DBS信用卡又有新野玩！今次係可以用DBS$兌換酒店積分！包括Accor雅高心悅界忠誠度計劃、Hilton希爾頓榮譽客會、IHG洲際優悅會、Marriott萬豪旅享家、香格里拉會！
不過我計完後發覺都不是話太抵-_-‘ 因為Accor、Hilton 同 Marriott 都可以用其他信用卡儲佢地既分，所以如果你本身簽卡既目的係儲酒店積分，你用返AE Explorer同HSBC EveryMile！
至於IHG我就唔識用！香格里拉會都OK既！起碼啲分好用啲！
同埋宜家至5月31日前都做緊額外高達50%兌換積分優惠！雖然我就覺得用DBS$換酒店分唔太抵，但今次你單筆兌換滿1,000香格里拉會積分或以上，有2張客房升級禮券，咁換1,000黎拎佢2張upgrade券又唔差既我覺得！
DBS信用卡：DBS Live Fresh 信用卡、DBS Eminent Card 、DBS Black World Mastercard 、DBS Compass Visa
DBS信用卡換酒店積分 優惠
推廣期：由2026年4月22日 (上午10時起) 至2026年5月31日
| 額外酒店積分 | |
| Accor雅高心悅界忠誠度計劃 | 額外30%積分 |
| Hilton希爾頓榮譽客會 | 額外30%積分 |
| IHG洲際優悅會 | 額外50%積分 |
| Marriott萬豪旅享家 | 額外30%積分 |
| 香格里拉會 | 額外30%積分 + 單筆兌換滿1,000香格里拉會積分或以上，可享2張客房升級禮券 |
* 每位持卡人每個香格里拉會會員賬戶於整個推廣期內最多可享「獎賞2」一次，即最多可享客房升級禮券兩張。
註：酒店獎勵計劃基本酒店積分及額外酒店積分將於成功批核後即時處理，並分別以兩筆交易一同存入持卡人提供的相應酒店獎勵計劃會員賬戶。
1. 每次兌換須根據相關酒店獎勵計劃積分基本兌換率，以該基本兌換率所對應的DBS$進行兌換，而每次兌換須為該基本兌換率的倍數。
2.名額先到先得，換完即止。若名額已滿，將於本推廣頁面 (go.dbs.com/hk-black-hotel-offer) 公佈。
3. 持卡人須提供與持卡人姓名相同的有效酒店獎勵計劃的會員號碼及會員姓名以進行兌換。
DBS信用卡換酒店積分 比率
| DBS Black World Mastercard | 其他DBS信用卡 | |
| Accor雅高心悅界忠誠度計劃 | DBS$48 = 500分 | DBS$100 = 500分 |
| Hilton希爾頓榮譽客會 | DBS$40 = 1,000分 | DBS$85 = 1,000分 |
| IHG洲際優悅會 | DBS$40 = 1,000分 | DBS$85 = 1,000分 |
| Marriott萬豪旅享家 | DBS$40 = 1,000分 | DBS$85 = 1,000分 |
| 香格里拉會 | DBS$32 = 100分 | DBS$40 = 100分 |
簡化個表後，即係DBS Black World Mastercard係：
| 本地簽賬 (本身$6/里) | 海外簽賬 (本身$4/里) | |
| Accor雅高心悅界忠誠度計劃 | $12/分 | $8/分 |
| Hilton希爾頓榮譽客會 | $5/分 | $3.33/分 |
| IHG洲際優悅會 | $5/分 | $3.33/分 |
| Marriott萬豪旅享家 | $5/分 | $3.33/分 |
| 香格里拉會 | $40/分 | $26.67/分 |
由於Accor同香格里拉可以用積分當錢洗，所以可以理解做以下現金回贈：
- Accor：每2,000雅高積分 = 40歐元 (約HK$360元)，即係每1分價值約$0.18 (如果用本地簽賬計約1.5%回贈)，都係好弱
- 香格里拉會：每1分 = $0.52 (如果用本地簽賬計係1.25%)，都係好弱
另外，由於Accor、Hilton 同 Marriott 都可以用其他信用卡儲佢地既分，所以如果你本身簽卡既目的係儲酒店積分，你都要考慮埋佢地既ratio：
| DBS Black Card | 其他信用卡 | |
| Accor雅高心悅界忠誠度計劃 | $12/分 | HSBC EveryMile做到$5/分，仲有不定期HSBC兌換Accor積分bonus； |
| Hilton希爾頓榮譽客會 | $5/分 | AE Explorer做到 $3/分 |
| Marriott萬豪旅享家 | $5/分 | AE Explorer做到 $3/分 |
所以如果要儲呢3個program，最好都係用返其他卡
DBS信用卡換酒店積分 手續費
- 每次兌換每5個兌換單位（即上述各酒店獎勵計劃之基本兌換率所對應之酒店積分單位，或其部分) 之相關酒店積分，將收取HK$100手續費，每次兌換的手續費不設上限
- 手續費將於持卡人的信用卡賬戶扣除。DBS Black World Mastercard®及DBS Black American Express® Card持卡人可獲豁免有關手續費。
- 所以淨係會拎DBS Black卡黎換
DBS信用卡換酒店積分 兌換方法
- 步驟1：登入DBS Card+ app
- 步驟2：點按「獎賞」 > 「eSHOP」> 「旅遊獎賞」 > 選擇心儀的酒店獎勵計劃推廣
- 步驟3：點按「立即兌換」並結賬
DBS信用卡換酒店積分 常見問題
DBS$可以兌換邊啲酒店積分計劃？
Accor雅高心悅界忠誠度計劃、Hilton希爾頓榮譽客會、IHG洲際優悅會、Marriott萬豪旅享家、香格里拉會
DBS$兌換酒店積分要幾耐先到賬？
即時
DBS$兌換酒店積分要手續費嗎？
每次兌換每5個兌換單位（即上述各酒店獎勵計劃之基本兌換率所對應之酒店積分單位，或其部分) 之相關酒店積分，將收取HK$100手續費，每次兌換的手續費不設上限手續費將於持卡人的信用卡賬戶扣除。DBS Black World Mastercard®及DBS Black American Express® Card持卡人可獲豁免有關手續費。
😀 😀 😀 😀 😀 我是一條分隔線 😀 😀 😀 😀 😀 😀
記得同時要like埋我 facebook，仲要撳埋"see first"， 咁先會第一時間睇到我出既最新優惠！
同埋梗係要follow 埋我Instagram，睇我啲靚相同IG Story啦！
