活用易賞錢Moneyback計劃，令你儲里數更快捷！

百佳可以儲 易賞錢Moneyback 大家就知啦，但唔知大家知唔知道，其實易賞錢Moneyback 都可以儲到里數同有其他功用架呢？如果配合渣打信用卡使用，仲有好多變化玩既添～

易賞錢計劃簡介
只要於香港 / 澳門之百佳超級市場, 便利店, 屈臣氏或豐澤，並於付款時出示「易賞錢」卡，即可賺取積分

賺取積分
香港﹕消費每港幣$5 = 1分
於豐澤及SU-PA-DE-PA之百貨部 每$10消費 = 1分
澳門﹕消費每澳門幣$10 = 1分

注意:初生嬰兒奶粉、香煙、電話咭、任何換購推廣、八達通增值服務、繳付電話費、塑膠購物袋環保徵費及使用禮券將不獲積分獎賞。於SU-PA-DE-PA之百貨部，使用折扣優惠券、修改服裝費用、搬運費用、搬運樓梯費用及安裝費用亦不獲積分獎賞。

用法１：易賞錢換里數
400「易賞錢」積分 = 100里 （即係洗20蚊=1里）
每日最高兌換額： 以40,000 「易賞錢」積分轉換 10,000

用法２：里數換易賞錢再換錢
4,000里= 10,000 「易賞錢」 =200蚊（即係每20里=1蚊）
每日兌換上限:30,000里 = 75,000「易賞錢」

配合用途1同用途2，就可以黎一招回光返照將D就過期既Asia Miles再續三年命：4,000里= 10,000 「易賞錢」=2500里（變相會discount佐37.5%）
抵唔抵就見人見智啦，不過就叫做好過睇住D里數過期囉！定係拎黎換錢算？大家就要自己諗下自己想要乜啦！

仲有另外一招，就係移魂大法，可以將其他人既易賞錢積分或者里數轉落去自己個里數戶口到
4,000里= 10,000 「易賞錢」=2500里（變相會discount佐37.5%）

– 由於asia miles同易賞錢戶口係可以互換既，最重要係唔使跟名，所以中間透過易賞錢戶口，就可以將其他人既里數以一個63折既方式轉落自己到啦！唔單止係里數, 連其他人既渣打360度積分都可以透過易賞錢戶口轉晒落同一個asia miles account到架

– 閣下必須預先登記，將您的「易賞錢」賬戶連結至「亞洲萬里通」會員號碼，方可進行兌換。您的「易賞錢」賬戶只可連結至一個「亞洲萬里通」賬戶，反之亦然。由於每次只能夠1對1咁連埋一齊既關係, 想將其他戶口既分換落同一個asia miles account既話，就要先取消原本個連結，再連落新個到先得架！

用法３：用積分找數，相等於換錢
500分 = $10 （即係洗250蚊就有1蚊，即係0.4回贈，同普遍既credit card一樣)

注意：
1. 獎賞積分之有效期為2年，積分不可轉往其他戶口。若您連續12個月沒有使用「易賞錢」卡，該戶口將被自動取消，而所累積之分數亦會自動報銷。

2. 1套「易賞錢」卡已包括1張主卡和3張迷你卡，你可與其他家庭成員共用主卡或迷你卡，以便於同一戶口累積分數，儲分方法靈活方便。 即係話可以將成家戶口谷晒落同一個account到！

總結：
易賞錢計劃唔係一個好好儲里數既計劃，只不過係一樣extra既野去幫你儲里數，因為你去百佳個Ｄ買野除佐可以賺credit card本身賺到o個個里數之外，仲可以賺埋易賞錢個里數喎！係咪好抵先？而比較有用既用途包括：
1. 將易賞錢賺里數（岩我地呢Ｄ里數控呀）
2. 將里數轉做易賞錢再換錢（呢個方法適合D得好少里數但係又唔想蝕佐佢既人士)
3. 回光返照大法（呢個方法岩D好多儲里數去旅行但係D里數又就黎過期但又唔想換錢既人)
4. 移魂大法（呢個方法就可以將其他人既里數以一個打63折既方式轉落自己到)
4. 將易賞錢換錢（岩Ｄ想要錢既人）

希望呢個post幫到大家^^