年9月30日或之前獲成功批核及於發卡日起首2個月內成功簽賬任何金額1次，可獲加碼HK$500超市禮券或Apple Gift Card flyformiles.hk/176 超抵呀！