fbpx

賺盡30000里! – 七月瘋狂SHOPPING賞花之旅(日本篇)

😍 經小斯申請信用卡/戶口/稅貸有額外積分/禮券/現金呀:flyformiles.hk/20634

😀 😀 :清理卡數債務最忌係拖❗ 即刻介紹個專家比你 幫你債務清零仲要還得聰明❗🤩經小斯申請送高達$31,000獎賞❗: flyformiles.hk/60581

😆 記得要follow埋我Instagram睇我啲靚旅行相呀!

😳 唔想錯過任何優惠或消息,記得要訂閱我既電子報呀!一有消息就會email通知你呀!(按我登記訂閱)

七月就到了!大家會諗起D咩? 就係大減價啦!如果大家現時有三萬里既話,不妨可以諗下換去日本(雖然宜家先換可能有少少遲,大家要知道香港人有幾愛日本先得架^V^),不過小斯我前幾日都仲出到票,相信肯就下日子就會有位既J

香港HKG–>関西空港KIX
関西空港KIX–>札幌CTS (自費)
函館空港HKD–>東京HND
東京HND–>香港HKG

首先換去関西到玩幾日,関西值得玩既包括:
大阪(環球影城、大阪城等等),其實小斯覺得大阪幾悶,哈哈!

日本環球影城
USJ

京都(清水寺、金閣寺、銀閣寺、嵯峨野等等),小斯覺得京都好值得玩,係清水寺記得要借和服靚,配合埋充滿日式既寺院拍攝,簡正一流!之後金閣寺仍好GRAND,嵯峨野既小火車仍非常正!

和服初體驗之清水寺

神戸既有馬溫泉,超級有名既金湯銀湯溫泉,絕對要試一下,小斯上年五月既時候就去過一間叫兆楽既溫泉旅館,非常正!只需大約13000日元左右,就可以享受露天溫泉,而且仲有正宗既懷石料理,有和牛同河豚食,一泊兩食,完全係五星級既享受:P

銀湯

和牛!!!小斯見到個下真係嗌佐出黎!

奈良一日遊,奈良大約半日至一日就可以,因為主要係去奈良公園到玩鹿,同俾佢地追住黎咬,哈哈!!!

奈良D鹿為食到連我支雪條都唔放過!!哈哈!

然後夜晚去神戸港睇夜景。

 

関西大約已經可以玩成一個星期。

 

然後去札幌。

 

北海道夏天推介既地方包括:

札幌(食食食食食同食!小斯特別推介一間日本食蟹好出名既餐廳,叫かに本家,即係大家成日見到好大隻蟹係到個間,真係好新鮮好好味!然後北海道既玉米仍好出名!牛乳,サッポロビール(札幌啤酒),哈密瓜,ROYCE仍好出名!)

 

富良野同美瑛(主要梗係要去睇太陽花同薰衣草啦!)

花田<3<3

OLYMPUS DIGITAL CAMERA

 

 

 

 

 

 

個太陽花仲大過我個頭呀!

OLYMPUS DIGITAL CAMERA

 

 

 

 

 

 

登別(溫泉同地獄谷,地獄谷幾有趣,但登別溫泉我覺得同神戸既就冇得比啦,哈哈!)

函館夜景等等

北海道呢到大約又可以玩返5-6日左右。

 

然後最後再搭返JAL落返東京,落東京做乜?梗係掃貨啦!七月大減價,仲要宜家YEN 78折喳喎! 名牌子既野小斯就買唔起就介紹唔到俾大家啦,我就最鍾意食日本零食

既,所以就同大家介紹一間賣零食超大,超齊既鋪頭。係上野個條街,一路正行,見到BIG CAMERA之後轉右再一直行,就會見到一間超大間既二木の菓子,小斯每次去日本都會買返1-2萬YEN零食返香港,因為實在太平太抵啦,759都鬥佢唔過,哈哈!!

