必讀！Asia Miles 各類機票最佳兌換出票方法建議及Asia Miles Waitlist教學！

24 Jan 2020 最新消息！用Oneworld聯盟航空公司成員的里數兌換芬蘭航空的商務艙，包括用Asia Miles/Avios換，就只能夠兌換60天內出發機票！

好消息！由2019年12月19日起，Asia Miles 喺網上兌換既航空夥伴額外新增3個航空，包括LATAM、馬來西亞航空、S7航空，一共14間航空公司可以喺網上兌換啦！睇見Asia Miles個系統愈黎愈進步，真係都幾方便大家呀！

雖然呢3間Airline 就有少少冷門，但開放咗網上兌換其實都方便幾多！起碼唔使再去BA或Qantas個網睇下Partner Airline有無位啦！查閱mileage-awards-routing大教學：flyformiles.hk/3256

LATAM：主要就係飛南美洲啦！換既多數都係南美洲既內陸機，至於最抵換當然就係去復活節島啦 (LATAM 787商務艙報告)！雖然LATAM喺黎緊3月就會正式離開Oneworld，但都有講明話會同美國航空同BA保持友好關係，相信到時應該都可以用Asia Miles繼續換LATAM啦！

馬來西亞航空：呢個就有啲尷尬，始終都唔係好敢坐！但其實馬航個串燒係係幾好食架！同埋吉隆坡都可以做到假單程，去Auckland玩就可以慳返啲里數啦！不過認真其實馬航買business都唔貴架 sosad

S7航空：呢隻反而係我最想坐既航空公司！始終未試過嘛！俄羅斯又多靚女係咪先！佢仲要每星期都有香港來回海參崴既直航，真係可以去做個西伯利亞人呀！不過班機就係用A320NEO飛，Business都係得8個位既Regional Business，唔好坐之餘又少位換啦 ><

之前同大家講過Asia Miles就關咗機場個counter，但原來佢係shift咗啲人手去整個網上真人即時對話系統，等大家可以online chat咁直接換機票呀！終於再唔使開住個speaker打去hotline咁慢慢出機票，然後用部手機或開住個電腦慢慢等就可以啦！而且online chat出票亦彌補到網上出飛既不足之處，包括混艙、oneworld multi carrier、非Asia Miles主流航空公司等等都可以透過online chat去出！再加上白紙黑紙有晒record又唔使驚自己電話上溝通唔到！又即時答到你需要幾多miles同稅項係幾多等等！

今次呢個post除咗有一個網上真人即時對話系統既出票示範外，仲要講晒以下各種類機票既最佳出票方法建議：
1. 基本點對點單程
2. 混合艙位
3. free one way
4. 假單程
5. 「寰宇一家」聯盟成員獎勵機票

點解咁都要建議？因為除咗係方便啲之外，最重要係online出票的話係計網上簽賬，所以係可以儲多啲分架！例如用渣打亞洲萬里通萬事達卡就有$4/里啦！另外有fans仲提供咗一個就算用online chat出票都好，都可以用到online payment既方法，大家都不妨撳入黎研究下得唔得呀！

btw就算係online chat，都記得係要揀英文，咁樣都係會快中文好多架！

原來好多人都唔知Asia Miles Waitlist係乜東東黎～雖然我個人黎講都覺得個waitlist無乜用成功率好低，但起碼都要知點wait啊！始終都係免費，wait下都無壞既！

唔想問返下下online chat個行程要幾多里既，不妨用我獨家整既里數計算機計一計呀：flyformiles.hk/new-am-calculator

Asia Miles最新網上真人即時對話出票方法 介紹

於Asia miles 網址登入後，喺右下角就會見到一個對話符號，撳出黎再輸入名、email同問題，就可以展開即時對話：

即時對話會同時顯示等待既人數，等你有個心理準備！

當你問完你想要既itinerary 後，CS就會即時答你有無位，所需里數係幾多同稅項係幾多。

到你confirm出票後，佢就會同你對資料，例如名、email、電話等等，然後就可以即時同你create 個booking。如果你個booking係簡單既純點對點單程的話，就可以入返你既”manage booking”到直接online出票，賺取網上簽賬優惠！

如果唔係，你就需要留個電話俾職員，等職員另外打俾你拎你credit card資料出票！

結論：一般你用得online chat出票既，就會係用黎出啲喺Asia Miles個網上系統出唔到既飛，例如混艙、oneworld multi carrier、非Asia Miles主流航空公司 (例如曼谷航空) 等等，所以用呢個方法出飛多數就食唔到個網上簽賬了！但始終你唔使打去出票都方便好多呀！

