日本航空 Japan Airline JAL 787商務艙Sky Suite Business Class

日本航空 Japan Airline JAL 787商務艙 Business Class Sky Suite 初體驗！我覺得好鬼窄！

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😀 😀 :清理卡數債務最忌係拖❗ 即刻介紹個專家比你幫你債務清零仲要還得聰明❗🤩經小斯申請送高達$31,500獎賞❗： flyformiles.hk/60581

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

日本航空 Japan Airline JAL 787商務艙Sky Suite

【#期望愈大失望愈大既日航】之前日航新出個隻天空套房 Sky Suite (個中文名我作架，勿認真lol) 出佐之後一直都好想試，但試完之後都幾失望，一來份日餐同之前一樣係好望唔好食，二來個位窄到一個點，我好似俾人密室培慾咁-.- 不過服務就當然都唔錯啦～架姨同一個香港空少都有黎同我傾計～但感覺有啲公式化，無國泰咁有人性～可能因為講廣東話啦lol 同埋個seat位真係。。。原來國泰真J真係好好T^T

日本航空 Japan Airline JAL 787商務艙 Business Class JAL SHELL FLAT NEO

東京成田機場JAL日本航空 First Class Lounge

日本航空 Japan Airline JAL 787商務艙Sky Suite座位

佢既business seating係2 2 2咁排，一排6個位，所以其實已經有啲窄。然後最側邊個兩個位，係一前一後咁既，所以拖手會有啲難～跟住窗口果個位就恐怖囉！首先個位超窄，完全無位擺野，淨係可以擺後面，但側邊果個位反而就幾好，除佐前面腳位有多個籃放野之外，側邊仲有個箱咁既位俾你擺野。不過窗口都有窗口既好，基本上係自閉，應該話係被自閉到封住晒你，連空少上餐俾你都要攝入黎俾你，如果鍾意曳曳既，呢個位都岩既！但講明呀！好窄！跟住到訓覺位，係flat bed黎，而且有張床褥俾你擺喺到訓，都幾舒服，但個枕頭真係不得了，林到一個點，訓自己個袋好過lol

個位就係咁，見到都覺得窄

電視個mon都幾大
但我無開過黎用

拖鞋
唔錯
我儲埋好多呢啲拖鞋
希望第時買到樓之後可以用黎招呼朋友～

搞個seat位既高低
同埋有dd按摩功能既

個叉電
不得了
唔係叉電
佢只係可以保存你現有既電力-.-

耳機都係個啲啦

咁樣掛起係幾好睇

個remote

787個隻可以變色既窗

唔係靠窗果個位係會多個位黎擺野

WIFI
如果你係佢既member就可以免費啦

787-9 -。-

天空套房
omg

登登
影到幾靚咁

唔係靠窗果個位連個腳位都有個籃擺野

日本航空 Japan Airline JAL 787商務艙 Business Class Sky Suite 過夜包

都唔錯既！有晒眼罩、mask呀、耳塞、牙刷牙膏、潤唇膏等等，不過噴面個啲就無～算係咁啦！不過硬既過夜包我唔鍾意，大家想要我可以送佐我果個俾大家XD (已送出)

日本航空 Japan Airline JAL 787商務艙Sky Suite 飛機餐

記。住！要。揀。西。餐！除非你想揀餐黎影相啦lol 2年幾前我坐日航個陣，都仲有九宮格餐，宜家得返6格>< 同埋其實你始終喺飛機都係想食返啲熱野，所以日本凍冰冰個啲漬物真係唔係人人岩食。再加上我呢個人唔食飯既，食日餐真係有啲辛苦。但個麵屎湯我好鍾意~~ 我個fd就食西餐，佢個牛真係好正，不過唔知係咪我大食，我偷食埋佢份餐都唔飽hahaha 然後早餐個到，嘩！真係cut cost cut到不得了！所謂既早餐其實係refreshment黎，個烏冬仲要勁硬，好似未煮熟咁-.-” 所以個早餐我都係決定食生果算lol