IMG_8749

 

 

 

 

 

 

咁樣玩一玩,張機票加埋先大約一千蚊,宜家一張大阪來回既PEACH,未加行李都要成3千港紙啦!咁樣換機票法真係摼佐好多!又可以玩多個袋啦大家!哈哈

小提示:

1. ASIAMILES因為太多人換既關係,建議大家準備好晒幾個日期先去打去換機票,因為個HOTLINE真係好FULL,大家係MARCO POLO CLUB會好少少,會快D!不過小斯都試過等成一個鐘先有人聽,真係人都癲!建議大家可以禁英文或者普通話CHANNEL,會快少少有人聽。

2. 其實我地仲有兩次轉機既機會未用, 如果大家換唔到東京返香港既飛機, 其實可以先O係関西自費去佐東京玩先, 然後先換去北海道既飛機, 最後由北海道去中部機場轉機返香港, 因為中部機場相對上比較少人換, 會容易D搶到返香港既機票:)

實不相暪,小斯係一個日本迷,每年去日本去到好似返鄉下咁,希望今次呢篇攻略夠詳細,如果大家仲有D咩想問既或者想報料既,歡迎大家留COMMENT啊:)

😀 😀 😀 😀 😀 😀 我是一條分隔線 😀 😀 😀 😀 😀 😀

記得同時要like埋我 facebook,仲要撳埋"see first", 咁先會第一時間睇到我出既最新優惠!

同埋梗係要follow 埋我Instagram,睇我啲靚相同IG Story啦!

48 comments

Skip to comment form

    • KY Cheung on 20 4 月, 2018 at 5:30 下午
    • 回覆

    小斯,

    您好啊~

    請問一下…
    兌換國泰的機票,機位是電腦排序的或是依據金、銀、綠卡的優先呢~

    謝謝!

    1. 不是
      無關係

    • EMY on 20 6 月, 2017 at 12:55 下午
    • 回覆

    請問小斯,

    如同日經 CTS-HND(JAL) 轉機去 HKG(CX) 行理方面是否內陸拎完,再去寄國際線.

    如坐CX 549 HND16:25 HKG 20:00, 那 CTS-HND 大約坐幾點機,還想在羽田免稅店逛一下,

    最後如用AM換:
    回程時 : CTS直航HKG 773機型 5萬里 business 是否不值.
    經CTS-HND(JAL) 轉機去 HKG 坐77W business 比較舒適?

    謝謝

    1. 坐唔到了
      最晏個班9點鐘
      你又要入境
      唔夠時間

    • sammy on 30 11 月, 2015 at 5:36 下午
    • 回覆

    謝謝小斯

    • sammy on 28 11 月, 2015 at 1:42 下午
    • 回覆

    或者改為關西回香港,因有機場PP卡可以用,這樣可以嗎?
    24/04/2016
    CTS-KIX JA
    KIX-HKG CX

    1. 唔得

    • sammy on 28 11 月, 2015 at 1:19 下午
    • 回覆

    小斯您好,我是您的忠實Fans,有以下問題,請賜教 :

    1)本人想出年4月睇櫻花,請問以下行程可以嗎?
    2)是否asiamiles 30000分便可?
    3)足夠時間出票嗎?
    4)是否還有一個 (stopover)可在東京停留?

    11/04/2016
    HKG – HND (transit)
    HND – KOJ (Openjaw)

    18/04/2016
    FUK – CTS (stopover)

    24/04/2016
    CTS-HND (transit)
    HND-HKG

    1. 1. 唔得,太遠,同埋4月中無櫻花啦
      2. 唔得,要45000里
      3. 唔知,你要自己check下
      4. 可以,不過唔係30000里,要45000里

    • Dorthan on 29 7 月, 2015 at 1:28 下午
    • 回覆

    你好, 想請教一下如果8月份想去富良野加青森,秋田,仙台祭典,可以點安排?

    1. 中間坐內陸機,係札幌同東京到轉
      https://flyformiles.hk/3256

    • Hannah Yau on 21 6 月, 2015 at 4:49 下午
    • 回覆

    Hello! 我想問下大阪會唔會有好似秋葉原咁既地方?因為我地想去環球影城但又想去秋葉原 如果5日去東京加大阪會唔會太趕?

    1. 唔覺有

    • Haruka on 9 6 月, 2015 at 9:26 上午
    • 回覆

    小斯,請問札幌,函館,東京,沖繩,3萬里+自費一程可能嗎?好似冇航班?thanks!

