小斯新制Asia Miles 計算機!仲好用過官網果個!輸入行程即可以計算出所需里數!就連夥伴航空同混艙都計到!

Asia Miles 新制都行佐咁耐,換法又咁多,又要睇距離、艙位、有無partner airline同有無美加航線,雖然知就知點計,但計起上黎頭都大埋,仲有混艙乜乜乜!所以岩岩整佐個calculator俾大家,只要輸你既行程,例如香港去台北經濟艙、台北去東京經濟艙,再東京返香港商務艙,就會即刻幫你計到所需要既里數!就連夥伴航空同混艙都計到架!個人認為仲好用過Asia Miles官方個計算機hahaha

新制Asia Miles基本概念重溫

改制詳解一 (搭飛機儲里數) 改制詳解二 (AM獎勵換算表) 改制詳解三 (Oneworld) 活用新制Asia Miles + Avios 夥伴航空改制 混艙兌換

小斯新制Asia Miles 計算機 用法

呢個計算機主要係用黎計一個單程 或 一套來回機票所需要用既里數!至於「寰宇一家」聯盟成員獎勵機票就唔岩用架啦!

一個單程定義

新制Asia Miles 改以單程作基礎,所謂既來回機票亦只係由2個單程組成。 而一個單程Asia Miles 亦容許作一個停留或一個轉機,同時亦最多容許2個航段。即係話一個單程裡面除佐起點同終點外,中間仲可以有一個轉機點或停留點。 總括黎講,一個單程機票最少要有1個航段,最多有兩個航段;而一套來回機票則最少要有2個航段,亦最多可以有4個航段。故此呢個計算機都set佐喺同一時間上限係計算4個航段既行程啦。

例子

如果要計算: 香港-台北-大阪,東京-首爾-香港 分別輸入4程航段 1. 香港-台北 2. 台北-大阪 3. 東京-首爾 4. 首爾-香港 就可以計算出總共係需要25,000里經濟、特選經濟40,000、商務55,000啦! 但如果你係想分拆3個單程去兌換機票,例如 香港-台北 台北-香港-東京 東京-香港 用呢個計算機就必須要分開3次去search,因為我set佐係最多計算2個單程 (4個航段) 架喳!

計算機限制

1. 航空公司既選擇會含有code share flight,即係聯盟成員航空公司,故此大家要自行判斷究竟個條route 係有乜機,去google search返就得,例如想知香港去東京有乜機飛,喺google打HKG-NRT就見到!我會好努力去update個list架啦! 2. 兌換某啲航空公司會有相對既限制,但係呢個計算機未能反映出黎,包括: – 使用中國國際航空及西班牙國家航空航班時不可以有中途停留或Open-jaw – 西班牙國家航空、S7航空、日本航空、智利國家航空不能兌換單程機票 – S7航空、中國國際航空及印度捷特航空不能與國泰航空一併出機票,要單獨或按「寰宇一家」(One-World)的獎勵計劃出。 3. 計算機所需里數只作參考,有乜錯唔好打我呀hahaha

Asia Miles 計算機

自動計算普通單程、普通來回、夥伴航空及混合艙位
請輸入每個航段的機場編號及選擇航空公司
新增航班後才能使用