【日本大阪華爾道夫酒店 Waldorf Astoria Osaka 住宿報告】大阪4月全新開幕酒店！華爾道夫品牌 + Andre Fu 設計 + 轉角套房特大床 + 泳池、Gym、Spa、Library + 早餐

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

大阪今年有世博，所以多咗勁多新酒店住，而其中一個最被人注意既就係Hilton希爾頓集團，喺日本首間頂級奢華品牌華爾道夫酒店 Waldorf Astoria啦！喺今年4月就正式開幕！因為4月係我生日所以我就豪咗一次去住@__@ 其實又唔係話好豪，你睇落去就知點用積分換了haha

華爾道夫品牌

華爾道夫呢個牌子你一定唔陌生！因為佢係Hilton 希爾頓集團裡面最頂級、最奢華既品牌！而且你行到入去日本大阪華爾道夫酒店 Waldorf Astoria Osaka ，你應該仲會覺得乜事咁似曾相識！因為佢係由國際知名建築與室內設計師傅厚民 Andre Fu 操刀，佢仲要係香港設計師嚟！喺香港嘅 Hong Kong St Regis / K11 ARTUS / Upper House / Kerry Hotel 都係由佢設計架！仲有東京香格里拉酒店、曼谷華爾道夫酒店、京都三井豪華精選酒店等等都係佢設計既！

至於Andre Fu既設計風格，我會形容佢係一種低調奢華既木系風格，佢唔會用好多金色令成個設計好土豪，反而係有一種modern 同沉實既味道！近年我覺得佢既作品用色有再光猛少少同shape醒咗，所以你一行到入間酒店就會有種好舒服既感覺！

位置及環境

華爾道夫大阪酒店就喺正大阪新地標Grand Green Osaka嘅南館28至38層！除咗勁近梅田站，可以一架車就去到關西空港外，去任何地方既交通都好方便！而且又有商場行！正！由於酒店喺極高樓層，所以可以望到成個大阪灣，又配以城市景致，有種鬧中帶靜既感覺！而佢最靚既地方就係佢個酒吧！無論係朝早同夜晚個景都有佢吸引既地方！

轉角套房特大床

今次我係用Hilton積分 + Diamond身份入住，未入住前已經喺個app到見到已經upgrade咗做套房！其實都比較surprised，因為宜家Hilton都幾難upgrade的！我估係因為酒店新開張既原因？ (笑) 轉角套房特大床會有一個廳，2個廁所，有浴廁同一個勁靚既轉角睡房！備品係Aesop！風筒係用Dyson！個轉角睡房勁靚！但反而我奇怪點解佢個景咁靚但個廁所都要係無景的，可能因為驚私隱問題吧！所以間房除咗個轉角view外，其他野就係André Fu平時既設計了！尤其係個sofa位，攤喺到訓到睇電視同望風景勁舒服，André Fu應該都係一個好識享受生活既人啊！

泳池、Gym、Spa、Library

佢既室內池有成20米！而且Gym都好大好夠做！唔使特登去247！Spa方面，就算你唔俾錢，你都可以用佢個Jacuzzi/濕蒸同乾蒸等等！完全免費！Waldorf雖然就無Lounge，但係佢都有個Library俾你喺到休息，都有啲咖啡茶俾你飲返咁！

早餐

呢個早餐絕對係回本之選！因為單買已經要5,500yen！係採半自助形式，semi-buffet + order野食，不過order野食方面選擇唔係好多，主要係egg section 啲嘢同埋日式便當咁！個人都喺日本我地就無特登叫個Japanese Set食，反而就每日試佢啲Waffle、Avocado Toast同啲奄列！雖然細細份咁，但味道十分好！但問過職員話每人只可以叫一份，因為我細食，所以我都唔知實際操作可唔可以叫多份了hahaha

AE白金卡 (細頭)

Hilton Honors希爾頓酒店常客會員計劃玩法詳解及優惠

Fine Hotels＆Resorts FHR 豪華酒店及度假村計劃

日本大阪華爾道夫酒店 AE白金卡禮遇

如果要住奢華酒店，建議大家可以睇下AE白金卡有無著數！尤其係住集團酒店！

用Hilton希爾頓積分兌換，咁就唔使用成萬蚊HKD入住：大阪Waldorf一晚就要用100,000 Hilton分，如果用AE積分轉Hilton分再兌換，就即係需要640,000分！計返640,000分以Pay with Points 300:1計算，大約就係HK$2,133左右就住到！而且係唔使額外俾稅同服務費，係非常抵！
有免費Hilton金卡會籍：只要持有AE白金卡，就可以直接註冊做Hilton金卡！就已經有Room Upgrade、免費早餐、early check in 同late check out！所以係非常抵！仲可以參加快速升Diamond既Challenge，如果係Diamond鑽石卡入住每晚每人仲可以去酒吧Peacock Alley飲杯野
AE FHR：呢個要比較一下價錢！用AE FHR預訂，除咗會有晒Hilton金卡的福利外，仲會有多100USD俾你用！另外宜家大阪WA都做緊住3晚送1晚優惠，即係住3晚只係俾2晚錢！所以計返都有機會係抵架！

住3晚送1晚優惠仲包括以下酒店：東京文華東方酒店、曼谷嘉佩樂酒店、深圳文華東方酒店、峇里島烏瑪納LXR 酒店及度假村啊！