    1. 已答

    • Anthony on 24 12 月, 2014 at 1:17 上午
    • 回覆

    我想問如果換東京羽田入成田走又怎樣計?

    1. 當stopover

    • FFY on 20 9 月, 2014 at 5:05 下午
    • 回覆

    小斯,, 我想問如果我係多數去日本/台灣/韓國既話,, 我應該申請邊張卡會容易D儲倒里數換倒機票呢??
    因為我睇完你既文都決定唔倒申請邊張會好D,,, BA好似岩短途而且又唔會咁快過期,,, ANA又好似易D儲…….
    我ANNUAL唔多都應該比較少機會可以一次過玩2個禮拜,,,
    你可唔可以比D建議我呀??
    我自己本身就有張DBS 既於儲ASIAN MILES for 長途… 大新果個繳費唔比儲MILES係有冇指定咩類型既繳費??? 我想用黎交下保險=..=

    唔該你呀!!!!!!!!!

    1. BA好似岩短途而且又唔會咁快過期,,, ANA又好似易D儲…….
      我ANNUAL唔多都應該比較少機會可以一次過玩2個禮拜,,,
      –>BA D分係唔會過期架 因為只要你36個月內郁過個戶口就OK架啦
      –>至於ANA, 因為佢17000里就可以換到日本來回機票, 而且又有5000里迎新, 所以建議可以淨係食佐佢個迎新之後再簽到換到一張機票為止

      大新果個繳費唔比儲MILES係有冇指定咩類型既繳費???
      –>大新繳乜費都冇分儲架

    • yee on 31 8 月, 2014 at 1:16 上午
    • 回覆

    如果想去北海道+東京+另一日本南部城市(如沖繩,鹿兒島), 但不想去關西, 小斯有無好提議?

    1. 沖繩同鹿兒島都好正既 hahaha
      成個九州都好玩架
      sor 我答得好廢-_-

    • ppl on 7 5 月, 2014 at 10:49 下午
    • 回覆

    計劃8月尾 (共10-11天) 去 大阪 北海道 東京,跟你行程的話

    香港–>関西 (停留)
    関西–>札幌 (停留)
    **函館空港HKD–>東京HND (此程是否只可到HND??)
    **東京HND–>香港HKG (呢程可否由NRT–>HKG??)

    同埋成個行程10-11天夠嗎

    1. **函館空港HKD–>東京HND (此程是否只可到HND??) 係
      **東京HND–>香港HKG (呢程可否由NRT–>HKG??) 可以

      同埋成個行程10-11天夠嗎 咁樣會好趕 同埋8月尾北海道乜都冇了/_\

    • jesse on 24 4 月, 2014 at 9:53 下午
    • 回覆

    小斯日本旅遊達人請問如果頭尾加埋14天,想玩東京,大阪,名古屋,北海道可以點安排次序先後同逗留日數?

    1. 嘩! 14日想晒東京 大阪 名古屋同北海道
      太貪心了-_-
      次序係大阪名古屋東京北海道
      不如你facebook inbox我我地再傾

        • jesse on 25 4 月, 2014 at 9:46 下午
        • 回覆

        sorry, no facebook but i already asked all frens to like ur facebook.

        if it is too rush. then 東京 大阪 北海道 ok?

        route and number of days spent at each place?

        1. 你咩時候去先?
          不如你email我問啦
          [email protected]

    • Kristy on 5 3 月, 2014 at 2:09 上午
    • 回覆

    小斯,我想5月尾6月頭去東京加大阪,三萬AM幫唔幫到我呀?同埋你可唔可以SUGGEST個ROUTINE俾我呀?THANKS!

    1. 幫到 有凸添
      香港–>関西(停留)
      関西–>東京(停留)
      東京–>香港

      其實佢仲有一個Openjaw未用既,你睇下會唔會話想玩埋北海道或者韓國 唔係可以用埋佢

        • Kristy on 5 3 月, 2014 at 9:51 下午
        • 回覆

        咁関西–>東京搭咩機呀? 定係全部都係搭CX既機呀?