但有一個神奇既方法就算係混艙都可以做到網上付款，就係首先你兩程機都撳咗econ先，去到臨尾俾錢個頁，再online chat CS話你想出混艙，然後CS就會搵到你宜家撳緊個套飛直接幫你改咗其中一程佢，跟住你就可以入返”manage my booking”到”pay online”賺渣打個4蚊一里！方法有啲複雜，唔知係咪唔次次都得，但既然online chat咁方便都不妨一試呀！

Asia Miles 各類機票最佳兌換出票方法建議及Asia Miles Waitlist教學

兌換方式

要兌換Asia Miles機票，一共有4個方法！

1. 直接致電 +852 2747 3838 兌換
2. 透過Asia Miles 網上兌換系統
3. 透過Asia Miles網頁遞交兌換表格：https://www.asiamiles.com/zh/redeem-awards/flight-awards/flight-award-request.html
4. 透過Asia Miles最新網上真人即時對話出票

結論：首先係用Asia Miles 網上兌換系統，因為最方便又唔使麻煩人，又可以喺網上俾錢，賺埋網上簽賬優惠，例如用渣打亞洲萬里通萬事達卡就有$4/里，但始終唔係樣樣野都可以網上糸統做到，所以做唔到時就用Asia Miles最新網上真人即時對話出票吧！

Asia Miles 各類機票最佳兌換出票方法建議及Asia Miles Waitlist教學

兌換出票方法建議

1. 基本點對點單程：最佳方法係自行於Asia Miles 網上兌換系統兌換

所謂基本的點對點單程，就即係就咁香港-東京，或者回程openjaw大阪-香港，可以兌換既方法包括：
1. 直接致電 +852 2747 3838 兌換
2. 透過Asia Miles 網上兌換系統 (推介)
3. 透過Asia Miles網頁遞交遞換表格
4. 透過Asia Miles最新網上真人即時對話出票

即係話你點都換到，所以最佳方法係自行於Asia Miles 網上兌換系統兌換，唔使麻煩人，又可以喺網上俾錢，賺埋網上簽賬優惠！

但注意呢個方法只限兌換以下航空公司：

• 國泰航空
• 國泰港龍航空
• 英國航空
• 芬蘭航空 (兌換商務艙只能夠兌換60天內出發既機票)
• 西班牙國家航空 (只能兌換來回機票不能兌換單程)
• 日本航空 (只能兌換353日內出發的機票)
• 澳洲航空
• 卡塔爾航空
• 皇家約旦航空
• 斯里蘭卡航空
• 阿拉斯加航空
• LATAM (2019年12月19日新增)
• 馬來西亞航空 (2019年12月19日新增)
• S7航空 (2019年12月19日新增)

如果係其他航空公司，就需要用其他方法去兌換。

2. 混合艙位：最佳方法係自行於Asia Miles最新網上真人即時對話出票

所謂既混合艙位即係，
香港-台北 (Econ)
台北-東京 (Business)，可以兌換既方法包括：
1. 直接致電 +852 2747 3838 兌換
2. 透過Asia Miles 網上兌換系統
3. 透過Asia Miles網頁遞交兌換表格 (推介)
4. 透過Asia Miles最新網上真人即時對話出票

即係話混艙係唔可以透過Asia Miles 網上兌換系統，而唔想打電話打十世都無人聽，或者唔知於網頁遞交完兌換表格唔知等耐，最好就直接透過Asia Miles最新網上真人即時對話，可以即時出票！

但有一個神奇既方法就算係混艙都可以做到網上付款，就係首先你兩程機都撳咗econ先，去到臨尾俾錢個頁，再online chat CS話你想出混艙，然後CS就會搵到你宜家撳緊個套飛直接幫你改咗其中一程佢，跟住你就可以入返”manage my booking”到”pay online”賺渣打個4蚊一里！方法有啲複雜，唔知係咪唔次次都得，但既然online chat咁方便都不妨一試呀！

3. free one way：最佳方法係自行於Asia Miles 網上兌換系統 兌換 (如包括混艙則需於Asia Miles最新網上真人即時對話出票)

所謂free one way即係用盡一個單程容許一個stopover既及用盡一個單程容許兌換既最大距離，令到用同樣既里數就可以去2個地方，例如：
台北-香港
香港-東京  都係10,000里！

可以兌換既方法包括：
1. 直接致電 +852 2747 3838 兌換
2. 透過Asia Miles 網上兌換系統 (推介，但不適用於混艙)
3. 透過Asia Miles網頁遞交兌換表格 (如混艙就推介)
4. 透過Asia Miles最新網上真人即時對話出票

最佳方法係自行於Asia Miles 網上兌換系統兌換，唔使麻煩人，又可以喺網上俾錢，賺埋網上簽賬優惠！但如果包括混艙的話，最好就直接透過Asia Miles最新網上真人即時對話，可以即時計到要幾多里同稅之餘，又係即時出票！