    • yee on 27 10 月, 2013 at 11:15 上午
    • 回覆

    唔好意思,, 其實我一直睇唔明咩叫OPEN JAW 同缺口行程, 我一直以為asiamiles 只可以換同一個地點既來回機票, :PPPP
    有無得解釋一下 XDDD

    1. http://flyformiles.hk/?p=240

    • illy on 2 10 月, 2013 at 10:26 上午
    • 回覆

    您好,
    哈哈..就是因為AM規定繁雜…才有您這種熱心好人挺身而出~~ 歡迎常常來台灣遊玩ㄚ~~~~
    感激您的解說..但死腦筋的我有一些名詞定義尚未搞懂~要再麻煩您開示一下…

    AM規定:航班除可於”目的地停留”外,均可在起點、轉機點或回程點作兩次中途停留、兩次轉機(在該點逗留不超過24小時為轉機)及一次缺口行程(Open Jaw)。
    如果以您的舉例:
    台北–>関西(缺口行程)
    名古屋–>札幌 (停留)
    札幌–>東京(停留)
    東京–>台北
    Q1:目的地是指的是札幌or東京??? 起點和回程點是指台北嗎??

    Q2:是否尚未使用到2個轉機點?? 亦或是關西也算是轉機點??

    Q3:如果改成下面是否可行?? (應該是沒有人會這樣多此一舉安排…我只想知道轉機的定義?)
    台北–>香港(轉機24H)–>関西(缺口行程)
    名古屋–>札幌 (停留)
    札幌–>東京(停留)
    東京–>香港(轉機24H)–>台北

    祝好~謝謝ㄚ

    1. Q1: 對啊
      Q2: 對! 還未用, 関西是缺口行程, 不算是轉機點
      Q3: 理論上是可行, 可是因為中間轉飛了香港, 就轉了一圈一下, 所以計算起來應該會超過3萬里可以換到的行程

      希望我能解答到你的問題^^

    • illy on 2 10 月, 2013 at 12:22 上午
    • 回覆

    小斯大人您好~
    我已默默看你blog已久..只是不好意思發問~~ 羞XD..
    您的解說讓駑鈍的我豁然開朗..終於突破障礙..因為我老是盯著您的圖表上的ABCD..卻不知怎麼辦~~
    所以說..AM最多可以只可停留2地點,若要加玩第3地點..要用OW來排才可?? (可是我不懂為何AM要這樣規定的理由?? 不是化簡為繁嗎? )

    所以如果我用你的舉例倒著排也可行嗎?
    例:台北–>東京 (停留)
    東京–>札幌 (停留)
    札幌–>名古屋(缺口行程)
    關西/福岡–>台北
    可以從北玩到南~~

    另外若是不同國家也可以嗎?
    例:台北–>仁川 (停留)
    仁川–>東京 (缺口行程)
    關西–>香港/上海 (停留)
    香港/上海–>台北
    一次遊中日韓3國嗎?
    以上都是3萬mile可以達成…

    先謝謝您要回答我這些雜七雜八的問題~辛苦了!!!
    下次想再請教您兌換歐洲的部分…不好意思ㄟ~~
    晚安..

    1. 哈哈! 不用害羞啊! 我也經常到台灣的, 我最愛跟台灣人玩的, 嘰嘰=V=

      對啊! AM的規矩就是兩個停留加一個OW, 規矩是有點麻煩, 不過不麻煩就沒有我存在了! 哈哈哈!

      不同國家也是可以的, 只是稅要給多一點, 我幫你計算過以下的行程是可以3萬miles達成的, 不過詳情也要跟客服確實一下!

      台北–>香港(停留,國泰航空)
      香港–>仁川(停留,國泰航空)
      仁川–>関西/名古屋(OW,日本航空)
      東京–>台北(日本航空)

      如果要換上海的話, 就比較困難, 因為到上海大多只有國航和東航, 然後如果要換國航和東航的話, 就不能包括其他航空公司, 所以不換到上海會好一點~

      有問題再問我啊^^

    • illy on 1 10 月, 2013 at 11:06 上午
    • 回覆

    您好,我來自台灣
    想請教關於您提到的:
    香港–>名古屋/関西 (停留)
    名古屋/関西–>札幌 (停留)
    札幌–>名古屋/関西/東京–>香港 (OPEN JAW + 轉機)

    如果我把香港改成台北出發..是否一樣30000哩
    另外,假設 台北–>名古屋 (停留)
    名古屋–>札幌 (停留)
    札幌–>関西>台北
    請問第3段經由關西回台北…那我可以在”關西”停留多玩幾天嗎??還是只能24H轉機?
    謝謝~

    1. 台灣的朋友你好啊!!! 想不到也有台灣的看我的blog, 我感到很榮幸啊-V-

      你的行程一樣是3萬哩的, 然後第三段由關西回台北的話, 是只能轉機, 就是只能待在關西24個小時,

      如果你想停留多一個地方的話, 你就要來一個缺口行程,

      例如:
      台北–>名古屋 (停留)
      名古屋–>札幌 (缺口行程)
      旭川–>東京(停留)
      東京–>台北

      如果是想去関西的話,
      台北–>関西(缺口行程)
      名古屋–>札幌 (停留)
      札幌–>東京(停留)
      東京–>台北
      這樣就可以把関西, 札幌, 東京都玩光光了, hehe

      有問題再問我啊^^

    • Mrs. Ng on 15 7 月, 2013 at 4:14 下午
    • 回覆

    你好! 我計劃緊換日本機票但停台灣一日.

    香港HKG–>名古屋NGO
    名古屋NGO–>福岡FUK
    福岡FUK–>台北TPE
    台北TPE–>香港HKG

    如咁安排, 有無問題? 有冇一程是需要自費?

    謝謝!!

    1. 都冇問題既
      但係台北個程一定要係當做轉機
      即係由你落台北機再上返機返香港既時間要喺24小時內
      所以可能你真係淨係出到去台北食個飯咁架喳

    • qwerty on 20 6 月, 2013 at 1:43 上午
    • 回覆

    如果只去北海道點換最快同方便?

    1. 國泰有直航北海道既機架
      直接上佢個網換就ok

    • IVANA on 8 5 月, 2013 at 5:44 下午
    • 回覆

    如果去東京有咩機好介紹會便d嫁?
    第一次去好迷惘 同埋自由行 🙂

    1. 宜家旺季…. 去東京好貴呀…
      所以不如你試下搶國泰既機票或者考慮一下買PACKAGE去…

      可以參考一下呢個:
      http://flyday.hk/%E6%B0%B8%E5%AE%89%E6%97%85%E9%81%8A-x-flyday-hk-%E5%91%88%E7%8D%BB%EF%BC%81%E6%9A%91%E5%81%87%E6%97%A5%E6%9C%AC%E8%87%AA%E7%94%B1%E8%A1%8C%E5%A5%97%E7%A5%A8%E5%85%A8%E7%B7%9A%E6%B8%9B400%EF%BC%81/

    • Snow fong on 8 5 月, 2013 at 4:08 下午
    • 回覆

    請問而家仲換到7,8去北海道既open jaw 嗎?定係去到東京自費去?

    1. 要睇你日期啊…
      因為7 8月都好FULL…
      但內陸機都仲比較多位…
      你會想去邊到??
      淨係東京同北海道?
      定係淨係北海道? 因為唔同換法
      如果淨係去北海道機會會大D
      因為東京返香港同香港去東京個程一定好FULL
      所以你可以考慮

      香港–>名古屋/関西 (停留)
      名古屋/関西–>札幌 (停留)
      札幌–>名古屋/関西/東京–>香港 (OPEN JAW + 轉機)

      中間個三個轉機點就睇邊到有得轉就去邊到轉機返香港

    • Hello on 7 5 月, 2013 at 1:22 下午
    • 回覆

    請問網上換飛係咪都可以open jaw? 我試過想換北海道,要逐日check好煩,係咪打電話問方便啲呢?謝謝!

    1. 網上換唔可以open jaw啊!
      所以只能打電話

發佈留言

暱稱和郵箱必需填寫,您的郵箱只有管理員可見。