4. 假單程：最佳方法係自行於Asia Miles 網上兌換系統 兌換 (如包括混艙則需於Asia Miles最新網上真人即時對話出票)

所謂假單程就係用盡一個單程容許一個stopover既及用盡7,500+ zone既無限兌換距離，就將一個單程飛到離香港最遠既地方，再由離香港最遠既地方飛返番去離香港最近既地方當回程，或調返轉，製造一個假單程！

例如：
香港-倫敦
倫敦-東京  商務都係90,000里！

可以兌換既方法包括：
1. 直接致電 +852 2747 3838 兌換
2. 透過Asia Miles 網上兌換系統 (推介，但不適用於混艙)
3. 透過Asia Miles網頁遞交兌換表格 (如混艙就推介)
4. 透過Asia Miles最新網上真人即時對話出票

最佳方法係自行於Asia Miles 網上兌換系統兌換，唔使麻煩人，又可以喺網上俾錢，賺埋網上簽賬優惠！但如果包括混艙的話，最好就直接透過Asia Miles最新網上真人即時對話，可以即時計到要幾多里同稅之餘，又係即時出票！

5. 「寰宇一家」聯盟成員獎勵機票：最佳方法係於於Asia Miles最新網上真人即時對話出票

所謂「寰宇一家」聯盟成員獎勵機票就係：

兩家「寰宇一家」聯盟航空公司，其中並不包括國泰航空 / 國泰港龍航空 或
同一旅程中包括三家或以上「寰宇一家」聯盟航空公司，其中一家必須為國泰航空 /國泰港龍航空

例如：

香港-東京 (日本航空) 停留1
東京-香港 (國泰航空) 停留2
香港-曼谷 (皇家約旦航空) 停留3
曼谷-香港 (國泰航空) 停留4
香港-高雄 (港龍航空) 開口1
台中-香港 (港龍航空) 停留5
香港-高雄 (港龍航空) 開口2
台中-香港 (港龍航空)

可以兌換既方法包括：
1. 直接致電 +852 2747 3838 兌換
2. 透過Asia Miles 網上兌換系統 
3. 透過Asia Miles網頁遞交兌換表格 (推介)
4. 透過Asia Miles最新網上真人即時對話出票

唔想打電話打十世都無人聽，或者唔知於網頁遞交完兌換表格唔知等耐，最好就直接透過Asia Miles最新網上真人即時對話，可以即時出票！

Asia Miles最新網上真人即時對話出票方法 其他功能

另外呢個即時對話出票方法其實亦適用於改機票，即係話以後都唔使打去個hotline到改機票啦！

Asia Miles Waitlist 教學

1. 咩係Waitlist (候補機位)

Asia Miles Waitlist 候補機位即係當航班沒有確認機位 (confirmed seat) 既時候，就有機會容許你排候Waitlist 候補機位，當有人放棄機位或航空公司決定放更多機位出黎個陣，就會confirm你既waitlist 候補機位。

2. Asia Miles Waitlist 注意事項

• Asia Miles只限提供國泰或國泰港龍航空waitlist 候補機位，其他夥伴航空，例如日航JAL、英航BA等等，係唔可以排Waitlist
• 排Asia Miles Waitlist 候補機位因為機位仲未確認，所以係唔會收取任何里數及稅項燃油附加費，直至有位confirm你機位出票為止
• 每一個Asia Miles Waitlist 候補機位都會有一個期限deadline，大約係出發既2個星期前，直到deadline前都未有機位的話，Waitlist會自動取消

3. Asia Miles Waitlist 出票方法

同普通出票一樣，可透過以下3個方法

1. 直接致電 +852 2747 3838 兌換
2. 透過Asia Miles 網上兌換系統
3. 透過Asia Miles最新網上真人即時對話出票

提交waitlist 候補機位申請。

注意就算係waitlist 候補機位，都會有機票reference number。

4. Asia Miles Waitlist 上限

每位會員最多可以喺同一個booking reference 裡面waitlist 1班機，如果係Marco Polo 綠卡會員，就可以於同一個booking reference 裡面waitlist 3班機，即係話，如果waitlist機位係喺唔同booking reference 既，就可以無限waitlist，你wait晒全日既台北機都得。

但於2020年4月1日後，每位會員無論你係Marco Polo 咩野級別會員都好，無論你係同一個booking reference或分開都好，合共都只能夠wait 10班機。

4. Asia Miles Waitlist 成功率

除非係有人放棄原有機位，或航班實在太多位賣剩，否則waitlist都好難成功有位，所以真係唔會抱咁大期望。

5. Asia Miles Waitlist 成功後出票方法

當真係咁好彩有confirm機位既時候，你會同時收到SMS、email同電話，你可以透過網上confirm機位俾錢出票，或者Asia Miles打俾你個陣，你電話出票都得！